ଅଷ୍ଟାଵକ୍ର ଗୀତା ଦ୍ଵାଦଶୋଽଧ୍ୟାୟଃ

ashtavakra gita chapter 12 in odia

ଜନକ ଉଵାଚ ॥

କାୟକୃତ୍ୟାସହଃ ପୂର୍ଵଂ ତତୋ ଵାଗ୍ଵିସ୍ତରାସହଃ ।
ଅଥ ଚିଂତାସହସ୍ତସ୍ମାଦ୍ ଏଵମେଵାହମାସ୍ଥିତଃ ॥ 12-1॥

ପ୍ରୀତ୍ୟଭାଵେନ ଶବ୍ଦାଦେରଦୃଶ୍ୟତ୍ଵେନ ଚାତ୍ମନଃ ।
ଵିକ୍ଷେପୈକାଗ୍ରହୃଦୟ ଏଵମେଵାହମାସ୍ଥିତଃ ॥ 12-2॥

ସମାଧ୍ୟାସାଦିଵିକ୍ଷିପ୍ତୌ ଵ୍ୟଵହାରଃ ସମାଧୟେ ।
ଏଵଂ ଵିଲୋକ୍ୟ ନିୟମମେଵମେଵାହମାସ୍ଥିତଃ ॥ 12-3॥ ।
ହେୟୋପାଦେୟଵିରହାଦ୍ ଏଵଂ ହର୍ଷଵିଷାଦୟୋଃ ।
ଅଭାଵାଦଦ୍ୟ ହେ ବ୍ରହ୍ମନ୍ନ୍ ଏଵମେଵାହମାସ୍ଥିତଃ ॥ 12-4॥

ଆଶ୍ରମାନାଶ୍ରମଂ ଧ୍ୟାନଂ ଚିତ୍ତସ୍ଵୀକୃତଵର୍ଜନମ୍ ।
ଵିକଲ୍ପଂ ମମ ଵୀକ୍ଷ୍ୟୈତୈରେଵମେଵାହମାସ୍ଥିତଃ ॥ 12-5॥

କର୍ମାନୁଷ୍ଠାନମଜ୍ଞାନାଦ୍ ୟଥୈଵୋପରମସ୍ତଥା ।
ବୁଧ୍ଵା ସମ୍ୟଗିଦଂ ତତ୍ତ୍ଵମେଵମେଵାହମାସ୍ଥିତଃ ॥ 12-6॥

ଅଚିଂତ୍ୟଂ ଚିଂତ୍ୟମାନୋଽପି ଚିଂତାରୂପଂ ଭଜତ୍ୟସୌ ।
ତ୍ୟକ୍ତ୍ଵା ତଦ୍ଭାଵନଂ ତସ୍ମାଦ୍ ଏଵମେଵାହମାସ୍ଥିତଃ ॥ 12-7॥

ଏଵମେଵ କୃତଂ ୟେନ ସ କୃତାର୍ଥୋ ଭଵେଦସୌ ।
ଏଵମେଵ ସ୍ଵଭାଵୋ ୟଃ ସ କୃତାର୍ଥୋ ଭଵେଦସୌ ॥ 12-8॥

ashtavakra gita chapter 12 in odia