ଦକ୍ଷିଣା ମୂର୍ତି ସ୍ତୋତ୍ରମ୍

dakshina murthy stotram in odia

ଶାଂତିପାଠଃ
ଓଂ ୟୋ ବ୍ରହ୍ମାଣଂ ଵିଦଧାତି ପୂର୍ଵଂ
ୟୋ ଵୈ ଵେଦାଂଶ୍ଚ ପ୍ରହିଣୋତି ତସ୍ମୈ ।
ତଂ ହ ଦେଵମାତ୍ମବୁଦ୍ଧିପ୍ରକାଶଂ
ମୁମୁକ୍ଷୁର୍ଵୈ ଶରଣମହଂ ପ୍ରପଦ୍ୟେ ॥

ଧ୍ୟାନମ୍
ଓଂ ମୌନଵ୍ୟାଖ୍ୟା ପ୍ରକଟିତ ପରବ୍ରହ୍ମତତ୍ତ୍ଵଂ ୟୁଵାନଂ
ଵର୍ଷିଷ୍ଠାଂତେ ଵସଦୃଷିଗଣୈରାଵୃତଂ ବ୍ରହ୍ମନିଷ୍ଠୈଃ ।
ଆଚାର୍ୟେଂଦ୍ରଂ କରକଲିତ ଚିନ୍ମୁଦ୍ରମାନଂଦମୂର୍ତିଂ
ସ୍ଵାତ୍ମାରାମଂ ମୁଦିତଵଦନଂ ଦକ୍ଷିଣାମୂର୍ତିମୀଡେ ॥ 1 ॥

ଵଟଵିଟପିସମୀପେଭୂମିଭାଗେ ନିଷଣ୍ଣଂ
ସକଲମୁନିଜନାନାଂ ଜ୍ଞାନଦାତାରମାରାତ୍ ।
ତ୍ରିଭୁଵନଗୁରୁମୀଶଂ ଦକ୍ଷିଣାମୂର୍ତିଦେଵଂ
ଜନନମରଣଦୁଃଖଚ୍ଛେଦଦକ୍ଷଂ ନମାମି ॥ 2 ॥

ଚିତ୍ରଂ ଵଟତରୋର୍ମୂଲେ ଵୃଦ୍ଧାଃ ଶିଷ୍ୟା ଗୁରୁର୍ୟୁଵା ।
ଗୁରୋସ୍ତୁ ମୌନଂ ଵ୍ୟାଖ୍ୟାନଂ ଶିଷ୍ୟାସ୍ତୁଚ୍ଛିନ୍ନସଂଶୟାଃ ॥ 3 ॥

ନିଧୟେ ସର୍ଵଵିଦ୍ୟାନାଂ ଭିଷଜେ ଭଵରୋଗିଣାମ୍ ।
ଗୁରଵେ ସର୍ଵଲୋକାନାଂ ଦକ୍ଷିଣାମୂର୍ତୟେ ନମଃ ॥ 4 ॥

ଓଂ ନମଃ ପ୍ରଣଵାର୍ଥାୟ ଶୁଦ୍ଧଜ୍ଞାନୈକମୂର୍ତୟେ ।
ନିର୍ମଲାୟ ପ୍ରଶାଂତାୟ ଦକ୍ଷିଣାମୂର୍ତୟେ ନମଃ ॥ 5 ॥

ଚିଦ୍ଘନାୟ ମହେଶାୟ ଵଟମୂଲନିଵାସିନେ ।
ସଚ୍ଚିଦାନଂଦରୂପାୟ ଦକ୍ଷିଣାମୂର୍ତୟେ ନମଃ ॥ 6 ॥

ଈଶ୍ଵରୋ ଗୁରୁରାତ୍ମେତି ମୂର୍ତିଭେଦଵିଭାଗିନେ ।
ଵ୍ୟୋମଵଦ୍ଵ୍ୟାପ୍ତଦେହାୟ ଦକ୍ଷିଣାମୂର୍ତୟେ ନମଃ ॥ 7 ॥

