ଶ୍ରୀ ଵିଷ୍ଣୁ ଅଷ୍ଟୋତ୍ତର ଶତନାମ ସ୍ତୋତ୍ରମ୍

sri vishnu ashtottara sata naama stotram in odia

ଅଷ୍ଟୋତ୍ତରଶତଂ ନାମ୍ନାଂ ଵିଷ୍ଣୋରତୁଲତେଜସଃ ।
ୟସ୍ୟ ଶ୍ରଵଣମାତ୍ରେଣ ନରୋ ନାରାୟଣୋ ଭଵେତ୍ ॥ 1 ॥

ଵିଷ୍ଣୁର୍ଜିଷ୍ଣୁର୍ଵଷଟ୍କାରୋ ଦେଵଦେଵୋ ଵୃଷାକପିଃ । [ଵୃଷାପତିଃ]
ଦାମୋଦରୋ ଦୀନବଂଧୁରାଦିଦେଵୋଽଦିତେସ୍ତୁତଃ ॥ 2 ॥

ପୁଂଡରୀକଃ ପରାନଂଦଃ ପରମାତ୍ମା ପରାତ୍ପରଃ ।
ପରଶୁଧାରୀ ଵିଶ୍ଵାତ୍ମା କୃଷ୍ଣଃ କଲିମଲାପହା ॥ 3 ॥

କୌସ୍ତୁଭୋଦ୍ଭାସିତୋରସ୍କୋ ନରୋ ନାରାୟଣୋ ହରିଃ ।
ହରୋ ହରପ୍ରିୟଃ ସ୍ଵାମୀ ଵୈକୁଂଠୋ ଵିଶ୍ଵତୋମୁଖଃ ॥ 4 ॥

ହୃଷୀକେଶୋଽପ୍ରମେୟାତ୍ମା ଵରାହୋ ଧରଣୀଧରଃ ।
ଵାମନୋ ଵେଦଵକ୍ତା ଚ ଵାସୁଦେଵଃ ସନାତନଃ ॥ 5 ॥

ରାମୋ ଵିରାମୋ ଵିରଜୋ ରାଵଣାରୀ ରମାପତିଃ ।
ଵୈକୁଂଠଵାସୀ ଵସୁମାନ୍ ଧନଦୋ ଧରଣୀଧରଃ ॥ 6 ॥

ଧର୍ମେଶୋ ଧରଣୀନାଥୋ ଧ୍ୟେୟୋ ଧର୍ମଭୃତାଂଵରଃ ।
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ॥ 7 ॥

ସର୍ଵଗଃ ସର୍ଵଵିତ୍ସର୍ଵଃ ଶରଣ୍ୟଃ ସାଧୁଵଲ୍ଲଭଃ । [ସର୍ଵଦଃ]
କୌସଲ୍ୟାନଂଦନଃ ଶ୍ରୀମାନ୍ ରାକ୍ଷସଃକୁଲନାଶକଃ ॥ 8 ॥

ଜଗତ୍କର୍ତା ଜଗଦ୍ଧର୍ତା ଜଗଜ୍ଜେତା ଜନାର୍ତିହା ।
ଜାନକୀଵଲ୍ଲଭୋ ଦେଵୋ ଜୟରୂପୋ ଜଲେଶ୍ଵରଃ ॥ 9 ॥

କ୍ଷୀରାବ୍ଧିଵାସୀ କ୍ଷୀରାବ୍ଧିତନୟାଵଲ୍ଲଭସ୍ତଥା ।
ଶେଷଶାୟୀ ପନ୍ନଗାରିଵାହନୋ ଵିଷ୍ଟରଶ୍ରଵଃ ॥ 10 ॥

ମାଧଵୋ ମଥୁରାନାଥୋ ମୁକୁଂଦୋ ମୋହନାଶନଃ ।
ଦୈତ୍ୟାରିଃ ପୁଂଡରୀକାକ୍ଷୋ ହ୍ୟଚ୍ୟୁତୋ ମଧୁସୂଦନଃ ॥ 11 ॥

ସୋମସୂର୍ୟାଗ୍ନିନୟନୋ ନୃସିଂହୋ ଭକ୍ତଵତ୍ସଲଃ ।
ନିତ୍ୟୋ ନିରାମୟଶ୍ଶୁଦ୍ଧୋ ଵରଦେଵୋ ଜଗତ୍ପ୍ରଭୁଃ ॥ 12 ॥ [ନରଦେଵୋ]

ହୟଗ୍ରୀଵୋ ଜିତରିପୁରୁପେଂଦ୍ରୋ ରୁକ୍ମିଣୀପତିଃ ।
ସର୍ଵଦେଵମୟଃ ଶ୍ରୀଶଃ ସର୍ଵାଧାରଃ ସନାତନଃ ॥ 13 ॥

ସୌମ୍ୟଃ ସୌମ୍ୟପ୍ରଦଃ ସ୍ରଷ୍ଟା ଵିଷ୍ଵକ୍ସେନୋ ଜନାର୍ଦନଃ ।
ୟଶୋଦାତନୟୋ ୟୋଗୀ ୟୋଗଶାସ୍ତ୍ରପରାୟଣଃ ॥ 14 ॥

ରୁଦ୍ରାତ୍ମକୋ ରୁଦ୍ରମୂର୍ତିଃ ରାଘଵୋ ମଧୁସୂଧନଃ । [ରୁଦ୍ରସୂଦନଃ]
ଇତି ତେ କଥିତଂ ଦିଵ୍ୟଂ ନାମ୍ନାମଷ୍ଟୋତ୍ତରଂ ଶତମ୍ ॥ 15 ॥

ସର୍ଵପାପହରଂ ପୁଣ୍ୟଂ ଦିଵ୍ୟୋରତୁଲତେଜସଃ ।
ଦୁଃଖଦାରିଦ୍ର୍ୟଦୌର୍ଭାଗ୍ୟନାଶନଂ ସୁଖଵର୍ଧନମ୍ ॥ 16 ॥

ସର୍ଵସଂପତ୍କରଂ ସୌମ୍ୟଂ ମହାପାତକନାଶନମ୍ ।
ପ୍ରାତରୁତ୍ଥାୟ ଵିପେଂଦ୍ର ପଠେଦେକାଗ୍ରମାନସଃ ॥ 17 ॥

ତସ୍ୟ ନଶ୍ୟଂତି ଵିପଦାଂ ରାଶୟଃ ସିଦ୍ଧିମାପ୍ନୁୟାତ୍ ॥ 18 ॥

ଇତି ଶ୍ରୀ ଵିଷ୍ଣୋଃ ଅଷ୍ଟୋତ୍ତରଶତନାମ ସ୍ତୋତ୍ରମ୍ ॥

sri vishnu ashtottara sata naama stotram in odia