ദേവീ അശ്വധാടീ (അംബാ സ്തുതി)

devi aswadhati amba stuti in malayalam

(കാളിദാസ കൃതമ്)

ചേടീ ഭവന്നിഖില ഖേടീ കദംബവന വാടീഷു നാകി പടലീ
കോടീര ചാരുതര കോടീ മണീകിരണ കോടീ കരംബിത പദാ ।
പാടീരഗംധി കുചശാടീ കവിത്വ പരിപാടീമഗാധിപ സുതാ
ഘോടീഖുരാദധിക ധാടീമുദാര മുഖ വീടീരസേന തനുതാമ് ॥ 1 ॥ ശാ ॥

ദ്വൈപായന പ്രഭൃതി ശാപായുധ ത്രിദിവ സോപാന ധൂളി ചരണാ
പാപാപഹ സ്വമനു ജാപാനുലീന ജന താപാപനോദ നിപുണാ ।
നീപാലയാ സുരഭി ധൂപാലകാ ദുരിതകൂപാദുദന്ചയതുമാമ്
രൂപാധികാ ശിഖരി ഭൂപാല വംശമണി ദീപായിതാ ഭഗവതീ ॥ 2 ॥ ശാ ॥

യാളീഭി രാത്മതനുതാലീനകൃത്പ്രിയക പാളീഷു ഖേലതി ഭവാ
വ്യാളീ നകുല്യസിത ചൂളീ ഭരാ ചരണ ധൂളീ ലസന്മണിഗണാ ।
യാളീ ഭൃതി ശ്രവസി താളീ ദളം വഹതി യാളീക ശോഭി തിലകാ
സാളീ കരോതു മമ കാളീ മനഃ സ്വപദ നാളീക സേവന വിധൌ ॥ 3 ॥ ശാ ॥

ബാലാമൃതാംശു നിഭ ഫാലാമനാ ഗരുണ ചേലാ നിതംബ ഫലകേ
കോലാഹല ക്ഷപിത കാലാമരാകുശല കീലാല ശോഷണ രവിഃ ।
സ്ഥൂലാകുചേ ജലദ നീലാകചേ കലിത വീലാ കദംബ വിപിനേ
ശൂലായുധ പ്രണതി ശീലാ ദധാതു ഹൃദി ശൈലാധി രാജ തനയാ ॥ 4 ॥ ശാ ॥

കംബാവതീവ സവിഡംബാ ഗളേന നവ തുംബാഭ വീണ സവിധാ
ബിംബാധരാ വിനത ശംബായുധാദി നികുരുംബാ കദംബ വിപിനേ ।
അംബാ കുരംഗ മദജംബാല രോചി രിഹ ലംബാലകാ ദിശതു മേ
ശം ബാഹുലേയ ശശി ബിംബാഭി രാമ മുഖ സംബാധിതാ സ്തന ഭരാ ॥ 5 ॥ ശാ ॥

ദാസായമാന സുമഹാസാ കദംബവന വാസാ കുസുംഭ സുമനോ
വാസാ വിപംചി കൃത രാസാ വിധൂത മധു മാസാരവിംദ മധുരാ ।
കാസാര സൂന തതി ഭാസാഭിരാമ തനു രാസാര ശീത കരുണാ
നാസാ മണി പ്രവര ഭാസാ ശിവാ തിമിര മാസായേ ദുപരതിമ് ॥ 6 ॥ ശാ ॥

ന്യംകാകരേ വപുഷി കംകാള രക്ത പുഷി കംകാദി പക്ഷി വിഷയേ
ത്വം കാമനാ മയസി കിം കാരണം ഹൃദയ പംകാരി മേ ഹി ഗിരിജാമ് ।
ശംകാശിലാ നിശിത ടംകായമാന പദ സംകാശമാന സുമനോ
ഝംകാരി ഭൃംഗതതി മംകാനുപേത ശശി സംകാശ വക്ത്ര കമലാമ് ॥ 7 ॥ ശാ ॥

ജംഭാരി കുംഭി പൃഥു കുംഭാപഹാസി കുച സംഭാവ്യ ഹാര ലതികാ
രംഭാ കരീംദ്ര കര ദംഭാപഹോരുഗതി ഡിംഭാനുരംജിത പദാ ।
ശംഭാ ഉദാര പരിരംഭാംകുരത് പുലക ദംഭാനുരാഗ പിശുനാ
ശം ഭാസുരാഭരണ ഗുംഭാ സദാ ദിശതു ശുംഭാസുര പ്രഹരണാ ॥ 8 ॥ ശാ ॥

ദാക്ഷായണീ ദനുജ ശിക്ഷാ വിധൌ വികൃത ദീക്ഷാ മനോഹര ഗുണാ
ഭിക്ഷാശിനോ നടന വീക്ഷാ വിനോദ മുഖി ദക്ഷാധ്വര പ്രഹരണാ ।
വീക്ഷാം വിധേഹി മയി ദക്ഷാ സ്വകീയ ജന പക്ഷാ വിപക്ഷ വിമുഖീ
യക്ഷേശ സേവിത നിരാക്ഷേപ ശക്തി ജയ ലക്ഷാവധാന കലനാ ॥ 9 ॥ ശാ ॥

വംദാരു ലോക വര സംധായിനീ വിമല കുംദാവദാത രദനാ
ബൃംദാരു ബൃംദ മണി ബൃംദാരവിംദ മകരംദാഭിഷിക്ത ചരണാ ।
മംദാനിലാ കലിത മംദാര ദാമഭിരമംദാഭിരാമ മകുടാ
മംദാകിനീ ജവന ഭിംദാന വാചമരവിംദാനനാ ദിശതു മേ ॥ 10 ॥ ശാ ॥

യത്രാശയോ ലഗതി തത്രാഗജാ ഭവതു കുത്രാപി നിസ്തുല ശുകാ
സുത്രാമ കാല മുഖ സത്രാസകപ്രകര സുത്രാണ കാരി ചരണാ ।
ഛത്രാനിലാതിരയ പത്ത്രാഭിഭിരാമ ഗുണ മിത്രാമരീ സമ വധൂഃ
കു ത്രാസഹീന മണി ചിത്രാകൃതി സ്ഫുരിത പുത്രാദി ദാന നിപുണാ ॥ 11 ॥ ശാ ॥

കൂലാതിഗാമി ഭയ തൂലാവളിജ്വലനകീലാ നിജസ്തുതി വിധാ
കോലാഹലക്ഷപിത കാലാമരീ കുശല കീലാല പോഷണ രതാ ।
സ്ഥൂലാകുചേ ജലദ നീലാകചേ കലിത ലീലാ കദംബ വിപിനേ
ശൂലായുധ പ്രണതി ശീലാ വിഭാതു ഹൃദി ശൈലാധിരാജ തനയാ ॥ 12 ॥ ശാ ॥

ഇംധാന കീര മണിബംധാ ഭവേ ഹൃദയബംധാ വതീവ രസികാ
സംധാവതീ ഭുവന സംധാരണേ പ്യമൃത സിംധാവുദാര നിലയാ ।
ഗംധാനുഭാവ മുഹുരംധാലി പീത കച ബംധാ സമര്പയതു മേ
ശം ധാമ ഭാനുമപി രുംധാന മാശു പദ സംധാന മപ്യനുഗതാ ॥ 13 ॥ ശാ ॥

devi aswadhati amba stuti in malayalam