શ્રી સુબ્રહ્મણ્ય ત્રિશતિ સ્તોત્રમ્

sri subrahmanya trishati stotram in gujarati

શ્રીં સૌં શરવણભવઃ શરચ્ચંદ્રાયુતપ્રભઃ ।
શશાંકશેખરસુતઃ શચીમાંગળ્યરક્ષકઃ ॥ 1 ॥

શતાયુષ્યપ્રદાતા ચ શતકોટિરવિપ્રભઃ ।
શચીવલ્લભસુપ્રીતઃ શચીનાયકપૂજિતઃ ॥ 2 ॥

શચીનાથચતુર્વક્ત્રદેવદૈત્યાભિવંદિતઃ ।
શચીશાર્તિહરશ્ચૈવ શંભુઃ શંભૂપદેશકઃ ॥ 3 ॥

શંકરઃ શંકરપ્રીતઃ શમ્યાકકુસુમપ્રિયઃ ।
શંકુકર્ણમહાકર્ણપ્રમુખાદ્યભિવંદિતઃ ॥ 4 ॥

શચીનાથસુતાપ્રાણનાયકઃ શક્તિપાણિમાન્ ।
શંખપાણિપ્રિયઃ શંખોપમષડ્ગલસુપ્રભઃ ॥ 5 ॥

શંખઘોષપ્રિયઃ શંખચક્રશૂલાદિકાયુધઃ ।
શંખધારાભિષેકાદિપ્રિયઃ શંકરવલ્લભઃ ॥ 6 ॥

શબ્દબ્રહ્મમયશ્ચૈવ શબ્દમૂલાંતરાત્મકઃ ।
શબ્દપ્રિયઃ શબ્દરૂપઃ શબ્દાનંદઃ શચીસ્તુતઃ ॥ 7 ॥

શતકોટિપ્રવિસ્તારયોજનાયતમંદિરઃ ।
શતકોટિરવિપ્રખ્યરત્નસિંહાસનાન્વિતઃ ॥ 8 ॥

શતકોટિમહર્ષીંદ્રસેવિતોભયપાર્શ્વભૂઃ ।
શતકોટિસુરસ્ત્રીણાં નૃત્તસંગીતકૌતુકઃ ॥ 9 ॥

શતકોટીંદ્રદિક્પાલહસ્તચામરસેવિતઃ ।
શતકોટ્યખિલાંડાદિમહાબ્રહ્માંડનાયકઃ ॥ 10 ॥

શંખપાણિવિધિભ્યાં ચ પાર્શ્વયોરુપસેવિતઃ ।
શંખપદ્મનિધીનાં ચ કોટિભિઃ પરિસેવિતઃ ॥ 11 ॥

શશાંકાદિત્યકોટીભિઃ સવ્યદક્ષિણસેવિતઃ ।
શંખપાલાદ્યષ્ટનાગકોટીભિઃ પરિસેવિતઃ ॥ 12 ॥

શશાંકારપતંગાદિગ્રહનક્ષત્રસેવિતઃ ।
શશિભાસ્કરભૌમાદિગ્રહદોષાર્તિભંજનઃ ॥ 13 ॥

શતપત્રદ્વયકરઃ શતપત્રાર્ચનપ્રિયઃ ।
શતપત્રસમાસીનઃ શતપત્રાસનસ્તુતઃ ॥ 14 ॥

શારીરબ્રહ્મમૂલાદિષડાધારનિવાસકઃ ।
શતપત્રસમુત્પન્નબ્રહ્મગર્વવિભેદનઃ ॥ 15 ॥

શશાંકાર્ધજટાજૂટઃ શરણાગતવત્સલઃ ।
રકારરૂપો રમણો રાજીવાક્ષો રહોગતઃ ॥ 16 ॥

રતીશકોટિસૌંદર્યો રવિકોટ્યુદયપ્રભઃ ।
રાગસ્વરૂપો રાગઘ્નો રક્તાબ્જપ્રિય એવ ચ ॥ 17 ॥

રાજરાજેશ્વરીપુત્રો રાજેંદ્રવિભવપ્રદઃ ।
રત્નપ્રભાકિરીટાગ્રો રવિચંદ્રાગ્નિલોચનઃ ॥ 18 ॥

