ନିତ୍ୟ ପାରାୟଣ ଶ୍ଲୋକାଃ

nitya parayana slokas in odia

ପ୍ରଭାତ ଶ୍ଲୋକଃ
କରାଗ୍ରେ ଵସତେ ଲକ୍ଷ୍ମୀଃ କରମଧ୍ୟେ ସରସ୍ଵତୀ ।
କରମୂଲେ ସ୍ଥିତା ଗୌରୀ ପ୍ରଭାତେ କରଦର୍​ଶନମ୍ ॥
[ପାଠଭେଦଃ – କରମୂଲେ ତୁ ଗୋଵିଂଦଃ ପ୍ରଭାତେ କରଦର୍​ଶନମ୍ ॥]

ପ୍ରଭାତ ଭୂମି ଶ୍ଲୋକଃ
ସମୁଦ୍ର ଵସନେ ଦେଵୀ ପର୍ଵତ ସ୍ତନ ମଂଡଲେ ।
ଵିଷ୍ଣୁପତ୍ନି ନମସ୍ତୁଭ୍ୟଂ, ପାଦସ୍ପର୍​ଶଂ କ୍ଷମସ୍ଵମେ ॥

ସୂର୍ୟୋଦୟ ଶ୍ଲୋକଃ
ବ୍ରହ୍ମସ୍ଵରୂପ ମୁଦୟେ ମଧ୍ୟାହ୍ନେତୁ ମହେଶ୍ଵରମ୍ ।
ସାହଂ ଧ୍ୟାୟେତ୍ସଦା ଵିଷ୍ଣୁଂ ତ୍ରିମୂର୍ତିଂ ଚ ଦିଵାକରମ୍ ॥

ସ୍ନାନ ଶ୍ଲୋକଃ
ଗଂଗେ ଚ ୟମୁନେ ଚୈଵ ଗୋଦାଵରୀ ସରସ୍ଵତୀ
ନର୍ମଦେ ସିଂଧୁ କାଵେରୀ ଜଲେସ୍ମିନ୍ ସନ୍ନିଧିଂ କୁରୁ ॥

ନମସ୍କାର ଶ୍ଲୋକଃ
ତ୍ଵମେଵ ମାତା ଚ ପିତା ତ୍ଵମେଵ, ତ୍ଵମେଵ ବଂଧୁଶ୍ଚ ସଖା ତ୍ଵମେଵ ।
ତ୍ଵମେଵ ଵିଦ୍ୟା ଦ୍ରଵିଣଂ ତ୍ଵମେଵ, ତ୍ଵମେଵ ସର୍ଵଂ ମମ ଦେଵଦେଵ ॥

ଭସ୍ମ ଧାରଣ ଶ୍ଲୋକଃ
ଶ୍ରୀକରଂ ଚ ପଵିତ୍ରଂ ଚ ଶୋକ ନିଵାରଣମ୍ ।
ଲୋକେ ଵଶୀକରଂ ପୁଂସାଂ ଭସ୍ମଂ ତ୍ର୍ୟୈଲୋକ୍ୟ ପାଵନମ୍ ॥

ଭୋଜନ ପୂର୍ଵ ଶ୍ଲୋକାଃ
ବ୍ରହ୍ମାର୍ପଣଂ ବ୍ରହ୍ମ ହଵିଃ ବ୍ରହ୍ମାଗ୍ନୌ ବ୍ରହ୍ମଣାହୁତମ୍ ।
ବ୍ରହ୍ମୈଵ ତେନ ଗଂତଵ୍ୟଂ ବ୍ରହ୍ମ କର୍ମ ସମାଧିନଃ ॥

ଅହଂ-ଵୈଁଶ୍ଵାନରୋ ଭୂତ୍ଵା ପ୍ରାଣିନାଂ ଦେହମାଶ୍ରିତଃ ।
ପ୍ରାଣାପାନ ସମାୟୁକ୍ତଃ ପଚାମ୍ୟନ୍ନଂ ଚତୁର୍ଵିଧମ୍ ॥

