આદ્ય કાળિકા અષ્ટોત્તર શત નામાવળિઃ

aadya kalika ashtottara sata namavali in gujarati

શ્રીસદાશિવ ઉવાચ
શૃણુ દેવિ જગદ્વંદ્યે સ્તોત્રમેતદનુત્તમમ્ ।
પઠનાચ્છ્રવણાદ્યસ્ય સર્વસિદ્ધીશ્વરો ભવેત્ ॥ 1 ॥

અસૌભાગ્યપ્રશમનં સુખસંપદ્વિવર્ધનમ્ ।
અકાલમૃત્યુહરણં સર્વાપદ્વિનિવારણમ્ ॥ 2 ॥

શ્રીમદાદ્યાકાળિકાયાઃ સુખસાન્નિધ્યકારણમ્ ।
સ્તવસ્યાસ્ય પ્રસીદેન ત્રિપુરારિરહં પ્રિયે ॥ 3 ॥

સ્તોત્રસ્યાસ્ય ઋષિર્દેવિ સદાશિવ ઉદાહૃતઃ ।
છંદોઽનુષ્ટુબ્દેવતાદ્યા કાળિકા પરિકીર્તિતા ।
ધર્મકામાર્થમોક્ષેષુ વિનિયોગઃ પ્રકીર્તિતઃ ॥ 4 ॥

અથ સ્તોત્રમ્
હ્રીં કાળી શ્રીં કરાળી ચ ક્રીં કળ્યાણી કળાવતી ।
કમલા કલિદર્પઘ્ની કપર્દીશકૃપાન્વિતા ॥ 5 ॥

કાળિકા કાલમાતા ચ કાલાનલસમદ્યુતિઃ ।
કપર્દિની કરાળાસ્યા કરુણામૃતસાગરા ॥ 6 ॥

કૃપામયી કૃપાધારા કૃપાપારા કૃપાગમા ।
કૃશાનુઃ કપિલા કૃષ્ણા કૃષ્ણાનંદવિવર્ધિની ॥ 7 ॥

કાલરાત્રિઃ કામરૂપા કામપાશવિમોચિની ।
કાદંબિની કળાધારા કલિકલ્મષનાશિની ॥ 8 ॥

કુમારીપૂજનપ્રીતા કુમારીપૂજકાલયા ।
કુમારીભોજનાનંદા કુમારીરૂપધારિણી ॥ 9 ॥

કદંબવનસંચારા કદંબવનવાસિની ।
કદંબપુષ્પસંતોષા કદંબપુષ્પમાલિની ॥ 10 ॥

કિશોરી કલકંઠા ચ કલનાદનિનાદિની ।
કાદંબરીપાનરતા તથા કાદંબરીપ્રિયા ॥ 11 ॥

કપાલપાત્રનિરતા કંકાલમાલ્યધારિણી ।
કમલાસનસંતુષ્ટા કમલાસનવાસિની ॥ 12 ॥

કમલાલયમધ્યસ્થા કમલામોદમોદિની ।
કલહંસગતિઃ ક્લૈબ્યનાશિની કામરૂપિણી ॥ 13 ॥

કામરૂપકૃતાવાસા કામપીઠવિલાસિની ।
કમનીયા કલ્પલતા કમનીયવિભૂષણા ॥ 14 ॥

કમનીયગુણારાધ્યા કોમલાંગી કૃશોદરી ।
કારણામૃતસંતોષા કારણાનંદસિદ્ધિદા ॥ 15 ॥

કારણાનંદજાપેષ્ટા કારણાર્ચનહર્ષિતા ।
કારણાર્ણવસમ્મગ્ના કારણવ્રતપાલિની ॥ 16 ॥

કસ્તૂરીસૌરભામોદા કસ્તૂરીતિલકોજ્જ્વલા ।
કસ્તૂરીપૂજનરતા કસ્તૂરીપૂજકપ્રિયા ॥ 17 ॥

કસ્તૂરીદાહજનની કસ્તૂરીમૃગતોષિણી ।
કસ્તૂરીભોજનપ્રીતા કર્પૂરામોદમોદિતા ॥ 18 ॥

કર્પૂરમાલાભરણા કર્પૂરચંદનોક્ષિતા ।
કર્પૂરકારણાહ્લાદા કર્પૂરામૃતપાયિની ॥ 19 ॥

કર્પૂરસાગરસ્નાતા કર્પૂરસાગરાલયા ।
કૂર્ચબીજજપપ્રીતા કૂર્ચજાપપરાયણા ॥ 20 ॥

કુલીના કૌલિકારાધ્યા કૌલિકપ્રિયકારિણી ।
કુલાચારા કૌતુકિની કુલમાર્ગપ્રદર્શિની ॥ 21 ॥

