භජ ගෝවිංදම් (මෝහ මුද්ගරම්)

bhaja govindam moha mudagaram in sinhala

භජ ගෝවිංදං භජ ගෝවිංදං
ගෝවිංදං භජ මූඪමතේ ।

සංප්රාප්තේ සන්නිහිතේ කාලේ
නහි නහි රක්ෂති ඩුකෘංකරණේ ॥ 1 ॥
භජ ගෝවිංදං භජ ගෝවිංදං …

මූඪ ජහීහි ධනාගමතෘෂ්ණාං
කුරු සද්බුද්ධිං මනසි විතෘෂ්ණාම් ।
යල්ලභසේ නිජකර්මෝපාත්තං
විත්තං තේන විනෝදය චිත්තම් ॥ 2 ॥
භජ ගෝවිංදං භජ ගෝවිංදං …

නාරීස්තනභර-නාභීදේශං
දෘෂ්ට්වා මා ගා මෝහාවේශම් ।
ඒතන්මාංසවසාදිවිකාරං
මනසි විචිංතය වාරං වාරම් ॥ 3 ॥
භජ ගෝවිංදං භජ ගෝවිංදං …

නලිනීදල-ගතජලමතිතරලං
තද්වජ්ජීවිතමතිශය-චපලම් ।
විද්ධි ව්යාධ්යභිමානග්රස්තං
ලෝකං ශෝකහතං ච සමස්තම් ॥ 4 ॥
භජ ගෝවිංදං භජ ගෝවිංදං …

යාවද්විත්තෝපාර්ජනසක්තඃ
තාවන්නිජපරිවාරෝ රක්තඃ ।
පශ්චාජ්ජීවති ජර්ජරදේහේ
වාර්තාං කෝऽපි න පෘච්ඡති ගේහේ ॥ 5 ॥
භජ ගෝවිංදං භජ ගෝවිංදං …

යාවත්පවනෝ නිවසති දේහේ
තාවත්පෘච්ඡති කුශලං ගේහේ ।
ගතවති වායෞ දේහාපායේ
භාර්යා බිභ්යති තස්මින්කායේ ॥ 6 ॥
භජ ගෝවිංදං භජ ගෝවිංදං …

බාලස්තාවත්ක්රීඩාසක්තඃ
තරුණස්තාවත්තරුණීසක්තඃ ।
වෘද්ධස්තාවච්චිංතාසක්තඃ
පරමේ බ්රහ්මණි කෝऽපි න සක්තඃ ॥ 7 ॥
භජ ගෝවිංදං භජ ගෝවිංදං …

කා තේ කාංතා කස්තේ පුත්රඃ
සංසාරෝऽයමතීව විචිත්රඃ ।
කස්ය ත්වං කඃ කුත ආයාතඃ
තත්ත්වං චිංතය තදිහ භ්රාතඃ ॥ 8 ॥
භජ ගෝවිංදං භජ ගෝවිංදං …

සත්සංගත්වේ නිස්සංගත්වං
නිස්සංගත්වේ නිර්මෝහත්වම් ।
නිර්මෝහත්වේ නිශ්චලතත්ත්වං
නිශ්චලතත්ත්වේ ජීවන්මුක්තිඃ ॥ 9 ॥
භජ ගෝවිංදං භජ ගෝවිංදං …

වයසි ගතේ කඃ කාමවිකාරඃ
ශුෂ්කේ නීරේ කඃ කාසාරඃ ।
ක්ෂීණේ විත්තේ කඃ පරිවාරඃ
ජ්ඤාතේ තත්ත්වේ කඃ සංසාරඃ ॥ 10 ॥
භජ ගෝවිංදං භජ ගෝවිංදං …

මා කුරු ධන-ජන-යෞවන-ගර්වං
හරති නිමේෂාත්කාලඃ සර්වම් ।
මායාමයමිදමඛිලං හිත්වා
බ්රහ්මපදං ත්වං ප්රවිශ විදිත්වා ॥ 11 ॥
භජ ගෝවිංදං භජ ගෝවිංදං …

