ଶ୍ରୀ ଗାୟତ୍ରି ସହସ୍ର ନାମ ସ୍ତୋତ୍ରମ୍

sri gayatri sahasra nama stotram in odia

ନାରଦ ଉଵାଚ –
ଭଗଵନ୍ସର୍ଵଧର୍ମଜ୍ଞ ସର୍ଵଶାସ୍ତ୍ରଵିଶାରଦ ।
ଶ୍ରୁତିସ୍ମୃତିପୁରାଣାନାଂ ରହସ୍ୟଂ ତ୍ଵନ୍ମୁଖାଚ୍ଛ୍ରୁତମ୍ ॥ 1 ॥

ସର୍ଵପାପହରଂ ଦେଵ ୟେନ ଵିଦ୍ୟା ପ୍ରଵର୍ତତେ ।
କେନ ଵା ବ୍ରହ୍ମଵିଜ୍ଞାନଂ କିଂ ନୁ ଵା ମୋକ୍ଷସାଧନମ୍ ॥ 2 ॥

ବ୍ରାହ୍ମଣାନାଂ ଗତିଃ କେନ କେନ ଵା ମୃତ୍ୟୁ ନାଶନମ୍ ।
ଐହିକାମୁଷ୍ମିକଫଲଂ କେନ ଵା ପଦ୍ମଲୋଚନ ॥ 3 ॥

ଵକ୍ତୁମର୍ହସ୍ୟଶେଷେଣ ସର୍ଵେ ନିଖିଲମାଦିତଃ ।
ଶ୍ରୀନାରାୟଣ ଉଵାଚ –
ସାଧୁ ସାଧୁ ମହାପ୍ରାଜ୍ଞ ସମ୍ୟକ୍ ପୃଷ୍ଟଂ ତ୍ଵୟାଽନଘ ॥ 4 ॥

ଶୃଣୁ ଵକ୍ଷ୍ୟାମି ୟତ୍ନେନ ଗାୟତ୍ର୍ୟଷ୍ଟସହସ୍ରକମ୍ ।
ନାମ୍ନାଂ ଶୁଭାନାଂ ଦିଵ୍ୟାନାଂ ସର୍ଵପାପଵିନାଶନମ୍ ॥ 5 ॥

ସୃଷ୍ଟ୍ୟାଦୌ ୟଦ୍ଭଗଵତା ପୂର୍ଵେ ପ୍ରୋକ୍ତଂ ବ୍ରଵୀମି ତେ ।
ଅଷ୍ଟୋତ୍ତରସହସ୍ରସ୍ୟ ଋଷିର୍ବ୍ରହ୍ମା ପ୍ରକୀର୍ତିତଃ ॥ 6 ॥

ଛଂଦୋଽନୁଷ୍ଟୁପ୍ତଥା ଦେଵୀ ଗାୟତ୍ରୀଂ ଦେଵତା ସ୍ମୃତା ।
ହଲୋବୀଜାନି ତସ୍ୟୈଵ ସ୍ଵରାଃ ଶକ୍ତୟ ଈରିତାଃ ॥ 7 ॥

ଅଂଗନ୍ୟାସକରନ୍ୟାସାଵୁଚ୍ୟେତେ ମାତୃକାକ୍ଷରୈଃ ।
ଅଥ ଧ୍ୟାନଂ ପ୍ରଵକ୍ଷ୍ୟାମି ସାଧକାନାଂ ହିତାୟ ଵୈ ॥ 8 ॥

ଧ୍ୟାନମ୍
ରକ୍ତଶ୍ଵେତହିରଣ୍ୟନୀଲଧଵଲୈର୍ୟୁକ୍ତାଂ ତ୍ରିନୀତ୍ରୋଜ୍ଜ୍ଵଲାଂ
ରକ୍ତାଂ ରକ୍ତନଵସ୍ରଜଂ ମଣିଗଣୈର୍ୟୁକ୍ତାଂ କୁମାରୀମିମାମ୍ ।
ଗାୟତ୍ରୀଂ କମଲାସନାଂ କରତଲଵ୍ୟାନଦ୍ଧକୁଂଡାଂବୁଜାଂ
ପଦ୍ମାକ୍ଷୀଂ ଚ ଵରସ୍ରଜଂ ଚ ଦଧତୀଂ ହଂସାଧିରୂଢାଂ ଭଜେ ॥ 9 ॥

ଅଚିଂତ୍ୟଲକ୍ଷଣାଵ୍ୟକ୍ତାପ୍ୟର୍ଥମାତୃମହେଶ୍ଵରୀ ।
ଅମୃତାର୍ଣଵମଧ୍ୟସ୍ଥାପ୍ୟଜିତା ଚାପରାଜିତା ॥ 10 ॥

ଅଣିମାଦିଗୁଣାଧାରାପ୍ୟର୍କମଂଡଲସଂସ୍ଥିତା ।
ଅଜରାଜାପରାଧର୍ମା ଅକ୍ଷସୂତ୍ରଧରାଧରା ॥ 11 ॥

ଅକାରାଦିକ୍ଷକାରାଂତାପ୍ୟରିଷଡ୍ଵର୍ଗଭେଦିନୀ ।
ଅଂଜନାଦ୍ରିପ୍ରତୀକାଶାପ୍ୟଂଜନାଦ୍ରିନିଵାସିନୀ ॥ 12 ॥

ଅଦିତିଶ୍ଚାଜପାଵିଦ୍ୟାପ୍ୟରଵିଂଦନିଭେକ୍ଷଣା ।
ଅଂତର୍ବହିଃସ୍ଥିତାଵିଦ୍ୟାଧ୍ଵଂସିନୀ ଚାଂତରାତ୍ମିକା ॥ 13 ॥

ଅଜା ଚାଜମୁଖାଵାସାପ୍ୟରଵିଂଦନିଭାନନା ।
ଅର୍ଧମାତ୍ରାର୍ଥଦାନଜ୍ଞାପ୍ୟରିମଂଡଲମର୍ଦିନୀ ॥ 14 ॥

ଅସୁରଘ୍ନୀ ହ୍ୟମାଵାସ୍ୟାପ୍ୟଲକ୍ଷ୍ମୀଘ୍ନ୍ୟଂତ୍ୟଜାର୍ଚିତା ।
ଆଦିଲକ୍ଷ୍ମୀଶ୍ଚାଦିଶକ୍ତିରାକୃତିଶ୍ଚାୟତାନନା ॥ 15 ॥

