ଶ୍ରୀ ସୁବ୍ରହ୍ମଣ୍ୟ ସହସ୍ର ନାମ ସ୍ତୋତ୍ରମ୍

sri subrahmanya sahasra nama stotram in odia

ଋଷୟ ଊଚୁଃ ।
ସର୍ଵଶାସ୍ତ୍ରାର୍ଥତତ୍ତ୍ଵଜ୍ଞ ସର୍ଵଲୋକୋପକାରକ ।
ଵୟଂ ଚାତିଥୟଃ ପ୍ରାପ୍ତା ଆତିଥେୟୋଽସି ସୁଵ୍ରତ ॥ 1 ॥

ଜ୍ଞାନଦାନେନ ସଂସାରସାଗରାତ୍ତାରୟସ୍ଵ ନଃ ।
କଲୌ କଲୁଷଚିତ୍ତା ୟେ ନରାଃ ପାପରତାଃ ସଦା ॥ 2 ॥

କେନ ସ୍ତୋତ୍ରେଣ ମୁଚ୍ୟଂତେ ସର୍ଵପାତକବଂଧନାତ୍ ।
ଇଷ୍ଟସିଦ୍ଧିକରଂ ପୁଣ୍ୟଂ ଦୁଃଖଦାରିଦ୍ର୍ୟନାଶନମ୍ ॥ 3 ॥

ସର୍ଵରୋଗହରଂ ସ୍ତୋତ୍ରଂ ସୂତ ନୋ ଵକ୍ତୁମର୍ହସି ।
ଶ୍ରୀସୂତ ଉଵାଚ ।
ଶୃଣୁଧ୍ଵଂ ଋଷୟଃ ସର୍ଵେ ନୈମିଶାରଣ୍ୟଵାସିନଃ ॥ 4 ॥

ତତ୍ତ୍ଵଜ୍ଞାନତପୋନିଷ୍ଠାଃ ସର୍ଵଶାସ୍ତ୍ରଵିଶାରଦାଃ ।
ସ୍ଵୟଂଭୁଵା ପୁରା ପ୍ରୋକ୍ତଂ ନାରଦାୟ ମହାତ୍ମନେ ॥ 5 ॥

ତଦହଂ ସଂପ୍ରଵକ୍ଷ୍ୟାମି ଶ୍ରୋତୁଂ କୌତୂହଲଂ ୟଦି ।
ଋଷୟ ଊଚୁଃ ।
କିମାହ ଭଗଵାନ୍ବ୍ରହ୍ମା ନାରଦାୟ ମହାତ୍ମନେ ॥ 6 ॥

ସୂତପୁତ୍ର ମହାଭାଗ ଵକ୍ତୁମର୍ହସି ସାଂପ୍ରତମ୍ ।
ଶ୍ରୀସୂତ ଉଵାଚ ।
ଦିଵ୍ୟସିଂହାସନାସୀନଂ ସର୍ଵଦେଵୈରଭିଷ୍ଟୁତମ୍ ॥ 7 ॥

ସାଷ୍ଟାଂଗଂ ପ୍ରଣିପତ୍ୟୈନଂ ବ୍ରହ୍ମାଣଂ ଭୁଵନେଶ୍ଵରମ୍ ।
ନାରଦଃ ପରିପପ୍ରଚ୍ଛ କୃତାଂଜଲିରୁପସ୍ଥିତଃ ॥ 8 ॥

ନାରଦ ଉଵାଚ ।
ଲୋକନାଥ ସୁରଶ୍ରେଷ୍ଠ ସର୍ଵଜ୍ଞ କରୁଣାକର ।
ଷଣ୍ମୁଖସ୍ୟ ପରଂ ସ୍ତୋତ୍ରଂ ପାଵନଂ ପାପନାଶନମ୍ ॥ 9 ॥

ହେ ଧାତଃ ପୁତ୍ରଵାତ୍ସଲ୍ୟାତ୍ତଦ୍ଵଦ ପ୍ରଣତାୟ ମେ ।
ଉପଦିଶ୍ୟ ତୁ ମାମେଵଂ ରକ୍ଷ ରକ୍ଷ କୃପାନିଧେ ॥ 10 ॥

ବ୍ରହ୍ମୋଵାଚ ।
ଶୃଣୁ ଵକ୍ଷ୍ୟାମି ଦେଵର୍ଷେ ସ୍ତଵରାଜମିଦଂ ପରମ୍ ।
ମାତୃକାମାଲିକାୟୁକ୍ତଂ ଜ୍ଞାନମୋକ୍ଷସୁଖପ୍ରଦମ୍ ॥ 11 ॥

ସହସ୍ରାଣି ଚ ନାମାନି ଷଣ୍ମୁଖସ୍ୟ ମହାତ୍ମନଃ ।
ୟାନି ନାମାନି ଦିଵ୍ୟାନି ଦୁଃଖରୋଗହରାଣି ଚ ॥ 12 ॥

ତାନି ନାମାନି ଵକ୍ଷ୍ୟାମି କୃପୟା ତ୍ଵୟି ନାରଦ ।
ଜପମାତ୍ରେଣ ସିଦ୍ଧ୍ୟଂତି ମନସା ଚିଂତିତାନ୍ୟପି ॥ 13 ॥

ଇହାମୁତ୍ର ପରଂ ଭୋଗଂ ଲଭତେ ନାତ୍ର ସଂଶୟଃ ।
ଇଦଂ ସ୍ତୋତ୍ରଂ ପରଂ ପୁଣ୍ୟଂ କୋଟିୟଜ୍ଞଫଲପ୍ରଦମ୍ ।
ସଂଦେହୋ ନାତ୍ର କର୍ତଵ୍ୟଃ ଶୃଣୁ ମେ ନିଶ୍ଚିତଂ ଵଚଃ ॥ 14 ॥

ଓଂ ଅସ୍ୟ ଶ୍ରୀସୁବ୍ରହ୍ମଣ୍ୟସହସ୍ରନାମସ୍ତୋତ୍ର ମହାମଂତ୍ରସ୍ୟ ବ୍ରହ୍ମା ଋଷିଃ ଅନୁଷ୍ଟୁପ୍ଛଂଦଃ ସୁବ୍ରହ୍ମଣ୍ୟୋ ଦେଵତା ଶରଜନ୍ମାକ୍ଷୟ ଇତି ବୀଜଂ ଶକ୍ତିଧରୋଽକ୍ଷୟ କାର୍ତିକେୟ ଇତି ଶକ୍ତିଃ କ୍ରୌଂଚଧର ଇତି କୀଲକଂ ଶିଖିଵାହନ ଇତି କଵଚଂ ଷଣ୍ମୁଖାୟ ଇତି ଧ୍ୟାନଂ ଶ୍ରୀସୁବ୍ରହ୍ମଣ୍ୟ ପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ।

କରନ୍ୟାସଃ –
ଓଂ ଶଂ ଓଂକାରସ୍ଵରୂପାୟ ଓଜୋଧରାୟ ଓଜସ୍ଵିନେ ସୁହୃଦୟାୟ ହୃଷ୍ଟଚିତ୍ତାତ୍ମନେ ଭାସ୍ଵରରୂପାୟ ଅଂଗୁଷ୍ଠାଭ୍ୟାଂ ନମଃ ।
ଓଂ ରଂ ଷଟ୍କୋଣମଧ୍ୟନିଲୟାୟ ଷଟ୍କିରୀଟଧରାୟ ଶ୍ରୀମତେ ଷଡାଧାରାୟ ତର୍ଜନୀଭ୍ୟାଂ ନମଃ ।
ଓଂ ଵଂ ଷଣ୍ମୁଖାୟ ଶରଜନ୍ମନେ ଶୁଭଲକ୍ଷଣାୟ ଶିଖିଵାହନାୟ ମଧ୍ୟମାଭ୍ୟାଂ ନମଃ ।
ଓଂ ଣଂ କୃଶାନୁସଂଭଵାୟ କଵଚିନେ କୁକ୍କୁଟଧ୍ଵଜାୟ ଅନାମିକାଭ୍ୟାଂ ନମଃ ।
ଓଂ ଭଂ କଂଦର୍ପକୋଟିଦୀପ୍ୟମାନାୟ ଦ୍ଵିଷଡ୍ବାହଵେ ଦ୍ଵାଦଶାକ୍ଷାୟ କନିଷ୍ଠିକାଭ୍ୟାଂ ନମଃ ।
ଓଂ ଵଂ ଖେଟଧରାୟ ଖଡ୍ଗିନେ ଶକ୍ତିହସ୍ତାୟ କରତଲକରପୃଷ୍ଠାଭ୍ୟାଂ ନମଃ ।

