സൂര്യ അഷ്ടോത്തര ശത നാമ സ്തോത്രമ്

surya ashtottara sata nama stotram in malayalam

അരുണായ ശരണ്യായ കരുണാരസസിംധവേ ।
അസമാനബലായാഽഽര്തരക്ഷകായ നമോ നമഃ ॥ 1 ॥

ആദിത്യായാഽഽദിഭൂതായ അഖിലാഗമവേദിനേ ।
അച്യുതായാഽഖിലജ്ഞായ അനംതായ നമോ നമഃ ॥ 2 ॥

ഇനായ വിശ്വരൂപായ ഇജ്യായൈംദ്രായ ഭാനവേ ।
ഇംദിരാമംദിരാപ്തായ വംദനീയായ തേ നമഃ ॥ 3 ॥

ഈശായ സുപ്രസന്നായ സുശീലായ സുവര്ചസേ ।
വസുപ്രദായ വസവേ വാസുദേവായ തേ നമഃ ॥ 4 ॥

ഉജ്ജ്വലായോഗ്രരൂപായ ഊര്ധ്വഗായ വിവസ്വതേ ।
ഉദ്യത്കിരണജാലായ ഹൃഷീകേശായ തേ നമഃ ॥ 5 ॥

ഊര്ജസ്വലായ വീരായ നിര്ജരായ ജയായ ച ।
ഊരുദ്വയാഭാവരൂപയുക്തസാരഥയേ നമഃ ॥ 6 ॥

ഋഷിവംദ്യായ രുഗ്ഘംത്രേ ഋക്ഷചക്രചരായ ച ।
ഋജുസ്വഭാവചിത്തായ നിത്യസ്തുത്യായ തേ നമഃ ॥ 7 ॥

ൠകാരമാതൃകാവര്ണരൂപായോജ്ജ്വലതേജസേ ।
ൠക്ഷാധിനാഥമിത്രായ പുഷ്കരാക്ഷായ തേ നമഃ ॥ 8 ॥

ലുപ്തദംതായ ശാംതായ കാംതിദായ ഘനായ ച ।
കനത്കനകഭൂഷായ ഖദ്യോതായ നമോ നമഃ ॥ 9 ॥

ലൂനിതാഖിലദൈത്യായ സത്യാനംദസ്വരൂപിണേ ।
അപവര്ഗപ്രദായാഽഽര്തശരണ്യായ നമോ നമഃ ॥ 10 ॥

ഏകാകിനേ ഭഗവതേ സൃഷ്ടിസ്ഥിത്യംതകാരിണേ ।
ഗുണാത്മനേ ഘൃണിഭൃതേ ബൃഹതേ ബ്രഹ്മണേ നമഃ ॥ 11 ॥

ഐശ്വര്യദായ ശർവായ ഹരിദശ്വായ ശൌരയേ ।
ദശദിക്സംപ്രകാശായ ഭക്തവശ്യായ തേ നമഃ ॥ 12 ॥

ഓജസ്കരായ ജയിനേ ജഗദാനംദഹേതവേ ।
ജന്മമൃത്യുജരാവ്യാധിവര്ജിതായ നമോ നമഃ ॥ 13 ॥

ഔന്നത്യപദസംചാരരഥസ്ഥായാത്മരൂപിണേ ।
കമനീയകരായാഽബ്ജവല്ലഭായ നമോ നമഃ ॥ 14 ॥

അംതര്ബഹിഃപ്രകാശായ അചിംത്യായാഽഽത്മരൂപിണേ ।
അച്യുതായ സുരേശായ പരസ്മൈ ജ്യോതിഷേ നമഃ ॥ 15 ॥

അഹസ്കരായ രവയേ ഹരയേ പരമാത്മനേ ।
തരുണായ വരേണ്യായ ഗ്രഹാണാം പതയേ നമഃ ॥ 16 ॥

ഓം നമോ ഭാസ്കരായാഽഽദിമധ്യാംതരഹിതായ ച ।
സൌഖ്യപ്രദായ സകലജഗതാം പതയേ നമഃ ॥ 17 ॥

നമഃ സൂര്യായ കവയേ നമോ നാരായണായ ച ।
നമോ നമഃ പരേശായ തേജോരൂപായ തേ നമഃ ॥ 18 ॥

ഓം ശ്രീം ഹിരണ്യഗര്ഭായ ഓം ഹ്രീം സംപത്കരായ ച ।
ഓം ഐം ഇഷ്ടാര്ഥദായാഽനുപ്രസന്നായ നമോ നമഃ ॥ 19 ॥

ശ്രീമതേ ശ്രേയസേ ഭക്തകോടിസൌഖ്യപ്രദായിനേ ।
നിഖിലാഗമവേദ്യായ നിത്യാനംദായ തേ നമഃ ॥ 20 ॥

ഇതി ശ്രീ സൂര്യ അഷ്ടോത്തരശതനാമ സ്തോത്രമ് ।

surya ashtottara sata nama stotram in malayalam