ശ്രീ കൃഷ്ണ കവചം (ത്രൈലോക്യ മംഗള കവചമ്)

sri krishna kavacham trailokya mangala kavacham in malayalam

ശ്രീ നാരദ ഉവാച –
ഭഗവന്സർവധര്മജ്ഞ കവചം യത്പ്രകാശിതമ് ।
ത്രൈലോക്യമംഗളം നാമ കൃപയാ കഥയ പ്രഭോ ॥ 1 ॥

സനത്കുമാര ഉവാച –
ശൃണു വക്ഷ്യാമി വിപ്രേംദ്ര കവചം പരമാദ്ഭുതമ് ।
നാരായണേന കഥിതം കൃപയാ ബ്രഹ്മണേ പുരാ ॥ 2 ॥

ബ്രഹ്മണാ കഥിതം മഹ്യം പരം സ്നേഹാദ്വദാമി തേ ।
അതി ഗുഹ്യതരം തത്ത്വം ബ്രഹ്മമംത്രൌഘവിഗ്രഹമ് ॥ 3 ॥

യദ്ധൃത്വാ പഠനാദ്ബ്രഹ്മാ സൃഷ്ടിം വിതനുതേ ധ്രുവമ് ।
യദ്ധൃത്വാ പഠനാത്പാതി മഹാലക്ഷ്മീര്ജഗത്ത്രയമ് ॥ 4 ॥

പഠനാദ്ധാരണാച്ഛംഭുഃ സംഹര്താ സർവമംത്രവിത് ।
ത്രൈലോക്യജനനീ ദുര്ഗാ മഹിഷാദിമഹാസുരാന് ॥ 5 ॥

വരതൃപ്താന് ജഘാനൈവ പഠനാദ്ധാരണാദ്യതഃ ।
ഏവമിംദ്രാദയഃ സർവേ സർവൈശ്വര്യമവാപ്നുയുഃ ॥ 6 ॥

ഇദം കവചമത്യംതഗുപ്തം കുത്രാപി നോ വദേത് ।
ശിഷ്യായ ഭക്തിയുക്തായ സാധകായ പ്രകാശയേത് ॥ 7 ॥

ശഠായ പരശിഷ്യായ ദത്വാ മൃത്യുമവാപ്നുയാത് ।
ത്രൈലോക്യമംഗളസ്യാഽസ്യ കവചസ്യ പ്രജാപതിഃ ॥ 8 ॥

ഋഷിശ്ഛംദശ്ച ഗായത്രീ ദേവോ നാരായണസ്സ്വയമ് ।
ധര്മാര്ഥകാമമോക്ഷേഷു വിനിയോഗഃ പ്രകീര്തിതഃ ॥ 9 ॥

പ്രണവോ മേ ശിരഃ പാതു നമോ നാരായണായ ച ।
ഫാലം മേ നേത്രയുഗളമഷ്ടാര്ണോ ഭുക്തിമുക്തിദഃ ॥ 10 ॥

ക്ലീം പായാച്ഛ്രോത്രയുഗ്മം ചൈകാക്ഷരഃ സർവമോഹനഃ ।
ക്ലീം കൃഷ്ണായ സദാ ഘ്രാണം ഗോവിംദായേതി ജിഹ്വികാമ് ॥ 11 ॥

ഗോപീജനപദവല്ലഭായ സ്വാഹാഽനനം മമ ।
അഷ്ടാദശാക്ഷരോ മംത്രഃ കംഠം പാതു ദശാക്ഷരഃ ॥ 12 ॥

ഗോപീജനപദവല്ലഭായ സ്വാഹാ ഭുജദ്വയമ് ।
ക്ലീം ഗ്ലൌം ക്ലീം ശ്യാമലാംഗായ നമഃ സ്കംധൌ രക്ഷാക്ഷരഃ ॥ 13 ॥

ക്ലീം കൃഷ്ണഃ ക്ലീം കരൌ പായാത് ക്ലീം കൃഷ്ണായാം ഗതോഽവതു ।
ഹൃദയം ഭുവനേശാനഃ ക്ലീം കൃഷ്ണഃ ക്ലീം സ്തനൌ മമ ॥ 14 ॥

