ଦେଵୀ ମାହାତ୍ମ୍ୟଂ ଦୁର୍ଗା ସପ୍ତଶତି ଦଶମୋଽଧ୍ୟାୟଃ

devi mahatmyam durga saptasati chapter 10 in odia

ଶୁଂଭୋଵଧୋ ନାମ ଦଶମୋଽଧ୍ୟାୟଃ ॥

ଋଷିରୁଵାଚ॥1॥

ନିଶୁଂଭଂ ନିହତଂ ଦୃଷ୍ଟ୍ଵା ଭ୍ରାତରଂପ୍ରାଣସମ୍ମିତଂ।
ହନ୍ୟମାନଂ ବଲଂ ଚୈଵ ଶୁଂବଃ କୃଦ୍ଧୋଽବ୍ରଵୀଦ୍ଵଚଃ ॥ 2 ॥

ବଲାଵଲେପଦୁଷ୍ଟେ ତ୍ଵଂ ମା ଦୁର୍ଗେ ଗର୍ଵ ମାଵହ।
ଅନ୍ୟାସାଂ ବଲମାଶ୍ରିତ୍ୟ ୟୁଦ୍ଦ୍ୟସେ ଚାତିମାନିନୀ ॥3॥

ଦେଵ୍ୟୁଵାଚ ॥4॥

ଏକୈଵାହଂ ଜଗତ୍ୟତ୍ର ଦ୍ଵିତୀୟା କା ମମାପରା।
ପଶ୍ୟୈତା ଦୁଷ୍ଟ ମୟ୍ୟେଵ ଵିଶଂତ୍ୟୋ ମଦ୍ଵିଭୂତୟଃ ॥5॥

ତତଃ ସମସ୍ତାସ୍ତା ଦେଵ୍ୟୋ ବ୍ରହ୍ମାଣୀ ପ୍ରମୁଖାଲୟମ୍।
ତସ୍ୟା ଦେଵ୍ୟାସ୍ତନୌ ଜଗ୍ମୁରେକୈଵାସୀତ୍ତଦାଂବିକା ॥6॥

ଦେଵ୍ୟୁଵାଚ ॥6॥

ଅହଂ ଵିଭୂତ୍ୟା ବହୁଭିରିହ ରୂପୈର୍ୟଦାସ୍ଥିତା।
ତତ୍ସଂହୃତଂ ମୟୈକୈଵ ତିଷ୍ଟାମ୍ୟାଜୌ ସ୍ଥିରୋ ଭଵ ॥8॥

ଋଷିରୁଵାଚ ॥9॥

ତତଃ ପ୍ରଵଵୃତେ ୟୁଦ୍ଧଂ ଦେଵ୍ୟାଃ ଶୁଂଭସ୍ୟ ଚୋଭୟୋଃ।
ପଶ୍ୟତାଂ ସର୍ଵଦେଵାନାଂ ଅସୁରାଣାଂ ଚ ଦାରୁଣମ୍ ॥10॥

ଶର ଵର୍ଷୈଃ ଶିତୈଃ ଶସ୍ତ୍ରୈସ୍ତଥା ଚାସ୍ତ୍ରୈଃ ସୁଦାରୁଣୈଃ।
ତୟୋର୍ୟୁଦ୍ଦମଭୂଦ୍ଭୂୟଃ ସର୍ଵଲୋକଭୟଜ୍ଞ୍କରମ୍ ॥11॥

ଦିଵ୍ୟାନ୍ୟଶ୍ତ୍ରାଣି ଶତଶୋ ମୁମୁଚେ ୟାନ୍ୟଥାଂବିକା।
ବଭଜ୍ଞ ତାନି ଦୈତ୍ୟେଂଦ୍ରସ୍ତତ୍ପ୍ରତୀଘାତକର୍ତୃଭିଃ ॥12॥