ଆଦିତ୍ୟପଦଵୀଚାରାପ୍ୟାଦିତ୍ୟପରିସେଵିତା ।
ଆଚାର୍ୟାଵର୍ତନାଚାରାପ୍ୟାଦିମୂର୍ତିନିଵାସିନୀ ॥ 16 ॥

ଆଗ୍ନେୟୀ ଚାମରୀ ଚାଦ୍ୟା ଚାରାଧ୍ୟା ଚାସନସ୍ଥିତା ।
ଆଧାରନିଲୟାଧାରା ଚାକାଶାଂତନିଵାସିନୀ ॥ 17 ॥

ଆଦ୍ୟାକ୍ଷରସମାୟୁକ୍ତା ଚାଂତରାକାଶରୂପିଣୀ ।
ଆଦିତ୍ୟମଂଡଲଗତା ଚାଂତରଧ୍ଵାଂତନାଶିନୀ ॥ 18 ॥

ଇଂଦିରା ଚେଷ୍ଟଦା ଚେଷ୍ଟା ଚେଂଦୀଵରନିଭେକ୍ଷଣା ।
ଇରାଵତୀ ଚେଂଦ୍ରପଦା ଚେଂଦ୍ରାଣୀ ଚେଂଦୁରୂପିଣୀ ॥ 19 ॥

ଇକ୍ଷୁକୋଦଂଡସଂୟୁକ୍ତା ଚେଷୁସଂଧାନକାରିଣୀ ।
ଇଂଦ୍ରନୀଲସମାକାରା ଚେଡାପିଂଗଲରୂପିଣୀ ॥ 20 ॥

ଇଂଦ୍ରାକ୍ଷୀଚେଶ୍ଵରୀ ଦେଵୀ ଚେହାତ୍ରୟଵିଵର୍ଜିତା ।
ଉମା ଚୋଷା ହ୍ୟୁଡୁନିଭା ଉର୍ଵାରୁକଫଲାନନା ॥ 21 ॥

ଉଡୁପ୍ରଭା ଚୋଡୁମତୀ ହ୍ୟୁଡୁପା ହ୍ୟୁଡୁମଧ୍ୟଗା ।
ଊର୍ଧ୍ଵା ଚାପ୍ୟୂର୍ଧ୍ଵକେଶୀ ଚାପ୍ୟୂର୍ଧ୍ଵାଧୋଗତିଭେଦିନୀ ॥ 22 ॥

ଊର୍ଧ୍ଵବାହୁପ୍ରିୟା ଚୋର୍ମିମାଲାଵାଗ୍ଗ୍ରଂଥଦାୟିନୀ ।
ଋତଂ ଚର୍ଷିରୃତୁମତୀ ଋଷିଦେଵନମସ୍କୃତା ॥ 23 ॥

ଋଗ୍ଵେଦା ଋଣହର୍ତ୍ରୀ ଚ ଋଷିମଂଡଲଚାରିଣୀ ।
ଋଦ୍ଧିଦା ଋଜୁମାର୍ଗସ୍ଥା ଋଜୁଧର୍ମା ଋଜୁପ୍ରଦା ॥ 24 ॥

ଋଗ୍ଵେଦନିଲୟା ଋଜ୍ଵୀ ଲୁପ୍ତଧର୍ମପ୍ରଵର୍ତିନୀ ।
ଲୂତାରିଵରସଂଭୂତା ଲୂତାଦିଵିଷହାରିଣୀ ॥ 25 ॥

ଏକାକ୍ଷରା ଚୈକମାତ୍ରା ଚୈକା ଚୈକୈକନିଷ୍ଠିତା ।
ଐଂଦ୍ରୀ ହ୍ୟୈରାଵତାରୂଢା ଚୈହିକାମୁଷ୍ମିକପ୍ରଦା ॥ 26 ॥

ଓଂକାରା ହ୍ୟୋଷଧୀ ଚୋତା ଚୋତପ୍ରୋତନିଵାସିନୀ ।
ଔର୍ଵା ହ୍ୟୌଷଧସଂପନ୍ନା ଔପାସନଫଲପ୍ରଦା ॥ 27 ॥

ଅଂଡମଧ୍ୟସ୍ଥିତା ଦେଵୀ ଚାଃକାରମନୁରୂପିଣୀ ।
କାତ୍ୟାୟନୀ କାଲରାତ୍ରିଃ କାମାକ୍ଷୀ କାମସୁଂଦରୀ ॥ 28 ॥

କମଲା କାମିନୀ କାଂତା କାମଦା କାଲକଂଠିନୀ ।
କରିକୁଂଭସ୍ତନଭରା କରଵୀରସୁଵାସିନୀ ॥ 29 ॥

କଲ୍ୟାଣୀ କୁଂଡଲଵତୀ କୁରୁକ୍ଷେତ୍ରନିଵାସିନୀ ।
କୁରୁଵିଂଦଦଲାକାରା କୁଂଡଲୀ କୁମୁଦାଲୟା ॥ 30 ॥

କାଲଜିହ୍ଵା କରାଲାସ୍ୟା କାଲିକା କାଲରୂପିଣୀ ।
କମନୀୟଗୁଣା କାଂତିଃ କଲାଧାରା କୁମୁଦ୍ଵତୀ ॥ 31 ॥

କୌଶିକୀ କମଲାକାରା କାମଚାରପ୍ରଭଂଜିନୀ ।
କୌମାରୀ କରୁଣାପାଂଗୀ କକୁଵଂତା କରିପ୍ରିୟା ॥ 32 ॥

କେସରୀ କେଶଵନୁତା କଦଂବକୁସୁମପ୍ରିୟା ।
କାଲିଂଦୀ କାଲିକା କାଂଚୀ କଲଶୋଦ୍ଭଵସଂସ୍ତୁତା ॥ 33 ॥

କାମମାତା କ୍ରତୁମତୀ କାମରୂପା କୃପାଵତୀ ।
କୁମାରୀ କୁଂଡନିଲୟା କିରାତୀ କୀରଵାହନା ॥ 34 ॥

କୈକେୟୀ କୋକିଲାଲାପା କେତକୀ କୁସୁମପ୍ରିୟା ।
କମଂଡଲୁଧରା କାଲୀ କର୍ମନିର୍ମୂଲକାରିଣୀ ॥ 35 ॥

କଲହଂସଗତିଃ କକ୍ଷା କୃତକୌତୁକମଂଗଲା ।
କସ୍ତୂରୀତିଲକା କଂପ୍ରା କରୀଂଦ୍ରଗମନା କୁହୂଃ ॥ 36 ॥

କର୍ପୂରଲେପନା କୃଷ୍ଣା କପିଲା କୁହରାଶ୍ରୟା ।
କୂଟସ୍ଥା କୁଧରା କମ୍ରା କୁକ୍ଷିସ୍ଥାଖିଲଵିଷ୍ଟପା ॥ 37 ॥

ଖଡ୍ଗଖେଟଧରା ଖର୍ଵା ଖେଚରୀ ଖଗଵାହନା ।
ଖଟ୍ଵାଂଗଧାରିଣୀ ଖ୍ୟାତା ଖଗରାଜୋପରିସ୍ଥିତା ॥ 38 ॥

ଖଲଘ୍ନୀ ଖଂଡିତଜରା ଖଂଡାଖ୍ୟାନପ୍ରଦାୟିନୀ ।
ଖଂଡେଂଦୁତିଲକା ଗଂଗା ଗଣେଶଗୁହପୂଜିତା ॥ 39 ॥

ଗାୟତ୍ରୀ ଗୋମତୀ ଗୀତା ଗାଂଧାରୀ ଗାନଲୋଲୁପା ।
ଗୌତମୀ ଗାମିନୀ ଗାଧା ଗଂଧର୍ଵାପ୍ସରସେଵିତା ॥ 40 ॥