ଅନ୍ନପୂର୍ଣେ ସଦା ପୂର୍ଣେ ଶଂକରପ୍ରାଣଵଲ୍ଲଭେ ।
ଜ୍ଞାନଵୈରାଗ୍ୟ ସିଦ୍ଧ୍ୟର୍ଥଂ ଭିକ୍ଷାଂ ଦେହି ଚ ପାର୍ଵତି ॥

ତ୍ଵଦୀୟଂ-ଵଁସ୍ତୁ ଗୋଵିଂଦ ତୁଭ୍ୟମେଵ ସମର୍ପୟେ ।
ଗୃହାଣ ସୁମୁଖୋ ଭୂତ୍ଵା ପ୍ରସୀଦ ପରମେଶ୍ଵର ॥

ଭୋଜନାନଂତର ଶ୍ଲୋକଃ
ଅଗସ୍ତ୍ୟଂ-ଵୈଁନତେୟଂ ଚ ଶମୀଂ ଚ ବଡବାଲନମ୍ ।
ଆହାର ପରିଣାମାର୍ଥଂ ସ୍ମରାମି ଚ ଵୃକୋଦରମ୍ ॥

ସଂଧ୍ୟା ଦୀପ ଦର୍​ଶନ ଶ୍ଲୋକଃ
ଦୀପଜ୍ୟୋତିଃ ପରଂ ବ୍ରହ୍ମ ଦୀପଜ୍ୟୋତିର୍ଜନାର୍ଦନଃ ।
ଦୀପୋ ହରତୁ ମେ ପାପଂ ଦୀପଜ୍ୟୋତିର୍ନମୋଽସ୍ତୁତେ ॥

ଶୁଭଂ କରୋତି କଳ୍ୟାଣଂ ଆରୋଗ୍ୟଂ ଧନସଂପଦଃ ।
ଶତ୍ରୁ-ବୁଦ୍ଧି-ଵିନାଶାୟ ଦୀପଜ୍ୟୋତିର୍ନମୋଽସ୍ତୁତେ ॥

ନିଦ୍ରା/ଶୟନ ଶ୍ଲୋକଃ
ରାମଂ ସ୍କଂଦଂ ହନୁମଂତଂ-ଵୈଁନତେୟଂ-ଵୃଁକୋଦରମ୍ ।
ଶୟନେ ୟଃ ସ୍ମରେନ୍ନିତ୍ୟଂ ଦୁସ୍ଵପ୍ନ-ସ୍ତସ୍ୟନଶ୍ୟତି ॥

ଅପରାଧ କ୍ଷମାପଣ ସ୍ତୋତ୍ରଂ
ଅପରାଧ ସହସ୍ରାଣି, କ୍ରିୟଂତେଽହର୍ନିଶଂ ମୟା ।
ଦାସୋଽୟମିତି ମାଂ ମତ୍ଵା, କ୍ଷମସ୍ଵ ପରମେଶ୍ଵର ॥

କରଚରଣ କୃତଂ-ଵାଁ କର୍ମ ଵାକ୍କାୟଜଂ-ଵାଁ
ଶ୍ରଵଣ ନୟନଜଂ-ଵାଁ ମାନସଂ-ଵାଁପରାଧମ୍ ।
ଵିହିତ ମଵିହିତଂ-ଵାଁ ସର୍ଵମେତତ୍ କ୍ଷମସ୍ଵ
ଶିଵ ଶିଵ କରୁଣାବ୍ଧେ ଶ୍ରୀ ମହାଦେଵ ଶଂଭୋ ॥

କାୟେନ ଵାଚା ମନସେଂଦ୍ରିୟୈର୍ଵା
ବୁଦ୍ଧ୍ୟାତ୍ମନା ଵା ପ୍ରକୃତେଃ ସ୍ଵଭାଵାତ୍ ।
କରୋମି ୟଦ୍ୟତ୍ସକଲଂ ପରସ୍ମୈ
ନାରାୟଣାୟେତି ସମର୍ପୟାମି ॥

