ආදිත්ය හෘදයම්

aditya hrudayam in sinhala

ධ්යානම්
නමස්සවිත්රේ ජගදේක චක්ෂුසේ
ජගත්ප්රසූති ස්ථිති නාශහේතවේ
ත්රයීමයාය ත්රිගුණාත්ම ධාරිණේ
විරිංචි නාරායණ ශංකරාත්මනේ

තතෝ යුද්ධ පරිශ්රාංතං සමරේ චිංතයාස්ථිතම් ।
රාවණං චාග්රතෝ දෘෂ්ට්වා යුද්ධාය සමුපස්ථිතම් ॥ 1 ॥

දෛවතෛශ්ච සමාගම්ය ද්රෂ්ටුමභ්යාගතෝ රණම් ।
උපාගම්යාබ්රවීද්රාමං අගස්ත්යෝ භගවාන් ඍෂිඃ ॥ 2 ॥

රාම රාම මහාබාහෝ ශෘණු ගුහ්යං සනාතනම් ।
යේන සර්වානරීන් වත්ස සමරේ විජයිෂ්යසි ॥ 3 ॥

ආදිත්යහෘදයං පුණ්යං සර්වශත්රු-විනාශනම් ।
ජයාවහං ජපේන්නිත්යං අක්ෂය්යං පරමං ශිවම් ॥ 4 ॥

සර්වමංගළ-මාංගළ්යං සර්වපාප-ප්රණාශනම් ।
චිංතාශෝක-ප්රශමනං ආයුර්වර්ධනමුත්තමම් ॥ 5 ॥

රශ්මිමංතං සමුද්යංතං දේවාසුර නමස්කෘතම් ।
පූජයස්ව විවස්වංතං භාස්කරං භුවනේශ්වරම් ॥ 6 ॥

සර්වදේවාත්මකෝ හ්යේෂ තේජස්වී රශ්මිභාවනඃ ।
ඒෂ දේවාසුර-ගණාන් ලෝකාන් පාති ගභස්තිභිඃ ॥ 7 ॥

ඒෂ බ්රහ්මා ච විෂ්ණුශ්ච ශිවඃ ස්කංදඃ ප්රජාපතිඃ ।
මහේංද්රෝ ධනදඃ කාලෝ යමඃ සෝමෝ හ්යපාං පතිඃ ॥ 8 ॥

පිතරෝ වසවඃ සාධ්යා හ්යශ්විනෞ මරුතෝ මනුඃ ।
වායුර්වහ්නිඃ ප්රජාප්රාණඃ ඍතුකර්තා ප්රභාකරඃ ॥ 9 ॥

ආදිත්යඃ සවිතා සූර්යඃ ඛගඃ පූෂා ගභස්තිමාන් ।
සුවර්ණසදෘශෝ භානුඃ හිරණ්යරේතා දිවාකරඃ ॥ 10 ॥

හරිදශ්වඃ සහස්රාර්චිඃ සප්තසප්ති-ර්මරීචිමාන් ।
තිමිරෝන්මථනඃ ශංභුඃ ත්වෂ්ටා මාර්තාංඩකෝංऽශුමාන් ॥ 11 ॥

හිරණ්යගර්භඃ ශිශිරඃ තපනෝ භාස්කරෝ රවිඃ ।
අග්නිගර්භෝऽදිතේඃ පුත්රඃ ශංඛඃ ශිශිරනාශනඃ ॥ 12 ॥

ව්යෝමනාථ-ස්තමෝභේදී ඍග්යජුඃසාම-පාරගඃ ।
ඝනාවෘෂ්ටිරපාං මිත්රඃ විංධ්යවීථී ප්ලවංගමඃ ॥ 13 ॥

ආතපී මංඩලී මෘත්යුඃ පිංගළඃ සර්වතාපනඃ ।
කවිර්විශ්වෝ මහාතේජා රක්තඃ සර්වභවෝද්භවඃ ॥ 14 ॥

නක්ෂත්ර ග්රහ තාරාණාං අධිපෝ විශ්වභාවනඃ ।
තේජසාමපි තේජස්වී ද්වාදශාත්ම-න්නමෝऽස්තු තේ ॥ 15 ॥

