ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ପଂଚମୋଽଧ୍ୟାୟଃ

devi mahatmyam durga saptasati chapter 5 in odia

ଦେଵ୍ୟା ଦୂତ ସଂଵାଦୋ ନାମ ପଂଚମୋ ଧ୍ୟାୟଃ ॥

ଅସ୍ୟ ଶ୍ରୀ ଉତ୍ତରଚରିତ୍ରସ୍ୟ ରୁଦ୍ର ଋଷିଃ । ଶ୍ରୀ ମହାସରସ୍ଵତୀ ଦେଵତା । ଅନୁଷ୍ଟୁପ୍ଛଂଧଃ ।ଭୀମା ଶକ୍ତିଃ । ଭ୍ରାମରୀ ବୀଜମ୍ । ସୂର୍ୟସ୍ତତ୍ଵମ୍ । ସାମଵେଦଃ । ସ୍ଵରୂପମ୍ । ଶ୍ରୀ ମହାସରସ୍ଵତିପ୍ରୀତ୍ୟର୍ଥେ । ଉତ୍ତରଚରିତ୍ରପାଠେ ଵିନିୟୋଗଃ ॥

ଧ୍ୟାନଂ
ଘଂଟାଶୂଲହଲାନି ଶଂଖ ମୁସଲେ ଚକ୍ରଂ ଧନୁଃ ସାୟକଂ
ହସ୍ତାବ୍ଜୈର୍ଧଦତୀଂ ଘନାଂତଵିଲସଚ୍ଛୀତାଂଶୁତୁଲ୍ୟପ୍ରଭାଂ
ଗୌରୀ ଦେହ ସମୁଦ୍ଭଵାଂ ତ୍ରିଜଗତାଂ ଆଧାରଭୂତାଂ ମହା
ପୂର୍ଵାମତ୍ର ସରସ୍ଵତୀ ମନୁଭଜେ ଶୁଂଭାଦିଦୈତ୍ୟାର୍ଦିନୀଂ॥

॥ଋଷିରୁଵାଚ॥ ॥ 1 ॥

ପୁରା ଶୁଂଭନିଶୁଂଭାଭ୍ୟାମସୁରାଭ୍ୟାଂ ଶଚୀପତେଃ
ତ୍ରୈଲୋକ୍ୟଂ ୟଜ୍ଞ୍ୟ ଭାଗାଶ୍ଚ ହୃତା ମଦବଲାଶ୍ରୟାତ୍ ॥2॥

ତାଵେଵ ସୂର୍ୟତାଂ ତଦ୍ଵଦଧିକାରଂ ତଥୈଂଦଵଂ
କୌବେରମଥ ୟାମ୍ୟଂ ଚକ୍ରାଂତେ ଵରୁଣସ୍ୟ ଚ
ତାଵେଵ ପଵନର୍ଦ୍ଧିଽଂ ଚ ଚକ୍ରତୁର୍ଵହ୍ନି କର୍ମଚ
ତତୋ ଦେଵା ଵିନିର୍ଧୂତା ଭ୍ରଷ୍ଟରାଜ୍ୟାଃ ପରାଜିତାଃ ॥3॥

ହୃତାଧିକାରାସ୍ତ୍ରିଦଶାସ୍ତାଭ୍ୟାଂ ସର୍ଵେ ନିରାକୃତା।
ମହାସୁରାଭ୍ୟାଂ ତାଂ ଦେଵୀଂ ସଂସ୍ମରଂତ୍ୟପରାଜିତାଂ ॥4॥

ତୟାସ୍ମାକଂ ଵରୋ ଦତ୍ତୋ ୟଧାପତ୍ସୁ ସ୍ମୃତାଖିଲାଃ।
ଭଵତାଂ ନାଶୟିଷ୍ୟାମି ତତ୍କ୍ଷଣାତ୍ପରମାପଦଃ ॥5॥

