ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦ୍ଵାଦଶୋଽଧ୍ୟାୟଃ

devi mahatmyam durga saptasati chapter 12 in odia

ଫଲଶ୍ରୁତିର୍ନାମ ଦ୍ଵାଦଶୋଽଧ୍ୟାୟଃ ॥

ଧ୍ୟାନଂ
ଵିଧ୍ୟୁଦ୍ଧାମ ସମପ୍ରଭାଂ ମୃଗପତି ସ୍କଂଧ ସ୍ଥିତାଂ ଭୀଷଣାଂ।
କନ୍ୟାଭିଃ କରଵାଲ ଖେଟ ଵିଲସଦ୍ଦସ୍ତାଭି ରାସେଵିତାଂ
ହସ୍ତୈଶ୍ଚକ୍ର ଗଧାସି ଖେଟ ଵିଶିଖାଂ ଗୁଣଂ ତର୍ଜନୀଂ
ଵିଭ୍ରାଣ ମନଲାତ୍ମିକାଂ ଶିଶିଧରାଂ ଦୁର୍ଗାଂ ତ୍ରିନେତ୍ରାଂ ଭଜେ

ଦେଵ୍ୟୁଵାଚ॥1॥

ଏଭିଃ ସ୍ତଵୈଶ୍ଚ ମା ନିତ୍ୟଂ ସ୍ତୋଷ୍ୟତେ ୟଃ ସମାହିତଃ।
ତସ୍ୟାହଂ ସକଲାଂ ବାଧାଂ ନାଶୟିଷ୍ୟାମ୍ୟ ସଂଶୟମ୍ ॥2॥

ମଧୁକୈଟଭନାଶଂ ଚ ମହିଷାସୁରଘାତନମ୍।
କୀର୍ତିୟିଷ୍ୟଂତି ୟେ ତ ଦ୍ଵଦ୍ଵଧଂ ଶୁଂଭନିଶୁଂଭୟୋଃ ॥3॥

ଅଷ୍ଟମ୍ୟାଂ ଚ ଚତୁର୍ଧଶ୍ୟାଂ ନଵମ୍ୟାଂ ଚୈକଚେତସଃ।
ଶ୍ରୋଷ୍ୟଂତି ଚୈଵ ୟେ ଭକ୍ତ୍ୟା ମମ ମାହାତ୍ମ୍ୟମୁତ୍ତମମ୍ ॥4॥

ନ ତେଷାଂ ଦୁଷ୍କୃତଂ କିଂଚିଦ୍ ଦୁଷ୍କୃତୋତ୍ଥା ନ ଚାପଦଃ।
ଭଵିଷ୍ୟତି ନ ଦାରିଦ୍ର୍ୟଂ ନ ଚୈ ଵେଷ୍ଟଵିୟୋଜନମ୍ ॥5॥

ଶତ୍ରୁଭ୍ୟୋ ନ ଭୟଂ ତସ୍ୟ ଦସ୍ୟୁତୋ ଵା ନ ରାଜତଃ।
ନ ଶସ୍ତ୍ରାନଲତୋ ୟୌଘାତ୍ କଦାଚିତ୍ ସଂଭଵିଷ୍ୟତି ॥6॥

ତସ୍ମାନ୍ମମୈତନ୍ମାହତ୍ମ୍ୟଂ ପଠିତଵ୍ୟଂ ସମାହିତୈଃ।
ଶ୍ରୋତଵ୍ୟଂ ଚ ସଦା ଭକ୍ତ୍ୟା ପରଂ ସ୍ଵସ୍ତ୍ୟୟନଂ ହି ତତ୍ ॥7॥

ଉପ ସର୍ଗାନ ଶେଷାଂସ୍ତୁ ମହାମାରୀ ସମୁଦ୍ଭଵାନ୍।
ତଥା ତ୍ରିଵିଧ ମୁତ୍ପାତଂ ମାହାତ୍ମ୍ୟଂ ଶମୟେନ୍ମମ ॥8॥

