ଶ୍ରୀ ମଧ୍ଵାଚାର୍ୟ କୃତ ଦ୍ଵାଦଶ ସ୍ତୋତ୍ର – ନଵମସ୍ତୋତ୍ରମ୍

sri madhvacharya kruta dwadasha stotra 9 in odia

ଅଥ ନଵମସ୍ତୋତ୍ରମ୍
ଅତିମତତମୋଗିରିସମିତିଵିଭେଦନ ପିତାମହଭୂତିଦ ଗୁଣଗଣନିଲୟ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 1॥

ଵିଧିଭଵମୁଖସୁରସତତସୁଵଂଦିତରମାମନୋଵଲ୍ଲଭ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 2॥

ଅଗଣିତଗୁଣଗଣମୟଶରୀର ହେ ଵିଗତଗୁଣେତର ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 3॥

ଅପରିମିତସୁଖନିଧିଵିମଲସୁଦେହ ହେ ଵିଗତ ସୁଖେତର ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 4॥

ପ୍ରଚଲିତଲୟଜଲଵିହରଣ ଶାଶ୍ଵତସୁଖମୟମୀନ ହେ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 5॥

ସୁରଦିତିଜସୁବଲଵିଲୁଳିତମଂଦରଧର ପର କୂର୍ମ ହେ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 6॥

ସଗିରିଵରଧରାତଳଵହ ସୁସୂକରପରମଵିବୋଧ ହେ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 7॥

ଅତିବଲଦିତିସୁତ ହୃଦୟ ଵିଭେଦନ ଜୟନୃହରେଽମଲ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 8॥

ବଲିମୁଖଦିତିସୁତଵିଜୟଵିନାଶନ ଜଗଦଵନାଜିତ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 9॥

ଅଵିଜିତକୁନୃପତିସମିତିଵିଖଂଡନ ରମାଵର ଵୀରପ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 10॥

ଖରତରନିଶିଚରଦହନ ପରାମୃତ ରଘୁଵର ମାନଦ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 11॥

ସୁଲଲିତତନୁଵର ଵରଦ ମହାବଲ ୟଦୁଵର ପାର୍ଥପ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 12॥

ଦିତିସୁତଵିମୋହନ ଵିମଲଵିବୋଧନ ପରଗୁଣବୁଦ୍ଧ ହେ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 13॥

କଲିମଲହୁତଵହ ସୁଭଗ ମହୋତ୍ସଵ ଶରଣଦ କଲ୍କୀଶ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 14॥

ଅଖିଲଜନିଵିଲୟ ପରସୁଖକାରଣ ପରପୁରୁଷୋତ୍ତମ ଭଵ ମମ ଶରଣମ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 15॥

ଇତି ତଵ ନୁତିଵରସତତରତେର୍ଭଵ ସୁଶରଣମୁରୁସୁଖତୀର୍ଥମୁନେଃ ଭଗଵନ୍ ।
ଶୁଭତମ କଥାଶୟ ପରମସଦୋଦିତ ଜଗଦେକକାରଣ ରାମରମାରମଣ ॥ 16॥

ଇତି ଶ୍ରୀମଦାନଂଦତୀର୍ଥଭଗଵତ୍ପାଦାଚାର୍ୟ ଵିରଚିତଂ
ଦ୍ଵାଦଶସ୍ତୋତ୍ରେଷୁ ନଵମସ୍ତୋତ୍ରଂ ସଂପୂର୍ଣମ୍

sri madhvacharya kruta dwadasha stotra 9 in odia