ഗോപാലായാഗ്നിജായാതം കുക്ഷിയുഗ്മം സദാഽവതു ।
ക്ലീം കൃഷ്ണായ സദാ പാതു പാര്ശ്വയുഗ്മമനുത്തമഃ ॥ 15 ॥

കൃഷ്ണ ഗോവിംദകൌ പാതു സ്മരാദ്യൌജേയുതൌ മനുഃ ।
അഷ്ടാക്ഷരഃ പാതു നാഭിം കൃഷ്ണേതി ദ്വ്യക്ഷരോഽവതു ॥ 16 ॥

പൃഷ്ഠം ക്ലീം കൃഷ്ണകം ഗല്ല ക്ലീം കൃഷ്ണായ ദ്വിരാംതകഃ ।
സക്ഥിനീ സതതം പാതു ശ്രീം ഹ്രീം ക്ലീം കൃഷ്ണഠദ്വയമ് ॥ 17 ॥

ഊരൂ സപ്താക്ഷരം പായാത് ത്രയോദശാക്ഷരോഽവതു ।
ശ്രീം ഹ്രീം ക്ലീം പദതോ ഗോപീജനവല്ലഭപദം തതഃ ॥ 18 ॥

ശ്രിയാ സ്വാഹേതി പായൂ വൈ ക്ലീം ഹ്രീം ശ്രീം സദശാര്ണകഃ ।
ജാനുനീ ച സദാ പാതു ക്ലീം ഹ്രീം ശ്രീം ച ദശാക്ഷരഃ ॥ 19 ॥

ത്രയോദശാക്ഷരഃ പാതു ജംഘേ ചക്രാദ്യുദായുധഃ ।
അഷ്ടാദശാക്ഷരോ ഹ്രീം ശ്രീം പൂർവകോ വിംശദര്ണകഃ ॥ 20 ॥

സർവാംഗം മേ സദാ പാതു ദ്വാരകാനായകോ ബലീ ।
നമോ ഭഗവതേ പശ്ചാദ്വാസുദേവായ തത്പരമ് ॥ 21 ॥

താരാദ്യോ ദ്വാദശാര്ണോഽയം പ്രാച്യാം മാം സർവദാഽവതു ।
ശ്രീം ഹ്രീം ക്ലീം ച ദശാര്ണസ്തു ക്ലീം ഹ്രീം ശ്രീം ഷോഡശാര്ണകഃ ॥ 22 ॥

ഗദാദ്യുദായുധോ വിഷ്ണുര്മാമഗ്നേര്ദിശി രക്ഷതു ।
ഹ്രീം ശ്രീം ദശാക്ഷരോ മംത്രോ ദക്ഷിണേ മാം സദാഽവതു ॥ 23 ॥

താരോ നമോ ഭഗവതേ രുക്മിണീവല്ലഭായ ച ।
സ്വാഹേതി ഷോഡശാര്ണോഽയം നൈരൃത്യാം ദിശി രക്ഷതു ॥ 24 ॥

ക്ലീം ഹൃഷീകേശ വംശായ നമോ മാം വാരുണോഽവതു ।
അഷ്ടാദശാര്ണഃ കാമാംതോ വായവ്യേ മാം സദാഽവതു ॥ 25 ॥

ശ്രീം മായാകാമതൃഷ്ണായ ഗോവിംദായ ദ്വികോ മനുഃ ।
ദ്വാദശാര്ണാത്മകോ വിഷ്ണുരുത്തരേ മാം സദാഽവതു ॥ 26 ॥

വാഗ്ഭവം കാമകൃഷ്ണായ ഹ്രീം ഗോവിംദായ തത്പരമ് ।
ശ്രീം ഗോപീജനവല്ലഭായ സ്വാഹാ ഹസ്തൌ തതഃ പരമ് ॥ 27 ॥