ଇତିକୃତ୍ଵା ମତିଂ ଦେଵା ହିମଵଂତଂ ନଗେଶ୍ଵରଂ।
ଜଗ୍ମୁସ୍ତତ୍ର ତତୋ ଦେଵୀଂ ଵିଷ୍ଣୁମାୟାଂ ପ୍ରତୁଷ୍ଟୁଵୁଃ ॥6॥

ଦେଵା ଊଚୁଃ

ନମୋ ଦେଵ୍ୟୈ ମହାଦେଵ୍ୟୈ ଶିଵାୟୈ ସତତଂ ନମଃ।
ନମଃ ପ୍ରକୃତ୍ୟୈ ଭଦ୍ରାୟୈ ନିୟତାଃ ପ୍ରଣତାଃ ସ୍ମତାଂ ॥6॥

ରୌଦ୍ରାୟ ନମୋ ନିତ୍ୟାୟୈ ଗୌର୍ୟୈ ଧାତ୍ର୍ୟୈ ନମୋ ନମଃ
ଜ୍ୟୋତ୍ସ୍ନାୟୈ ଚେଂଦୁରୂପିଣ୍ୟୈ ସୁଖାୟୈ ସତତଂ ନମଃ ॥8॥

କଳ୍ୟାଣ୍ୟୈ ପ୍ରଣତା ଵୃଦ୍ଧ୍ୟୈ ସିଦ୍ଧ୍ୟୈ କୁର୍ମୋ ନମୋ ନମଃ।
ନୈରୃତ୍ୟୈ ଭୂଭୃତାଂ ଲକ୍ଷ୍ମୈ ଶର୍ଵାଣ୍ୟୈ ତେ ନମୋ ନମଃ ॥9॥

ଦୁର୍ଗାୟୈ ଦୁର୍ଗପାରାୟୈ ସାରାୟୈ ସର୍ଵକାରିଣ୍ୟୈ
ଖ୍ୟାତ୍ୟୈ ତଥୈଵ କୃଷ୍ଣାୟୈ ଧୂମ୍ରାୟୈ ସତତଂ ନମଃ ॥10॥

ଅତିସୌମ୍ୟତିରୌଦ୍ରାୟୈ ନତାସ୍ତସ୍ୟୈ ନମୋ ନମଃ
ନମୋ ଜଗତ୍ପ୍ରତିଷ୍ଠାୟୈ ଦେଵ୍ୟୈ କୃତ୍ୟୈ ନମୋ ନମଃ ॥11॥

ୟାଦେଵୀ ସର୍ଵଭୂତେଷୂ ଵିଷ୍ଣୁମାୟେତି ଶବ୍ଧିତା।
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥12

ୟାଦେଵୀ ସର୍ଵଭୂତେଷୂ ଚେତନେତ୍ୟଭିଧୀୟତେ।
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥13॥

ୟାଦେଵୀ ସର୍ଵଭୂତେଷୂ ବୁଦ୍ଧିରୂପେଣ ସଂସ୍ଥିତା।
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥14॥

ୟାଦେଵୀ ସର୍ଵଭୂତେଷୂ ନିଦ୍ରାରୂପେଣ ସଂସ୍ଥିତା।
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥15॥

ୟାଦେଵୀ ସର୍ଵଭୂତେଷୂ କ୍ଷୁଧାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥16॥

ୟାଦେଵୀ ସର୍ଵଭୂତେଷୂ ଛାୟାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥17॥

ୟାଦେଵୀ ସର୍ଵଭୂତେଷୂ ଶକ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥18॥

ୟାଦେଵୀ ସର୍ଵଭୂତେଷୂ ତୃଷ୍ଣାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥19॥

ୟାଦେଵୀ ସର୍ଵଭୂତେଷୂ କ୍ଷାଂତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥20॥

