ଶତ ରୁଦ୍ରୀୟମ୍

sata rudreeyam in odia

ଵ୍ୟାସ ଉଵାଚ

ପ୍ରଜା ପତୀନାଂ ପ୍ରଥମଂ ତେଜସାଂ ପୁରୁଷଂ ପ୍ରଭୁମ୍ ।
ଭୁଵନଂ ଭୂର୍ଭୁଵଂ ଦେଵଂ ସର୍ଵଲୋକେଶ୍ଵରଂ ପ୍ରଭୁମ୍॥ 1

ଈଶାନାଂ ଵରଦଂ ପାର୍ଥ ଦୃଷ୍ଣଵାନସି ଶଂକରମ୍ ।
ତଂ ଗଚ୍ଚ ଶରଣଂ ଦେଵଂ ଵରଦଂ ଭଵନେଶ୍ଵରମ୍ ॥ 2

ମହାଦେଵଂ ମହାତ୍ମାନ ମୀଶାନଂ ଜଟିଲଂ ଶିଵମ୍ ।
ତ୍ୟ୍ରକ୍ଷଂ ମହାଭୁଜଂ ରୁଦ୍ରଂ ଶିଖିନଂ ଚୀରଵାସନମ୍ ॥ 3

ମହାଦେଵଂ ହରଂ ସ୍ଥାଣୁଂ ଵରଦଂ ଭଵନେଶ୍ଵରମ୍ ।
ଜଗତ୍ର୍ପାଧାନମଧିକଂ ଜଗତ୍ପ୍ରୀତମଧୀଶ୍ଵରମ୍ ॥ 4

ଜଗଦ୍ୟୋନିଂ ଜଗଦ୍ଦ୍ଵୀପଂ ଜୟନଂ ଜଗତୋ ଗତିମ୍ ।
ଵିଶ୍ଵାତ୍ମାନଂ ଵିଶ୍ଵସୃଜଂ ଵିଶ୍ଵମୂର୍ତିଂ ୟଶସ୍ଵିନମ୍ ॥ 5

ଵିଶ୍ଵେଶ୍ଵରଂ ଵିଶ୍ଵଵରଂ କର୍ମାଣାମୀଶ୍ଵରଂ ପ୍ରଭୁମ୍ ।
ଶଂଭୁଂ ସ୍ଵୟଂଭୁଂ ଭୂତେଶଂ ଭୂତଭଵ୍ୟଭଵୋଦ୍ଭଵମ୍ ॥ 6

ୟୋଗଂ ୟୋଗେଶ୍ଵରଂ ଶର୍ଵଂ ସର୍ଵଲୋକେଶ୍ଵରେଶ୍ଵରମ୍ ।
ସର୍ଵଶ୍ରେଷ୍ଟଂ ଜଗଚ୍ଛ୍ରେଷ୍ଟଂ ଵରିଷ୍ଟଂ ପରମେଷ୍ଠିନମ୍ ॥ 7

ଲୋକତ୍ରୟ ଵିଧାତାରମେକଂ ଲୋକତ୍ରୟାଶ୍ରୟମ୍ ।
ସୁଦୁର୍ଜୟଂ ଜଗନ୍ନାଥଂ ଜନ୍ମମୃତ୍ୟୁ ଜରାତିଗମ୍ ॥ 8

ଜ୍ଞାନାତ୍ମାନାଂ ଜ୍ଞାନଗମ୍ୟଂ ଜ୍ଞାନଶ୍ରେଷ୍ଠଂ ସୁଦର୍ଵିଦମ୍ ।
ଦାତାରଂ ଚୈଵ ଭକ୍ତାନାଂ ପ୍ରସାଦଵିହିତାନ୍ ଵରାନ୍ ॥ 9

ତସ୍ୟ ପାରିଷଦା ଦିଵ୍ୟାରୂପୈ ର୍ନାନାଵିଧୈ ର୍ଵିଭୋଃ ।
ଵାମନା ଜଟିଲା ମୁଂଡା ହ୍ରସ୍ଵଗ୍ରୀଵ ମହୋଦରାଃ ॥ 10

ମହାକାୟା ମହୋତ୍ସାହା ମହାକର୍ଣାସ୍ତଦା ପରେ ।
ଆନନୈର୍ଵିକୃତୈଃ ପାଦୈଃ ପାର୍ଥଵେଷୈଶ୍ଚ ଵୈକୃତୈଃ ॥ 11

ଈଦୃଶୈସ୍ସ ମହାଦେଵଃ ପୂଜ୍ୟମାନୋ ମହେଶ୍ଵରଃ ।
ସଶିଵସ୍ତାତ ତେଜସ୍ଵୀ ପ୍ରସାଦାଦ୍ୟାତି ତେଽଗ୍ରତଃ ॥ 12