ୟତ୍ରୈତ ତ୍ପଠ୍ୟତେ ସମ୍ୟଙ୍ନିତ୍ୟମାୟତନେ ମମ।
ସଦା ନ ତଦ୍ଵିମୋକ୍ଷ୍ୟାମି ସାନ୍ନିଧ୍ୟଂ ତତ୍ର ମେସ୍ଥିତମ୍ ॥9॥

ବଲି ପ୍ରଦାନେ ପୂଜାୟାମଗ୍ନି କାର୍ୟେ ମହୋତ୍ସଵେ।
ସର୍ଵଂ ମମୈତନ୍ମାହାତ୍ମ୍ୟଂ ଉଚ୍ଚାର୍ୟଂ ଶ୍ରାଵ୍ୟମେଵଚ ॥10॥

ଜାନତାଜାନତା ଵାପି ବଲି ପୂଜାଂ ତଥା କୃତାମ୍।
ପ୍ରତୀକ୍ଷିଷ୍ୟାମ୍ୟହଂ ପ୍ରୀତ୍ୟା ଵହ୍ନି ହୋମଂ ତଥା କୃତମ୍ ॥11॥

ଶରତ୍କାଲେ ମହାପୂଜା କ୍ରିୟତେ ୟାଚ ଵାର୍ଷିକୀ।
ତସ୍ୟାଂ ମମୈତନ୍ମାହାତ୍ମ୍ୟଂ ଶ୍ରୁତ୍ଵା ଭକ୍ତିସମନ୍ଵିତଃ ॥12॥

ସର୍ଵବାଧାଵିନିର୍ମୁକ୍ତୋ ଧନଧାନ୍ୟସମନ୍ଵିତଃ।
ମନୁଷ୍ୟୋ ମତ୍ପ୍ରସାଦେନ ଭଵିଷ୍ୟତି ନ ସଂଶୟଃ॥13॥

ଶ୍ରୁତ୍ଵା ମମୈତନ୍ମାହାତ୍ମ୍ୟଂ ତଥା ଚୋତ୍ପତ୍ତୟଃ ଶୁଭାଃ।
ପରାକ୍ରମଂ ଚ ୟୁଦ୍ଧେଷୁ ଜାୟତେ ନିର୍ଭୟଃ ପୁମାନ୍॥14॥

ରିପଵଃ ସଂକ୍ଷୟଂ ୟାଂତି କଳ୍ୟାଣାଂ ଚୋପପଧ୍ୟତେ।
ନଂଦତେ ଚ କୁଲଂ ପୁଂସାଂ ମହାତ୍ମ୍ୟଂ ମମଶୃଣ୍ଵତାମ୍॥15॥

ଶାଂତିକର୍ମାଣି ସର୍ଵତ୍ର ତଥା ଦୁଃସ୍ଵପ୍ନଦର୍ଶନେ।
ଗ୍ରହପୀଡାସୁ ଚୋଗ୍ରାସୁ ମହାତ୍ମ୍ୟଂ ଶୃଣୁୟାନ୍ମମ॥16॥

ଉପସର୍ଗାଃ ଶମଂ ୟାଂତି ଗ୍ରହପୀଡାଶ୍ଚ ଦାରୁଣାଃ
ଦୁଃସ୍ଵପ୍ନଂ ଚ ନୃଭିର୍ଦୃଷ୍ଟଂ ସୁସ୍ଵପ୍ନମୁପଜାୟତେ॥17॥

ବାଲଗ୍ରହାଭିଭୂତାନଂ ବାଲାନାଂ ଶାଂତିକାରକମ୍।
ସଂଘାତଭେଦେ ଚ ନୃଣାଂ ମୈତ୍ରୀକରଣମୁତ୍ତମମ୍॥18॥

ଦୁର୍ଵୃତ୍ତାନାମଶେଷାଣାଂ ବଲହାନିକରଂ ପରମ୍।
ରକ୍ଷୋଭୂତପିଶାଚାନାଂ ପଠନାଦେଵ ନାଶନମ୍॥19॥

ସର୍ଵଂ ମମୈତନ୍ମାହାତ୍ମ୍ୟଂ ମମ ସନ୍ନିଧିକାରକମ୍।
ପଶୁପୁଷ୍ପାର୍ଘ୍ୟଧୂପୈଶ୍ଚ ଗଂଧଦୀପୈସ୍ତଥୋତ୍ତମୈଃ॥20॥