ଅଂଗୁଷ୍ଠତର୍ଜନୀ ୟୋଗମୁଦ୍ରା ଵ୍ୟାଜେନୟୋଗିନାମ୍ ।
ଶୃତ୍ୟର୍ଥଂ ବ୍ରହ୍ମଜୀଵୈକ୍ୟଂ ଦର୍ଶୟନ୍ୟୋଗତା ଶିଵଃ ॥ 8 ॥

ଓଂ ଶାଂତିଃ ଶାଂତିଃ ଶାଂତିଃ ॥

ସ୍ତୋତ୍ରମ୍
ଵିଶ୍ଵଂ ଦର୍ପଣ-ଦୃଶ୍ୟମାନ-ନଗରୀ ତୁଲ୍ୟଂ ନିଜାଂତର୍ଗତଂ
ପଶ୍ୟନ୍ନାତ୍ମନି ମାୟୟା ବହିରିଵୋଦ୍ଭୂତଂ ୟଥା ନିଦ୍ରୟା ।
ୟସ୍ସାକ୍ଷାତ୍କୁରୁତେ ପ୍ରଭୋଧସମୟେ ସ୍ଵାତ୍ମାନମେ ଵାଦ୍ଵୟଂ
ତସ୍ମୈ ଶ୍ରୀଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 1 ॥

ବୀଜସ୍ୟାଂତରି-ଵାଂକୁରୋ ଜଗଦିତଂ ପ୍ରାଙ୍ନିର୍ଵିକଲ୍ପଂ ପୁନଃ
ମାୟାକଲ୍ପିତ ଦେଶକାଲକଲନା ଵୈଚିତ୍ର୍ୟଚିତ୍ରୀକୃତମ୍ ।
ମାୟାଵୀଵ ଵିଜୃଂଭୟତ୍ୟପି ମହାୟୋଗୀଵ ୟଃ ସ୍ଵେଚ୍ଛୟା
ତସ୍ମୈ ଶ୍ରୀଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 2 ॥

ୟସ୍ୟୈଵ ସ୍ଫୁରଣଂ ସଦାତ୍ମକମସତ୍କଲ୍ପାର୍ଥକଂ ଭାସତେ
ସାକ୍ଷାତ୍ତତ୍ଵମସୀତି ଵେଦଵଚସା ୟୋ ବୋଧୟତ୍ୟାଶ୍ରିତାନ୍ ।
ୟସ୍ସାକ୍ଷାତ୍କରଣାଦ୍ଭଵେନ୍ନ ପୁନରାଵୃତ୍ତିର୍ଭଵାଂଭୋନିଧୌ
ତସ୍ମୈ ଶ୍ରୀଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 3 ॥

ନାନାଚ୍ଛିଦ୍ର ଘଟୋଦର ସ୍ଥିତ ମହାଦୀପ ପ୍ରଭାଭାସ୍ଵରଂ
ଜ୍ଞାନଂ ୟସ୍ୟ ତୁ ଚକ୍ଷୁରାଦିକରଣ ଦ୍ଵାରା ବହିଃ ସ୍ପଂଦତେ ।
ଜାନାମୀତି ତମେଵ ଭାଂତମନୁଭାତ୍ୟେତତ୍ସମସ୍ତଂ ଜଗତ୍
ତସ୍ମୈ ଶ୍ରୀ ଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 4 ॥

ଦେହଂ ପ୍ରାଣମପୀଂଦ୍ରିୟାଣ୍ୟପି ଚଲାଂ ବୁଦ୍ଧିଂ ଚ ଶୂନ୍ୟଂ ଵିଦୁଃ
ସ୍ତ୍ରୀ ବାଲାଂଧ ଜଡୋପମାସ୍ତ୍ଵହମିତି ଭ୍ରାଂତାଭୃଶଂ ଵାଦିନଃ ।
ମାୟାଶକ୍ତି ଵିଲାସକଲ୍ପିତ ମହାଵ୍ୟାମୋହ ସଂହାରିଣେ
ତସ୍ମୈ ଶ୍ରୀ ଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 5 ॥

