ශ්රීමද්භගවද්ගීතා පාරායණ – පංචදශෝऽධ්යායඃ

bhagavadgita parayana chapter 15 in sinhala

ඕං ශ්රී පරමාත්මනේ නමඃ
අථ පංචදශෝऽධ්යායඃ
පුරුෂෝත්තමප්රාප්තියෝගඃ

ශ්රී භගවානුවාච
ඌර්ධ්වමූලමධඃශාඛම් අශ්වත්ථං ප්රාහුරව්යයම් ।
ඡංදාංසි යස්ය පර්ණානි යස්තං වේද ස වේදවිත් ॥1॥

අධශ්චෝර්ධ්වං ප්රසෘතාස්තස්ය ශාඛාඃ ගුණප්රවෘද්ධා විෂයප්රවාලාඃ ।
අධශ්ච මූලාන්යනුසංතතානි කර්මානුබංධීනි මනුෂ්යලෝකේ ॥2॥

න රූපමස්යේහ තථෝපලභ්යතේ නාංතෝ න චාදිර්න ච සංප්රතිෂ්ඨා ।
අශ්වත්ථමේනං සුවිරූඪමූලම් අසංගශස්ත්රේණ දෘඪේන ඡිත්ත්වා ॥3॥

තතඃ පදං තත්පරිමාර්ගිතව්යං යස්මින්ගතා න නිවර්තංති භූයඃ ।
තමේව චාද්යං පුරුෂං ප්රපද්යේ යතඃ ප්රවෘත්තිඃ ප්රසෘතා පුරාණී ॥4॥

නිර්මානමෝහා ජිතසංගදෝෂාඃ අධ්යාත්මනිත්යා විනිවෘත්තකාමාඃ ।
ද්වංද්වෛර්විමුක්තාඃ සුඛදුඃඛ සංජ්ඤෛඃ ගච්ඡංත්යමූඪාඃ පදමව්යයං තත් ॥5॥

න තද්භාසයතේ සූර්යඃ න ශශාංකෝ න පාවකඃ ।
යද්ගත්වා න නිවර්තංතේ තද්ධාම පරමං මම ॥6॥

මමෛවාංශෝ ජීවලෝකේ ජීවභූතඃ සනාතනඃ ।
මනඃ ෂෂ්ඨානීංද්රියාණි ප්රකෘතිස්ථානි කර්ෂති ॥7॥

ශරීරං යදවාප්නෝති යච්චාප්යුත්ක්රාමතීශ්වරඃ ।
ගෘහීත්වෛතානි සංයාති වායුර්ගංධානිවාශයාත් ॥8॥

ශ්රෝත්රං චක්ෂුඃ ස්පර්ශනං ච රසනං ඝ්රාණමේව ච ।
අධිෂ්ඨාය මනශ්චායං විෂයානුපසේවතේ ॥9॥

උත්ක්රාමංතං ස්ථිතං වාऽපි භුංජානං වා ගුණාන්විතම් ।
විමූඪා නානුපශ්යංති පශ්යංති ජ්ඤානචක්ෂුෂඃ ॥10॥

යතංතෝ යෝගිනශ්චෛනං පශ්යංත්යාත්මන්යවස්ථිතම් ।
යතංතෝ ऽප්යකෘතාත්මානඃ නෛනං පශ්යංත්යචේතසඃ ॥11॥

යදාදිත්යගතං තේජඃ ජගද්භාසයතේऽඛිලම් ।
යච්චංද්රමසි යච්චාග්නෞ තත්තේජෝ විද්ධි මාමකම් ॥12॥

ගාමාවිශ්ය ච භූතානි ධාරයාම්යහමෝජසා ।
පුෂ්ණාමි චෞෂධීඃ සර්වාඃ සෝමෝ භූත්වා රසාත්මකඃ ॥13॥

අහං වෛශ්වානරෝ භූත්වා ප්රාණිනාං දේහමාශ්රිතඃ ।
ප්රාණාපානසමායුක්තඃ පචාම්යන්නං චතුර්විධම් ॥14॥

සර්වස්ය චාහං හෘදි සන්නිවිෂ්ටඃ මත්තඃ ස්මෘතිර්ජ්ඤානමපෝහනං ච ।
වේදෛශ්ච සර්වෛරහමේව වේද්යඃ වේදාංතකෘද්වේදවිදේව චාහම් ॥15॥

ද්වාවිමෞ පුරුෂෞ ලෝකේ ක්ෂරශ්චාක්ෂර ඒව ච ।
ක්ෂරඃ සර්වාණි භූතානි කූටස්ථෝऽක්ෂර උච්යතේ ॥16॥

උත්තමඃ පුරුෂස්ත්වන්යඃ පරමාත්මේත්යුදාහෘතඃ ।
යෝ ලෝකත්රයමාවිශ්ය බිභර්ත්යව්යය ඊශ්වරඃ ॥17॥

යස්මාත්ක්ෂරමතීතෝऽහම් අක්ෂරාදපි චෝත්තමඃ ।
අතෝऽස්මි ලෝකේ වේදේ ච ප්රථිතඃ පුරුෂෝත්තමඃ ॥18॥

යෝ මාමේවමසම්මූඪඃ ජානාති පුරුෂෝත්තමම් ।
ස සර්වවිද්භජති මාං සර්වභාවේන භාරත ॥19॥

ඉති ගුහ්යතමං ශාස්ත්රම් ඉදමුක්තං මයාऽනඝ ।
ඒතද්බුද්ධ්වා බුද්ධිමාන්ස්යාත් කෘතකෘත්යශ්ච භාරත ॥20॥

॥ ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං
යෝගශාස්ත්රේ ශ්රීකෘෂ්ණාර්ජුනසංවාදේ පුරුෂෝත්තමප්රාප්තියෝගෝ නාම පංචදශෝऽධ්යායඃ ॥

bhagavadgita parayana chapter 15 in sinhala