ଦେଵତା ସ୍ତୋତ୍ରାଃ

କାର୍ୟ ପ୍ରାରଂଭ ସ୍ତୋତ୍ରାଃ
ଶୁକ୍ଲାଂ ବରଧରଂ-ଵିଁଷ୍ଣୁଂ ଶଶିଵର୍ଣଂ ଚତୁର୍ଭୁଜମ୍ ।
ପ୍ରସନ୍ନଵଦନଂ ଧ୍ୟାୟେତ୍ ସର୍ଵ ଵିଘ୍ନୋପଶାଂତୟେ ॥

ୟସ୍ୟଦ୍ଵିରଦ ଵକ୍ତ୍ରାଦ୍ୟାଃ ପାରିଷଦ୍ୟାଃ ପରଶ୍ଶତମ୍ ।
ଵିଘ୍ନଂ ନିଘ୍ନଂତୁ ସତତଂ-ଵିଁଷ୍ଵକ୍ସେନଂ ତମାଶ୍ରୟେ ॥

ଗଣେଶ ସ୍ତୋତ୍ରଂ
ଵକ୍ରତୁଂଡ ମହାକାୟ ସୂର୍ୟକୋଟି ସମପ୍ରଭଃ ।
ନିର୍ଵିଘ୍ନଂ କୁରୁ ମେ ଦେଵ ସର୍ଵ କାର୍ୟେଷୁ ସର୍ଵଦା ॥

ଅଗଜାନନ ପଦ୍ମାର୍କଂ ଗଜାନନ ମହର୍ନିଶମ୍ ।
ଅନେକଦଂ-ତଂ ଭକ୍ତାନାମ୍-ଏକଦଂତ-ମୁପାସ୍ମହେ ॥

ଵିଷ୍ଣୁ ସ୍ତୋତ୍ରଂ
ଶାଂତାକାରଂ ଭୁଜଗଶୟନଂ ପଦ୍ମନାଭଂ ସୁରେଶଂ
ଵିଶ୍ଵାଧାରଂ ଗଗନ ସଦୃଶଂ ମେଘଵର୍ଣଂ ଶୁଭାଂଗମ୍ ।
ଲକ୍ଷ୍ମୀକାଂତଂ କମଲନୟନଂ-ୟୋଁଗିହୃଦ୍ଧ୍ୟାନଗମ୍ୟଂ
ଵଂଦେ ଵିଷ୍ଣୁଂ ଭଵଭୟହରଂ ସର୍ଵଲୋକୈକନାଥମ୍ ॥

ଗାୟତ୍ରି ମଂତ୍ରଂ
ଓଂ ଭୂର୍ଭୁଵ॒ସ୍ସୁଵଃ॒ । ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ।
ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥

ଶିଵ ସ୍ତୋତ୍ରଂ
ତ୍ର୍ୟଂ॑ବକଂ-ୟଁଜାମହେ ସୁଗଂ॒ଧିଂ ପୁ॑ଷ୍ଟି॒ଵର୍ଧ॑ନମ୍ ।
ଉ॒ର୍ଵା॒ରୁ॒କମି॑ଵ॒ ବଂଧ॑ନାନ୍-ମୃତ୍ୟୋ॑ର୍-ମୁକ୍ଷୀୟ॒ ମାଽମୃତା᳚ତ୍ ॥

ଵଂଦେ ଶଂଭୁମୁମାପତିଂ ସୁରଗୁରୁଂ-ଵଂଁଦେ ଜଗତ୍କାରଣଂ
ଵଂଦେ ପନ୍ନଗଭୂଷଣଂ ଶଶିଧରଂ-ଵଂଁଦେ ପଶୂନାଂ ପତିମ୍‌ ।
ଵଂଦେ ସୂର୍ୟଶଶାଂକ ଵହ୍ନିନୟନଂ-ଵଂଁଦେ ମୁକୁଂଦପ୍ରିୟଂ
ଵଂଦେ ଭକ୍ତଜନାଶ୍ରୟଂ ଚ ଵରଦଂ-ଵଂଁଦେ ଶିଵଂ ଶଂକରମ୍‌ ॥