ୟାଦେଵୀ ସର୍ଵଭୂତେଷୂ ଜାତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥21॥

ୟାଦେଵୀ ସର୍ଵଭୂତେଷୂ ଲଜ୍ଜାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥22॥

ୟାଦେଵୀ ସର୍ଵଭୂତେଷୂ ଶାଂତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥23॥

ୟାଦେଵୀ ସର୍ଵଭୂତେଷୂ ଶ୍ରଦ୍ଧାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥24॥

ୟାଦେଵୀ ସର୍ଵଭୂତେଷୂ କାଂତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥25॥

ୟାଦେଵୀ ସର୍ଵଭୂତେଷୂ ଲକ୍ଷ୍ମୀରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥26॥

ୟାଦେଵୀ ସର୍ଵଭୂତେଷୂ ଵୃତ୍ତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥27॥

ୟାଦେଵୀ ସର୍ଵଭୂତେଷୂ ସ୍ମୃତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥28॥

ୟାଦେଵୀ ସର୍ଵଭୂତେଷୂ ଦୟାରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥29॥

ୟାଦେଵୀ ସର୍ଵଭୂତେଷୂ ତୁଷ୍ଟିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥30॥

ୟାଦେଵୀ ସର୍ଵଭୂତେଷୂ ମାତୃରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥31॥

ୟାଦେଵୀ ସର୍ଵଭୂତେଷୂ ଭ୍ରାଂତିରୂପେଣ ସଂସ୍ଥିତା
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥32॥

ଇଂଦ୍ରିୟାଣାମଧିଷ୍ଠାତ୍ରୀ ଭୂତାନାଂ ଚାଖିଲେଷୁ ୟା।
ଭୂତେଷୁ ସତତଂ ତସ୍ୟୈ ଵ୍ୟାପ୍ତି ଦେଵ୍ୟୈ ନମୋ ନମଃ ॥33॥

ଚିତିରୂପେଣ ୟା କୃତ୍ସ୍ନମେତ ଦ୍ଵ୍ୟାପ୍ୟ ସ୍ଥିତା ଜଗତ୍
ନମସ୍ତସ୍ୟୈ, ନମସ୍ତସ୍ୟୈ,ନମସ୍ତସ୍ୟୈ ନମୋନମଃ ॥34॥

ସ୍ତୁତାସୁରୈଃ ପୂର୍ଵମଭୀଷ୍ଟ ସଂଶ୍ରୟାତ୍ତଥା
ସୁରେଂଦ୍ରେଣ ଦିନେଷୁସେଵିତା।
କରୋତୁସା ନଃ ଶୁଭହେତୁରୀଶ୍ଵରୀ
ଶୁଭାନି ଭଦ୍ରାଣ୍ୟ ଭିହଂତୁ ଚାପଦଃ ॥35॥

ୟା ସାଂପ୍ରତଂ ଚୋଦ୍ଧତଦୈତ୍ୟତାପିତୈ
ରସ୍ମାଭିରୀଶାଚସୁରୈର୍ନମଶ୍ୟତେ।
ୟାଚ ସ୍ମତା ତତ୍​କ୍ଷଣ ମେଵ ହଂତି ନଃ
ସର୍ଵା ପଦୋଭକ୍ତିଵିନମ୍ରମୂର୍ତିଭିଃ ॥36॥

ଋଷିରୁଵାଚ॥

ଏଵଂ ସ୍ତଵାଭି ୟୁକ୍ତାନାଂ ଦେଵାନାଂ ତତ୍ର ପାର୍ଵତୀ।
ସ୍ନାତୁମଭ୍ୟାୟୟୌ ତୋୟେ ଜାହ୍ନଵ୍ୟା ନୃପନଂଦନ ॥37॥

ସାବ୍ରଵୀତ୍ତାନ୍ ସୁରାନ୍ ସୁଭ୍ରୂର୍ଭଵଦ୍ଭିଃ ସ୍ତୂୟତେଽତ୍ର କା
ଶରୀରକୋଶତଶ୍ଚାସ୍ୟାଃ ସମୁଦ୍ଭୂତାଽ ବ୍ରଵୀଚ୍ଛିଵା ॥38॥