ଗୋଵିଂଦଚରଣାକ୍ରାଂତା ଗୁଣତ୍ରୟଵିଭାଵିତା ।
ଗଂଧର୍ଵୀ ଗହ୍ଵରୀ ଗୋତ୍ରା ଗିରୀଶା ଗହନା ଗମୀ ॥ 41 ॥

ଗୁହାଵାସା ଗୁଣଵତୀ ଗୁରୁପାପପ୍ରଣାଶିନୀ ।
ଗୁର୍ଵୀ ଗୁଣଵତୀ ଗୁହ୍ୟା ଗୋପ୍ତଵ୍ୟା ଗୁଣଦାୟିନୀ ॥ 42 ॥

ଗିରିଜା ଗୁହ୍ୟମାତଂଗୀ ଗରୁଡଧ୍ଵଜଵଲ୍ଲଭା ।
ଗର୍ଵାପହାରିଣୀ ଗୋଦା ଗୋକୁଲସ୍ଥା ଗଦାଧରା ॥ 43 ॥

ଗୋକର୍ଣନିଲୟାସକ୍ତା ଗୁହ୍ୟମଂଡଲଵର୍ତିନୀ ।
ଘର୍ମଦା ଘନଦା ଘଂଟା ଘୋରଦାନଵମର୍ଦିନୀ ॥ 44 ॥

ଘୃଣିମଂତ୍ରମୟୀ ଘୋଷା ଘନସଂପାତଦାୟିନୀ ।
ଘଂଟାରଵପ୍ରିୟା ଘ୍ରାଣା ଘୃଣିସଂତୁଷ୍ଟକାରିଣୀ ॥ 45 ॥

ଘନାରିମଂଡଲା ଘୂର୍ଣା ଘୃତାଚୀ ଘନଵେଗିନୀ ।
ଜ୍ଞାନଧାତୁମୟୀ ଚର୍ଚା ଚର୍ଚିତା ଚାରୁହାସିନୀ ॥ 46 ॥

ଚଟୁଲା ଚଂଡିକା ଚିତ୍ରା ଚିତ୍ରମାଲ୍ୟଵିଭୂଷିତା ।
ଚତୁର୍ଭୁଜା ଚାରୁଦଂତା ଚାତୁରୀ ଚରିତପ୍ରଦା ॥ 47 ॥

ଚୂଲିକା ଚିତ୍ରଵସ୍ତ୍ରାଂତା ଚଂଦ୍ରମଃକର୍ଣକୁଂଡଲା ।
ଚଂଦ୍ରହାସା ଚାରୁଦାତ୍ରୀ ଚକୋରୀ ଚଂଦ୍ରହାସିନୀ ॥ 48 ॥

ଚଂଦ୍ରିକା ଚଂଦ୍ରଧାତ୍ରୀ ଚ ଚୌରୀ ଚୌରା ଚ ଚଂଡିକା ।
ଚଂଚଦ୍ଵାଗ୍ଵାଦିନୀ ଚଂଦ୍ରଚୂଡା ଚୋରଵିନାଶିନୀ ॥ 49 ॥

ଚାରୁଚଂଦନଲିପ୍ତାଂଗୀ ଚଂଚଚ୍ଚାମରଵୀଜିତା ।
ଚାରୁମଧ୍ୟା ଚାରୁଗତିଶ୍ଚଂଦିଲା ଚଂଦ୍ରରୂପିଣୀ ॥ 50 ॥

ଚାରୁହୋମପ୍ରିୟା ଚାର୍ଵାଚରିତା ଚକ୍ରବାହୁକା ।
ଚଂଦ୍ରମଂଡଲମଧ୍ୟସ୍ଥା ଚଂଦ୍ରମଂଡଲଦର୍ପଣା ॥ 51 ॥

ଚକ୍ରଵାକସ୍ତନୀ ଚେଷ୍ଟା ଚିତ୍ରା ଚାରୁଵିଲାସିନୀ ।
ଚିତ୍ସ୍ଵରୂପା ଚଂଦ୍ରଵତୀ ଚଂଦ୍ରମାଶ୍ଚଂଦନପ୍ରିୟା ॥ 52 ॥

ଚୋଦୟିତ୍ରୀ ଚିରପ୍ରଜ୍ଞା ଚାତକା ଚାରୁହେତୁକୀ ।
ଛତ୍ରୟାତା ଛତ୍ରଧରା ଛାୟା ଛଂଦଃପରିଚ୍ଛଦା ॥ 53 ॥

ଛାୟାଦେଵୀ ଛିଦ୍ରନଖା ଛନ୍ନେଂଦ୍ରିୟଵିସର୍ପିଣୀ ।
ଛଂଦୋଽନୁଷ୍ଟୁପ୍ପ୍ରତିଷ୍ଠାଂତା ଛିଦ୍ରୋପଦ୍ରଵଭେଦିନୀ ॥ 54 ॥

ଛେଦା ଛତ୍ରେଶ୍ଵରୀ ଛିନ୍ନା ଛୁରିକା ଛେଦନପ୍ରିୟା ।
ଜନନୀ ଜନ୍ମରହିତା ଜାତଵେଦା ଜଗନ୍ମୟୀ ॥ 55 ॥

ଜାହ୍ନଵୀ ଜଟିଲା ଜେତ୍ରୀ ଜରାମରଣଵର୍ଜିତା ।
ଜଂବୂଦ୍ଵୀପଵତୀ ଜ୍ଵାଲା ଜୟଂତୀ ଜଲଶାଲିନୀ ॥ 56 ॥

ଜିତେଂଦ୍ରିୟା ଜିତକ୍ରୋଧା ଜିତାମିତ୍ରା ଜଗତ୍ପ୍ରିୟା ।
ଜାତରୂପମୟୀ ଜିହ୍ଵା ଜାନକୀ ଜଗତୀ ଜରା ॥ 57 ॥

ଜନିତ୍ରୀ ଜହ୍ନୁତନୟା ଜଗତ୍ତ୍ରୟହିତୈଷିଣୀ ।
ଜ୍ଵାଲାମୁଖୀ ଜପଵତୀ ଜ୍ଵରଘ୍ନୀ ଜିତଵିଷ୍ଟପା ॥ 58 ॥

ଜିତାକ୍ରାଂତମୟୀ ଜ୍ଵାଲା ଜାଗ୍ରତୀ ଜ୍ଵରଦେଵତା ।
ଜ୍ଵଲଂତୀ ଜଲଦା ଜ୍ୟେଷ୍ଠା ଜ୍ୟାଘୋଷାସ୍ଫୋଟଦିଙ୍ମୁଖୀ ॥ 59 ॥