ସୁବ୍ରହ୍ମଣ୍ୟ ସ୍ତୋତ୍ରଂ
ଶକ୍ତିହସ୍ତଂ-ଵିଁରୂପାକ୍ଷଂ ଶିଖିଵାହଂ ଷଡାନନଂ
ଦାରୁଣଂ ରିପୁରୋଗଘ୍ନଂ ଭାଵୟେ କୁକ୍କୁଟ ଧ୍ଵଜମ୍ ।
ସ୍କଂଦଂ ଷଣ୍ମୁଖଂ ଦେଵଂ ଶିଵତେଜଂ ଚତୁର୍ଭୁଜଂ
କୁମାରଂ ସ୍ଵାମିନାଧଂ ତଂ କାର୍ତିକେୟଂ ନମାମ୍ୟହମ୍ ॥

ଗୁରୁ ଶ୍ଲୋକଃ
ଗୁରୁର୍ବ୍ରହ୍ମ ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ ।
ଗୁରୁଃ ସାକ୍ଷାତ୍ ପରବ୍ରହ୍ମ ତସ୍ମୈ ଶ୍ରୀ ଗୁରଵେ ନମଃ ॥

ହନୁମ ସ୍ତୋତ୍ରାଃ
ମନୋଜଵଂ ମାରୁତ ତୁଲ୍ୟଵେଗଂ ଜିତେଂଦ୍ରିୟଂ ବୁଦ୍ଧିମତାଂ-ଵଁରିଷ୍ଟମ୍ ।
ଵାତାତ୍ମଜଂ-ଵାଁନରୟୂଧ ମୁଖ୍ୟଂ ଶ୍ରୀରାମଦୂତଂ ଶିରସା ନମାମି ॥

ବୁଦ୍ଧିର୍ବଲଂ-ୟଁଶୋଧୈର୍ୟଂ ନିର୍ଭୟତ୍ଵମରୋଗତା ।
ଅଜାଡ୍ୟଂ-ଵାଁକ୍ପଟୁତ୍ଵଂ ଚ ହନୁମସ୍ସ୍ମରଣାଦ୍-ଭଵେତ୍ ॥

ଜୟତ୍ୟତି ବଲୋ ରାମୋ ଲକ୍ଷ୍ମଣସ୍ୟ ମହାବଲଃ ।
ରାଜା ଜୟତି ସୁଗ୍ରୀଵୋ ରାଘଵେଣାଭି ପାଲିତଃ ॥

ଦାସୋଽହଂ କୋସଲେଂଦ୍ରସ୍ୟ ରାମସ୍ୟାକ୍ଲିଷ୍ଟ କର୍ମଣଃ ।
ହନୁମାନ୍ ଶତ୍ରୁସୈନ୍ୟାନାଂ ନିହଂତା ମାରୁତାତ୍ମଜଃ ॥

ଶ୍ରୀରାମ ସ୍ତୋତ୍ରାଂ
ଶ୍ରୀ ରାମ ରାମ ରାମେତି ରମେ ରାମେ ମନୋରମେ
ସହସ୍ରନାମ ତତ୍ତୁଲ୍ୟଂ ରାମ ନାମ ଵରାନନେ

ଶ୍ରୀ ରାମଚଂଦ୍ରଃ ଶ୍ରିତପାରିଜାତଃ ସମସ୍ତ କଳ୍ୟାଣ ଗୁଣାଭିରାମଃ ।
ସୀତାମୁଖାଂଭୋରୁହା-ଚଂଚରୀକୋ ନିରଂତରଂ ମଂଗଳମାତନୋତୁ ॥

ଶ୍ରୀକୃଷ୍ଣ ସ୍ତୋତ୍ରଂ
ମଂଦାରମୂଲେ ମଦନାଭିରାମଂ
ବିଂବାଧରାପୂରିତ ଵେଣୁନାଦମ୍ ।
ଗୋଗୋପ ଗୋପୀଜନ ମଧ୍ୟସଂସ୍ଥଂ
ଗୋପଂ ଭଜେ ଗୋକୁଲ ପୂର୍ଣଚଂଦ୍ରମ୍ ॥