રત્નાંગદમહાબાહૂ રત્નતાટંકભૂષણઃ ।
રત્નકેયૂરભૂષાઢ્યો રત્નહારવિરાજિતઃ ॥ 19 ॥

રત્નકિંકિણિકાંચ્યાદિબદ્ધસત્કટિશોભિતઃ ।
રવસંયુક્તરત્નાભનૂપુરાંઘ્રિસરોરુહઃ ॥ 20 ॥

રત્નકંકણચૂલ્યાદિસર્વાભરણભૂષિતઃ ।
રત્નસિંહાસનાસીનો રત્નશોભિતમંદિરઃ ॥ 21 ॥

રાકેંદુમુખષટ્કશ્ચ રમાવાણ્યાદિપૂજિતઃ ।
રાક્ષસામરગંધર્વકોટિકોટ્યભિવંદિતઃ ॥ 22 ॥

રણરંગે મહાદૈત્યસંગ્રામજયકૌતુકઃ ।
રાક્ષસાનીકસંહારકોપાવિષ્ટાયુધાન્વિતઃ ॥ 23 ॥

રાક્ષસાંગસમુત્પન્નરક્તપાનપ્રિયાયુધઃ ।
રવયુક્તધનુર્હસ્તો રત્નકુક્કુટધારણઃ ॥ 24 ॥

રણરંગજયો રામાસ્તોત્રશ્રવણકૌતુકઃ ।
રંભાઘૃતાચીવિશ્વાચીમેનકાદ્યભિવંદિતઃ ॥ 25 ॥

રક્તપીતાંબરધરો રક્તગંધાનુલેપનઃ ।
રક્તદ્વાદશપદ્માક્ષો રક્તમાલ્યવિભૂષિતઃ ॥ 26 ॥

રવિપ્રિયો રાવણેશસ્તોત્રસામમનોહરઃ ।
રાજ્યપ્રદો રંધ્રગુહ્યો રતિવલ્લભસુપ્રિયઃ ॥ 27 ॥

રણાનુબંધનિર્મુક્તો રાક્ષસાનીકનાશકઃ ।
રાજીવસંભવદ્વેષી રાજીવાસનપૂજિતઃ ॥ 28 ॥

રમણીયમહાચિત્રમયૂરારૂઢસુંદરઃ ।
રમાનાથસ્તુતો રામો રકારાકર્ષણક્રિયઃ ॥ 29 ॥

વકારરૂપો વરદો વજ્રશક્ત્યભયાન્વિતઃ ।
વામદેવાદિસંપૂજ્યો વજ્રપાણિમનોહરઃ ॥ 30 ॥

વાણીસ્તુતો વાસવેશો વલ્લીકલ્યાણસુંદરઃ ।
વલ્લીવદનપદ્માર્કો વલ્લીનેત્રોત્પલોડુપઃ ॥ 31 ॥

વલ્લીદ્વિનયનાનંદો વલ્લીચિત્તતટામૃતમ્ ।
વલ્લીકલ્પલતાવૃક્ષો વલ્લીપ્રિયમનોહરઃ ॥ 32 ॥

વલ્લીકુમુદહાસ્યેંદુઃ વલ્લીભાષિતસુપ્રિયઃ ।
વલ્લીમનોહૃત્સૌંદર્યો વલ્લીવિદ્યુલ્લતાઘનઃ ॥ 33 ॥

વલ્લીમંગળવેષાઢ્યો વલ્લીમુખવશંકરઃ ।
વલ્લીકુચગિરિદ્વંદ્વકુંકુમાંકિતવક્ષકઃ ॥ 34 ॥

વલ્લીશો વલ્લભો વાયુસારથિર્વરુણસ્તુતઃ ।
વક્રતુંડાનુજો વત્સો વત્સલો વત્સરક્ષકઃ ॥ 35 ॥

વત્સપ્રિયો વત્સનાથો વત્સવીરગણાવૃતઃ ।
વારણાનનદૈત્યઘ્નો વાતાપિઘ્નોપદેશકઃ ॥ 36 ॥

વર્ણગાત્રમયૂરસ્થો વર્ણરૂપો વરપ્રભુઃ ।
વર્ણસ્થો વારણારૂઢો વજ્રશક્ત્યાયુધપ્રિયઃ ॥ 37 ॥