ହୃଦୟାଦିନ୍ୟାସଃ –
ଓଂ ଶଂ ଓଂକାରସ୍ଵରୂପାୟ ଓଜୋଧରାୟ ଓଜସ୍ଵିନେ ସୁହୃଦୟାୟ ହୃଷ୍ଟଚିତ୍ତାତ୍ମନେ ଭାସ୍ଵରରୂପାୟ ହୃଦୟାୟ ନମଃ ।
ଓଂ ରଂ ଷଟ୍କୋଣମଧ୍ୟନିଲୟାୟ ଷଟ୍କିରୀଟଧରାୟ ଶ୍ରୀମତେ ଷଡାଧାରାୟ ଶିରସେ ସ୍ଵାହା ।
ଓଂ ଵଂ ଷଣ୍ମୁଖାୟ ଶରଜନ୍ମନେ ଶୁଭଲକ୍ଷଣାୟ ଶିଖିଵାହନାୟ ଶିଖାୟୈ ଵଷଟ୍ ।
ଓଂ ଣଂ କୃଶାନୁସଂଭଵାୟ କଵଚିନେ କୁକ୍କୁଟଧ୍ଵଜାୟ କଵଚାୟ ହୁମ୍ ।
ଓଂ ଭଂ କଂଦର୍ପକୋଟିଦୀପ୍ୟମାନାୟ ଦ୍ଵିଷଡ୍ବାହଵେ ଦ୍ଵାଦଶାକ୍ଷାୟ ନେତ୍ରତ୍ରୟାୟ ଵୌଷଟ୍ ।
ଓଂ ଵଂ ଖେଟଧରାୟ ଖଡ୍ଗିନେ ଶକ୍ତିହସ୍ତାୟ ଅସ୍ତ୍ରାୟ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ।

ଧ୍ୟାନମ୍ ।
ଧ୍ୟାୟେତ୍ଷଣ୍ମୁଖମିଂଦୁକୋଟିସଦୃଶଂ ରତ୍ନପ୍ରଭାଶୋଭିତଂ
ବାଲାର୍କଦ୍ୟୁତିଷଟ୍କିରୀଟଵିଲସତ୍କେୟୂରହାରାନ୍ଵିତମ୍ ।
କର୍ଣାଲଂବିତକୁଂଡଲପ୍ରଵିଲସଦ୍ଗଂଡସ୍ଥଲାଶୋଭିତଂ
କାଂଚୀକଂକଣକିଂକିଣୀରଵୟୁତଂ ଶୃଂଗାରସାରୋଦୟମ୍ ॥ 1 ॥

ଧ୍ୟାୟେଦୀପ୍ସିତସିଦ୍ଧିଦଂ ଶିଵସୁତଂ ଶ୍ରୀଦ୍ଵାଦଶାକ୍ଷଂ ଗୁହଂ
ଖେଟଂ କୁକ୍କୁଟମଂକୁଶଂ ଚ ଵରଦଂ ପାଶଂ ଧନୁଶ୍ଚକ୍ରକମ୍ ।
ଵଜ୍ରଂ ଶକ୍ତିମସିଂ ଚ ଶୂଲମଭୟଂ ଦୋର୍ଭିର୍ଧୃତଂ ଷଣ୍ମୁଖଂ
ଦେଵଂ ଚିତ୍ରମୟୂରଵାହନଗତଂ ଚିତ୍ରାଂବରାଲଂକୃତମ୍ ॥ 2 ॥

ସ୍ତୋତ୍ରମ୍ ।
ଅଚିଂତ୍ୟଶକ୍ତିରନଘସ୍ତ୍ଵକ୍ଷୋଭ୍ୟସ୍ତ୍ଵପରାଜିତଃ ।
ଅନାଥଵତ୍ସଲୋଽମୋଘସ୍ତ୍ଵଶୋକୋଽପ୍ୟଜରୋଽଭୟଃ ॥ 1 ॥

ଅତ୍ୟୁଦାରୋ ହ୍ୟଘହରସ୍ତ୍ଵଗ୍ରଗଣ୍ୟୋଽଦ୍ରିଜାସୁତଃ ।
ଅନଂତମହିମାଽପାରୋଽନଂତସୌଖ୍ୟପ୍ରଦୋଽଵ୍ୟୟଃ ॥ 2 ॥

ଅନଂତମୋକ୍ଷଦୋଽନାଦିରପ୍ରମେୟୋଽକ୍ଷରୋଽଚ୍ୟୁତଃ ।
ଅକଲ୍ମଷୋଽଭିରାମୋଽଗ୍ରଧୁର୍ୟଶ୍ଚାମିତଵିକ୍ରମଃ ॥ 3 ॥

[ ଅତୁଲଶ୍ଚାମୃତୋଽଘୋରୋ ହ୍ୟନଂତୋଽନଂତଵିକ୍ରମଃ ]
ଅନାଥନାଥୋ ହ୍ୟମଲୋ ହ୍ୟପ୍ରମତ୍ତୋଽମରପ୍ରଭୁଃ ।
ଅରିଂଦମୋଽଖିଲାଧାରସ୍ତ୍ଵଣିମାଦିଗୁଣୋଽଗ୍ରଣୀଃ ॥ 4 ॥

ଅଚଂଚଲୋଽମରସ୍ତୁତ୍ୟୋ ହ୍ୟକଲଂକୋଽମିତାଶନଃ ।
ଅଗ୍ନିଭୂରନଵଦ୍ୟାଂଗୋ ହ୍ୟଦ୍ଭୁତୋଽଭୀଷ୍ଟଦାୟକଃ ॥ 5 ॥

ଅତୀଂଦ୍ରିୟୋଽପ୍ରମେୟାତ୍ମା ହ୍ୟଦୃଶ୍ୟୋଽଵ୍ୟକ୍ତଲକ୍ଷଣଃ ।
ଆପଦ୍ଵିନାଶକସ୍ତ୍ଵାର୍ୟ ଆଢ୍ୟ ଆଗମସଂସ୍ତୁତଃ ॥ 6 ॥

ଆର୍ତସଂରକ୍ଷଣସ୍ତ୍ଵାଦ୍ୟ ଆନଂଦସ୍ତ୍ଵାର୍ୟସେଵିତଃ ।
ଆଶ୍ରିତେଷ୍ଟାର୍ଥଵରଦ ଆନଂଦ୍ୟାର୍ତଫଲପ୍ରଦଃ ॥ 7 ॥

ଆଶ୍ଚର୍ୟରୂପ ଆନଂଦ ଆପନ୍ନାର୍ତିଵିନାଶନଃ ।
ଇଭଵକ୍ତ୍ରାନୁଜସ୍ତ୍ଵିଷ୍ଟ ଇଭାସୁରହରାତ୍ମଜଃ ॥ 8 ॥

ଇତିହାସଶ୍ରୁତିସ୍ତୁତ୍ୟ ଇଂଦ୍ରଭୋଗଫଲପ୍ରଦଃ ।
ଇଷ୍ଟାପୂର୍ତଫଲପ୍ରାପ୍ତିରିଷ୍ଟେଷ୍ଟଵରଦାୟକଃ ॥ 9 ॥

ଇହାମୁତ୍ରେଷ୍ଟଫଲଦ ଇଷ୍ଟଦସ୍ତ୍ଵିଂଦ୍ରଵଂଦିତଃ ।
ଈଡନୀୟସ୍ତ୍ଵୀଶପୁତ୍ର ଈପ୍ସିତାର୍ଥପ୍ରଦାୟକଃ ॥ 10 ॥

ଈତିଭୀତିହରଶ୍ଚେଡ୍ୟ ଈଷଣାତ୍ରୟଵର୍ଜିତଃ ।
ଉଦାରକୀର୍ତିରୁଦ୍ୟୋଗୀ ଚୋତ୍କୃଷ୍ଟୋରୁପରାକ୍ରମଃ ॥ 11 ॥