ମୁକ୍ତାନି ତେନ ଚାସ୍ତ୍ରାଣି ଦିଵ୍ୟାନି ପରମେଶ୍ଵରୀ।
ବଭଂଜ ଲୀଲୟୈଵୋଗ୍ର ହୂଜ୍କାରୋଚ୍ଚାରଣାଦିଭିଃ॥13॥

ତତଃ ଶରଶତୈର୍ଦେଵୀଂ ଆଚ୍ଚାଦୟତ ସୋଽସୁରଃ।
ସାପି ତତ୍କୁପିତା ଦେଵୀ ଧନୁଶ୍ଚିଛ୍ଚେଦ ଚେଷୁଭିଃ॥14॥

ଚିନ୍ନେ ଧନୁଷି ଦୈତ୍ୟେଂଦ୍ରସ୍ତଥା ଶକ୍ତିମଥାଦଦେ।
ଚିଛ୍ଚେଦ ଦେଵୀ ଚକ୍ରେଣ ତାମପ୍ୟସ୍ୟ କରେସ୍ଥିତାମ୍॥15॥

ତତଃ ଖଡ୍ଗ ମୁପାଦାୟ ଶତ ଚଂଦ୍ରଂ ଚ ଭାନୁମତ୍।
ଅଭ୍ୟଧାଵତ୍ତଦା ଦେଵୀଂ ଦୈତ୍ୟାନାମଧିପେଶ୍ଵରଃ॥16॥

ତସ୍ୟାପତତ ଏଵାଶୁ ଖଡ୍ଗଂ ଚିଚ୍ଛେଦ ଚଂଡିକା।
ଧନୁର୍ମୁକ୍ତୈଃ ଶିତୈର୍ବାଣୈଶ୍ଚର୍ମ ଚାର୍କକରାମଲମ୍॥17॥

ହତାଶ୍ଵଃ ପତତ ଏଵାଶୁ ଖଡ୍ଗଂ ଚିଛ୍ଚେଦ ଚଂଡିକା।
ଜଗ୍ରାହ ମୁଦ୍ଗରଂ ଘୋରଂ ଅଂବିକାନିଧନୋଦ୍ୟତଃ॥18॥

ଚିଚ୍ଛେଦାପତତସ୍ତସ୍ୟ ମୁଦ୍ଗରଂ ନିଶିତୈଃ ଶରୈଃ।
ତଥାପି ସୋଽଭ୍ୟଧାଵତ୍ତଂ ମୁଷ୍ଟିମୁଦ୍ୟମ୍ୟଵେଗଵାନ୍॥19॥

ସ ମୁଷ୍ଟିଂ ପାତୟାମାସ ହୃଦୟେ ଦୈତ୍ୟ ପୁଂଗଵଃ।
ଦେଵ୍ୟାସ୍ତଂ ଚାପି ସା ଦେଵୀ ତଲେ ନୋ ରସ୍ୟ ତାଡୟତ୍॥20॥

ତଲପ୍ରହାରାଭିହତୋ ନିପପାତ ମହୀତଲେ।
ସ ଦୈତ୍ୟରାଜଃ ସହସା ପୁନରେଵ ତଥୋତ୍ଥିତଃ॥21॥

ଉତ୍ପତ୍ୟ ଚ ପ୍ରଗୃହ୍ୟୋଚ୍ଚୈର୍ ଦେଵୀଂ ଗଗନମାସ୍ଥିତଃ।
ତତ୍ରାପି ସା ନିରାଧାରା ୟୁୟୁଧେ ତେନ ଚଂଡିକା॥22॥

ନିୟୁଦ୍ଧଂ ଖେ ତଦା ଦୈତ୍ୟ ଶ୍ଚଂଡିକା ଚ ପରସ୍ପରମ୍।
ଚକ୍ରତୁଃ ପ୍ରଧମଂ ସିଦ୍ଧ ମୁନିଵିସ୍ମୟକାରକମ୍॥23॥