ദ്വാവിംശത്യക്ഷരോ മംത്രോ മാമൈശാന്യേ സദാഽവതു ।
കാളീയസ്യ ഫണാമധ്യേ ദിവ്യം നൃത്യം കരോതി തമ് ॥ 28 ॥

നമാമി ദേവകീപുത്രം നൃത്യരാജാനമച്യുതമ് ।
ദ്വാത്രിംശദക്ഷരോ മംത്രോഽപ്യധോ മാം സർവദാഽവതു ॥ 29 ॥

കാമദേവായ വിദ്മഹേ പുഷ്പബാണായ ധീമഹി ।
തന്നോഽനംഗഃ പ്രചോദയാദേഷാ മാം പാതുചോര്ധ്വതഃ ॥ 30 ॥

ഇതി തേ കഥിതം വിപ്ര ബ്രഹ്മമംത്രൌഘവിഗ്രഹമ് ।
ത്രൈലോക്യമംഗളം നാമ കവചം ബ്രഹ്മരൂപകമ് ॥ 31 ॥

ബ്രഹ്മണാ കഥിതം പൂർവം നാരായണമുഖാച്ഛ്രുതമ് ।
തവ സ്നേഹാന്മയാഽഖ്യാതം പ്രവക്തവ്യം ന കസ്യചിത് ॥ 32 ॥

ഗുരും പ്രണമ്യ വിധിവത്കവചം പ്രപഠേത്തതഃ ।
സകൃദ്ദ്വിസ്ത്രിര്യഥാജ്ഞാനം സ ഹി സർവതപോമയഃ ॥ 33 ॥

മംത്രേഷു സകലേഷ്വേവ ദേശികോ നാത്ര സംശയഃ ।
ശതമഷ്ടോത്തരം ചാസ്യ പുരശ്ചര്യാ വിധിസ്സ്മൃതഃ ॥ 34 ॥

ഹവനാദീംദശാംശേന കൃത്വാ തത്സാധയേദ്ധ്രുവമ് ।
യദി സ്യാത്സിദ്ധകവചോ വിഷ്ണുരേവ ഭവേത്സ്വയമ് ॥ 35 ॥

മംത്രസിദ്ധിര്ഭവേത്തസ്യ പുരശ്ചര്യാ വിധാനതഃ ।
സ്പര്ധാമുദ്ധൂയ സതതം ലക്ഷ്മീർവാണീ വസേത്തതഃ ॥ 36 ॥

പുഷ്പാംജല്യഷ്ടകം ദത്വാ മൂലേനൈവ പഠേത്സകൃത് ।
ദശവര്ഷസഹസ്രാണി പൂജായാഃ ഫലമാപ്നുയാത് ॥ 37 ॥

ഭൂര്ജേ വിലിഖ്യ ഗുളികാം സ്വര്ണസ്ഥാം ധാരയേദ്യദി ।
കംഠേ വാ ദക്ഷിണേ ബാഹൌ സോഽപി വിഷ്ണുര്ന സംശയഃ ॥ 38 ॥

അശ്വമേധസഹസ്രാണി വാജപേയശതാനി ച ।
മഹാദാനാനി യാന്യേവ പ്രാദക്ഷിണ്യം ഭുവസ്തഥാ ॥ 39 ॥

കളാം നാര്ഹംതി താന്യേവ സകൃദുച്ചാരണാത്തതഃ ।
കവചസ്യ പ്രസാദേന ജീവന്മുക്തോ ഭവേന്നരഃ ॥ 40 ॥

ത്രൈലോക്യം ക്ഷോഭയത്യേവ ത്രൈലോക്യവിജയീ സ ഹി ।
ഇദം കവചമജ്ഞാത്വാ യജേദ്യഃ പുരുഷോത്തമമ് ।
ശതലക്ഷപ്രജപ്തോഽപി ന മംത്രസ്തസ്യ സിദ്ധ്യതി ॥ 41 ॥

ഇതി ശ്രീ നാരദപാംചരാത്രേ ജ്ഞാനാമൃതസാരേ ത്രൈലോക്യമംഗളകവചമ് ।

sri krishna kavacham trailokya mangala kavacham in malayalam