නමඃ පූර්වාය ගිරයේ පශ්චිමායාද්රයේ නමඃ ।
ජ්යෝතිර්ගණානාං පතයේ දිනාධිපතයේ නමඃ ॥ 16 ॥

ජයාය ජයභද්රාය හර්යශ්වාය නමෝ නමඃ ।
නමෝ නමඃ සහස්රාංශෝ ආදිත්යාය නමෝ නමඃ ॥ 17 ॥

නම උග්රාය වීරාය සාරංගාය නමෝ නමඃ ।
නමඃ පද්මප්රබෝධාය මාර්තාංඩාය නමෝ නමඃ ॥ 18 ॥

බ්රහ්මේශානාච්යුතේශාය සූර්යායාදිත්ය-වර්චසේ ।
භාස්වතේ සර්වභක්ෂාය රෞද්රාය වපුෂේ නමඃ ॥ 19 ॥

තමෝඝ්නාය හිමඝ්නාය ශත්රුඝ්නායා මිතාත්මනේ ।
කෘතඝ්නඝ්නාය දේවාය ජ්යෝතිෂාං පතයේ නමඃ ॥ 20 ॥

තප්ත චාමීකරාභාය වහ්නයේ විශ්වකර්මණේ ।
නමස්තමෝऽභි නිඝ්නාය රවයේ ලෝකසාක්ෂිණේ ॥ 21 ॥

නාශයත්යේෂ වෛ භූතං තදේව සෘජති ප්රභුඃ ।
පායත්යේෂ තපත්යේෂ වර්ෂත්යේෂ ගභස්තිභිඃ ॥ 22 ॥

ඒෂ සුප්තේෂු ජාගර්ති භූතේෂු පරිනිෂ්ඨිතඃ ।
ඒෂ ඒවාග්නිහෝත්රං ච ඵලං චෛවාග්නි හෝත්රිණාම් ॥ 23 ॥

වේදාශ්ච ක්රතවශ්චෛව ක්රතූනාං ඵලමේව ච ।
යානි කෘත්යානි ලෝකේෂු සර්ව ඒෂ රවිඃ ප්රභුඃ ॥ 24 ॥

ඵලශ්රුතිඃ

ඒන මාපත්සු කෘච්ඡ්රේෂු කාංතාරේෂු භයේෂු ච ।
කීර්තයන් පුරුෂඃ කශ්චින්නාවශීදති රාඝව ॥ 25 ॥

පූජයස්වෛන මේකාග්රඃ දේවදේවං ජගත්පතිම් ।
ඒතත් ත්රිගුණිතං ජප්ත්වා යුද්ධේෂු විජයිෂ්යසි ॥ 26 ॥

අස්මින් ක්ෂණේ මහාබාහෝ රාවණං ත්වං වධිෂ්යසි ।
ඒවමුක්ත්වා තදාගස්ත්යෝ ජගාම ච යථාගතම් ॥ 27 ॥

ඒතච්ඡ්රුත්වා මහාතේජාඃ නෂ්ටශෝකෝऽභවත්තදා ।
ධාරයාමාස සුප්රීතඃ රාඝවඃ ප්රයතාත්මවාන් ॥ 28 ॥

ආදිත්යං ප්රේක්ෂ්ය ජප්ත්වා තු පරං හර්ෂමවාප්තවාන් ।
ත්රිරාචම්ය ශුචිර්භූත්වා ධනුරාදාය වීර්යවාන් ॥ 29 ॥

රාවණං ප්රේක්ෂ්ය හෘෂ්ටාත්මා යුද්ධාය සමුපාගමත් ।
සර්වයත්නේන මහතා වධේ තස්ය ධෘතෝऽභවත් ॥ 30 ॥

අධ රවිරවදන්නිරීක්ෂ්ය රාමං මුදිතමනාඃ පරමං ප්රහෘෂ්යමාණඃ ।
නිශිචරපති සංක්ෂයං විදිත්වා සුරගණ මධ්යගතෝ වචස්ත්වරේති ॥ 31 ॥

ඉත්යාර්ෂේ ශ්රීමද්රාමායණේ වාල්මිකීයේ ආදිකාව්යේ යුද්ධකාංඩේ පංචාධික ශතතමඃ සර්ගඃ ॥

aditya hrudayam in sinhala