ଉତ୍କୃଷ୍ଟଶକ୍ତିରୁତ୍ସାହ ଉଦାରଶ୍ଚୋତ୍ସଵପ୍ରିୟଃ ।
ଉଜ୍ଜୃଂଭ ଉଦ୍ଭଵଶ୍ଚୋଗ୍ର ଉଦଗ୍ରଶ୍ଚୋଗ୍ରଲୋଚନଃ ॥ 12 ॥

ଉନ୍ମତ୍ତ ଉଗ୍ରଶମନ ଉଦ୍ଵେଗଘ୍ନୋରଗେଶ୍ଵରଃ ।
ଉରୁପ୍ରଭାଵଶ୍ଚୋଦୀର୍ଣ ଉମାପୁତ୍ର ଉଦାରଧୀଃ ॥ 13 ॥

ଊର୍ଧ୍ଵରେତଃସୁତସ୍ତୂର୍ଧ୍ଵଗତିଦସ୍ତୂର୍ଜପାଲକଃ ।
ଊର୍ଜିତସ୍ତୂର୍ଧ୍ଵଗସ୍ତୂର୍ଧ୍ଵ ଊର୍ଧ୍ଵଲୋକୈକନାୟକଃ ॥ 14 ॥

ଊର୍ଜାଵାନୂର୍ଜିତୋଦାର ଊର୍ଜିତୋର୍ଜିତଶାସନଃ ।
ଋଷିଦେଵଗଣସ୍ତୁତ୍ୟ ଋଣତ୍ରୟଵିମୋଚନଃ ॥ 15 ॥

ଋଜୁରୂପୋ ହ୍ୟୃଜୁକର ଋଜୁମାର୍ଗପ୍ରଦର୍ଶନଃ ।
ଋତଂଭରୋ ହ୍ୟୃଜୁପ୍ରୀତ ଋଷଭସ୍ତ୍ଵୃଦ୍ଧିଦସ୍ତ୍ଵୃତଃ ॥ 16 ॥

ଲୁଲିତୋଦ୍ଧାରକୋ ଲୂତଭଵପାଶପ୍ରଭଂଜନଃ ।
ଏଣାଂକଧରସତ୍ପୁତ୍ର ଏକ ଏନୋଵିନାଶନଃ ॥ 17 ॥

ଐଶ୍ଵର୍ୟଦଶ୍ଚୈଂଦ୍ରଭୋଗୀ ଚୈତିହ୍ୟଶ୍ଚୈଂଦ୍ରଵଂଦିତଃ ।
ଓଜସ୍ଵୀ ଚୌଷଧିସ୍ଥାନମୋଜୋଦଶ୍ଚୌଦନପ୍ରଦଃ ॥ 18 ॥

ଔଦାର୍ୟଶୀଲ ଔମେୟ ଔଗ୍ର ଔନ୍ନତ୍ୟଦାୟକଃ ।
ଔଦାର୍ୟ ଔଷଧକର ଔଷଧଂ ଚୌଷଧାକରଃ ॥ 19 ॥

ଅଂଶୁମାନଂଶୁମାଲୀଡ୍ୟ ଅଂବିକାତନୟୋଽନ୍ନଦଃ ।
ଅଂଧକାରିସୁତୋଽଂଧତ୍ଵହାରୀ ଚାଂବୁଜଲୋଚନଃ ॥ 20 ॥

ଅସ୍ତମାୟୋଽମରାଧୀଶୋ ହ୍ୟସ୍ପଷ୍ଟୋଽସ୍ତୋକପୁଣ୍ୟଦଃ ।
ଅସ୍ତାମିତ୍ରୋଽସ୍ତରୂପଶ୍ଚାସ୍ଖଲତ୍ସୁଗତିଦାୟକଃ ॥ 21 ॥

କାର୍ତିକେୟଃ କାମରୂପଃ କୁମାରଃ କ୍ରୌଂଚଦାରଣଃ ।
କାମଦଃ କାରଣଂ କାମ୍ୟଃ କମନୀୟଃ କୃପାକରଃ ॥ 22 ॥

କାଂଚନାଭଃ କାଂତିୟୁକ୍ତଃ କାମୀ କାମପ୍ରଦଃ କଵିଃ ।
କୀର୍ତିକୃତ୍କୁକ୍କୁଟଧରଃ କୂଟସ୍ଥଃ କୁଵଲେକ୍ଷଣଃ ॥ 23 ॥

କୁଂକୁମାଂଗଃ କ୍ଲମହରଃ କୁଶଲଃ କୁକ୍କୁଟଧ୍ଵଜଃ ।
କୁଶାନୁସଂଭଵଃ କ୍ରୂରଃ କ୍ରୂରଘ୍ନଃ କଲିତାପହୃତ୍ ॥ 24 ॥

କାମରୂପଃ କଲ୍ପତରୁଃ କାଂତଃ କାମିତଦାୟକଃ ।
କଲ୍ୟାଣକୃତ୍କ୍ଲେଶନାଶଃ କୃପାଳୁଃ କରୁଣାକରଃ ॥ 25 ॥

କଲୁଷଘ୍ନଃ କ୍ରିୟାଶକ୍ତିଃ କଠୋରଃ କଵଚୀ କୃତୀ ।
କୋମଲାଂଗଃ କୁଶପ୍ରୀତଃ କୁତ୍ସିତଘ୍ନଃ କଲାଧରଃ ॥ 26 ॥

ଖ୍ୟାତଃ ଖେଟଧରଃ ଖଡ୍ଗୀ ଖଟ୍ଵାଂଗୀ ଖଲନିଗ୍ରହଃ ।
ଖ୍ୟାତିପ୍ରଦଃ ଖେଚରେଶଃ ଖ୍ୟାତେହଃ ଖେଚରସ୍ତୁତଃ ॥ 27 ॥

ଖରତାପହରଃ ସ୍ଵସ୍ଥଃ ଖେଚରଃ ଖେଚରାଶ୍ରୟଃ ।
ଖଂଡେଂଦୁମୌଲିତନୟଃ ଖେଲଃ ଖେଚରପାଲକଃ ॥ 28 ॥

ଖସ୍ଥଲଃ ଖଂଡିତାର୍କଶ୍ଚ ଖେଚରୀଜନପୂଜିତଃ ।
ଗାଂଗେୟୋ ଗିରିଜାପୁତ୍ରୋ ଗଣନାଥାନୁଜୋ ଗୁହଃ ॥ 29 ॥

ଗୋପ୍ତା ଗୀର୍ଵାଣସଂସେଵ୍ୟୋ ଗୁଣାତୀତୋ ଗୁହାଶ୍ରୟଃ ।
ଗତିପ୍ରଦୋ ଗୁଣନିଧିଃ ଗଂଭୀରୋ ଗିରିଜାତ୍ମଜଃ ॥ 30 ॥

ଗୂଢରୂପୋ ଗଦହରୋ ଗୁଣାଧୀଶୋ ଗୁଣାଗ୍ରଣୀଃ ।
ଗୋଧରୋ ଗହନୋ ଗୁପ୍ତୋ ଗର୍ଵଘ୍ନୋ ଗୁଣଵର୍ଧନଃ ॥ 31 ॥

ଗୁହ୍ୟୋ ଗୁଣଜ୍ଞୋ ଗୀତିଜ୍ଞୋ ଗତାତଂକୋ ଗୁଣାଶ୍ରୟଃ ।
ଗଦ୍ୟପଦ୍ୟପ୍ରିୟୋ ଗୁଣ୍ୟୋ ଗୋସ୍ତୁତୋ ଗଗନେଚରଃ ॥ 32 ॥

ଗଣନୀୟଚରିତ୍ରଶ୍ଚ ଗତକ୍ଲେଶୋ ଗୁଣାର୍ଣଵଃ ।
ଘୂର୍ଣିତାକ୍ଷୋ ଘୃଣିନିଧିଃ ଘନଗଂଭୀରଘୋଷଣଃ ॥ 33 ॥

ଘଂଟାନାଦପ୍ରିୟୋ ଘୋଷୋ ଘୋରାଘୌଘଵିନାଶନଃ ।
ଘନାନଂଦୋ ଘର୍ମହଂତା ଘୃଣାଵାନ୍ ଘୃଷ୍ଟିପାତକଃ ॥ 34 ॥

ଘୃଣୀ ଘୃଣାକରୋ ଘୋରୋ ଘୋରଦୈତ୍ୟପ୍ରହାରକଃ ।
ଘଟିତୈଶ୍ଵର୍ୟସଂଦୋହୋ ଘନାର୍ଥୋ ଘନସଂକ୍ରମଃ ॥ 35 ॥

ଚିତ୍ରକୃଚ୍ଚିତ୍ରଵର୍ଣଶ୍ଚ ଚଂଚଲଶ୍ଚପଲଦ୍ୟୁତିଃ ।
ଚିନ୍ମୟଶ୍ଚିତ୍ସ୍ଵରୂପଶ୍ଚ ଚିରାନଂଦଶ୍ଚିରଂତନଃ ॥ 36 ॥

