ନାସଦୀୟ ସୂକ୍ତମ୍

nasadiya suktam in odia

(ଋ.10.129)

ନାସ॑ଦାସୀ॒ନ୍ନୋ ସଦା॑ସୀତ୍ତ॒ଦାନୀଂ॒ ନାସୀ॒ଦ୍ରଜୋ॒ ନୋ ଵ୍ୟୋ॑ମା ପ॒ରୋ ୟତ୍ ।
କିମାଵ॑ରୀଵଃ॒ କୁହ॒ କସ୍ୟ॒ ଶର୍ମ॒ନ୍ନଂଭଃ॒ କିମା॑ସୀ॒ଦ୍ଗହ॑ନଂ ଗଭୀ॒ରମ୍ ॥ 1 ॥

ନ ମୃ॒ତ୍ୟୁରା॑ସୀଦ॒ମୃତଂ॒ ନ ତର୍​ହି॒ ନ ରାତ୍ର୍ୟା॒ ଅହ୍ନ॑ ଆସୀତ୍ପ୍ରକେ॒ତଃ ।
ଆନୀ॑ଦଵା॒ତଂ ସ୍ଵ॒ଧୟା॒ ତଦେକଂ॒ ତସ୍ମା॑ଦ୍ଧା॒ନ୍ୟନ୍ନ ପ॒ରଃ କିଂ ଚ॒ନାସ॑ ॥ 2 ॥

ତମ॑ ଆସୀ॒ତ୍ତମ॑ସା ଗୂ॒ଳ୍ହମଗ୍ରେ॑ଽପ୍ରକେ॒ତଂ ସ॑ଲି॒ଲଂ ସର୍ଵ॑ମା ଇ॒ଦମ୍ ।
ତୁ॒ଚ୍ଛ୍ୟେନା॒ଭ୍ଵପି॑ହିତଂ॒-ୟଁଦାସୀ॒ତ୍ତପ॑ସ॒ସ୍ତନ୍ମ॑ହି॒ନାଜା॑ୟ॒ତୈକ॑ମ୍ ॥ 3 ॥

କାମ॒ସ୍ତଦଗ୍ରେ॒ ସମ॑ଵର୍ତ॒ତାଧି॒ ମନ॑ସୋ॒ ରେତଃ॑ ପ୍ରଥ॒ମଂ-ୟଁଦାସୀ॑ତ୍ ।
ସ॒ତୋ ବଂଧୁ॒ମସ॑ତି॒ ନିର॑ଵିଂଦନ୍ ହୃ॒ଦି ପ୍ର॒ତୀଷ୍ୟା॑ କ॒ଵୟୋ॑ ମନୀ॒ଷା ॥ 4 ॥

ତି॒ର॒ଶ୍ଚୀନୋ॒ ଵିତ॑ତୋ ର॒ଶ୍ମିରେ॑ଷାମ॒ଧଃ ସ୍ଵି॑ଦା॒ସୀ 3 ଦୁ॒ପରି॑ ସ୍ଵିଦାସୀ 3 ତ୍ ।
ରେ॒ତୋ॒ଧା ଆ॑ସନ୍ମହି॒ମାନ॑ ଆସଂତ୍ସ୍ଵ॒ଧା ଅ॒ଵସ୍ତା॒ତ୍ପ୍ରୟ॑ତିଃ ପ॒ରସ୍ତା॑ତ୍ ॥ 5 ॥

କୋ ଅ॒ଦ୍ଧା ଵେ॑ଦ॒ କ ଇ॒ହ ପ୍ର ଵୋ॑ଚ॒ତ୍କୁତ॒ ଆଜା॑ତା॒ କୁତ॑ ଇ॒ୟଂ-ଵିଁସୃ॑ଷ୍ଟିଃ ।
ଅ॒ର୍ଵାଗ୍ଦେ॒ଵା ଅ॒ସ୍ୟ ଵି॒ସର୍ଜ॑ନେ॒ନାଥା॒ କୋ ଵେ॑ଦ॒ ୟତ॑ ଆବ॒ଭୂଵ॑ ॥ 6 ॥

ଇ॒ୟଂ-ଵିଁସୃ॑ଷ୍ଟି॒ର୍ୟତ॑ ଆବ॒ଭୂଵ॒ ୟଦି॑ ଵା ଦ॒ଧେ ୟଦି॑ ଵା॒ ନ ।
ୟୋ ଅ॒ସ୍ୟାଧ୍ୟ॑କ୍ଷଃ ପର॒ମେ ଵ୍ୟୋ॑ମଂ॒ତ୍ସୋ ଅ॒ଙ୍ଗ ଵେ॑ଦ॒ ୟଦି॑ ଵା॒ ନ ଵେଦ॑ ॥ 7 ॥

nasadiya suktam in odia