ଶ୍ରୀମଦ୍ଭଗଵଦ୍ଗୀତା ପାରାୟଣ – ଧ୍ୟାନଶ୍ଲୋକାଃ

bhagavadgita parayana dhyana slokas geetha dhyanam in odia

ଓଂ ଶ୍ରୀ ପରମାତ୍ମନେ ନମଃ
ଅଥ ଗୀତା ଧ୍ୟାନ ଶ୍ଲୋକାଃ

ଓଂ ପାର୍ଥାୟ ପ୍ରତିବୋଧିତାଂ ଭଗଵତା ନାରାୟଣେନ ସ୍ଵୟଂ
ଵ୍ୟାସେନ ଗ୍ରଥିତାଂ ପୁରାଣମୁନିନା ମଧ୍ୟେ ମହାଭାରତମ୍ ।
ଅଦ୍ଵୈତାମୃତଵର୍ଷିଣୀଂ ଭଗଵତୀଂ ଅଷ୍ଟାଦଶାଧ୍ୟାୟିନୀଂ
ଅଂବ ତ୍ଵାଂ ଅନୁସଂଦଧାମି ଭଗଵଦ୍ଗୀତେ ଭଵଦ୍ଵେଷିଣୀମ୍ ॥

ନମୋଽସ୍ତୁତେ ଵ୍ୟାସ ଵିଶାଲବୁଦ୍ଧେ ଫୁଲ୍ଲାରଵିଂଦାୟତପତ୍ରନେତ୍ର ।
ୟେନ ତ୍ଵୟା ଭାରତ ତୈଲପୂର୍ଣଃ ପ୍ରଜ୍ଵାଲିତୋ ଜ୍ଞାନମୟଃ ପ୍ରଦୀପଃ॥

ପ୍ରପନ୍ନପାରିଜାତାୟ ତୋତ୍ରଵେତ୍ରୈକପାଣୟେ ।
ଜ୍ଞାନମୁଦ୍ରାୟ କୃଷ୍ଣାୟ ଗୀତାମୃତଦୁହେ ନମଃ ॥

ଵସୁଦେଵସୁତଂ ଦେଵଂ କଂସଚାଣୂରମର୍ଦନମ୍ ।
ଦେଵକୀପରମାନଂଦଂ କୃଷ୍ଣଂ ଵଂଦେ ଜଗଦ୍ଗୁରୁମ୍ ॥

ଭୀଷ୍ମଦ୍ରୋଣତଟା ଜୟଦ୍ରଥଜଲା ଗାଂଧାରନୀଲୋତ୍ପଲା
ଶଲ୍ୟଗ୍ରାହଵତୀ କୃପେଣ ଵହନୀ କର୍ଣେନ ଵେଲାକୁଲା ।
ଅଶ୍ଵତ୍ଥାମଵିକର୍ଣଘୋରମକରା ଦୁର୍ୟୋଧନାଵର୍ତିନୀ
ସୋତ୍ତୀର୍ଣା ଖଲୁ ପାଂଡଵୈ ରଣନଦୀ କୈଵର୍ତକଃ କେଶଵଃ ॥

ପାରାଶର୍ୟଵଚଃ ସରୋଜମମଲଂ ଗୀତାର୍ଥଗଂଧୋତ୍କଟଂ
ନାନାଖ୍ୟାନକକେସରଂ ହରିକଥା ସଂବୋଧନାବୋଧିତମ୍ ।
ଲୋକେ ସଜ୍ଜନଷଟ୍ପଦୈରହରହଃ ପେପୀୟମାନଂ ମୁଦା
ଭୂୟାଦ୍ଭାରତପଂକଜଂ କଲିମଲ ପ୍ରଧ୍ଵଂସିନଃ ଶ୍ରେୟସେ ॥