ଚିତ୍ରକେଲିଶ୍ଚିତ୍ରତରଶ୍ଚିଂତନୀୟଶ୍ଚମତ୍କୃତିଃ ।
ଚୋରଘ୍ନଶ୍ଚତୁରଶ୍ଚାରୁଶ୍ଚାମୀକରଵିଭୂଷଣଃ ॥ 37 ॥

ଚଂଦ୍ରାର୍କକୋଟିସଦୃଶଶ୍ଚଂଦ୍ରମୌଲିତନୂଭଵଃ ।
ଛାଦିତାଂଗଶ୍ଛଦ୍ମହଂତା ଛେଦିତାଖିଲପାତକଃ ॥ 38 ॥

ଛେଦୀକୃତତମଃକ୍ଲେଶଶ୍ଛତ୍ରୀକୃତମହାୟଶାଃ ।
ଛାଦିତାଶେଷସଂତାପଶ୍ଛୁରିତାମୃତସାଗରଃ ॥ 39 ॥

ଛନ୍ନତ୍ରୈଗୁଣ୍ୟରୂପଶ୍ଚ ଛାତେହଶ୍ଛିନ୍ନସଂଶୟଃ ।
ଛଂଦୋମୟଶ୍ଛଂଦଗାମୀ ଛିନ୍ନପାଶଶ୍ଛଵିଶ୍ଛଦଃ ॥ 40 ॥

ଜଗଦ୍ଧିତୋ ଜଗତ୍ପୂଜ୍ୟୋ ଜଗଜ୍ଜ୍ୟେଷ୍ଠୋ ଜଗନ୍ମୟଃ ।
ଜନକୋ ଜାହ୍ନଵୀସୂନୁର୍ଜିତାମିତ୍ରୋ ଜଗଦ୍ଗୁରୁଃ ॥ 41 ॥

ଜୟୀ ଜିତେଂଦ୍ରିୟୋ ଜୈତ୍ରୋ ଜରାମରଣଵର୍ଜିତଃ ।
ଜ୍ୟୋତିର୍ମୟୋ ଜଗନ୍ନାଥୋ ଜଗଜ୍ଜୀଵୋ ଜନାଶ୍ରୟଃ ॥ 42 ॥

ଜଗତ୍ସେଵ୍ୟୋ ଜଗତ୍କର୍ତା ଜଗତ୍ସାକ୍ଷୀ ଜଗତ୍ପ୍ରିୟଃ ।
ଜଂଭାରିଵଂଦ୍ୟୋ ଜୟଦୋ ଜଗଜ୍ଜନମନୋହରଃ ॥ 43 ॥

ଜଗଦାନଂଦଜନକୋ ଜନଜାଡ୍ୟାପହାରକଃ ।
ଜପାକୁସୁମସଂକାଶୋ ଜନଲୋଚନଶୋଭନଃ ॥ 44 ॥

ଜନେଶ୍ଵରୋ ଜିତକ୍ରୋଧୋ ଜନଜନ୍ମନିବର୍ହଣଃ ।
ଜୟଦୋ ଜଂତୁତାପଘ୍ନୋ ଜିତଦୈତ୍ୟମହାଵ୍ରଜଃ ॥ 45 ॥

ଜିତମାୟୋ ଜିତକ୍ରୋଧୋ ଜିତସଂଗୋ ଜନପ୍ରିୟଃ ।
ଝଂଝାନିଲମହାଵେଗୋ ଝରିତାଶେଷପାତକଃ ॥ 46 ॥

ଝର୍ଝରୀକୃତଦୈତ୍ୟୌଘୋ ଝଲ୍ଲରୀଵାଦ୍ୟସଂପ୍ରିୟଃ ।
ଜ୍ଞାନମୂର୍ତିର୍ଜ୍ଞାନଗମ୍ୟୋ ଜ୍ଞାନୀ ଜ୍ଞାନମହାନିଧିଃ ॥ 47 ॥

ଟଂକାରନୃତ୍ତଵିଭଵଃ ଟଂକଵଜ୍ରଧ୍ଵଜାଂକିତଃ ।
ଟଂକିତାଖିଲଲୋକଶ୍ଚ ଟଂକିତୈନସ୍ତମୋରଵିଃ ॥ 48 ॥

ଡଂବରପ୍ରଭଵୋ ଡଂଭୋ ଡଂବୋ ଡମରୁକପ୍ରିୟଃ । [ଡମଡ୍ଡ]
ଡମରୋତ୍କଟସନ୍ନାଦୋ ଡିଂଭରୂପସ୍ଵରୂପକଃ ॥ 49 ॥

ଢକ୍କାନାଦପ୍ରୀତିକରୋ ଢାଲିତାସୁରସଂକୁଲଃ ।
ଢୌକିତାମରସଂଦୋହୋ ଢୁଂଢିଵିଘ୍ନେଶ୍ଵରାନୁଜଃ ॥ 50 ॥

ତତ୍ତ୍ଵଜ୍ଞସ୍ତତ୍ଵଗସ୍ତୀଵ୍ରସ୍ତପୋରୂପସ୍ତପୋମୟଃ ।
ତ୍ରୟୀମୟସ୍ତ୍ରିକାଲଜ୍ଞସ୍ତ୍ରିମୂର୍ତିସ୍ତ୍ରିଗୁଣାତ୍ମକଃ ॥ 51 ॥

ତ୍ରିଦଶେଶସ୍ତାରକାରିସ୍ତାପଘ୍ନସ୍ତାପସପ୍ରିୟଃ ।
ତୁଷ୍ଟିଦସ୍ତୁଷ୍ଟିକୃତ୍ତୀକ୍ଷ୍ଣସ୍ତପୋରୂପସ୍ତ୍ରିକାଲଵିତ୍ ॥ 52 ॥

ସ୍ତୋତା ସ୍ତଵ୍ୟଃ ସ୍ତଵପ୍ରୀତଃ ସ୍ତୁତିଃ ସ୍ତୋତ୍ରଂ ସ୍ତୁତିପ୍ରିୟଃ ।
ସ୍ଥିତଃ ସ୍ଥାୟୀ ସ୍ଥାପକଶ୍ଚ ସ୍ଥୂଲସୂକ୍ଷ୍ମପ୍ରଦର୍ଶକଃ ॥ 53 ॥

ସ୍ଥଵିଷ୍ଠଃ ସ୍ଥଵିରଃ ସ୍ଥୂଲଃ ସ୍ଥାନଦଃ ସ୍ଥୈର୍ୟଦଃ ସ୍ଥିରଃ ।
ଦାଂତୋ ଦୟାପରୋ ଦାତା ଦୁରିତଘ୍ନୋ ଦୁରାସଦଃ ॥ 54 ॥

ଦର୍ଶନୀୟୋ ଦୟାସାରୋ ଦେଵଦେଵୋ ଦୟାନିଧିଃ ।
ଦୁରାଧର୍ଷୋ ଦୁର୍ଵିଗାହ୍ୟୋ ଦକ୍ଷୋ ଦର୍ପଣଶୋଭିତଃ ॥ 55 ॥

ଦୁର୍ଧରୋ ଦାନଶୀଲଶ୍ଚ ଦ୍ଵାଦଶାକ୍ଷୋ ଦ୍ଵିଷଡ୍ଭୁଜଃ ।
ଦ୍ଵିଷଟ୍କର୍ଣୋ ଦ୍ଵିଷଡ୍ବାହୁର୍ଦୀନସଂତାପନାଶନଃ ॥ 56 ॥