વામાંગો વામનયનો વચદ્ભૂર્વામનપ્રિયઃ ।
વરવેષધરો વામો વાચસ્પતિસમર્ચિતઃ ॥ 38 ॥

વસિષ્ઠાદિમુનિશ્રેષ્ઠવંદિતો વંદનપ્રિયઃ ।
વકારનૃપદેવસ્ત્રીચોરભૂતારિમોહનઃ ॥ 39 ॥

ણકારરૂપો નાદાંતો નારદાદિમુનિસ્તુતઃ ।
ણકારપીઠમધ્યસ્થો નગભેદી નગેશ્વરઃ ॥ 40 ॥

ણકારનાદસંતુષ્ટો નાગાશનરથસ્થિતઃ ।
ણકારજપસુપ્રીતો નાનાવેષો નગપ્રિયઃ ॥ 41 ॥

ણકારબિંદુનિલયો નવગ્રહસુરૂપકઃ ।
ણકારપઠનાનંદો નંદિકેશ્વરવંદિતઃ ॥ 42 ॥

ણકારઘંટાનિનદો નારાયણમનોહરઃ ।
ણકારનાદશ્રવણો નલિનોદ્ભવશિક્ષકઃ ॥ 43 ॥

ણકારપંકજાદિત્યો નવવીરાધિનાયકઃ ।
ણકારપુષ્પભ્રમરો નવરત્નવિભૂષણઃ ॥ 44 ॥

ણકારાનર્ઘશયનો નવશક્તિસમાવૃતઃ ।
ણકારવૃક્ષકુસુમો નાટ્યસંગીતસુપ્રિયઃ ॥ 45 ॥

ણકારબિંદુનાદજ્ઞો નયજ્ઞો નયનોદ્ભવઃ ।
ણકારપર્વતેંદ્રાગ્રસમુત્પન્નસુધારણિઃ ॥ 46 ॥

ણકારપેટકમણિર્નાગપર્વતમંદિરઃ ।
ણકારકરુણાનંદો નાદાત્મા નાગભૂષણઃ ॥ 47 ॥

ણકારકિંકિણીભૂષો નયનાદૃશ્યદર્શનઃ ।
ણકારવૃષભાવાસો નામપારાયણપ્રિયઃ ॥ 48 ॥

ણકારકમલારૂઢો નામાનંતસમન્વિતઃ ।
ણકારતુરગારૂઢો નવરત્નાદિદાયકઃ ॥ 49 ॥

ણકારમકુટજ્વાલામણિર્નવનિધિપ્રદઃ ।
ણકારમૂલમંત્રાર્થો નવસિદ્ધાદિપૂજિતઃ ॥ 50 ॥

ણકારમૂલનાદાંતો ણકારસ્તંભનક્રિયઃ ।
ભકારરૂપો ભક્તાર્થો ભવો ભર્ગો ભયાપહઃ ॥ 51 ॥

ભક્તપ્રિયો ભક્તવંદ્યો ભગવાન્ભક્તવત્સલઃ ।
ભક્તાર્તિભંજનો ભદ્રો ભક્તસૌભાગ્યદાયકઃ ॥ 52 ॥

ભક્તમંગળદાતા ચ ભક્તકળ્યાણદર્શનઃ ।
ભક્તદર્શનસંતુષ્ટો ભક્તસંઘસુપૂજિતઃ ॥ 53 ॥

ભક્તસ્તોત્રપ્રિયાનંદો ભક્તાભીષ્ટપ્રદાયકઃ ।
ભક્તસંપૂર્ણફલદો ભક્તસામ્રાજ્યભોગદઃ ॥ 54 ॥

ભક્તસાલોક્યસામીપ્યરૂપમોક્ષવરપ્રદઃ ।
ભવૌષધિર્ભવઘ્નશ્ચ ભવારણ્યદવાનલઃ ॥ 55 ॥

ભવાંધકારમાર્તાંડો ભવવૈદ્યો ભવાયુધમ્ ।
ભવશૈલમહાવજ્રો ભવસાગરનાવિકઃ ॥ 56 ॥

ભવમૃત્યુભયધ્વંસી ભાવનાતીતવિગ્રહઃ ।
ભવભૂતપિશાચઘ્નો ભાસ્વરો ભારતીપ્રિયઃ ॥ 57 ॥ [ભય]