ସ୍ତୋତ୍ରଂ ମମୈତତ୍କ୍ରିୟତେ ଶୁଂଭଦୈତ୍ୟ ନିରାକୃତୈଃ
ଦେଵୈଃ ସମେତୈଃ ସମରେ ନିଶୁଂଭେନ ପରାଜିତୈଃ ॥39॥

ଶରୀରକୋଶାଦ୍ୟତ୍ତସ୍ୟାଃ ପାର୍ଵତ୍ୟା ନିଃସୃତାଂବିକା।
କୌଶିକୀତି ସମସ୍ତେଷୁ ତତୋ ଲୋକେଷୁ ଗୀୟତେ ॥40॥

ତସ୍ୟାଂଵିନିର୍ଗତାୟାଂ ତୁ କୃଷ୍ଣାଭୂତ୍ସାପି ପାର୍ଵତୀ।
କାଳିକେତି ସମାଖ୍ୟାତା ହିମାଚଲକୃତାଶ୍ରୟା ॥41॥

ତତୋଽଂବିକାଂ ପରଂ ରୂପଂ ବିଭ୍ରାଣାଂ ସୁମନୋହରମ୍ ।
ଦଦର୍ଶ ଚଣ୍ଦୋ ମୁଣ୍ଦଶ୍ଚ ଭୃତ୍ୟୌ ଶୁଂଭନିଶୁଂଭୟୋଃ ॥42॥

ତାଭ୍ୟାଂ ଶୁଂଭାୟ ଚାଖ୍ୟାତା ସାତୀଵ ସୁମନୋହରା।
କାପ୍ୟାସ୍ତେ ସ୍ତ୍ରୀ ମହାରାଜ ଭାସ ୟଂତୀ ହିମାଚଲମ୍ ॥43॥

ନୈଵ ତାଦୃକ୍ କ୍ଵଚିଦ୍ରୂପଂ ଦୃଷ୍ଟଂ କେନଚିଦୁତ୍ତମମ୍।
ଜ୍ଞାୟତାଂ କାପ୍ୟସୌ ଦେଵୀ ଗୃହ୍ୟତାଂ ଚାସୁରେଶ୍ଵର ॥44॥

ସ୍ତ୍ରୀ ରତ୍ନ ମତିଚାର୍ଵଂଜ୍ଗୀ ଦ୍ୟୋତୟଂତୀଦିଶସ୍ତ୍ଵିଷା।
ସାତୁତିଷ୍ଟତି ଦୈତ୍ୟେଂଦ୍ର ତାଂ ଭଵାନ୍ ଦ୍ରଷ୍ଟୁ ମର୍ହତି ॥45॥

ୟାନି ରତ୍ନାନି ମଣୟୋ ଗଜାଶ୍ଵାଦୀନି ଵୈ ପ୍ରଭୋ।
ତ୍ରୈ ଲୋକ୍ୟେତୁ ସମସ୍ତାନି ସାଂପ୍ରତଂ ଭାଂତିତେ ଗୃହେ ॥46॥

ଐରାଵତଃ ସମାନୀତୋ ଗଜରତ୍ନଂ ପୁନର୍ଦରାତ୍।
ପାରିଜାତ ତରୁଶ୍ଚାୟଂ ତଥୈଵୋଚ୍ଚୈଃ ଶ୍ରଵା ହୟଃ ॥47॥

ଵିମାନଂ ହଂସସଂୟୁକ୍ତମେତତ୍ତିଷ୍ଠତି ତେଽଂଗଣେ।
ରତ୍ନଭୂତ ମିହାନୀତଂ ୟଦାସୀଦ୍ଵେଧସୋଽଦ୍ଭୁତଂ ॥48॥

ନିଧିରେଷ ମହା ପଦ୍ମଃ ସମାନୀତୋ ଧନେଶ୍ଵରାତ୍।
କିଂଜଲ୍କିନୀଂ ଦଦୌ ଚାବ୍ଧିର୍ମାଲାମମ୍ଲାନପଜ୍କଜାଂ ॥49॥