ଗରୁଡ ସ୍ଵାମି ସ୍ତୋତ୍ରଂ
କୁଂକୁମାଂକିତଵର୍ଣାୟ କୁଂଦେଂଦୁ ଧଵଳାୟ ଚ ।
ଵିଷ୍ଣୁ ଵାହ ନମସ୍ତୁଭ୍ୟଂ ପକ୍ଷିରାଜାୟ ତେ ନମଃ ॥

ଦକ୍ଷିଣାମୂର୍ତି ସ୍ତୋତ୍ରଂ
ଗୁରଵେ ସର୍ଵଲୋକାନାଂ ଭିଷଜେ ଭଵରୋଗିଣାମ୍ ।
ନିଧୟେ ସର୍ଵ ଵିଦ୍ୟାନାଂ ଶ୍ରୀ ଦକ୍ଷିଣାମୂର୍ତୟେ ନମ ॥

ସରସ୍ଵତୀ ଶ୍ଲୋକଃ
ସରସ୍ଵତୀ ନମସ୍ତୁଭ୍ୟଂ-ଵଁରଦେ କାମରୂପିଣୀ ।
ଵିଦ୍ୟାରଂଭଂ କରିଷ୍ୟାମି ସିଦ୍ଧିର୍ଭଵତୁ ମେ ସଦା ॥

ୟା କୁଂଦେଂଦୁ ତୁଷାର ହାର ଧଵଳା, ୟା ଶୁଭ୍ର ଵସ୍ତ୍ରାଵୃତା [ଵସ୍ତ୍ରାନ୍ଵିତା] ।
ୟା ଵୀଣା ଵରଦଂଡ ମଂଡିତ କରା, ୟା ଶ୍ଵେତ ପଦ୍ମାସନା ।
ୟା ବ୍ରହ୍ମାଚ୍ୟୁତ ଶଂକର ପ୍ରଭୃତିଭିର୍-ଦେଵୈଃ ସଦା ପୂଜିତା ।
ସା ମାଂ ପାତୁ ସରସ୍ଵତୀ ଭଗଵତୀ ନିଶ୍ଶେଷଜାଡ୍ୟାପହା ॥

ଲକ୍ଷ୍ମୀ ଶ୍ଲୋକଃ
ଲକ୍ଷ୍ମୀଂ କ୍ଷୀରସମୁଦ୍ର ରାଜ ତନୟାଂ ଶ୍ରୀରଂଗ ଧାମେଶ୍ଵରୀମ୍ ।
ଦାସୀଭୂତ ସମସ୍ତ ଦେଵ ଵନିତାଂ-ଲୋଁକୈକ ଦୀପାଂକୁରାମ୍ ।
ଶ୍ରୀମନ୍ମଂଧ କଟାକ୍ଷ ଲବ୍ଧ ଵିଭଵ ବ୍ରହ୍ମେଂଦ୍ର ଗଂଗାଧରାମ୍ ।
ତ୍ଵାଂ ତ୍ରୈଲୋକ୍ୟକୁଟୁଂବିନୀଂ ସରସିଜାଂ-ଵଂଁଦେ ମୁକୁଂଦପ୍ରିୟାମ୍ ॥

ଦୁର୍ଗା ଦେଵୀ ସ୍ତୋତ୍ରଂ
ସର୍ଵ ସ୍ଵରୂପେ ସର୍ଵେଶେ ସର୍ଵ ଶକ୍ତି ସମନ୍ଵିତେ ।
ଭୟେଭ୍ୟସ୍ତାହି ନୋ ଦେଵି ଦୁର୍ଗାଦେଵି ନମୋସ୍ତୁତେ ॥

ତ୍ରିପୁରସୁଂଦରୀ ସ୍ତୋତ୍ରଂ
ଓଂକାର ପଂଜର ଶୁକୀଂ ଉପନିଷଦୁଦ୍ୟାନ କେଳି କଲକଂଠୀମ୍ ।
ଆଗମ ଵିପିନ ମୟୂରୀଂ ଆର୍ୟାଂ ଅଂତର୍ଵିଭାଵୟେଦ୍ଗୌରୀମ୍ ॥