ଦଂଦଶୂକେଶ୍ଵରୋ ଦେଵୋ ଦିଵ୍ୟୋ ଦିଵ୍ୟାକୃତିର୍ଦମଃ ।
ଦୀର୍ଘଵୃତ୍ତୋ ଦୀର୍ଘବାହୁର୍ଦୀର୍ଘଦୃଷ୍ଟିର୍ଦିଵସ୍ପତିଃ ॥ 57 ॥

ଦଂଡୋ ଦମୟିତା ଦର୍ପୋ ଦେଵସିଂହୋ ଦୃଢଵ୍ରତଃ ।
ଦୁର୍ଲଭୋ ଦୁର୍ଗମୋ ଦୀପ୍ତୋ ଦୁଷ୍ପ୍ରେକ୍ଷ୍ୟୋ ଦିଵ୍ୟମଂଡନଃ ॥ 58 ॥

ଦୁରୋଦରଘ୍ନୋ ଦୁଃଖଘ୍ନୋ ଦୁରାରିଘ୍ନୋ ଦିଶାଂ ପତିଃ ।
ଦୁର୍ଜୟୋ ଦେଵସେନେଶୋ ଦୁର୍ଜ୍ଞେୟୋ ଦୁରତିକ୍ରମଃ ॥ 59 ॥

ଦଂଭୋ ଦୃପ୍ତଶ୍ଚ ଦେଵର୍ଷିର୍ଦୈଵଜ୍ଞୋ ଦୈଵଚିଂତକଃ ।
ଧୁରଂଧରୋ ଧର୍ମପରୋ ଧନଦୋ ଧୃତିଵର୍ଧନଃ ॥ 60 ॥

ଧର୍ମେଶୋ ଧର୍ମଶାସ୍ତ୍ରଜ୍ଞୋ ଧନ୍ଵୀ ଧର୍ମପରାୟଣଃ ।
ଧନାଧ୍ୟକ୍ଷୋ ଧନପତିର୍ଧୃତିମାଂଧୂତକିଲ୍ବିଷଃ ॥ 61 ॥

ଧର୍ମହେତୁର୍ଧର୍ମଶୂରୋ ଧର୍ମକୃଦ୍ଧର୍ମଵିଦ୍ଧ୍ରୁଵଃ ।
ଧାତା ଧୀମାଂଧର୍ମଚାରୀ ଧନ୍ୟୋ ଧୁର୍ୟୋ ଧୃତଵ୍ରତଃ ॥ 62 ॥

ନିତ୍ୟୋତ୍ସଵୋ ନିତ୍ୟତୃପ୍ତୋ ନିର୍ଲେପୋ ନିଶ୍ଚଲାତ୍ମକଃ ।
ନିରଵଦ୍ୟୋ ନିରାଧାରୋ ନିଷ୍କଲଂକୋ ନିରଂଜନଃ ॥ 63 ॥

ନିର୍ମମୋ ନିରହଂକାରୋ ନିର୍ମୋହୋ ନିରୁପଦ୍ରଵଃ ।
ନିତ୍ୟାନଂଦୋ ନିରାତଂକୋ ନିଷ୍ପ୍ରପଂଚୋ ନିରାମୟଃ ॥ 64 ॥

ନିରଵଦ୍ୟୋ ନିରୀହଶ୍ଚ ନିର୍ଦର୍ଶୋ ନିର୍ମଲାତ୍ମକଃ ।
ନିତ୍ୟାନଂଦୋ ନିର୍ଜରେଶୋ ନିଃସଂଗୋ ନିଗମସ୍ତୁତଃ ॥ 65 ॥

ନିଷ୍କଂଟକୋ ନିରାଲଂବୋ ନିଷ୍ପ୍ରତ୍ୟୂହୋ ନିରୁଦ୍ଭଵଃ ।
ନିତ୍ୟୋ ନିୟତକଲ୍ୟାଣୋ ନିର୍ଵିକଲ୍ପୋ ନିରାଶ୍ରୟଃ ॥ 66 ॥

ନେତା ନିଧିର୍ନୈକରୂପୋ ନିରାକାରୋ ନଦୀସୁତଃ ।
ପୁଲିଂଦକନ୍ୟାରମଣଃ ପୁରୁଜିତ୍ପରମପ୍ରିୟଃ ॥ 67 ॥

ପ୍ରତ୍ୟକ୍ଷମୂର୍ତିଃ ପ୍ରତ୍ୟକ୍ଷଃ ପରେଶଃ ପୂର୍ଣପୁଣ୍ୟଦଃ ।
ପୁଣ୍ୟାକରଃ ପୁଣ୍ୟରୂପଃ ପୁଣ୍ୟଃ ପୁଣ୍ୟପରାୟଣଃ ॥ 68 ॥

ପୁଣ୍ୟୋଦୟଃ ପରଂ ଜ୍ୟୋତିଃ ପୁଣ୍ୟକୃତ୍ପୁଣ୍ୟଵର୍ଧନଃ ।
ପରାନଂଦଃ ପରତରଃ ପୁଣ୍ୟକୀର୍ତିଃ ପୁରାତନଃ ॥ 69 ॥

ପ୍ରସନ୍ନରୂପଃ ପ୍ରାଣେଶଃ ପନ୍ନଗଃ ପାପନାଶନଃ ।
ପ୍ରଣତାର୍ତିହରଃ ପୂର୍ଣଃ ପାର୍ଵତୀନଂଦନଃ ପ୍ରଭୁଃ ॥ 70 ॥

ପୂତାତ୍ମା ପୁରୁଷଃ ପ୍ରାଣଃ ପ୍ରଭଵଃ ପୁରୁଷୋତ୍ତମଃ ।
ପ୍ରସନ୍ନଃ ପରମସ୍ପଷ୍ଟଃ ପରଃ ପରିବୃଢଃ ପରଃ ॥ 71 ॥

ପରମାତ୍ମା ପରବ୍ରହ୍ମ ପରାର୍ଥଃ ପ୍ରିୟଦର୍ଶନଃ ।
ପଵିତ୍ରଃ ପୁଷ୍ଟିଦଃ ପୂର୍ତିଃ ପିଂଗଳଃ ପୁଷ୍ଟିଵର୍ଧନଃ ॥ 72 ॥

ପାପହାରୀ ପାଶଧରଃ ପ୍ରମତ୍ତାସୁରଶିକ୍ଷକଃ ।
ପାଵନଃ ପାଵକଃ ପୂଜ୍ୟଃ ପୂର୍ଣାନଂଦଃ ପରାତ୍ପରଃ ॥ 73 ॥

ପୁଷ୍କଲଃ ପ୍ରଵରଃ ପୂର୍ଵଃ ପିତୃଭକ୍ତଃ ପୁରୋଗମଃ ।
ପ୍ରାଣଦଃ ପ୍ରାଣିଜନକଃ ପ୍ରଦିଷ୍ଟଃ ପାଵକୋଦ୍ଭଵଃ ॥ 74 ॥

ପରବ୍ରହ୍ମସ୍ଵରୂପଶ୍ଚ ପରମୈଶ୍ଵର୍ୟକାରଣମ୍ ।
ପରର୍ଧିଦଃ ପୁଷ୍ଟିକରଃ ପ୍ରକାଶାତ୍ମା ପ୍ରତାପଵାନ୍ ॥ 75 ॥

ପ୍ରଜ୍ଞାପରଃ ପ୍ରକୃଷ୍ଟାର୍ଥଃ ପୃଥୁଃ ପୃଥୁପରାକ୍ରମଃ ।
ଫଣୀଶ୍ଵରଃ ଫଣିଵରଃ ଫଣାମଣିଵିଭୂଷଣଃ ॥ 76 ॥

ଫଲଦଃ ଫଲହସ୍ତଶ୍ଚ ଫୁଲ୍ଲାଂବୁଜଵିଲୋଚନଃ ।
ଫଡୁଚ୍ଚାଟିତପାପୌଘଃ ଫଣିଲୋକଵିଭୂଷଣଃ ॥ 77 ॥

ବାହୁଲେୟୋ ବୃହଦ୍ରୂପୋ ବଲିଷ୍ଠୋ ବଲଵାନ୍ ବଲୀ ।
ବ୍ରହ୍ମେଶଵିଷ୍ଣୁରୂପଶ୍ଚ ବୁଦ୍ଧୋ ବୁଦ୍ଧିମତାଂ ଵରଃ ॥ 78 ॥