ଛତ୍ରଂ ତେଵାରୁଣଂ ଗେହେ କାଂଚନସ୍ରାଵି ତିଷ୍ଠତି।
ତଥାୟଂ ସ୍ୟଂଦନଵରୋ ୟଃ ପୁରାସୀତ୍ପ୍ରଜାପତେଃ ॥50॥

ମୃତ୍ୟୋରୁତ୍କ୍ରାଂତିଦା ନାମ ଶକ୍ତିରୀଶ ତ୍ଵୟା ହୃତା।
ପାଶଃ ସଲିଲ ରାଜସ୍ୟ ଭ୍ରାତୁସ୍ତଵ ପରିଗ୍ରହେ ॥51॥

ନିଶୁଂଭସ୍ୟାବ୍ଧିଜାତାଶ୍ଚ ସମସ୍ତା ରତ୍ନ ଜାତୟଃ।
ଵହ୍ନିଶ୍ଚାପି ଦଦୌ ତୁଭ୍ୟ ମଗ୍ନିଶୌଚେ ଚ ଵାସସୀ ॥52॥

ଏଵଂ ଦୈତ୍ୟେଂଦ୍ର ରତ୍ନାନି ସମସ୍ତାନ୍ୟାହୃତାନି ତେ
ସ୍ତ୍ର୍ରୀ ରତ୍ନ ମେଷା କଲ୍ୟାଣୀ ତ୍ଵୟା କସ୍ମାନ୍ନ ଗୃହ୍ୟତେ ॥53॥

ଋଷିରୁଵାଚ।

ନିଶମ୍ୟେତି ଵଚଃ ଶୁଂଭଃ ସ ତଦା ଚଂଡମୁଂଡୟୋଃ।
ପ୍ରେଷୟାମାସ ସୁଗ୍ରୀଵଂ ଦୂତଂ ଦେଵ୍ୟା ମହାସୁରଂ ॥54॥

ଇତି ଚେତି ଚ ଵକ୍ତଵ୍ୟା ସା ଗତ୍ଵା ଵଚନାନ୍ମମ।
ୟଥା ଚାଭ୍ୟେତି ସଂପ୍ରୀତ୍ୟା ତଥା କାର୍ୟଂ ତ୍ଵୟା ଲଘୁ ॥55॥

ସତତ୍ର ଗତ୍ଵା ୟତ୍ରାସ୍ତେ ଶୈଲୋଦ୍ଦୋଶେଽତିଶୋଭନେ।
ସାଦେଵୀ ତାଂ ତତଃ ପ୍ରାହ ଶ୍ଲକ୍ଷ୍ଣଂ ମଧୁରୟା ଗିରା ॥56॥

ଦୂତ ଉଵାଚ॥

ଦେଵି ଦୈତ୍ୟେଶ୍ଵରଃ ଶୁଂଭସ୍ତ୍ରେଲୋକ୍ୟେ ପରମେଶ୍ଵରଃ।
ଦୂତୋଽହଂ ପ୍ରେଷି ତସ୍ତେନ ତ୍ଵତ୍ସକାଶମିହାଗତଃ ॥57॥

ଅଵ୍ୟାହତାଜ୍ଞଃ ସର୍ଵାସୁ ୟଃ ସଦା ଦେଵୟୋନିଷୁ।
ନିର୍ଜିତାଖିଲ ଦୈତ୍ୟାରିଃ ସ ୟଦାହ ଶୃଣୁଷ୍ଵ ତତ୍ ॥58॥