ଦେଵୀ ଶ୍ଲୋକଃ
ସର୍ଵ ମଂଗଲ ମାଂଗଲ୍ୟେ ଶିଵେ ସର୍ଵାର୍ଥ ସାଧିକେ ।
ଶରଣ୍ୟେ ତ୍ର୍ୟଂବକେ ଦେଵି ନାରାୟଣି ନମୋସ୍ତୁତେ ॥

ଵେଂକଟେଶ୍ଵର ଶ୍ଲୋକଃ
ଶ୍ରିୟଃ କାଂତାୟ କଳ୍ୟାଣନିଧୟେ ନିଧୟେଽର୍ଥିନାମ୍ ।
ଶ୍ରୀ ଵେଂକଟ ନିଵାସାୟ ଶ୍ରୀନିଵାସାୟ ମଂଗଳମ୍ ॥

ବୌଦ୍ଧ ପ୍ରାର୍ଥନ
ବୁଦ୍ଧଂ ଶରଣଂ ଗଚ୍ଛାମି
ଧର୍ମଂ ଶରଣଂ ଗଚ୍ଛାମି
ସଂଘଂ ଶରଣଂ ଗଚ୍ଛାମି

ଶାଂତି ମଂତ୍ରଂ
ଅସତୋମା ସଦ୍ଗମୟା ।
ତମସୋମା ଜ୍ୟୋତିର୍ଗମୟା ।
ମୃତ୍ୟୋର୍ମା ଅମୃତଂଗମୟା ।
ଓଂ ଶାଂତିଃ ଶାଂତିଃ ଶାଂତିଃ

ସର୍ଵେ ଭଵଂତୁ ସୁଖିନଃ ସର୍ଵେ ସଂତୁ ନିରାମୟାଃ ।
ସର୍ଵେ ଭଦ୍ରାଣି ପଶ୍ୟଂତୁ ମା କଶ୍ଚିଦ୍ଦୁଃଖ ଭାଗ୍ଭଵେତ୍ ॥
ଓଂ ଶାଂତିଃ ଶାଂତିଃ ଶାଂତିଃ

ଓଂ ସର୍ଵେଷାଂ ସ୍ଵସ୍ତିର୍ଭଵତୁ,
ସର୍ଵେଷାଂ ଶାଂତିର୍ଭଵତୁ ।
ସର୍ଵେଷାଂ ପୂର୍ଣଂ ଭଵତୁ,
ସର୍ଵେଷାଂ ମଂଗଳଂ ଭଵତୁ ।
ଓଂ ଶାଂତିଃ ଶାଂତିଃ ଶାଂତିଃ

ଓଂ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ୟଂ॑ କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ।
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥

ସ୍ଵସ୍ତି ମଂତ୍ରାଃ
ସ୍ଵସ୍ତି ପ୍ରଜାଭ୍ୟଃ ପରିପାଲୟଂତାଂ
ନ୍ୟାୟେନ ମାର୍ଗେଣ ମହୀଂ ମହୀଶାଃ ।
ଗୋବ୍ରାହ୍ମଣେଭ୍ୟ-ଶ୍ଶୁଭମସ୍ତୁ ନିତ୍ୟଂ
ଲୋକା-ସ୍ସମସ୍ତା-ସ୍ସୁଖିନୋ ଭଵଂତୁ ॥

କାଲେ ଵର୍​ଷତୁ ପର୍ଜନ୍ୟଃ ପୃଥିଵୀ ସସ୍ୟଶାଲିନୀ ।
ଦେଶୋୟଂ କ୍ଷୋଭରହିତୋ ବ୍ରାହ୍ମଣାସ୍ସଂତୁ ନିର୍ଭୟାଃ ॥

ଵିଶେଷ ମଂତ୍ରାଃ
ପଂଚାକ୍ଷରୀ ମଂତ୍ରଂ – ଓଂ ନମଶ୍ଶିଵାୟ
ଅଷ୍ଟାକ୍ଷରୀ ମଂତ୍ରଂ – ଓଂ ନମୋ ନାରାୟଣାୟ
ଦ୍ଵାଦଶାକ୍ଷରୀ ମଂତ୍ରଂ – ଓଂ ନମୋ ଭଗଵତେ ଵାସୁଦେଵାୟ

nitya parayana slokas in odia