ତସ୍ମିନ୍ ଘୋରେ ସଦା ପାର୍ଥ ସଂଗ୍ରାମେ ରୋମହର୍ଷିଣେ ।
ଦ୍ରୌଣିକର୍ଣ କୃପୈର୍ଗୁପ୍ତାଂ ମହେଷ୍ଵାସୈଃ ପ୍ରହାରିଭିଃ ॥ 13

କସ୍ତାଂ ସେନାଂ ତଦା ପାର୍ଧ ମନସାପି ପ୍ରଧର୍ଷୟେତ୍ ।
ଋତେ ଦେଵାନ୍ମହେଷ୍ଵାସାଦ୍ବହୁରୂପାନ୍ମହେଶ୍ଵରାତ୍ ॥ 14

ପ୍ଥାତୁମୁତ୍ସହତେ କଶ୍ଚିନ୍ନତସ୍ମିନ୍ନଗ୍ରତଃ ସ୍ଥିତେ ।
ନ ହି ଭୂତଂ ସମଂ ତେନ ତ୍ରିଷୁ ଲୋକେଷୁ ଵିଦ୍ୟତେ ॥ 15

ଗଂଧେ ନାପି ହି ସଂଗ୍ରାମେ ତସ୍ୟ କୃଦ୍ଦସ୍ୟ ଶତ୍ରଵଃ ।
ଵିସଂଜ୍ଞା ହତ ଭୂୟିଷ୍ଟା ଵେପଂତିଚ ପତଂତି ଚ ॥ 16

ତସ୍ମୈ ନମସ୍ତୁ କୁର୍ଵଂତୋ ଦେଵା ସ୍ତିଷ୍ଠଂତି ଵୈଦିଵି ।
ୟେ ଚାନ୍ୟେ ମାନଵା ଲୋକେ ୟେଚ ସ୍ଵର୍ଗଜିତୋ ନରାଃ ॥ 17

ୟେ ଭକ୍ତା ଵରଦଂ ଦେଵଂ ଶିଵଂ ରୁଦ୍ରମୁମାପତିମ୍ ।
ଇହ ଲୋକେ ସୁଖଂ ପ୍ରାପ୍ୟତେ ୟାଂତି ପରମାଂ ଗତିମ୍ ॥ 18

ନମସ୍କୁରୁଷ୍ଵ କୌଂତେୟ ତସ୍ମୈ ଶାଂତାୟ ଵୈ ସଦା ।
ରୁଦ୍ରାୟ ଶିତିକଂଠାୟ କନିଷ୍ଠାୟ ସୁଵର୍ଚସେ ॥ 19