ମମତ୍ରୈଲୋକ୍ୟ ମଖିଲଂ ମମଦେଵା ଵଶାନୁଗାଃ।
ୟଜ୍ଞଭାଗାନହଂ ସର୍ଵାନୁପାଶ୍ନାମି ପୃଥକ୍ ପୃଥକ୍ ॥59॥

ତ୍ରୈଲୋକ୍ୟେଵରରତ୍ନାନି ମମ ଵଶ୍ୟାନ୍ୟଶେଷତଃ।
ତଥୈଵ ଗଜରତ୍ନଂ ଚ ହୃତଂ ଦେଵେଂଦ୍ରଵାହନଂ ॥60॥

କ୍ଷୀରୋଦମଥନୋଦ୍ଭୂତ ମଶ୍ଵରତ୍ନଂ ମମାମରୈଃ।
ଉଚ୍ଚୈଃଶ୍ରଵସସଂଜ୍ଞଂ ତତ୍ପ୍ରଣିପତ୍ୟ ସମର୍ପିତଂ ॥61॥

ୟାନିଚାନ୍ୟାନି ଦେଵେଷୁ ଗଂଧର୍ଵେଷୂରଗେଷୁ ଚ ।
ରତ୍ନଭୂତାନି ଭୂତାନି ତାନି ମୟ୍ୟେଵ ଶୋଭନେ ॥62॥

ସ୍ତ୍ରୀ ରତ୍ନଭୂତାଂ ତାଂ ଦେଵୀଂ ଲୋକେ ମନ୍ୟା ମହେ ଵୟଂ।
ସା ତ୍ଵମସ୍ମାନୁପାଗଚ୍ଛ ୟତୋ ରତ୍ନଭୁଜୋ ଵୟଂ ॥63॥

ମାଂଵା ମମାନୁଜଂ ଵାପି ନିଶୁଂଭମୁରୁଵିକ୍ରମମ୍।
ଭଜତ୍ଵଂ ଚଂଚଲାପାଜ୍ଗି ରତ୍ନ ଭୂତାସି ଵୈ ୟତଃ ॥64॥

ପରମୈଶ୍ଵର୍ୟ ମତୁଲଂ ପ୍ରାପ୍ସ୍ୟସେ ମତ୍ପରିଗ୍ରହାତ୍।
ଏତଦ୍ଭୁଦ୍ଥ୍ୟା ସମାଲୋଚ୍ୟ ମତ୍ପରିଗ୍ରହତାଂ ଵ୍ରଜ ॥65॥

ଋଷିରୁଵାଚ॥

ଇତ୍ୟୁକ୍ତା ସା ତଦା ଦେଵୀ ଗଂଭୀରାଂତଃସ୍ମିତା ଜଗୌ।
ଦୁର୍ଗା ଭଗଵତୀ ଭଦ୍ରା ୟୟେଦଂ ଧାର୍ୟତେ ଜଗତ୍ ॥66॥

ଦେଵ୍ୟୁଵାଚ॥

ସତ୍ୟ ମୁକ୍ତଂ ତ୍ଵୟା ନାତ୍ର ମିଥ୍ୟାକିଂଚିତ୍ତ୍ଵୟୋଦିତମ୍।
ତ୍ରୈଲୋକ୍ୟାଧିପତିଃ ଶୁଂଭୋ ନିଶୁଂଭଶ୍ଚାପି ତାଦୃଶଃ ॥67॥

କିଂ ତ୍ଵତ୍ର ୟତ୍ପ୍ରତିଜ୍ଞାତଂ ମିଥ୍ୟା ତତ୍କ୍ରିୟତେ କଥମ୍।
ଶ୍ରୂୟତାମଲ୍ପଭୁଦ୍ଧିତ୍ଵାତ୍ ତ୍ପ୍ରତିଜ୍ଞା ୟା କୃତା ପୁରା ॥68॥

ୟୋମାଂ ଜୟତି ସଜ୍ଗ୍ରାମେ ୟୋ ମେ ଦର୍ପଂ ଵ୍ୟପୋହତି।
ୟୋମେ ପ୍ରତିବଲୋ ଲୋକେ ସ ମେ ଭର୍ତା ଭଵିଷ୍ୟତି ॥69॥