ଵିପ୍ରାଣାଂ ଭୋଜନୈର୍ହୋମୈଃ ପ୍ରୋକ୍ଷଣୀୟୈରହର୍ନିଶମ୍।
ଅନ୍ୟୈଶ୍ଚ ଵିଵିଧୈର୍ଭୋଗୈଃ ପ୍ରଦାନୈର୍ଵତ୍ସରେଣ ୟା॥21॥

ପ୍ରୀତିର୍ମେ କ୍ରିୟତେ ସାସ୍ମିନ୍ ସକୃଦୁଚ୍ଚରିତେ ଶ୍ରୁତେ।
ଶ୍ରୁତଂ ହରତି ପାପାନି ତଥାରୋଗ୍ୟଂ ପ୍ରୟଚ୍ଛତି॥22॥

ରକ୍ଷାଂ କରୋତି ଭୂତେଭ୍ୟୋ ଜନ୍ମନାଂ କୀର୍ତିନଂ ମମ।
ୟୁଦ୍ଦେଷୁ ଚରିତଂ ୟନ୍ମେ ଦୁଷ୍ଟ ଦୈତ୍ୟ ନିବର୍ହଣମ୍॥23॥

ତସ୍ମିଂଛୃତେ ଵୈରିକୃତଂ ଭୟଂ ପୁଂସାଂ ନ ଜାୟତେ।
ୟୁଷ୍ମାଭିଃ ସ୍ତୁତୟୋ ୟାଶ୍ଚ ୟାଶ୍ଚ ବ୍ରହ୍ମର୍ଷିଭିଃ କୃତାଃ॥24॥

ବ୍ରହ୍ମଣା ଚ କୃତାସ୍ତାସ୍ତୁ ପ୍ରୟଚ୍ଛଂତୁ ଶୁଭାଂ ମତିମ୍।
ଅରଣ୍ୟେ ପ୍ରାଂତରେ ଵାପି ଦାଵାଗ୍ନି ପରିଵାରିତଃ॥25॥

ଦସ୍ୟୁଭିର୍ଵା ଵୃତଃ ଶୂନ୍ୟେ ଗୃହୀତୋ ଵାପି ଶତୃଭିଃ।
ସିଂହଵ୍ୟାଘ୍ରାନୁୟାତୋ ଵା ଵନେଵା ଵନ ହସ୍ତିଭିଃ॥26॥

ରାଜ୍ଞା କ୍ରୁଦ୍ଦେନ ଚାଜ୍ଞପ୍ତୋ ଵଧ୍ୟୋ ବଂଦ ଗତୋଽପିଵା।
ଆଘୂର୍ଣିତୋ ଵା ଵାତେନ ସ୍ଥିତଃ ପୋତେ ମହାର୍ଣଵେ॥27॥

ପତତ୍ସୁ ଚାପି ଶସ୍ତ୍ରେଷୁ ସଂଗ୍ରାମେ ଭୃଶଦାରୁଣେ।
ସର୍ଵାବାଧାଶୁ ଘୋରାସୁ ଵେଦନାଭ୍ୟର୍ଦିତୋଽପିଵା॥28॥

ସ୍ମରନ୍ ମମୈତଚ୍ଚରିତଂ ନରୋ ମୁଚ୍ୟେତ ସଂକଟାତ୍।
ମମ ପ୍ରଭାଵାତ୍ସିଂହାଦ୍ୟା ଦସ୍ୟଵୋ ଵୈରିଣ ସ୍ତଥା॥29॥