දිනයාමින්යෞ සායං ප්රාතඃ
ශිශිරවසංතෞ පුනරායාතඃ ।
කාලඃ ක්රීඩති ගච්ඡත්යායුඃ
තදපි න මුංචත්යාශාවායුඃ ॥ 12 ॥
භජ ගෝවිංදං භජ ගෝවිංදං …

කා තේ කාංතා ධනගතචිංතා
වාතුල කිං තව නාස්ති නියංතා ।
ත්රිජගති සජ්ජනසංගතිරේකා
භවති භවාර්ණවතරණේ නෞකා ॥ 13 ॥
භජ ගෝවිංදං භජ ගෝවිංදං …

ද්වාදශ-මංජරිකාභිරශේෂඃ
කථිතෝ වෛයාකරණස්යෛෂඃ ।
උපදේශෝऽභූද්විද්යා-නිපුණෛඃ
ශ්රීමච්ඡංකර-භගවච්ඡරණෛඃ ॥ 14 ॥
භජ ගෝවිංදං භජ ගෝවිංදං …

ජටිලෝ මුංඩී ලුංඡිතකේශඃ
කාෂායාංබර-බහුකෘතවේෂඃ ।
පශ්යන්නපි ච න පශ්යති මූඪඃ
උදරනිමිත්තං බහුකෘතවේෂඃ ॥ 15 ॥
භජ ගෝවිංදං භජ ගෝවිංදං …

අංගං ගලිතං පලිතං මුංඩං
දශනවිහීනං ජාතං තුංඩම් ।
වෘද්ධෝ යාති ගෘහීත්වා දංඩං
තදපි න මුංචත්යාශාපිංඩම් ॥ 16 ॥
භජ ගෝවිංදං භජ ගෝවිංදං …

අග්රේ වහ්නිඃ පෘෂ්ඨේ භානුඃ
රාත්රෞ චුබුක-සමර්පිත-ජානුඃ ।
කරතල-භික්ෂස්තරුතලවාසඃ
තදපි න මුංචත්යාශාපාශඃ ॥ 17 ॥
භජ ගෝවිංදං භජ ගෝවිංදං …

කුරුතේ ගංගාසාගරගමනං
ව්රත-පරිපාලනමථවා දානම් ।
ජ්ඤානවිහීනඃ සර්වමතේන
භජති න මුක්තිං ජන්මශතේන ॥ 18 ॥
භජ ගෝවිංදං භජ ගෝවිංදං …

සුරමංදිර-තරු-මූල-නිවාසඃ
ශය්යා භූතලමජිනං වාසඃ ।
සර්ව-පරිග්රහ-භෝගත්යාගඃ
කස්ය සුඛං න කරෝති විරාගඃ ॥ 19 ॥
භජ ගෝවිංදං භජ ගෝවිංදං …

යෝගරතෝ වා භෝගරතෝ වා
සංගරතෝ වා සංගවිහීනඃ ।
යස්ය බ්රහ්මණි රමතේ චිත්තං
නංදති නංදති නංදත්යේව ॥ 20 ॥
භජ ගෝවිංදං භජ ගෝවිංදං …

භගවද්ගීතා කිංචිදධීතා
ගංගාජල-ලවකණිකා පීතා ।
සකෘදපි යේන මුරාරිසමර්චා
ක්රියතේ තස්ය යමේන න චර්චා ॥ 21 ॥
භජ ගෝවිංදං භජ ගෝවිංදං …

පුනරපි ජනනං පුනරපි මරණං
පුනරපි ජනනීජඨරේ ශයනම් ।
ඉහ සංසාරේ බහුදුස්තාරේ
කෘපයාऽපාරේ පාහි මුරාරේ ॥ 22 ॥
භජ ගෝවිංදං භජ ගෝවිංදං …

රථ්යාචර්පට-විරචිත-කංථඃ
පුණ්යාපුණ්ය-විවර්ජිත-පංථඃ ।
යෝගී යෝගනියෝජිත-චිත්තඃ
රමතේ බාලෝන්මත්තවදේව ॥ 23 ॥
භජ ගෝවිංදං භජ ගෝවිංදං …

