અવનિતલં પુનરવતીર્ણા સ્યાત્

avanitalam punaravatirna syat in gujarati

અવનિતલં પુનરવતીર્ણા સ્યાત્
સંસ્કૃતગંગાધારા ।
ધીરભગીરથવંશોઽસ્માકં
વયં તુ કૃતનિર્ધારાઃ ॥

નિપતતુ પંડિતહરશિરસિ
પ્રવહતુ નિત્યમિદં વચસિ
પ્રવિશતુ વૈયાકરણમુખં
પુનરપિ વહતાજ્જનમનસિ
પુત્રસહસ્રં સમુદ્ધૃતં સ્યાત્
યાંતુ ચ જન્મવિકારાઃ ॥ 1 ॥

ગ્રામં ગ્રામં ગચ્છામ
સંસ્કૃતશિક્ષાં યચ્છામ
સર્વેષામપિ તૃપ્તિહિતાર્થં
સ્વક્લેશં ન હિ ગણયેમ
કૃતે પ્રયત્ને કિં ન લભેત
એવં સંતિ વિચારાઃ ॥ 2 ॥

યા માતા સંસ્કૃતિમૂલા
યસ્યા વ્યાપ્તિસ્સુવિશાલા
વાઙ્મયરૂપા સા ભવતુ
લસતુ ચિરં સા વાઙ્માલા
સુરવાણીં જનવાણીં કર્તું
યતામહે કૃતિશૂરાઃ ॥ 3 ॥

રચન: ડા. નારાયણભટ્ટઃ

avanitalam punaravatirna syat in gujarati