ତଦାଗଚ୍ଛତୁ ଶୁଂଭୋଽତ୍ର ନିଶୁଂଭୋ ଵା ମହାସୁରଃ।
ମାଂ ଜିତ୍ଵା କିଂ ଚିରେଣାତ୍ର ପାଣିଂଗୃହ୍ଣାତୁମେଲଘୁ ॥70॥

ଦୂତ ଉଵାଚ॥

ଅଵଲିପ୍ତାସି ମୈଵଂ ତ୍ଵଂ ଦେଵି ବ୍ରୂହି ମମାଗ୍ରତଃ।
ତ୍ରୈଲୋକ୍ୟେକଃ ପୁମାଂସ୍ତିଷ୍ଟେଦ୍ ଅଗ୍ରେ ଶୁଂଭନିଶୁଂଭୟୋଃ ॥71॥

ଅନ୍ୟେଷାମପି ଦୈତ୍ୟାନାଂ ସର୍ଵେ ଦେଵା ନ ଵୈ ୟୁଧି।
କିଂ ତିଷ୍ଠଂତି ସୁମ୍ମୁଖେ ଦେଵି ପୁନଃ ସ୍ତ୍ରୀ ତ୍ଵମେକିକା ॥72॥

ଇଂଦ୍ରାଦ୍ୟାଃ ସକଲା ଦେଵାସ୍ତସ୍ଥୁର୍ୟେଷାଂ ନ ସଂୟୁଗେ।
ଶୁଂଭାଦୀନାଂ କଥଂ ତେଷାଂ ସ୍ତ୍ରୀ ପ୍ରୟାସ୍ୟସି ସମ୍ମୁଖମ୍ ॥73॥

ସାତ୍ଵଂ ଗଚ୍ଛ ମୟୈଵୋକ୍ତା ପାର୍ଶ୍ଵଂ ଶୁଂଭନିଶୁଂଭୟୋଃ।
କେଶାକର୍ଷଣ ନିର୍ଧୂତ ଗୌରଵା ମା ଗମିଷ୍ୟସି॥74॥

ଦେଵ୍ୟୁଵାଚ।

ଏଵମେତଦ୍ ବଲୀ ଶୁଂଭୋ ନିଶୁଂଭଶ୍ଚାତିଵୀର୍ୟଵାନ୍।
କିଂ କରୋମି ପ୍ରତିଜ୍ଞା ମେ ୟଦନାଲୋଚିତାପୁରା ॥75॥

ସତ୍ଵଂ ଗଚ୍ଛ ମୟୋକ୍ତଂ ତେ ୟଦେତତ୍ତ୍ସର୍ଵ ମାଦୃତଃ।
ତଦାଚକ୍ଷ୍ଵା ସୁରେଂଦ୍ରାୟ ସ ଚ ୟୁକ୍ତଂ କରୋତୁ ୟତ୍ ॥76॥

॥ ଇତି ଶ୍ରୀ ମାର୍କଂଡେୟ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ୟେ ଦେଵ୍ୟା ଦୂତ ସଂଵାଦୋ ନାମ ପଂଚମୋ ଧ୍ୟାୟଃ ସମାପ୍ତମ୍ ॥

ଆହୁତି
କ୍ଲୀଂ ଜୟଂତୀ ସାଂଗାୟୈ ସାୟୁଧାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଧୂମ୍ରାକ୍ଷ୍ୟୈ ଵିଷ୍ଣୁମାୟାଦି ଚତୁର୍ଵିଂଶଦ୍ ଦେଵତାଭ୍ୟୋ ମହାହୁତିଂ ସମର୍ପୟାମି ନମଃ ସ୍ଵାହା ॥

devi mahatmyam durga saptasati chapter 5 in odia