ରାହୁଗ୍ରସ୍ତ ଦିଵାକରେଂଦୁ ସଦୃଶୋ ମାୟା ସମାଚ୍ଛାଦନାତ୍
ସନ୍ମାତ୍ରଃ କରଣୋପ ସଂହରଣତୋ ୟୋଽଭୂତ୍ସୁଷୁପ୍ତଃ ପୁମାନ୍ ।
ପ୍ରାଗସ୍ଵାପ୍ସମିତି ପ୍ରଭୋଦସମୟେ ୟଃ ପ୍ରତ୍ୟଭିଜ୍ଞାୟତେ
ତସ୍ମୈ ଶ୍ରୀ ଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 6 ॥

ବାଲ୍ୟାଦିଷ୍ଵପି ଜାଗ୍ରଦାଦିଷୁ ତଥା ସର୍ଵାସ୍ଵଵସ୍ଥାସ୍ଵପି
ଵ୍ୟାଵୃତ୍ତା ସ୍ଵନୁ ଵର୍ତମାନ ମହମିତ୍ୟଂତଃ ସ୍ଫୁରଂତଂ ସଦା ।
ସ୍ଵାତ୍ମାନଂ ପ୍ରକଟୀକରୋତି ଭଜତାଂ ୟୋ ମୁଦ୍ରୟା ଭଦ୍ରୟା
ତସ୍ମୈ ଶ୍ରୀ ଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 7 ॥

ଵିଶ୍ଵଂ ପଶ୍ୟତି କାର୍ୟକାରଣତୟା ସ୍ଵସ୍ଵାମିସଂବଂଧତଃ
ଶିଷ୍ୟଚାର୍ୟତୟା ତଥୈଵ ପିତୃ ପୁତ୍ରାଦ୍ୟାତ୍ମନା ଭେଦତଃ ।
ସ୍ଵପ୍ନେ ଜାଗ୍ରତି ଵା ୟ ଏଷ ପୁରୁଷୋ ମାୟା ପରିଭ୍ରାମିତଃ
ତସ୍ମୈ ଶ୍ରୀ ଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 8 ॥

ଭୂରଂଭାଂସ୍ୟନଲୋଽନିଲୋଂବର ମହର୍ନାଥୋ ହିମାଂଶୁଃ ପୁମାନ୍
ଇତ୍ୟାଭାତି ଚରାଚରାତ୍ମକମିଦଂ ୟସ୍ୟୈଵ ମୂର୍ତ୍ୟଷ୍ଟକମ୍ ।
ନାନ୍ୟତ୍କିଂଚନ ଵିଦ୍ୟତେ ଵିମୃଶତାଂ ୟସ୍ମାତ୍ପରସ୍ମାଦ୍ଵିଭୋ
ତସ୍ମୈ ଶ୍ରୀ ଗୁରୁମୂର୍ତୟେ ନମ ଇଦଂ ଶ୍ରୀ ଦକ୍ଷିଣାମୂର୍ତୟେ ॥ 9 ॥

ସର୍ଵାତ୍ମତ୍ଵମିତି ସ୍ଫୁଟୀକୃତମିଦଂ ୟସ୍ମାଦମୁଷ୍ମିନ୍ ସ୍ତଵେ
ତେନାସ୍ଵ ଶ୍ରଵଣାତ୍ତଦର୍ଥ ମନନାଦ୍ଧ୍ୟାନାଚ୍ଚ ସଂକୀର୍ତନାତ୍ ।
ସର୍ଵାତ୍ମତ୍ଵ ମହାଵିଭୂତିସହିତଂ ସ୍ୟାଦୀଶ୍ଵରତ୍ଵଂ ସ୍ଵତଃ
ସିଦ୍ଧ୍ୟେତ୍ତତ୍ପୁନରଷ୍ଟଧା ପରିଣତଂ ଚୈଶ୍ଵର୍ୟ-ମଵ୍ୟାହତମ୍ ॥ 10 ॥

॥ ଇତି ଶ୍ରୀମଚ୍ଛଂକରାଚାର୍ୟଵିରଚିତଂ ଦକ୍ଷିଣାମୂର୍ତିସ୍ତୋତ୍ରଂ ସଂପୂର୍ଣମ୍ ॥

dakshina murthy stotram in odia