කස්ත්වං කෝऽහං කුත ආයාතඃ
කා මේ ජනනී කෝ මේ තාතඃ ।
ඉති පරිභාවය සර්වමසාරං
විශ්වං ත්යක්ත්වා ස්වප්නවිචාරම් ॥ 24 ॥
භජ ගෝවිංදං භජ ගෝවිංදං …

ත්වයි මයි චාන්යත්රෛකෝ විෂ්ණුඃ
ව්යර්ථං කුප්යසි මය්යසහිෂ්ණුඃ ।
භව සමචිත්තඃ සර්වත්ර ත්වං
වාංඡස්යචිරාද්යදි විෂ්ණුත්වම් ॥ 25 ॥
භජ ගෝවිංදං භජ ගෝවිංදං …

ශත්රෞ මිත්රේ පුත්රේ බංධෞ
මා කුරු යත්නං විග්රහසංධෞ ।
සර්වස්මින්නපි පශ්යාත්මානං
සර්වත්රෝත්සෘජ භේදාජ්ඤානම් ॥ 26 ॥
භජ ගෝවිංදං භජ ගෝවිංදං …

කාමං ක්රෝධං ලෝභං මෝහං
ත්යක්ත්වාऽऽත්මානං පශ්යති සෝऽහම් ।
ආත්මජ්ඤානවිහීනා මූඪාඃ
තේ පච්යංතේ නරකනිගූඪාඃ ॥ 27 ॥
භජ ගෝවිංදං භජ ගෝවිංදං …

ගේයං ගීතා-නාමසහස්රං
ධ්යේයං ශ්රීපති-රූපමජස්රම් ।
නේයං සජ්ජන-සංගේ චිත්තං
දේයං දීනජනාය ච විත්තම් ॥ 28 ॥
භජ ගෝවිංදං භජ ගෝවිංදං …

සුඛතඃ ක්රියතේ කාමාභෝගඃ
පශ්චාදංත ශරීරේ රෝගඃ ।
යද්යපි ලෝකේ මරණං ශරණං
තදපි න මුංචති පාපාචරණම් ॥ 29 ॥
භජ ගෝවිංදං භජ ගෝවිංදං …

අර්ථමනර්ථං භාවය නිත්යං
නාස්තිතතඃ සුඛලේශඃ සත්යම් ।
පුත්රාදපි ධනභාජාං භීතිඃ
සර්වත්රෛෂා විහිතා රීතිඃ ॥ 30 ॥
භජ ගෝවිංදං භජ ගෝවිංදං …

ප්රාණායාමං ප්රත්යාහාරං
නිත්යානිත්ය විවේකවිචාරම් ।
ජාප්යසමේතසමාධිවිධානං
කුර්වවධානං මහදවධානම් ॥ 31 ॥
භජ ගෝවිංදං භජ ගෝවිංදං …

ගුරුචරණාංබුජ-නිර්භරභක්තඃ
සංසාරාදචිරාද්භව මුක්තඃ ।
සේංද්රියමානස-නියමාදේවං
ද්රක්ෂ්යසි නිජහෘදයස්ථං දේවම් ॥ 32 ॥
භජ ගෝවිංදං භජ ගෝවිංදං …

මූඪඃ කශ්චන වෛයාකරණෝ
ඩුඃකෘංකරණාධ්යයනධුරීණඃ ।
ශ්රීමච්ඡංකර-භගවච්ඡිෂ්යෛඃ
බෝධිත ආසීච්ඡෝධිත-කරණඃ ॥ 33 ॥
භජ ගෝවිංදං භජ ගෝවිංදං …

භජ ගෝවිංදං භජ ගෝවිංදං
ගෝවිංදං භජ මූඪමතේ ।
නාමස්මරණාදන්යමුපායං
නහි පශ්යාමෝ භවතරණේ ॥ 34 ॥
භජ ගෝවිංදං භජ ගෝවිංදං …

bhaja govindam moha mudagaram in sinhala