ତତୋ ନିୟୁଦ୍ଧଂ ସୁଚିରଂ କୃତ୍ଵା ତେନାଂବିକା ସହ।
ଉତ୍ପାଟ୍ୟ ଭ୍ରାମୟାମାସ ଚିକ୍ଷେପ ଧରଣୀତଲେ॥24॥

ସକ୍ଷିପ୍ତୋଧରଣୀଂ ପ୍ରାପ୍ୟ ମୁଷ୍ଟିମୁଦ୍ୟମ୍ୟ ଵେଗଵାନ୍।
ଅଭ୍ୟଧାଵତ ଦୁଷ୍ଟାତ୍ମା ଚଂଡିକାନିଧନେଚ୍ଛୟା॥25॥

ତମାୟଂତଂ ତତୋ ଦେଵୀ ସର୍ଵଦୈତ୍ୟଜନେଶର୍ଵମ୍।
ଜଗତ୍ୟାଂ ପାତୟାମାସ ଭିତ୍ଵା ଶୂଲେନ ଵକ୍ଷସି॥26॥

ସ ଗତାସୁଃ ପପାତୋର୍ଵ୍ୟାଂ ଦେଵୀଶୂଲାଗ୍ରଵିକ୍ଷତଃ।
ଚାଲୟନ୍ ସକଲାଂ ପୃଥ୍ଵୀଂ ସାବ୍ଦିଦ୍ଵୀପାଂ ସପର୍ଵତାମ୍ ॥27॥

ତତଃ ପ୍ରସନ୍ନ ମଖିଲଂ ହତେ ତସ୍ମିନ୍ ଦୁରାତ୍ମନି।
ଜଗତ୍ସ୍ଵାସ୍ଥ୍ୟମତୀଵାପ ନିର୍ମଲଂ ଚାଭଵନ୍ନଭଃ ॥28॥

ଉତ୍ପାତମେଘାଃ ସୋଲ୍କା ୟେପ୍ରାଗାସଂସ୍ତେ ଶମଂ ୟୟୁଃ।
ସରିତୋ ମାର୍ଗଵାହିନ୍ୟସ୍ତଥାସଂସ୍ତତ୍ର ପାତିତେ ॥29॥

ତତୋ ଦେଵ ଗଣାଃ ସର୍ଵେ ହର୍ଷ ନିର୍ଭରମାନସାଃ।
ବଭୂଵୁର୍ନିହତେ ତସ୍ମିନ୍ ଗଂଦର୍ଵା ଲଲିତଂ ଜଗୁଃ॥30॥

ଅଵାଦୟଂ ସ୍ତଥୈଵାନ୍ୟେ ନନୃତୁଶ୍ଚାପ୍ସରୋଗଣାଃ।
ଵଵୁଃ ପୁଣ୍ୟାସ୍ତଥା ଵାତାଃ ସୁପ୍ରଭୋଽ ଭୂଦ୍ଧିଵାକରଃ॥31॥

ଜଜ୍ଵଲୁଶ୍ଚାଗ୍ନୟଃ ଶାଂତାଃ ଶାଂତଦିଗ୍ଜନିତସ୍ଵନାଃ॥32॥

॥ ସ୍ଵସ୍ତି ଶ୍ରୀ ମାର୍କଂଡେୟ ପୁରାଣେ ସାଵର୍ନିକେମନ୍ଵଂତରେ ଦେଵି ମହତ୍ମ୍ୟେ ଶୁଂଭୋଵଧୋ ନାମ ଦଶମୋ ଧ୍ୟାୟଃ ସମାପ୍ତମ୍ ॥

ଆହୁତି
ଓଂ କ୍ଲୀଂ ଜୟଂତୀ ସାଂଗାୟୈ ସଶକ୍ତିକାୟୈ ସପରିଵାରାୟୈ ସଵାହନାୟୈ କାମେଶ୍ଵର୍ୟୈ ମହାହୁତିଂ ସମର୍ପୟାମି ନମଃ ସ୍ଵାହା ॥

devi mahatmyam durga saptasati chapter 10 in odia