କପର୍ଦିନେ କରଳାୟ ହର୍ୟକ୍ଷଵରଦାୟଚ ।
ୟାମ୍ୟାୟରକ୍ତକେଶାୟ ସଦ୍ଵୃତ୍ତେ ଶଂକରାୟଚ ॥ 20

କାମ୍ୟାୟ ହରିନେତ୍ରାୟ ସ୍ଥାଣୁଵେ ପୁରୁଷାୟଚ ।
ହରିକେଶାୟ ମୁଂଡାୟ କନିଷ୍ଠାୟ ସୁଵର୍ଚସେ ॥ 21

ଭାସ୍କରାୟ ସୁତୀର୍ଥାୟ ଦେଵଦେଵାୟ ରଂହସେ ।
ବହୁରୂପାୟ ପ୍ରିୟାୟ ପ୍ରିୟଵାସସେ ॥ 22

ଉଷ୍ଣୀଷିଣେ ସୁଵକ୍ତ୍ରାୟ ସହସ୍ରାକ୍ଷାୟ ମୀଡୁଷେ ।
ଗିରୀଶୀୟ ସୁଶାଂତାୟ ପତୟେ ଚୀରଵାସସେ ॥ 23

ହିରଣ୍ୟବାହଵେ ରାଜନ୍ନୁଗ୍ରାୟ ପତୟେଦିଶାମ୍ ।
ପର୍ଜନ୍ୟପତୟେଚୈଵ ଭୂତାନାଂ ପତୟେ ନମଃ ॥ 24

ଵୃକ୍ଷାଣାଂ ପତୟେଚୈଵ ଗଵାଂ ଚ ପତୟେ ତଥା ।
ଵୃକ୍ଷୈରାଵୃତ୍ତକାୟାୟ ସେନାନ୍ୟେ ମଧ୍ୟମାୟଚ ॥ 25

ସ୍ରୁଵହସ୍ତାୟ ଦେଵାୟ ଧନ୍ଵିନେ ଭାର୍ଗଵାୟ ଚ ।
ବହୁରୂପାୟ ଵିଶ୍ଵସ୍ୟ ପତୟେ ମୁଂଜଵାସସେ ॥ 26

ସହସ୍ରଶିରସେ ଚୈଵ ସହସ୍ର ନୟନାୟଚ ।
ସହସ୍ରବାହଵେ ଚୈଵ ସହସ୍ର ଚରଣାୟ ଚ ॥ 27

ଶରଣଂ ଗଚ୍ଛ କୌଂତେୟ ଵରଦଂ ଭୁଵନେଶ୍ଵରମ୍ ।
ଉମାପତିଂ ଵିରୂପାକ୍ଷଂ ଦକ୍ଷଂ ୟଜ୍ଞନିବର୍ହଣମ୍ ॥ 28

ପ୍ରଜାନାଂ ପତିମଵ୍ୟଗ୍ରଂ ଭୂତାନାଂ ପତିମଵ୍ୟୟମ୍ ।
କପର୍ଦିନଂ ଵୃଷାଵର୍ତଂ ଵୃଷନାଭଂ ଵୃଷଧ୍ଵଜମ୍ ॥ 29

ଵୃଷଦର୍ପଂ ଵୃଷପତିଂ ଵୃଷଶୃଂଗଂ ଵୃଷର୍ଷଭମ୍ ।
ଵୃଷାକଂ ଵୃଷଭୋଦାରଂ ଵୃଷଭଂ ଵୃଷଭେକ୍ଷଣମ୍ ॥ 30

ଵୃଷାୟୁଧଂ ଵୃଷଶରଂ ଵୃଷଭୂତଂ ମହେଶ୍ଵରମ୍ ।
ମହୋଦରଂ ମହାକାୟଂ ଦ୍ଵୀପଚର୍ମନିଵାସିନମ୍ ॥ 31

ଲୋକେଶଂ ଵରଦଂ ମୁଂଡଂ ବ୍ରାହ୍ମଣ୍ୟଂ ବ୍ରାହ୍ମଣପ୍ରିୟମ୍ ।
ତ୍ରିଶୂଲପାଣିଂ ଵରଦଂ ଖଡ୍ଗଚର୍ମଧରଂ ଶୁଭମ୍ ॥ 32

ପିନାକିନଂ ଖଡ୍ଗଧରଂ ଲୋକାନାଂ ପତିମୀଶ୍ଵରମ୍ ।
ପ୍ରପଦ୍ୟେ ଶରଣଂ ଦେଵଂ ଶରଣ୍ୟଂ ଚୀରଵାସନମ୍ ॥ 33

ନମସ୍ତସ୍ମୈ ସୁରେଶାୟ ୟସ୍ୟ ଵୈଶ୍ରଵଣସ୍ସଖା ।
ସୁଵାସସେ ନମୋ ନିତ୍ୟଂ ସୁଵ୍ରତାୟ ସୁଧନ୍ଵିନେ ॥ 34

ଧନୁର୍ଧରାୟ ଦେଵାୟ ପ୍ରିୟଧନ୍ଵାୟ ଧନ୍ଵିନେ ।
ଧନ୍ଵଂତରାୟ ଧନୁଷେ ଧନ୍ଵାଚାର୍ୟାୟ ତେ ନମଃ ॥ 35

ଉଗ୍ରାୟୁଧାୟ ଦେଵାୟ ନମସ୍ସୁରଵରାୟ ଚ ।
ନମୋଽସ୍ତୁ ବହୁରୂପାୟ ନମସ୍ତେ ବହୁଦନ୍ଵିନେ ॥ 36

ନମୋଽସ୍ତୁ ସ୍ଥାଣଵେ ନିତ୍ୟଂନମସ୍ତସ୍ମୈ ସୁଧନ୍ଵିନେ ।
ନମୋଽସ୍ତୁ ତ୍ରିପୁରଘ୍ନାୟ ଭଵଘ୍ନାୟ ଚ ଵୈ ନମଃ ॥ 37

ଵନସ୍ପତୀନାଂ ପତୟେ ନରାଣାଂ ପତୟେ ନମଃ ।
ମାତୄଣାଂ ପତୟେ ଚୈଵ ଗଣାନାଂ ପତୟେ ନମଃ ॥ 38

ଗଵାଂ ଚ ପତୟେ ନିତ୍ୟଂ ୟଜ୍ଞାନାଂ ପତୟେ ନମଃ ।
ଅପାଂ ଚ ପତୟେ ନିତ୍ୟଂ ଦେଵାନାଂ ପତୟେ ନମଃ ॥ 39

ପୂଷ୍ଣୋ ଦଂତଵିନାଶାୟ ତ୍ର୍ୟକ୍ଷାୟ ଵରଦାୟଚ ।
ହରାୟ ନୀଲକଂଠାୟ ସ୍ଵର୍ଣକେଶାୟ ଵୈ ନମଃ ॥ 40

ଓଂ ଶାଂତିଃ ଓଂ ଶାଂତିଃ ଓଂ ଶାଂତିଃ

sata rudreeyam in odia