ମାୟା ପଂଚକଂ

maya panchakam in odia

ନିରୁପମନିତ୍ୟନିରଂଶକେଽପ୍ୟଖଂଡେ –
ମୟି ଚିତି ସର୍ଵଵିକଲ୍ପନାଦିଶୂନ୍ୟେ ।
ଘଟୟତି ଜଗଦୀଶଜୀଵଭେଦଂ –
ତ୍ଵଘଟିତଘଟନାପଟୀୟସୀ ମାୟା ॥ 1 ॥

ଶ୍ରୁତିଶତନିଗମାଂତଶୋଧକାନ-
ପ୍ୟହହ ଧନାଦିନିଦର୍ଶନେନ ସଦ୍ୟଃ ।
କଲୁଷୟତି ଚତୁଷ୍ପଦାଦ୍ୟଭିନ୍ନା-
ନଘଟିତଘଟନାପଟୀୟସୀ ମାୟା ॥ 2 ॥

ସୁଖଚିଦଖଂଡଵିବୋଧମଦ୍ଵିତୀୟଂ –
ଵିୟଦନଲାଦିଵିନିର୍ମିତେ ନିୟୋଜ୍ୟ ।
ଭ୍ରମୟତି ଭଵସାଗରେ ନିତାଂତଂ –
ତ୍ଵଘଟିତଘଟନାପଟୀୟସୀ ମାୟା ॥ 3 ॥

ଅପଗତଗୁଣଵର୍ଣଜାତିଭେଦେ –
ସୁଖଚିତି ଵିପ୍ରଵିଡାଦ୍ୟହଂକୃତିଂ ଚ ।
ସ୍ଫୁଟୟତି ସୁତଦାରଗେହମୋହଂ –
ତ୍ଵଘଟିତଘଟନାପଟୀୟସୀ ମାୟା ॥ 4 ॥

ଵିଧିହରିହରଵିଭେଦମପ୍ୟଖଂଡେ –
ବତ ଵିରଚୟ୍ୟ ବୁଧାନପି ପ୍ରକାମମ୍ ।
ଭ୍ରମୟତି ହରିହରଭେଦଭାଵା-
ନଘଟିତଘଟନାପଟୀୟସୀ ମାୟା ॥ 5 ॥

maya panchakam in odia