ବାଲରୂପୋ ବ୍ରହ୍ମଗର୍ଭୋ ବ୍ରହ୍ମଚାରୀ ବୁଧପ୍ରିୟଃ ।
ବହୁଶ୍ରୁତୋ ବହୁମତୋ ବ୍ରହ୍ମଣ୍ୟୋ ବ୍ରାହ୍ମଣପ୍ରିୟଃ ॥ 79 ॥

ବଲପ୍ରମଥନୋ ବ୍ରହ୍ମା ବହୁରୂପୋ ବହୁପ୍ରଦଃ ।
ବୃହଦ୍ଭାନୁତନୂଦ୍ଭୂତୋ ବୃହତ୍ସେନୋ ବିଲେଶୟଃ ॥ 80 ॥

ବହୁବାହୁର୍ବଲଶ୍ରୀମାନ୍ ବହୁଦୈତ୍ୟଵିନାଶକଃ ।
ବିଲଦ୍ଵାରାଂତରାଲସ୍ଥୋ ବୃହଚ୍ଛକ୍ତିଧନୁର୍ଧରଃ ॥ 81 ॥

ବାଲାର୍କଦ୍ୟୁତିମାନ୍ ବାଲୋ ବୃହଦ୍ଵକ୍ଷା ବୃହଦ୍ଧନୁଃ ।
ଭଵ୍ୟୋ ଭୋଗୀଶ୍ଵରୋ ଭାଵ୍ୟୋ ଭଵନାଶୋ ଭଵପ୍ରିୟଃ ॥ 82 ॥

ଭକ୍ତିଗମ୍ୟୋ ଭୟହରୋ ଭାଵଜ୍ଞୋ ଭକ୍ତସୁପ୍ରିୟଃ ।
ଭୁକ୍ତିମୁକ୍ତିପ୍ରଦୋ ଭୋଗୀ ଭଗଵାନ୍ ଭାଗ୍ୟଵର୍ଧନଃ ॥ 83 ॥

ଭ୍ରାଜିଷ୍ଣୁର୍ଭାଵନୋ ଭର୍ତା ଭୀମୋ ଭୀମପରାକ୍ରମଃ ।
ଭୂତିଦୋ ଭୂତିକୃଦ୍ଭୋକ୍ତା ଭୂତାତ୍ମା ଭୁଵନେଶ୍ଵରଃ ॥ 84 ॥

ଭାଵକୋ ଭୀକରୋ ଭୀଷ୍ମୋ ଭାଵକେଷ୍ଟୋ ଭଵୋଦ୍ଭଵଃ ।
ଭଵତାପପ୍ରଶମନୋ ଭୋଗଵାନ୍ ଭୂତଭାଵନଃ ॥ 85 ॥

ଭୋଜ୍ୟପ୍ରଦୋ ଭ୍ରାଂତିନାଶୋ ଭାନୁମାନ୍ ଭୁଵନାଶ୍ରୟଃ ।
ଭୂରିଭୋଗପ୍ରଦୋ ଭଦ୍ରୋ ଭଜନୀୟୋ ଭିଷଗ୍ଵରଃ ॥ 86 ॥

ମହାସେନୋ ମହୋଦାରୋ ମହାଶକ୍ତିର୍ମହାଦ୍ୟୁତିଃ ।
ମହାବୁଦ୍ଧିର୍ମହାଵୀର୍ୟୋ ମହୋତ୍ସାହୋ ମହାବଲଃ ॥ 87 ॥

ମହାଭୋଗୀ ମହାମାୟୀ ମେଧାଵୀ ମେଖଲୀ ମହାନ୍ ।
ମୁନିସ୍ତୁତୋ ମହାମାନ୍ୟୋ ମହାନଂଦୋ ମହାୟଶାଃ ॥ 88 ॥

ମହୋର୍ଜିତୋ ମାନନିଧିର୍ମନୋରଥଫଲପ୍ରଦଃ ।
ମହୋଦୟୋ ମହାପୁଣ୍ୟୋ ମହାବଲପରାକ୍ରମଃ ॥ 89 ॥

ମାନଦୋ ମତିଦୋ ମାଲୀ ମୁକ୍ତାମାଲାଵିଭୂଷଣଃ ।
ମନୋହରୋ ମହାମୁଖ୍ୟୋ ମହର୍ଧିର୍ମୂର୍ତିମାନ୍ମୁନିଃ ॥ 90 ॥

ମହୋତ୍ତମୋ ମହୋପାୟୋ ମୋକ୍ଷଦୋ ମଂଗଳପ୍ରଦଃ ।
ମୁଦାକରୋ ମୁକ୍ତିଦାତା ମହାଭୋଗୋ ମହୋରଗଃ ॥ 91 ॥

ୟଶସ୍କରୋ ୟୋଗୟୋନିର୍ୟୋଗିଷ୍ଠୋ ୟମିନାଂ ଵରଃ ।
ୟଶସ୍ଵୀ ୟୋଗପୁରୁଷୋ ୟୋଗ୍ୟୋ ୟୋଗନିଧିର୍ୟମୀ ॥ 92 ॥

ୟତିସେଵ୍ୟୋ ୟୋଗୟୁକ୍ତୋ ୟୋଗଵିଦ୍ୟୋଗସିଦ୍ଧିଦଃ ।
ୟଂତ୍ରୋ ୟଂତ୍ରୀ ଚ ୟଂତ୍ରଜ୍ଞୋ ୟଂତ୍ରଵାନ୍ୟଂତ୍ରଵାହକଃ ॥ 93 ॥

ୟାତନାରହିତୋ ୟୋଗୀ ୟୋଗୀଶୋ ୟୋଗିନାଂ ଵରଃ ।
ରମଣୀୟୋ ରମ୍ୟରୂପୋ ରସଜ୍ଞୋ ରସଭାଵନଃ ॥ 94 ॥

ରଂଜନୋ ରଂଜିତୋ ରାଗୀ ରୁଚିରୋ ରୁଦ୍ରସଂଭଵଃ ।
ରଣପ୍ରିୟୋ ରଣୋଦାରୋ ରାଗଦ୍ଵେଷଵିନାଶନଃ ॥ 95 ॥

ରତ୍ନାର୍ଚୀ ରୁଚିରୋ ରମ୍ୟୋ ରୂପଲାଵଣ୍ୟଵିଗ୍ରହଃ ।
ରତ୍ନାଂଗଦଧରୋ ରତ୍ନଭୂଷଣୋ ରମଣୀୟକଃ ॥ 96 ॥

ରୁଚିକୃଦ୍ରୋଚମାନଶ୍ଚ ରଂଜିତୋ ରୋଗନାଶନଃ ।
ରାଜୀଵାକ୍ଷୋ ରାଜରାଜୋ ରକ୍ତମାଲ୍ୟାନୁଲେପନଃ ॥ 97 ॥

ରାଜଦ୍ଵେଦାଗମସ୍ତୁତ୍ୟୋ ରଜଃସତ୍ତ୍ଵଗୁଣାନ୍ଵିତଃ ।
ରଜନୀଶକଲାରମ୍ୟୋ ରତ୍ନକୁଂଡଲମଂଡିତଃ ॥ 98 ॥

ରତ୍ନସନ୍ମୌଲିଶୋଭାଢ୍ୟୋ ରଣନ୍ମଂଜୀରଭୂଷଣଃ ।
ଲୋକୈକନାଥୋ ଲୋକେଶୋ ଲଲିତୋ ଲୋକନାୟକଃ ॥ 99 ॥

ଲୋକରକ୍ଷୋ ଲୋକଶିକ୍ଷୋ ଲୋକଲୋଚନରଂଜିତଃ ।
ଲୋକବଂଧୁର୍ଲୋକଧାତା ଲୋକତ୍ରୟମହାହିତଃ ॥ 100 ॥

ଲୋକଚୂଡାମଣିର୍ଲୋକଵଂଦ୍ୟୋ ଲାଵଣ୍ୟଵିଗ୍ରହଃ ।
ଲୋକାଧ୍ୟକ୍ଷସ୍ତୁ ଲୀଲାଵାନ୍ଲୋକୋତ୍ତରଗୁଣାନ୍ଵିତଃ ॥ 101 ॥

