ହନୁମତ୍-ପଂଚରତ୍ନମ୍

hanuman pancha ratnam in odia

ଵୀତାଖିଲଵିଷୟେଚ୍ଛଂ ଜାତାନଂଦାଶ୍ରୁପୁଲକମତ୍ୟଚ୍ଛମ୍
ସୀତାପତି ଦୂତାଦ୍ୟଂ ଵାତାତ୍ମଜମଦ୍ୟ ଭାଵୟେ ହୃଦ୍ୟମ୍ ॥ 1 ॥

ତରୁଣାରୁଣମୁଖକମଲଂ କରୁଣାରସପୂରପୂରିତାପାଂଗମ୍
ସଂଜୀଵନମାଶାସେ ମଂଜୁଲମହିମାନମଂଜନାଭାଗ୍ୟମ୍ ॥ 2 ॥

ଶଂବରଵୈରିଶରାତିଗମଂବୁଜଦଲ ଵିପୁଲଲୋଚନୋଦାରମ୍
କଂବୁଗଲମନିଲଦିଷ୍ଟଂ ବିଂବଜ୍ଵଲିତୋଷ୍ଠମେକମଵଲଂବେ ॥ 3 ॥

ଦୂରୀକୃତସୀତାର୍ତିଃ ପ୍ରକଟୀକୃତରାମଵୈଭଵସ୍ଫୂର୍ତିଃ
ଦାରିତଦଶମୁଖକୀର୍ତିଃ ପୁରତୋ ମମ ଭାତୁ ହନୁମତୋ ମୂର୍ତିଃ ॥ 4 ॥

ଵାନରନିକରାଧ୍ୟକ୍ଷଂ ଦାନଵକୁଲକୁମୁଦରଵିକରସଦୃଶମ୍
ଦୀନଜନାଵନଦୀକ୍ଷଂ ପଵନତପଃ ପାକପୁଂଜମଦ୍ରାକ୍ଷମ୍ ॥ 5 ॥

ଏତତ୍ପଵନସୁତସ୍ୟ ସ୍ତୋତ୍ରଂ ୟଃ ପଠତି ପଂଚରତ୍ନାଖ୍ୟମ୍
ଚିରମିହ ନିଖିଲାନ୍ଭୋଗାନ୍ଭୁଂକ୍ତ୍ଵା ଶ୍ରୀରାମଭକ୍ତିଭାଗ୍ଭଵତି ॥ 6 ॥

hanuman pancha ratnam in odia