ମୂକଂ କରୋତି ଵାଚାଲଂ ପଂଗୁଂ ଲଂଘୟତେ ଗିରିମ୍ ।
ୟତ୍କୃପା ତମହଂ ଵଂଦେ ପରମାନଂଦମାଧଵମ୍ ॥

ଶାଂତାକାରଂ ଭୁଜଗଶୟନଂ ପଦ୍ମନାଭଂ ସୁରେଶଂ
ଵିଶ୍ଵାଧାରଂ ଗଗନସଦୃଶଂ ମେଘଵର୍ଣଂ ଶୁଭାଂଗମ୍ ।
ଲକ୍ଷ୍ମୀକାଂତଂ କମଲନୟନଂ ୟୋଗିହୃଦ୍ଧ୍ୟାନଗମ୍ୟଂ
ଵଂଦେ ଵିଷ୍ଣୁଂ ଭଵଭୟହରଂ ସର୍ଵ ଲୋକୈକନାଥମ୍ ॥

ୟଂ ବ୍ରହ୍ମାଵରୁଣେଂଦ୍ରରୁଦ୍ରମରୁତଃ ସ୍ତୁନ୍ଵଂତି ଦିଵ୍ୟୈଃ ସ୍ତଵୈଃ
ଵେଦୈଃ ସାଂଗପଦକ୍ରମୋପନିଷଦୈଃ ଗାୟଂତି ୟଂ ସାମଗାଃ ।
ଧ୍ୟାନାଵସ୍ଥିତ ତଦ୍ଗତେନ ମନସା ପଶ୍ୟଂତି ୟଂ ୟୋଗିନଃ
ୟସ୍ୟାଂତଂ ନ ଵିଦୁସ୍ସୁରାସୁରଗଣାଃ ଦେଵାୟ ତସ୍ମୈ ନମଃ ॥

ନାରାୟଣଂ ନମସ୍କୃତ୍ୟ ନରଂଚୈଵ ନରୋତ୍ତମମ୍ ।
ଦେଵୀଂ ସରସ୍ଵତୀଂ ଵ୍ୟାସଂ ତତୋ ଜୟମୁଦୀରୟେତ୍ ॥

ସଚ୍ଚିଦାନଂଦରୂପାୟ କୃଷ୍ଣାୟାକ୍ଲିଷ୍ଟକାରିଣେ ।
ନମୋ ଵେଦାଂତଵେଦ୍ୟାୟ ଗୁରଵେ ବୁଦ୍ଧିସାକ୍ଷିଣେ॥

ସର୍ଵୋପନିଷଦୋ ଗାଵଃ ଦୋଗ୍ଧା ଗୋପାଲନଂଦନଃ ।
ପାର୍ଥୋ ଵତ୍ସଃ ସୁଧୀର୍ଭୋକ୍ତା ଦୁଗ୍ଧଂ ଗୀତାମୃତଂ ମହତ୍ ॥

ଗୀତାଶାସ୍ତ୍ରମିଦଂ ପୁଣ୍ୟଂ ୟଃ ପଠେତ୍ ପ୍ରୟତଃ ପୁମାନ୍ ।
ଵିଷ୍ଣୋଃ ପଦମଵାପ୍ନୋତି ଭୟଶୋକାଦି ଵର୍ଜିତଃ ॥

ଏକଂ ଶାସ୍ତ୍ରଂ ଦେଵକୀପୁତ୍ରଗୀତଂ ଏକୋ ଦେଵୋ ଦେଵକୀପୁତ୍ର ଏଵ ।
ଏକୋ ମଂତ୍ରସ୍ତସ୍ୟ ନାମାନି ୟାନି କର୍ମାପ୍ୟେକଂ ତସ୍ୟ ଦେଵସ୍ୟ ସେଵା ॥

॥ ଓଂ ଶ୍ରୀ କୃଷ୍ଣାୟ ପରମାତ୍ମନେ ନମଃ ॥

bhagavadgita parayana dhyana slokas geetha dhyanam in odia