ଵରିଷ୍ଠୋ ଵରଦୋ ଵୈଦ୍ୟୋ ଵିଶିଷ୍ଟୋ ଵିକ୍ରମୋ ଵିଭୁଃ ।
ଵିବୁଧାଗ୍ରଚରୋ ଵଶ୍ୟୋ ଵିକଲ୍ପପରିଵର୍ଜିତଃ ॥ 102 ॥

ଵିପାଶୋ ଵିଗତାତଂକୋ ଵିଚିତ୍ରାଂଗୋ ଵିରୋଚନଃ ।
ଵିଦ୍ୟାଧରୋ ଵିଶୁଦ୍ଧାତ୍ମା ଵେଦାଂଗୋ ଵିବୁଧପ୍ରିୟଃ ॥ 103 ॥

ଵଚସ୍କରୋ ଵ୍ୟାପକଶ୍ଚ ଵିଜ୍ଞାନୀ ଵିନୟାନ୍ଵିତଃ ।
ଵିଦ୍ଵତ୍ତମୋ ଵିରୋଧିଘ୍ନୋ ଵୀରୋ ଵିଗତରାଗଵାନ୍ ॥ 104 ॥

ଵୀତଭାଵୋ ଵିନୀତାତ୍ମା ଵେଦଗର୍ଭୋ ଵସୁପ୍ରଦଃ ।
ଵିଶ୍ଵଦୀପ୍ତିର୍ଵିଶାଲାକ୍ଷୋ ଵିଜିତାତ୍ମା ଵିଭାଵନଃ ॥ 105 ॥

ଵେଦଵେଦ୍ୟୋ ଵିଧେୟାତ୍ମା ଵୀତଦୋଷଶ୍ଚ ଵେଦଵିତ୍ ।
ଵିଶ୍ଵକର୍ମା ଵୀତଭୟୋ ଵାଗୀଶୋ ଵାସଵାର୍ଚିତଃ ॥ 106 ॥

ଵୀରଧ୍ଵଂସୋ ଵିଶ୍ଵମୂର୍ତିର୍ଵିଶ୍ଵରୂପୋ ଵରାସନଃ ।
ଵିଶାଖୋ ଵିମଲୋ ଵାଗ୍ମୀ ଵିଦ୍ଵାନ୍ଵେଦଧରୋ ଵଟୁଃ ॥ 107 ॥

ଵୀରଚୂଡାମଣିର୍ଵୀରୋ ଵିଦ୍ୟେଶୋ ଵିବୁଧାଶ୍ରୟଃ ।
ଵିଜୟୀ ଵିନୟୀ ଵେତ୍ତା ଵରୀୟାନ୍ଵିରଜା ଵସୁଃ ॥ 108 ॥

ଵୀରଘ୍ନୋ ଵିଜ୍ଵରୋ ଵେଦ୍ୟୋ ଵେଗଵାନ୍ଵୀର୍ୟଵାନ୍ଵଶୀ ।
ଵରଶୀଲୋ ଵରଗୁଣୋ ଵିଶୋକୋ ଵଜ୍ରଧାରକଃ ॥ 109 ॥

ଶରଜନ୍ମା ଶକ୍ତିଧରଃ ଶତ୍ରୁଘ୍ନଃ ଶିଖିଵାହନଃ ।
ଶ୍ରୀମାନ୍ ଶିଷ୍ଟଃ ଶୁଚିଃ ଶୁଦ୍ଧଃ ଶାଶ୍ଵତଃ ଶ୍ରୁତିସାଗରଃ ॥ 110 ॥

ଶରଣ୍ୟଃ ଶୁଭଦଃ ଶର୍ମ ଶିଷ୍ଟେଷ୍ଟଃ ଶୁଭଲକ୍ଷଣଃ ।
ଶାଂତଃ ଶୂଲଧରଃ ଶ୍ରେଷ୍ଠଃ ଶୁଦ୍ଧାତ୍ମା ଶଂକରଃ ଶିଵଃ ॥ 111 ॥

ଶିତିକଂଠାତ୍ମଜଃ ଶୂରଃ ଶାଂତିଦଃ ଶୋକନାଶନଃ ।
ଷାଣ୍ମାତୁରଃ ଷଣ୍ମୁଖଶ୍ଚ ଷଡ୍ଗୁଣୈଶ୍ଵର୍ୟସଂୟୁତଃ ॥ 112 ॥

ଷଟ୍ଚକ୍ରସ୍ଥଃ ଷଡୂର୍ମିଘ୍ନଃ ଷଡଂଗଶ୍ରୁତିପାରଗଃ ।
ଷଡ୍ଭାଵରହିତଃ ଷଟ୍କଃ ଷଟ୍ଛାସ୍ତ୍ରସ୍ମୃତିପାରଗଃ ॥ 113 ॥

ଷଡ୍ଵର୍ଗଦାତା ଷଡ୍ଗ୍ରୀଵଃ ଷଡରିଘ୍ନଃ ଷଡାଶ୍ରୟଃ ।
ଷଟ୍କିରୀଟଧରଃ ଶ୍ରୀମାନ୍ ଷଡାଧାରଶ୍ଚ ଷଟ୍କ୍ରମଃ ॥ 114 ॥

ଷଟ୍କୋଣମଧ୍ୟନିଲୟଃ ଷଂଡତ୍ଵପରିହାରକଃ ।
ସେନାନୀଃ ସୁଭଗଃ ସ୍କଂଦଃ ସୁରାନଂଦଃ ସତାଂ ଗତିଃ ॥ 115 ॥

ସୁବ୍ରହ୍ମଣ୍ୟଃ ସୁରାଧ୍ୟକ୍ଷଃ ସର୍ଵଜ୍ଞଃ ସର୍ଵଦଃ ସୁଖୀ ।
ସୁଲଭଃ ସିଦ୍ଧିଦଃ ସୌମ୍ୟଃ ସିଦ୍ଧେଶଃ ସିଦ୍ଧିସାଧନଃ ॥ 116 ॥

ସିଦ୍ଧାର୍ଥଃ ସିଦ୍ଧସଂକଲ୍ପଃ ସିଦ୍ଧସାଧୁଃ ସୁରେଶ୍ଵରଃ ।
ସୁଭୁଜଃ ସର୍ଵଦୃକ୍ସାକ୍ଷୀ ସୁପ୍ରସାଦଃ ସନାତନଃ ॥ 117 ॥

ସୁଧାପତିଃ ସ୍ଵୟଂଜ୍ୟୋତିଃ ସ୍ଵୟଂଭୂଃ ସର୍ଵତୋମୁଖଃ ।
ସମର୍ଥଃ ସତ୍କୃତିଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍ ॥ 118 ॥

ସୁପ୍ରସନ୍ନଃ ସୁରଶ୍ରେଷ୍ଠଃ ସୁଶୀଲଃ ସତ୍ୟସାଧକଃ ।
ସଂଭାଵ୍ୟଃ ସୁମନାଃ ସେଵ୍ୟଃ ସକଲାଗମପାରଗଃ ॥ 119 ॥

ସୁଵ୍ୟକ୍ତଃ ସଚ୍ଚିଦାନଂଦଃ ସୁଵୀରଃ ସୁଜନାଶ୍ରୟଃ ।
ସର୍ଵଲକ୍ଷଣସଂପନ୍ନଃ ସତ୍ୟଧର୍ମପରାୟଣଃ ॥ 120 ॥

ସର୍ଵଦେଵମୟଃ ସତ୍ୟଃ ସଦା ମୃଷ୍ଟାନ୍ନଦାୟକଃ ।
ସୁଧାପୀ ସୁମତିଃ ସତ୍ୟଃ ସର୍ଵଵିଘ୍ନଵିନାଶନଃ ॥ 121 ॥

ସର୍ଵଦୁଃଖପ୍ରଶମନଃ ସୁକୁମାରଃ ସୁଲୋଚନଃ ।
ସୁଗ୍ରୀଵଃ ସୁଧୃତିଃ ସାରଃ ସୁରାରାଧ୍ୟଃ ସୁଵିକ୍ରମଃ ॥ 122 ॥

ସୁରାରିଘ୍ନଃ ସ୍ଵର୍ଣଵର୍ଣଃ ସର୍ପରାଜଃ ସଦା ଶୁଚିଃ ।
ସପ୍ତାର୍ଚିର୍ଭୂଃ ସୁରଵରଃ ସର୍ଵାୟୁଧଵିଶାରଦଃ ॥ 123 ॥