ଜଂଭିନୀ ଜୃଂଭଣା ଜୃଂଭା ଜ୍ଵଲନ୍ମାଣିକ୍ୟକୁଂଡଲା ।
ଝିଂଝିକା ଝଣନିର୍ଘୋଷା ଝଂଝାମାରୁତଵେଗିନୀ ॥ 60 ॥

ଝଲ୍ଲରୀଵାଦ୍ୟକୁଶଲା ଞରୂପା ଞଭୁଜା ସ୍ମୃତା ।
ଟଂକବାଣସମାୟୁକ୍ତା ଟଂକିନୀ ଟଂକଭେଦିନୀ ॥ 61 ॥

ଟଂକୀଗଣକୃତାଘୋଷା ଟଂକନୀୟମହୋରସା ।
ଟଂକାରକାରିଣୀ ଦେଵୀ ଠଠଶବ୍ଦନିନାଦିନୀ ॥ 62 ॥

ଡାମରୀ ଡାକିନୀ ଡିଂଭା ଡୁଂଡୁମାରୈକନିର୍ଜିତା ।
ଡାମରୀତଂତ୍ରମାର୍ଗସ୍ଥା ଡମଡ୍ଡମରୁନାଦିନୀ ॥ 63 ॥

ଡିଂଡୀରଵସହା ଡିଂଭଲସତ୍କ୍ରୀଡାପରାୟଣା ।
ଢୁଂଢିଵିଘ୍ନେଶଜନନୀ ଢକ୍କାହସ୍ତା ଢିଲିଵ୍ରଜା ॥ 64 ॥

ନିତ୍ୟଜ୍ଞାନା ନିରୁପମା ନିର୍ଗୁଣା ନର୍ମଦା ନଦୀ ।
ତ୍ରିଗୁଣା ତ୍ରିପଦା ତଂତ୍ରୀ ତୁଲସୀ ତରୁଣା ତରୁଃ ॥ 65 ॥

ତ୍ରିଵିକ୍ରମପଦାକ୍ରାଂତା ତୁରୀୟପଦଗାମିନୀ ।
ତରୁଣାଦିତ୍ୟସଂକାଶା ତାମସୀ ତୁହିନା ତୁରା ॥ 66 ॥

ତ୍ରିକାଲଜ୍ଞାନସଂପନ୍ନା ତ୍ରିଵେଣୀ ଚ ତ୍ରିଲୋଚନା ।
ତ୍ରିଶକ୍ତିସ୍ତ୍ରିପୁରା ତୁଂଗା ତୁରଂଗଵଦନା ତଥା ॥ 67 ॥

ତିମିଂଗିଲଗିଲା ତୀଵ୍ରା ତ୍ରିସ୍ରୋତା ତାମସାଦିନୀ ।
ତଂତ୍ରମଂତ୍ରଵିଶେଷଜ୍ଞା ତନୁମଧ୍ୟା ତ୍ରିଵିଷ୍ଟପା ॥ 68 ॥

ତ୍ରିସଂଧ୍ୟା ତ୍ରିସ୍ତନୀ ତୋଷାସଂସ୍ଥା ତାଲପ୍ରତାପିନୀ ।
ତାଟଂକିନୀ ତୁଷାରାଭା ତୁହିନାଚଲଵାସିନୀ ॥ 69 ॥

ତଂତୁଜାଲସମାୟୁକ୍ତା ତାରହାରାଵଲିପ୍ରିୟା ।
ତିଲହୋମପ୍ରିୟା ତୀର୍ଥା ତମାଲକୁସୁମାକୃତିଃ ॥ 70 ॥

ତାରକା ତ୍ରିୟୁତା ତନ୍ଵୀ ତ୍ରିଶଂକୁପରିଵାରିତା ।
ତଲୋଦରୀ ତିଲାଭୂଷା ତାଟଂକପ୍ରିୟଵାଦିନୀ ॥ 71 ॥

ତ୍ରିଜଟା ତିତ୍ତିରୀ ତୃଷ୍ଣା ତ୍ରିଵିଧା ତରୁଣାକୃତିଃ ।
ତପ୍ତକାଂଚନସଂକାଶା ତପ୍ତକାଂଚନଭୂଷଣା ॥ 72 ॥

ତ୍ରୈୟଂବକା ତ୍ରିଵର୍ଗା ଚ ତ୍ରିକାଲଜ୍ଞାନଦାୟିନୀ ।
ତର୍ପଣା ତୃପ୍ତିଦା ତୃପ୍ତା ତାମସୀ ତୁଂବୁରୁସ୍ତୁତା ॥ 73 ॥

ତାର୍କ୍ଷ୍ୟସ୍ଥା ତ୍ରିଗୁଣାକାରା ତ୍ରିଭଂଗୀ ତନୁଵଲ୍ଲରିଃ ।
ଥାତ୍କାରୀ ଥାରଵା ଥାଂତା ଦୋହିନୀ ଦୀନଵତ୍ସଲା ॥ 74 ॥

ଦାନଵାଂତକରୀ ଦୁର୍ଗା ଦୁର୍ଗାସୁରନିବର୍ହିଣୀ ।
ଦେଵରୀତିର୍ଦିଵାରାତ୍ରିର୍ଦ୍ରୌପଦୀ ଦୁଂଦୁଭିସ୍ଵନା ॥ 75 ॥

ଦେଵୟାନୀ ଦୁରାଵାସା ଦାରିଦ୍ର୍ୟୋଦ୍ଭେଦିନୀ ଦିଵା ।
ଦାମୋଦରପ୍ରିୟା ଦୀପ୍ତା ଦିଗ୍ଵାସା ଦିଗ୍ଵିମୋହିନୀ ॥ 76 ॥

ଦଂଡକାରଣ୍ୟନିଲୟା ଦଂଡିନୀ ଦେଵପୂଜିତା ।
ଦେଵଵଂଦ୍ୟା ଦିଵିଷଦା ଦ୍ଵେଷିଣୀ ଦାନଵାକୃତିଃ ॥ 77 ॥

ଦୀନାନାଥସ୍ତୁତା ଦୀକ୍ଷା ଦୈଵତାଦିସ୍ଵରୂପିଣୀ ।
ଧାତ୍ରୀ ଧନୁର୍ଧରା ଧେନୁର୍ଧାରିଣୀ ଧର୍ମଚାରିଣୀ ॥ 78 ॥

ଧୁରଂଧରା ଧରାଧାରା ଧନଦା ଧାନ୍ୟଦୋହିନୀ ।
ଧର୍ମଶୀଲା ଧନାଧ୍ୟକ୍ଷା ଧନୁର୍ଵେଦଵିଶାରଦା ॥ 79 ॥

ଧୃତିର୍ଧନ୍ୟା ଧୃତପଦା ଧର୍ମରାଜପ୍ରିୟା ଧ୍ରୁଵା ।
ଧୂମାଵତୀ ଧୂମକେଶୀ ଧର୍ମଶାସ୍ତ୍ରପ୍ରକାଶିନୀ ॥ 80 ॥

