ଶ୍ରୀ ପାଂଡୁରଂଗ ଅଷ୍ଟକମ୍

panduranga ashtakam in odia

ମହାୟୋଗପୀଠେ ତଟେ ଭୀମରଥ୍ୟା
ଵରଂ ପୁଂଡରୀକାୟ ଦାତୁଂ ମୁନୀଂଦ୍ରୈଃ ।
ସମାଗତ୍ୟ ତିଷ୍ଠଂତମାନଂଦକଂଦଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 1 ॥

ତଟିଦ୍ଵାସସଂ ନୀଲମେଘାଵଭାସଂ
ରମାମଂଦିରଂ ସୁଂଦରଂ ଚିତ୍ପ୍ରକାଶମ୍ ।
ଵରଂ ତ୍ଵିଷ୍ଟକାୟାଂ ସମନ୍ୟସ୍ତପାଦଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 2 ॥

ପ୍ରମାଣଂ ଭଵାବ୍ଧେରିଦଂ ମାମକାନାଂ
ନିତଂବଃ କରାଭ୍ୟାଂ ଧୃତୋ ୟେନ ତସ୍ମାତ୍ ।
ଵିଧାତୁର୍ଵସତ୍ୟୈ ଧୃତୋ ନାଭିକୋଶଃ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 3 ॥

ସ୍ଫୁରତ୍କୌସ୍ତୁଭାଲଂକୃତଂ କଂଠଦେଶେ
ଶ୍ରିୟା ଜୁଷ୍ଟକେୟୂରକଂ ଶ୍ରୀନିଵାସମ୍ ।
ଶିଵଂ ଶାଂତମୀଡ୍ୟଂ ଵରଂ ଲୋକପାଲଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 4 ॥

ଶରଚ୍ଚଂଦ୍ରବିଂବାନନଂ ଚାରୁହାସଂ
ଲସତ୍କୁଂଡଲାକ୍ରାଂତଗଂଡସ୍ଥଲାଂତମ୍ ।
ଜପାରାଗବିଂବାଧରଂ କଂଜନେତ୍ରଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 5 ॥

କିରୀଟୋଜ୍ଜ୍ଵଲତ୍ସର୍ଵଦିକ୍ପ୍ରାଂତଭାଗଂ
ସୁରୈରର୍ଚିତଂ ଦିଵ୍ୟରତ୍ନୈରନର୍ଘୈଃ ।
ତ୍ରିଭଂଗାକୃତିଂ ବର୍ହମାଲ୍ୟାଵତଂସଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 6 ॥

ଵିଭୁଂ ଵେଣୁନାଦଂ ଚରଂତଂ ଦୁରଂତଂ
ସ୍ଵୟଂ ଲୀଲୟା ଗୋପଵେଷଂ ଦଧାନମ୍ ।
ଗଵାଂ ବୃଂଦକାନଂଦଦଂ ଚାରୁହାସଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 7 ॥

ଅଜଂ ରୁକ୍ମିଣୀପ୍ରାଣସଂଜୀଵନଂ ତଂ
ପରଂ ଧାମ କୈଵଲ୍ୟମେକଂ ତୁରୀୟମ୍ ।
ପ୍ରସନ୍ନଂ ପ୍ରପନ୍ନାର୍ତିହଂ ଦେଵଦେଵଂ
ପରବ୍ରହ୍ମଲିଂଗଂ ଭଜେ ପାଂଡୁରଂଗମ୍ ॥ 8 ॥

ସ୍ତଵଂ ପାଂଡୁରଂଗସ୍ୟ ଵୈ ପୁଣ୍ୟଦଂ ୟେ
ପଠଂତ୍ୟେକଚିତ୍ତେନ ଭକ୍ତ୍ୟା ଚ ନିତ୍ୟମ୍ ।
ଭଵାଂଭୋନିଧିଂ ତେଽପି ତୀର୍ତ୍ଵାଂତକାଲେ
ହରେରାଲୟଂ ଶାଶ୍ଵତଂ ପ୍ରାପ୍ନୁଵଂତି ॥ 9 ॥

ଇତି ଶ୍ରୀମତ୍ପରମହଂସ ପରିଵ୍ରାଜକାଚାର୍ୟ ଶ୍ରୀମଚ୍ଛଂକରଭଗଵତ୍ପାଦାଚାର୍ୟ ଵିରଚିତଂ ଶ୍ରୀ ପାଂଡୁରଂଗାଷ୍ଟକମ୍ ।

panduranga ashtakam in odia