ହସ୍ତିଚର୍ମାଂବରସୁତୋ ହସ୍ତିଵାହନସେଵିତଃ ।
ହସ୍ତଚିତ୍ରାୟୁଧଧରୋ ହୃତାଘୋ ହସିତାନନଃ ॥ 124 ॥

ହେମଭୂଷୋ ହରିଦ୍ଵର୍ଣୋ ହୃଷ୍ଟିଦୋ ହୃଷ୍ଟିଵର୍ଧନଃ ।
ହେମାଦ୍ରିଭିଦ୍ଧଂସରୂପୋ ହୁଂକାରହତକିଲ୍ବିଷଃ ॥ 125 ॥

ହିମାଦ୍ରିଜାତାତନୁଜୋ ହରିକେଶୋ ହିରଣ୍ମୟଃ ।
ହୃଦ୍ୟୋ ହୃଷ୍ଟୋ ହରିସଖୋ ହଂସୋ ହଂସଗତିର୍ହଵିଃ ॥ 126 ॥

ହିରଣ୍ୟଵର୍ଣୋ ହିତକୃଦ୍ଧର୍ଷଦୋ ହେମଭୂଷଣଃ ।
ହରପ୍ରିୟୋ ହିତକରୋ ହତପାପୋ ହରୋଦ୍ଭଵଃ ॥ 127 ॥

କ୍ଷେମଦଃ କ୍ଷେମକୃତ୍କ୍ଷେମ୍ୟଃ କ୍ଷେତ୍ରଜ୍ଞଃ କ୍ଷାମଵର୍ଜିତଃ ।
କ୍ଷେତ୍ରପାଲଃ କ୍ଷମାଧାରଃ କ୍ଷେମକ୍ଷେତ୍ରଃ କ୍ଷମାକରଃ ॥ 128 ॥

କ୍ଷୁଦ୍ରଘ୍ନଃ କ୍ଷାଂତିଦଃ କ୍ଷେମଃ କ୍ଷିତିଭୂଷଃ କ୍ଷମାଶ୍ରୟଃ ।
କ୍ଷାଲିତାଘଃ କ୍ଷିତିଧରଃ କ୍ଷୀଣସଂରକ୍ଷଣକ୍ଷମଃ ॥ 129 ॥

କ୍ଷଣଭଂଗୁରସନ୍ନଦ୍ଧଘନଶୋଭିକପର୍ଦକଃ ।
କ୍ଷିତିଭୃନ୍ନାଥତନୟାମୁଖପଂକଜଭାସ୍କରଃ ॥ 130 ॥

କ୍ଷତାହିତଃ କ୍ଷରଃ କ୍ଷଂତା କ୍ଷତଦୋଷଃ କ୍ଷମାନିଧିଃ ।
କ୍ଷପିତାଖିଲସଂତାପଃ କ୍ଷପାନାଥସମାନନଃ ॥ 131 ॥

ଉତ୍ତର ନ୍ୟାସଃ ।
କରନ୍ୟାସଃ –
ଓଂ ଶଂ ଓଂକାରସ୍ଵରୂପାୟ ଓଜୋଧରାୟ ଓଜସ୍ଵିନେ ସୁହୃଦୟାୟ ହୃଷ୍ଟଚିତ୍ତାତ୍ମନେ ଭାସ୍ଵରରୂପାୟ ଅଂଗୁଷ୍ଠାଭ୍ୟାଂ ନମଃ ।
ଓଂ ରଂ ଷଟ୍କୋଣମଧ୍ୟନିଲୟାୟ ଷଟ୍କିରୀଟଧରାୟ ଶ୍ରୀମତେ ଷଡାଧାରାୟ ତର୍ଜନୀଭ୍ୟାଂ ନମଃ ।
ଓଂ ଵଂ ଷଣ୍ମୁଖାୟ ଶରଜନ୍ମନେ ଶୁଭଲକ୍ଷଣାୟ ଶିଖିଵାହନାୟ ମଧ୍ୟମାଭ୍ୟାଂ ନମଃ ।
ଓଂ ଣଂ କୃଶାନୁସଂଭଵାୟ କଵଚିନେ କୁକ୍କୁଟଧ୍ଵଜାୟ ଅନାମିକାଭ୍ୟାଂ ନମଃ ।
ଓଂ ଭଂ କଂଦର୍ପକୋଟିଦୀପ୍ୟମାନାୟ ଦ୍ଵିଷଡ୍ବାହଵେ ଦ୍ଵାଦଶାକ୍ଷାୟ କନିଷ୍ଠିକାଭ୍ୟାଂ ନମଃ ।
ଓଂ ଵଂ ଖେଟଧରାୟ ଖଡ୍ଗିନେ ଶକ୍ତିହସ୍ତାୟ କରତଲକରପୃଷ୍ଠାଭ୍ୟାଂ ନମଃ ।

ହୃଦୟାଦିନ୍ୟାସଃ –
ଓଂ ଶଂ ଓଂକାରସ୍ଵରୂପାୟ ଓଜୋଧରାୟ ଓଜସ୍ଵିନେ ସୁହୃଦୟାୟ ହୃଷ୍ଟଚିତ୍ତାତ୍ମନେ ଭାସ୍ଵରରୂପାୟ ହୃଦୟାୟ ନମଃ ।
ଓଂ ରଂ ଷଟ୍କୋଣମଧ୍ୟନିଲୟାୟ ଷଟ୍କିରୀଟଧରାୟ ଶ୍ରୀମତେ ଷଡାଧାରାୟ ଶିରସେ ସ୍ଵାହା ।
ଓଂ ଵଂ ଷଣ୍ମୁଖାୟ ଶରଜନ୍ମନେ ଶୁଭଲକ୍ଷଣାୟ ଶିଖିଵାହନାୟ ଶିଖାୟୈ ଵଷଟ୍ ।
ଓଂ ଣଂ କୃଶାନୁସଂଭଵାୟ କଵଚିନେ କୁକ୍କୁଟଧ୍ଵଜାୟ କଵଚାୟ ହୁମ୍ ।
ଓଂ ଭଂ କଂଦର୍ପକୋଟିଦୀପ୍ୟମାନାୟ ଦ୍ଵିଷଡ୍ବାହଵେ ଦ୍ଵାଦଶାକ୍ଷାୟ ନେତ୍ରତ୍ରୟାୟ ଵୌଷଟ୍ ।
ଓଂ ଵଂ ଖେଟଧରାୟ ଖଡ୍ଗିନେ ଶକ୍ତିହସ୍ତାୟ ଅସ୍ତ୍ରାୟ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ।

ଫଲଶ୍ରୁତି ।
ଇତି ନାମ୍ନାଂ ସହସ୍ରାଣି ଷଣ୍ମୁଖସ୍ୟ ଚ ନାରଦ ।
ୟଃ ପଠେଚ୍ଛୃଣୁୟାଦ୍ଵାପି ଭକ୍ତିୟୁକ୍ତେନ ଚେତସା ॥ 1 ॥

ସ ସଦ୍ୟୋ ମୁଚ୍ୟତେ ପାପୈର୍ମନୋଵାକ୍କାୟସଂଭଵୈଃ ।
ଆୟୁର୍ଵୃଦ୍ଧିକରଂ ପୁଂସାଂ ସ୍ଥୈର୍ୟଵୀର୍ୟଵିଵର୍ଧନମ୍ ॥ 2 ॥

ଵାକ୍ୟେନୈକେନ ଵକ୍ଷ୍ୟାମି ଵାଂଛିତାର୍ଥଂ ପ୍ରୟଚ୍ଛତି ।
ତସ୍ମାତ୍ସର୍ଵାତ୍ମନା ବ୍ରହ୍ମନ୍ନିୟମେନ ଜପେତ୍ସୁଧୀଃ ॥ 3 ॥

ଇତି ସ୍କଂଦପୁରାଣେ ଈଶ୍ଵରପ୍ରୋକ୍ତେ ବ୍ରହ୍ମନାରଦସଂଵାଦେ ଶ୍ରୀ ସୁବ୍ରହ୍ମଣ୍ୟ ସହସ୍ରନାମ ସ୍ତୋତ୍ରମ୍ ।

sri subrahmanya sahasra nama stotram in odia