ନଂଦା ନଂଦପ୍ରିୟା ନିଦ୍ରା ନୃନୁତା ନଂଦନାତ୍ମିକା ।
ନର୍ମଦା ନଲିନୀ ନୀଲା ନୀଲକଂଠସମାଶ୍ରୟା ॥ 81 ॥

ନାରାୟଣପ୍ରିୟା ନିତ୍ୟା ନିର୍ମଲା ନିର୍ଗୁଣା ନିଧିଃ ।
ନିରାଧାରା ନିରୁପମା ନିତ୍ୟଶୁଦ୍ଧା ନିରଂଜନା ॥ 82 ॥

ନାଦବିଂଦୁକଲାତୀତା ନାଦବିଂଦୁକଲାତ୍ମିକା ।
ନୃସିଂହିନୀ ନଗଧରା ନୃପନାଗଵିଭୂଷିତା ॥ 83 ॥

ନରକକ୍ଲେଶଶମନୀ ନାରାୟଣପଦୋଦ୍ଭଵା ।
ନିରଵଦ୍ୟା ନିରାକାରା ନାରଦପ୍ରିୟକାରିଣୀ ॥ 84 ॥

ନାନାଜ୍ୟୋତିଃ ସମାଖ୍ୟାତା ନିଧିଦା ନିର୍ମଲାତ୍ମିକା ।
ନଵସୂତ୍ରଧରା ନୀତିର୍ନିରୁପଦ୍ରଵକାରିଣୀ ॥ 85 ॥

ନଂଦଜା ନଵରତ୍ନାଢ୍ୟା ନୈମିଷାରଣ୍ୟଵାସିନୀ ।
ନଵନୀତପ୍ରିୟା ନାରୀ ନୀଲଜୀମୂତନିସ୍ଵନା ॥ 86 ॥

ନିମେଷିଣୀ ନଦୀରୂପା ନୀଲଗ୍ରୀଵା ନିଶୀଶ୍ଵରୀ ।
ନାମାଵଲିର୍ନିଶୁଂଭଘ୍ନୀ ନାଗଲୋକନିଵାସିନୀ ॥ 87 ॥

ନଵଜାଂବୂନଦପ୍ରଖ୍ୟା ନାଗଲୋକାଧିଦେଵତା ।
ନୂପୁରାକ୍ରାଂତଚରଣା ନରଚିତ୍ତପ୍ରମୋଦିନୀ ॥ 88 ॥

ନିମଗ୍ନାରକ୍ତନୟନା ନିର୍ଘାତସମନିସ୍ଵନା ।
ନଂଦନୋଦ୍ୟାନନିଲୟା ନିର୍ଵ୍ୟୂହୋପରିଚାରିଣୀ ॥ 89 ॥

ପାର୍ଵତୀ ପରମୋଦାରା ପରବ୍ରହ୍ମାତ୍ମିକା ପରା ।
ପଂଚକୋଶଵିନିର୍ମୁକ୍ତା ପଂଚପାତକନାଶିନୀ ॥ 90 ॥

ପରଚିତ୍ତଵିଧାନଜ୍ଞା ପଂଚିକା ପଂଚରୂପିଣୀ ।
ପୂର୍ଣିମା ପରମା ପ୍ରୀତିଃ ପରତେଜଃ ପ୍ରକାଶିନୀ ॥ 91 ॥

ପୁରାଣୀ ପୌରୁଷୀ ପୁଣ୍ୟା ପୁଂଡରୀକନିଭେକ୍ଷଣା ।
ପାତାଲତଲନିର୍ମଗ୍ନା ପ୍ରୀତା ପ୍ରୀତିଵିଵର୍ଧିନୀ ॥ 92 ॥

ପାଵନୀ ପାଦସହିତା ପେଶଲା ପଵନାଶିନୀ ।
ପ୍ରଜାପତିଃ ପରିଶ୍ରାଂତା ପର୍ଵତସ୍ତନମଂଡଲା ॥ 93 ॥

ପଦ୍ମପ୍ରିୟା ପଦ୍ମସଂସ୍ଥା ପଦ୍ମାକ୍ଷୀ ପଦ୍ମସଂଭଵା ।
ପଦ୍ମପତ୍ରା ପଦ୍ମପଦା ପଦ୍ମିନୀ ପ୍ରିୟଭାଷିଣୀ ॥ 94 ॥

ପଶୁପାଶଵିନିର୍ମୁକ୍ତା ପୁରଂଧ୍ରୀ ପୁରଵାସିନୀ ।
ପୁଷ୍କଲା ପୁରୁଷା ପର୍ଵା ପାରିଜାତସୁମପ୍ରିୟା ॥ 95 ॥

ପତିଵ୍ରତା ପଵିତ୍ରାଂଗୀ ପୁଷ୍ପହାସପରାୟଣା ।
ପ୍ରଜ୍ଞାଵତୀସୁତା ପୌତ୍ରୀ ପୁତ୍ରପୂଜ୍ୟା ପୟସ୍ଵିନୀ ॥ 96 ॥

ପଟ୍ଟିପାଶଧରା ପଂକ୍ତିଃ ପିତୃଲୋକପ୍ରଦାୟିନୀ ।
ପୁରାଣୀ ପୁଣ୍ୟଶୀଲା ଚ ପ୍ରଣତାର୍ତିଵିନାଶିନୀ ॥ 97 ॥

ପ୍ରଦ୍ୟୁମ୍ନଜନନୀ ପୁଷ୍ଟା ପିତାମହପରିଗ୍ରହା ।
ପୁଂଡରୀକପୁରାଵାସା ପୁଂଡରୀକସମାନନା ॥ 98 ॥

ପୃଥୁଜଂଘା ପୃଥୁଭୁଜା ପୃଥୁପାଦା ପୃଥୂଦରୀ ।
ପ୍ରଵାଲଶୋଭା ପିଂଗାକ୍ଷୀ ପୀତଵାସାଃ ପ୍ରଚାପଲା ॥ 99 ॥

ପ୍ରସଵା ପୁଷ୍ଟିଦା ପୁଣ୍ୟା ପ୍ରତିଷ୍ଠା ପ୍ରଣଵାଗତିଃ ।
ପଂଚଵର୍ଣା ପଂଚଵାଣୀ ପଂଚିକା ପଂଜରସ୍ଥିତା ॥ 100 ॥

ପରମାୟା ପରଜ୍ୟୋତିଃ ପରପ୍ରୀତିଃ ପରାଗତିଃ ।
ପରାକାଷ୍ଠା ପରେଶାନୀ ପାଵନୀ ପାଵକଦ୍ୟୁତିଃ ॥ 101 ॥

ପୁଣ୍ୟଭଦ୍ରା ପରିଚ୍ଛେଦ୍ୟା ପୁଷ୍ପହାସା ପୃଥୂଦରୀ ।
ପୀତାଂଗୀ ପୀତଵସନା ପୀତଶୟ୍ୟା ପିଶାଚିନୀ ॥ 102 ॥

ପୀତକ୍ରିୟା ପିଶାଚଘ୍ନୀ ପାଟଲାକ୍ଷୀ ପଟୁକ୍ରିୟା ।
ପଂଚଭକ୍ଷପ୍ରିୟାଚାରା ପୂତନାପ୍ରାଣଘାତିନୀ ॥ 103 ॥