ଦୂରାଦେଵ ପଲାୟଂତେ ସ୍ମରତଶ୍ଚରିତଂ ମମ॥30॥

ଋଷିରୁଵାଚ॥31॥

ଇତ୍ୟୁକ୍ତ୍ଵା ସା ଭଗଵତୀ ଚଂଡିକା ଚଂଡଵିକ୍ରମା।
ପଶ୍ୟତାଂ ସର୍ଵ ଦେଵାନାଂ ତତ୍ରୈଵାଂତରଧୀୟତ॥32॥

ତେଽପି ଦେଵା ନିରାତଂକାଃ ସ୍ଵାଧିକାରାନ୍ୟଥା ପୁରା।
ୟଜ୍ଞଭାଗଭୁଜଃ ସର୍ଵେ ଚକ୍ରୁର୍ଵି ନିହତାରୟଃ॥33॥

ଦୈତ୍ୟାଶ୍ଚ ଦେଵ୍ୟା ନିହତେ ଶୁଂଭେ ଦେଵରିପୌ ୟୁଧି
ଜଗଦ୍ଵିଧ୍ଵଂସକେ ତସ୍ମିନ୍ ମହୋଗ୍ରେଽତୁଲ ଵିକ୍ରମେ॥34॥

ନିଶୁଂଭେ ଚ ମହାଵୀର୍ୟେ ଶେଷାଃ ପାତାଳମାୟୟୁଃ॥35॥

ଏଵଂ ଭଗଵତୀ ଦେଵୀ ସା ନିତ୍ୟାପି ପୁନଃ ପୁନଃ।
ସଂଭୂୟ କୁରୁତେ ଭୂପ ଜଗତଃ ପରିପାଲନମ୍॥36॥

ତୟୈତନ୍ମୋହ୍ୟତେ ଵିଶ୍ଵଂ ସୈଵ ଵିଶ୍ଵଂ ପ୍ରସୂୟତେ।
ସାୟାଚିତା ଚ ଵିଜ୍ଞାନଂ ତୁଷ୍ଟା ଋଦ୍ଧିଂ ପ୍ରୟଚ୍ଛତି॥37॥

ଵ୍ୟାପ୍ତଂ ତୟୈତତ୍ସକଲଂ ବ୍ରହ୍ମାଂଡଂ ମନୁଜେଶ୍ଵର।
ମହାଦେଵ୍ୟା ମହାକାଳୀ ମହାମାରୀ ସ୍ଵରୂପୟା॥38॥

ସୈଵ କାଲେ ମହାମାରୀ ସୈଵ ସୃଷ୍ତିର୍ଭଵତ୍ୟଜା।
ସ୍ଥିତିଂ କରୋତି ଭୂତାନାଂ ସୈଵ କାଲେ ସନାତନୀ॥39॥

ଭଵକାଲେ ନୃଣାଂ ସୈଵ ଲକ୍ଷ୍ମୀର୍ଵୃଦ୍ଧିପ୍ରଦା ଗୃହେ।
ସୈଵାଭାଵେ ତଥା ଲକ୍ଷ୍ମୀ ର୍ଵିନାଶାୟୋପଜାୟତେ॥40॥

ସ୍ତୁତା ସଂପୂଜିତା ପୁଷ୍ପୈର୍ଗଂଧଧୂପାଦିଭିସ୍ତଥା।
ଦଦାତି ଵିତ୍ତଂ ପୁତ୍ରାଂଶ୍ଚ ମତିଂ ଧର୍ମେ ଗତିଂ ଶୁଭାଂ॥41॥

॥ ଇତି ଶ୍ରୀ ମାର୍କଂଡେୟ ପୁରାଣେ ସାଵର୍ନିକେ ମନ୍ଵଂତରେ ଦେଵୀ ମହତ୍ମ୍ୟେ ଫଲଶ୍ରୁତିର୍ନାମ ଦ୍ଵାଦଶୋଽଧ୍ୟାୟ ସମାପ୍ତମ୍ ॥

ଆହୁତି
ଓଂ କ୍ଲୀଂ ଜୟଂତୀ ସାଂଗାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ ଵରପ୍ରଧାୟୈ ଵୈଷ୍ଣଵୀ ଦେଵ୍ୟୈ ଅହାହୁତିଂ ସମର୍ପୟାମି ନମଃ ସ୍ଵାହା ॥

devi mahatmyam durga saptasati chapter 12 in odia