ହିରଣ୍ୟ ଗର୍ଭ ସୂକ୍ତମ୍

hiranya garbha suktam in odia

(ଋ.10.121)

ହି॒ର॒ଣ୍ୟ॒ଗ॒ର୍ଭଃ ସମ॑ଵର୍ତ॒ତାଗ୍ରେ॑ ଭୂ॒ତସ୍ୟ॑ ଜା॒ତଃ ପତି॒ରେକ॑ ଆସୀତ୍ ।
ସ ଦା॑ଧାର ପୃଥି॒ଵୀଂ ଦ୍ୟାମୁ॒ତେମାଂ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 1

ୟ ଆ॑ତ୍ମ॒ଦା ବ॑ଲ॒ଦା ୟସ୍ୟ॒ ଵିଶ୍ଵ॑ ଉ॒ପାସ॑ତେ ପ୍ର॒ଶିଷଂ॒-ୟଁସ୍ୟ॑ ଦେ॒ଵାଃ ।
ୟସ୍ୟ॑ ଛା॒ୟାମୃତଂ॒-ୟଁସ୍ୟ॑ ମୃ॒ତ୍ୟୁଃ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 2

ୟଃ ପ୍ରା॑ଣ॒ତୋ ନି॑ମିଷ॒ତୋ ମ॑ହି॒ତ୍ଵୈକ॒ ଇଦ୍ରାଜା॒ ଜଗ॑ତୋ ବ॒ଭୂଵ॑ ।
ୟ ଈଶେ॑ ଅ॒ସ୍ୟ ଦ୍ଵି॒ପଦ॒ଶ୍ଚତୁ॑ଷ୍ପଦଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 3

ୟସ୍ୟେ॒ମେ ହି॒ମଵଂ॑ତୋ ମହି॒ତ୍ଵା ୟସ୍ୟ॑ ସମୁ॒ଦ୍ରଂ ର॒ସୟା॑ ସ॒ହାହୁଃ ।
ୟସ୍ୟେ॒ମାଃ ପ୍ର॒ଦିଶୋ॒ ୟସ୍ୟ॑ ବା॒ହୂ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 4

ୟେନ॒ ଦ୍ୟୌରୁ॒ଗ୍ରା ପୃ॑ଥି॒ଵୀ ଚ॑ ଦୃ॒ଳ୍ହା ୟେନ॒ ସ୍ଵଃ॑ ସ୍ତଭି॒ତଂ-ୟେଁନ॒ ନାକଃ॑ ।
ୟୋ ଅଂ॒ତରି॑କ୍ଷେ॒ ରଜ॑ସୋ ଵି॒ମାନଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 5

ୟଂ କ୍ରଂଦ॑ସୀ॒ ଅଵ॑ସା ତସ୍ତଭା॒ନେ ଅ॒ଭ୍ୟୈକ୍ଷେ॑ତାଂ॒ ମନ॑ସା॒ ରେଜ॑ମାନେ ।
ୟତ୍ରାଧି॒ ସୂର॒ ଉଦି॑ତୋ ଵି॒ଭାତି॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 6

ଆପୋ॑ ହ॒ ୟଦ୍ବୃ॑ହ॒ତୀର୍ଵିଶ୍ଵ॒ମାୟ॒ନ୍ ଗର୍ଭଂ॒ ଦଧା॑ନା ଜ॒ନୟଂ॑ତୀର॒ଗ୍ନିମ୍ ।
ତତୋ॑ ଦେ॒ଵାନାଂ॒ ସମ॑ଵର୍ତ॒ତାସୁ॒ରେକଃ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 7

ୟଶ୍ଚି॒ଦାପୋ॑ ମହି॒ନା ପ॒ର୍ୟପ॑ଶ୍ୟ॒ଦ୍ଦକ୍ଷଂ॒ ଦଧା॑ନା ଜ॒ନୟଂ॑ତୀର୍ୟ॒ଜ୍ଞମ୍ ।
ୟୋ ଦେ॒ଵେଷ୍ଵିଧି॑ ଦେ॒ଵ ଏକ॒ ଆସୀ॒ତ୍କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 8

ମା ନୋ॑ ହିଂସୀଜ୍ଜନି॒ତା ୟଃ ପୃ॑ଥି॒ଵ୍ୟା ୟୋ ଵା॒ ଦିଵଂ॑ ସ॒ତ୍ୟଧ॑ର୍ମା ଜ॒ଜାନ॑ ।
ୟଶ୍ଚା॒ପଶ୍ଚଂ॒ଦ୍ରା ବୃ॑ହ॒ତୀର୍ଜ॒ଜାନ॒ କସ୍ମୈ॑ ଦେ॒ଵାୟ॑ ହ॒ଵିଷା॑ ଵିଧେମ ॥ 9

ପ୍ରଜା॑ପତେ॒ ନ ତ୍ଵଦେ॒ତାନ୍ୟ॒ନ୍ୟୋ ଵିଶ୍ଵା॑ ଜା॒ତାନି॒ ପରି॒ ତା ବ॑ଭୂଵ ।
ୟତ୍କା॑ମାସ୍ତେ ଜୁହୁ॒ମସ୍ତନ୍ନୋ॑ ଅସ୍ତୁ ଵ॒ୟଂ ସ୍ୟା॑ମ॒ ପତ॑ୟୋ ରୟୀ॒ଣାମ୍ ॥ 10

hiranya garbha suktam in odia