ପୁନ୍ନାଗଵନମଧ୍ୟସ୍ଥା ପୁଣ୍ୟତୀର୍ଥନିଷେଵିତା ।
ପଂଚାଂଗୀ ଚ ପରାଶକ୍ତିଃ ପରମାହ୍ଲାଦକାରିଣୀ ॥ 104 ॥

ପୁଷ୍ପକାଂଡସ୍ଥିତା ପୂଷା ପୋଷିତାଖିଲଵିଷ୍ଟପା ।
ପ୍ରାଣପ୍ରିୟା ପଂଚଶିଖା ପନ୍ନଗୋପରିଶାୟିନୀ ॥ 105 ॥

ପଂଚମାତ୍ରାତ୍ମିକା ପୃଥ୍ଵୀ ପଥିକା ପୃଥୁଦୋହିନୀ ।
ପୁରାଣନ୍ୟାୟମୀମାଂସା ପାଟଲୀ ପୁଷ୍ପଗଂଧିନୀ ॥ 106 ॥

ପୁଣ୍ୟପ୍ରଜା ପାରଦାତ୍ରୀ ପରମାର୍ଗୈକଗୋଚରା ।
ପ୍ରଵାଲଶୋଭା ପୂର୍ଣାଶା ପ୍ରଣଵା ପଲ୍ଲଵୋଦରୀ ॥ 107 ॥

ଫଲିନୀ ଫଲଦା ଫଲ୍ଗୁଃ ଫୂତ୍କାରୀ ଫଲକାକୃତିଃ ।
ଫଣୀଂଦ୍ରଭୋଗଶୟନା ଫଣିମଂଡଲମଂଡିତା ॥ 108 ॥

ବାଲବାଲା ବହୁମତା ବାଲାତପନିଭାଂଶୁକା ।
ବଲଭଦ୍ରପ୍ରିୟା ଵଂଦ୍ୟା ବଡଵା ବୁଦ୍ଧିସଂସ୍ତୁତା ॥ 109 ॥

ବଂଦୀଦେଵୀ ବିଲଵତୀ ବଡିଶଘ୍ନୀ ବଲିପ୍ରିୟା ।
ବାଂଧଵୀ ବୋଧିତା ବୁଦ୍ଧିର୍ବଂଧୂକକୁସୁମପ୍ରିୟା ॥ 110 ॥

ବାଲଭାନୁପ୍ରଭାକାରା ବ୍ରାହ୍ମୀ ବ୍ରାହ୍ମଣଦେଵତା ।
ବୃହସ୍ପତିସ୍ତୁତା ବୃଂଦା ବୃଂଦାଵନଵିହାରିଣୀ ॥ 111 ॥

ବାଲାକିନୀ ବିଲାହାରା ବିଲଵାସା ବହୂଦକା ।
ବହୁନେତ୍ରା ବହୁପଦା ବହୁକର୍ଣାଵତଂସିକା ॥ 112 ॥

ବହୁବାହୁୟୁତା ବୀଜରୂପିଣୀ ବହୁରୂପିଣୀ ।
ବିଂଦୁନାଦକଲାତୀତା ବିଂଦୁନାଦସ୍ଵରୂପିଣୀ ॥ 113 ॥

ବଦ୍ଧଗୋଧାଂଗୁଲିତ୍ରାଣା ବଦର୍ୟାଶ୍ରମଵାସିନୀ ।
ବୃଂଦାରକା ବୃହତ୍ସ୍କଂଧା ବୃହତୀ ବାଣପାତିନୀ ॥ 114 ॥

ବୃଂଦାଧ୍ୟକ୍ଷା ବହୁନୁତା ଵନିତା ବହୁଵିକ୍ରମା ।
ବଦ୍ଧପଦ୍ମାସନାସୀନା ବିଲ୍ଵପତ୍ରତଲସ୍ଥିତା ॥ 115 ॥

ବୋଧିଦ୍ରୁମନିଜାଵାସା ବଡିସ୍ଥା ବିଂଦୁଦର୍ପଣା ।
ବାଲା ବାଣାସନଵତୀ ବଡବାନଲଵେଗିନୀ ॥ 116 ॥

ବ୍ରହ୍ମାଂଡବହିରଂତଃସ୍ଥା ବ୍ରହ୍ମକଂକଣସୂତ୍ରିଣୀ ।
ଭଵାନୀ ଭୀଷଣଵତୀ ଭାଵିନୀ ଭୟହାରିଣୀ ॥ 117 ॥

ଭଦ୍ରକାଲୀ ଭୁଜଂଗାକ୍ଷୀ ଭାରତୀ ଭାରତାଶୟା ।
ଭୈରଵୀ ଭୀଷଣାକାରା ଭୂତିଦା ଭୂତିମାଲିନୀ ॥ 118 ॥

ଭାମିନୀ ଭୋଗନିରତା ଭଦ୍ରଦା ଭୂରିଵିକ୍ରମା ।
ଭୂତଵାସା ଭୃଗୁଲତା ଭାର୍ଗଵୀ ଭୂସୁରାର୍ଚିତା ॥ 119 ॥

ଭାଗୀରଥୀ ଭୋଗଵତୀ ଭଵନସ୍ଥା ଭିଷଗ୍ଵରା ।
ଭାମିନୀ ଭୋଗିନୀ ଭାଷା ଭଵାନୀ ଭୂରିଦକ୍ଷିଣା ॥ 120 ॥

ଭର୍ଗାତ୍ମିକା ଭୀମଵତୀ ଭଵବଂଧଵିମୋଚିନୀ ।
ଭଜନୀୟା ଭୂତଧାତ୍ରୀରଂଜିତା ଭୁଵନେଶ୍ଵରୀ ॥ 121 ॥

ଭୁଜଂଗଵଲୟା ଭୀମା ଭେରୁଂଡା ଭାଗଧେୟିନୀ ।
ମାତା ମାୟା ମଧୁମତୀ ମଧୁଜିହ୍ଵା ମଧୁପ୍ରିୟା ॥ 122 ॥

ମହାଦେଵୀ ମହାଭାଗା ମାଲିନୀ ମୀନଲୋଚନା ।
ମାୟାତୀତା ମଧୁମତୀ ମଧୁମାଂସା ମଧୁଦ୍ରଵା ॥ 123 ॥

ମାନଵୀ ମଧୁସଂଭୂତା ମିଥିଲାପୁରଵାସିନୀ ।
ମଧୁକୈଟଭସଂହର୍ତ୍ରୀ ମେଦିନୀ ମେଘମାଲିନୀ ॥ 124 ॥

ମଂଦୋଦରୀ ମହାମାୟା ମୈଥିଲୀ ମସୃଣପ୍ରିୟା ।
ମହାଲକ୍ଷ୍ମୀର୍ମହାକାଲୀ ମହାକନ୍ୟା ମହେଶ୍ଵରୀ ॥ 125 ॥