ભાષિતધ્વનિમૂલાંતો ભાવાભાવવિવર્જિતઃ ।
ભાનુકોપપિતૃધ્વંસી ભારતીશોપદેશકઃ ॥ 58 ॥

ભાર્ગવીનાયકશ્રીમદ્ભાગિનેયો ભવોદ્ભવઃ ।
ભારક્રૌંચાસુરદ્વેષો ભાર્ગવીનાથવલ્લભઃ ॥ 59 ॥

ભટવીરનમસ્કૃત્યો ભટવીરસમાવૃતઃ ।
ભટતારાગણોડ્વીશો ભટવીરગણસ્તુતઃ ॥ 60 ॥

ભાગીરથેયો ભાષાર્થો ભાવનાશબરીપ્રિયઃ ।
ભકારે કલિચોરારિભૂતાદ્યુચ્ચાટનોદ્યતઃ ॥ 61 ॥

વકારસુકલાસંસ્થો વરિષ્ઠો વસુદાયકઃ ।
વકારકુમુદેંદુશ્ચ વકારાબ્ધિસુધામયઃ ॥ 62 ॥

વકારામૃતમાધુર્યો વકારામૃતદાયકઃ ।
દક્ષે વજ્રાભીતિયુતો વામે શક્તિવરાન્વિતઃ ॥ 63 ॥

વકારોદધિપૂર્ણેંદુઃ વકારોદધિમૌક્તિકમ્ ।
વકારમેઘસલિલો વાસવાત્મજરક્ષકઃ ॥ 64 ॥

વકારફલસારજ્ઞો વકારકલશામૃતમ્ ।
વકારપંકજરસો વસુર્વંશવિવર્ધનઃ ॥ 65 ॥

વકારદિવ્યકમલભ્રમરો વાયુવંદિતઃ ।
વકારશશિસંકાશો વજ્રપાણિસુતાપ્રિયઃ ॥ 66 ॥

વકારપુષ્પસદ્ગંધો વકારતટપંકજમ્ ।
વકારભ્રમરધ્વાનો વયસ્તેજોબલપ્રદઃ ॥ 67 ॥

વકારવનિતાનાથો વશ્યાદ્યષ્ટપ્રિયાપ્રદઃ ।
વકારફલસત્કારો વકારાજ્યહુતાશનઃ ॥ 68 ॥

વર્ચસ્વી વાઙ્મનોઽતીતો વાતાપ્યરિકૃતપ્રિયઃ ।
વકારવટમૂલસ્થો વકારજલધેસ્તટઃ ॥ 69 ॥

વકારગંગાવેગાબ્ધિઃ વજ્રમાણિક્યભૂષણઃ ।
વાતરોગહરો વાણીગીતશ્રવણકૌતુકઃ ॥ 70 ॥

વકારમકરારૂઢો વકારજલધેઃ પતિઃ ।
વકારામલમંત્રાર્થો વકારગૃહમંગળમ્ ॥ 71 ॥

વકારસ્વર્ગમાહેંદ્રો વકારારણ્યવારણઃ ।
વકારપંજરશુકો વલારિતનયાસ્તુતઃ ॥ 72 ॥

વકારમંત્રમલયસાનુમન્મંદમારુતઃ ।
વાદ્યંતભાંત ષટ્ક્રમ્ય જપાંતે શત્રુભંજનઃ ॥ 73 ॥

વજ્રહસ્તસુતાવલ્લીવામદક્ષિણસેવિતઃ ।
વકુલોત્પલકાદંબપુષ્પદામસ્વલંકૃતઃ ॥ 74 ॥

વજ્રશક્ત્યાદિસંપન્નદ્વિષટ્પાણિસરોરુહઃ ।
વાસનાગંધલિપ્તાંગો વષટ્કારો વશીકરઃ ॥ 75 ॥

વાસનાયુક્તતાંબૂલપૂરિતાનનસુંદરઃ ।
વલ્લભાનાથસુપ્રીતો વરપૂર્ણામૃતોદધિઃ ॥ 76 ॥

ઇતિ શ્રી સુબ્રહ્મણ્ય ત્રિશતી સ્તોત્રમ્ ।

sri subrahmanya trishati stotram in gujarati