ମାହେଂଦ୍ରୀ ମେରୁତନୟା ମଂଦାରକୁସୁମାର୍ଚିତା ।
ମଂଜୁମଂଜୀରଚରଣା ମୋକ୍ଷଦା ମଂଜୁଭାଷିଣୀ ॥ 126 ॥

ମଧୁରଦ୍ରାଵିଣୀ ମୁଦ୍ରା ମଲୟା ମଲୟାନ୍ଵିତା ।
ମେଧା ମରକତଶ୍ୟାମା ମାଗଧୀ ମେନକାତ୍ମଜା ॥ 127 ॥

ମହାମାରୀ ମହାଵୀରା ମହାଶ୍ୟାମା ମନୁସ୍ତୁତା ।
ମାତୃକା ମିହିରାଭାସା ମୁକୁଂଦପଦଵିକ୍ରମା ॥ 128 ॥

ମୂଲାଧାରସ୍ଥିତା ମୁଗ୍ଧା ମଣିପୂରକଵାସିନୀ ।
ମୃଗାକ୍ଷୀ ମହିଷାରୂଢା ମହିଷାସୁରମର୍ଦିନୀ ॥ 129 ॥

ୟୋଗାସନା ୟୋଗଗମ୍ୟା ୟୋଗା ୟୌଵନକାଶ୍ରୟା ।
ୟୌଵନୀ ୟୁଦ୍ଧମଧ୍ୟସ୍ଥା ୟମୁନା ୟୁଗଧାରିଣୀ ॥ 130 ॥

ୟକ୍ଷିଣୀ ୟୋଗୟୁକ୍ତା ଚ ୟକ୍ଷରାଜପ୍ରସୂତିନୀ ।
ୟାତ୍ରା ୟାନଵିଧାନଜ୍ଞା ୟଦୁଵଂଶସମୁଦ୍ଭଵା ॥ 131 ॥

ୟକାରାଦିହକାରାଂତା ୟାଜୁଷୀ ୟଜ୍ଞରୂପିଣୀ ।
ୟାମିନୀ ୟୋଗନିରତା ୟାତୁଧାନଭୟଂକରୀ ॥ 132 ॥

ରୁକ୍ମିଣୀ ରମଣୀ ରାମା ରେଵତୀ ରେଣୁକା ରତିଃ ।
ରୌଦ୍ରୀ ରୌଦ୍ରପ୍ରିୟାକାରା ରାମମାତା ରତିପ୍ରିୟା ॥ 133 ॥

ରୋହିଣୀ ରାଜ୍ୟଦା ରେଵା ରମା ରାଜୀଵଲୋଚନା ।
ରାକେଶୀ ରୂପସଂପନ୍ନା ରତ୍ନସିଂହାସନସ୍ଥିତା ॥ 134 ॥

ରକ୍ତମାଲ୍ୟାଂବରଧରା ରକ୍ତଗଂଧାନୁଲେପନା ।
ରାଜହଂସସମାରୂଢା ରଂଭା ରକ୍ତବଲିପ୍ରିୟା ॥ 135 ॥

ରମଣୀୟୟୁଗାଧାରା ରାଜିତାଖିଲଭୂତଲା ।
ରୁରୁଚର୍ମପରୀଧାନା ରଥିନୀ ରତ୍ନମାଲିକା ॥ 136 ॥

ରୋଗେଶୀ ରୋଗଶମନୀ ରାଵିଣୀ ରୋମହର୍ଷିଣୀ ।
ରାମଚଂଦ୍ରପଦାକ୍ରାଂତା ରାଵଣଚ୍ଛେଦକାରିଣୀ ॥ 137 ॥

ରତ୍ନଵସ୍ତ୍ରପରିଚ୍ଛନ୍ନା ରଥସ୍ଥା ରୁକ୍ମଭୂଷଣା ।
ଲଜ୍ଜାଧିଦେଵତା ଲୋଲା ଲଲିତା ଲିଂଗଧାରିଣୀ ॥ 138 ॥

ଲକ୍ଷ୍ମୀର୍ଲୋଲା ଲୁପ୍ତଵିଷା ଲୋକିନୀ ଲୋକଵିଶ୍ରୁତା ।
ଲଜ୍ଜା ଲଂବୋଦରୀ ଦେଵୀ ଲଲନା ଲୋକଧାରିଣୀ ॥ 139 ॥

ଵରଦା ଵଂଦିତା ଵିଦ୍ୟା ଵୈଷ୍ଣଵୀ ଵିମଲାକୃତିଃ ।
ଵାରାହୀ ଵିରଜା ଵର୍ଷା ଵରଲକ୍ଷ୍ମୀର୍ଵିଲାସିନୀ ॥ 140 ॥

ଵିନତା ଵ୍ୟୋମମଧ୍ୟସ୍ଥା ଵାରିଜାସନସଂସ୍ଥିତା ।
ଵାରୁଣୀ ଵେଣୁସଂଭୂତା ଵୀତିହୋତ୍ରା ଵିରୂପିଣୀ ॥ 141 ॥

ଵାୟୁମଂଡଲମଧ୍ୟସ୍ଥା ଵିଷ୍ଣୁରୂପା ଵିଧିପ୍ରିୟା ।
ଵିଷ୍ଣୁପତ୍ନୀ ଵିଷ୍ଣୁମତୀ ଵିଶାଲାକ୍ଷୀ ଵସୁଂଧରା ॥ 142 ॥

ଵାମଦେଵପ୍ରିୟା ଵେଲା ଵଜ୍ରିଣୀ ଵସୁଦୋହିନୀ ।
ଵେଦାକ୍ଷରପରୀତାଂଗୀ ଵାଜପେୟଫଲପ୍ରଦା ॥ 143 ॥

ଵାସଵୀ ଵାମଜନନୀ ଵୈକୁଂଠନିଲୟା ଵରା ।
ଵ୍ୟାସପ୍ରିୟା ଵର୍ମଧରା ଵାଲ୍ମୀକିପରିସେଵିତା ॥ 144 ॥

ଶାକଂଭରୀ ଶିଵା ଶାଂତା ଶାରଦା ଶରଣାଗତିଃ ।
ଶାତୋଦରୀ ଶୁଭାଚାରା ଶୁଂଭାସୁରଵିମର୍ଦିନୀ ॥ 145 ॥

ଶୋଭାଵତୀ ଶିଵାକାରା ଶଂକରାର୍ଧଶରୀରିଣୀ ।
ଶୋଣା ଶୁଭାଶୟା ଶୁଭ୍ରା ଶିରଃସଂଧାନକାରିଣୀ ॥ 146 ॥

ଶରାଵତୀ ଶରାନଂଦା ଶରଜ୍ଜ୍ୟୋତ୍ସ୍ନା ଶୁଭାନନା ।
ଶରଭା ଶୂଲିନୀ ଶୁଦ୍ଧା ଶବରୀ ଶୁକଵାହନା ॥ 147 ॥

ଶ୍ରୀମତୀ ଶ୍ରୀଧରାନଂଦା ଶ୍ରଵଣାନଂଦଦାୟିନୀ ।
ଶର୍ଵାଣୀ ଶର୍ଵରୀଵଂଦ୍ୟା ଷଡ୍ଭାଷା ଷଡୃତୁପ୍ରିୟା ॥ 148 ॥

ଷଡାଧାରସ୍ଥିତା ଦେଵୀ ଷଣ୍ମୁଖପ୍ରିୟକାରିଣୀ ।
ଷଡଂଗରୂପସୁମତୀ ସୁରାସୁରନମସ୍କୃତା ॥ 149 ॥

ସରସ୍ଵତୀ ସଦାଧାରା ସର୍ଵମଂଗଲକାରିଣୀ ।
ସାମଗାନପ୍ରିୟା ସୂକ୍ଷ୍ମା ସାଵିତ୍ରୀ ସାମସଂଭଵା ॥ 150 ॥

ସର୍ଵାଵାସା ସଦାନଂଦା ସୁସ୍ତନୀ ସାଗରାଂବରା ।
ସର୍ଵୈଶ୍ଵର୍ୟପ୍ରିୟା ସିଦ୍ଧିଃ ସାଧୁବଂଧୁପରାକ୍ରମା ॥ 151 ॥

ସପ୍ତର୍ଷିମଂଡଲଗତା ସୋମମଂଡଲଵାସିନୀ ।
ସର୍ଵଜ୍ଞା ସାଂଦ୍ରକରୁଣା ସମାନାଧିକଵର୍ଜିତା ॥ 152 ॥

ସର୍ଵୋତ୍ତୁଂଗା ସଂଗହୀନା ସଦ୍ଗୁଣା ସକଲେଷ୍ଟଦା ।
ସରଧା ସୂର୍ୟତନୟା ସୁକେଶୀ ସୋମସଂହତିଃ ॥ 153 ॥

ହିରଣ୍ୟଵର୍ଣା ହରିଣୀ ହ୍ରୀଂକାରୀ ହଂସଵାହିନୀ ।
କ୍ଷୌମଵସ୍ତ୍ରପରୀତାଂଗୀ କ୍ଷୀରାବ୍ଧିତନୟା କ୍ଷମା ॥ 154 ॥

ଗାୟତ୍ରୀ ଚୈଵ ସାଵିତ୍ରୀ ପାର୍ଵତୀ ଚ ସରସ୍ଵତୀ ।
ଵେଦଗର୍ଭା ଵରାରୋହା ଶ୍ରୀଗାୟତ୍ରୀ ପରାଂବିକା ॥ 155 ॥

ଇତି ସାହସ୍ରକଂ ନାମ୍ନାଂ ଗାୟତ୍ର୍ୟାଶ୍ଚୈଵ ନାରଦ ।
ପୁଣ୍ୟଦଂ ସର୍ଵପାପଘ୍ନଂ ମହାସଂପତ୍ତିଦାୟକମ୍ ॥ 156 ॥

ଏଵଂ ନାମାନି ଗାୟତ୍ର୍ୟାସ୍ତୋଷୋତ୍ପତ୍ତିକରାଣି ହି ।
ଅଷ୍ଟମ୍ୟାଂ ଚ ଵିଶେଷେଣ ପଠିତଵ୍ୟଂ ଦ୍ଵିଜୈଃ ସହ ॥ 157 ॥

ଜପଂ କୃତ୍ଵା ହୋମ ପୂଜା ଧ୍ୟାନଂ କୃତ୍ଵା ଵିଶେଷତଃ ।
ୟସ୍ମୈ କସ୍ମୈ ନ ଦାତଵ୍ୟଂ ଗାୟତ୍ର୍ୟାସ୍ତୁ ଵିଶେଷତଃ ॥ 158 ॥

ସୁଭକ୍ତାୟ ସୁଶିଷ୍ୟାୟ ଵକ୍ତଵ୍ୟଂ ଭୂସୁରାୟ ଵୈ ।
ଭ୍ରଷ୍ଟେଭ୍ୟଃ ସାଧକେଭ୍ୟଶ୍ଚ ବାଂଧଵେଭ୍ୟୋ ନ ଦର୍ଶୟେତ୍ ॥ 159 ॥

ୟଦ୍ଗୃହେ ଲିଖିତଂ ଶାସ୍ତ୍ରଂ ଭୟଂ ତସ୍ୟ ନ କସ୍ୟଚିତ୍ ।
ଚଂଚଲାପିସ୍ଥିରା ଭୂତ୍ଵା କମଲା ତତ୍ର ତିଷ୍ଠତି ॥ 160 ॥

ଇଦଂ ରହସ୍ୟଂ ପରମଂ ଗୁହ୍ୟାଦ୍ଗୁହ୍ୟତରଂ ମହତ୍ ।
ପୁଣ୍ୟପ୍ରଦଂ ମନୁଷ୍ୟାଣାଂ ଦରିଦ୍ରାଣାଂ ନିଧିପ୍ରଦମ୍ ॥ 161 ॥

ମୋକ୍ଷପ୍ରଦଂ ମୁମୁକ୍ଷୂଣାଂ କାମିନାଂ ସର୍ଵକାମଦମ୍ ।
ରୋଗାଦ୍ଵୈ ମୁଚ୍ୟତେ ରୋଗୀ ବଦ୍ଧୋ ମୁଚ୍ୟେତ ବଂଧନାତ୍ ॥ 162 ॥

ବ୍ରହ୍ମହତ୍ୟା ସୁରାପାନଂ ସୁଵର୍ଣସ୍ତେୟିନୋ ନରାଃ ।
ଗୁରୁତଲ୍ପଗତୋ ଵାପି ପାତକାନ୍ମୁଚ୍ୟତେ ସକୃତ୍ ॥ 163 ॥

ଅସତ୍ପ୍ରତିଗ୍ରହାଚ୍ଚୈଵାଽଭକ୍ଷ୍ୟଭକ୍ଷାଦ୍ଵିଶେଷତଃ ।
ପାଖଂଡାନୃତମୁଖ୍ୟେଭ୍ୟଃ ପଠନାଦେଵ ମୁଚ୍ୟତେ ॥ 164 ॥

ଇଦଂ ରହସ୍ୟମମଲଂ ମୟୋକ୍ତଂ ପଦ୍ମଜୋଦ୍ଭଵ ।
ବ୍ରହ୍ମସାୟୁଜ୍ୟଦଂ ନୄଣାଂ ସତ୍ୟଂ ସତ୍ୟଂ ନ ସଂଶୟଃ ॥ 165 ॥

ଇତି ଶ୍ରୀଦେଵୀଭାଗଵତେ ମହାପୁରାଣେ ଦ୍ଵାଦଶସ୍କଂଧେ ଗାୟତ୍ରୀସହସ୍ରନାମ ସ୍ତୋତ୍ର କଥନଂ ନାମ ଷଷ୍ଠୋଽଧ୍ୟାୟଃ ॥

sri gayatri sahasra nama stotram in odia