કાશીશ્વરી કષ્ટહર્ત્રી કાશીશવરદાયિની ।
કાશીશ્વરકૃતામોદા કાશીશ્વરમનોરમા ॥ 22 ॥

કલમંજીરચરણા ક્વણત્કાંચીવિભૂષણા ।
કાંચનાદ્રિકૃતાગારા કાંચનાચલકૌમુદી ॥ 23 ॥

કામબીજજપાનંદા કામબીજસ્વરૂપિણી ।
કુમતિઘ્ની કુલીનાર્તિનાશિની કુલકામિની ॥ 24 ॥

ક્રીં હ્રીં શ્રીં મંત્રવર્ણેન કાલકંટકઘાતિની ।
ઇત્યાદ્યાકાળિકાદેવ્યાઃ શતનામ પ્રકીર્તિતમ્ ॥ 25 ॥

કકારકૂટઘટિતં કાળીરૂપસ્વરૂપકમ્ ।
પૂજાકાલે પઠેદ્યસ્તુ કાળિકાકૃતમાનસઃ ॥ 26 ॥

મંત્રસિદ્ધિર્ભવેદાશુ તસ્ય કાળી પ્રસીદતિ ।
બુદ્ધિં વિદ્યાં ચ લભતે ગુરોરાદેશમાત્રતઃ ॥ 27 ॥

ધનવાન્ કીર્તિમાન્ ભૂયાદ્દાનશીલો દયાન્વિતઃ ।
પુત્રપૌત્રસુખૈશ્વર્યૈર્મોદતે સાધકો ભુવિ ॥ 28 ॥

ભૌમાવાસ્યાનિશાભાગે મપંચકસમન્વિતઃ ।
પૂજયિત્વા મહાકાળીમાદ્યાં ત્રિભુવનેશ્વરીમ્ ॥ 29 ॥

પઠિત્વા શતનામાનિ સાક્ષાત્કાળીમયો ભવેત્ ।
નાસાધ્યં વિદ્યતે તસ્ય ત્રિષુ લોકેષુ કિંચન ॥ 30 ॥

વિદ્યાયાં વાક્પતિઃ સાક્ષાત્ ધને ધનપતિર્ભવેત્ ।
સમુદ્ર ઇવ ગાંભીર્યે બલે ચ પવનોપમઃ ॥ 31 ॥

તિગ્માંશુરિવ દુષ્પ્રેક્ષ્યઃ શશિવચ્છુભદર્શનઃ ।
રૂપે મૂર્તિધરઃ કામો યોષિતાં હૃદયંગમઃ ॥ 32 ॥

સર્વત્ર જયમાપ્નોતિ સ્તવસ્યાસ્ય પ્રસાદતઃ ।
યં યં કામં પુરસ્કૃત્ય સ્તોત્રમેતદુદીરયેત્ ॥ 33 ॥

તં તં કામમવાપ્નોતિ શ્રીમદાદ્યાપ્રસાદતઃ ।
રણે રાજકુલે દ્યૂતે વિવાદે પ્રાણસંકટે ॥ 34 ॥

દસ્યુગ્રસ્તે ગ્રામદાહે સિંહવ્યાઘ્રાવૃતે તથા ।
અરણ્યે પ્રાંતરે દુર્ગે ગ્રહરાજભયેઽપિ વા ॥ 35 ॥

જ્વરદાહે ચિરવ્યાધૌ મહારોગાદિસંકુલે ।
બાલગ્રહાદિ રોગે ચ તથા દુઃસ્વપ્નદર્શને ॥ 36 ॥

દુસ્તરે સલિલે વાપિ પોતે વાતવિપદ્ગતે ।
વિચિંત્ય પરમાં માયામાદ્યાં કાળીં પરાત્પરામ્ ॥ 37 ॥

યઃ પઠેચ્છતનામાનિ દૃઢભક્તિસમન્વિતઃ ।
સર્વાપદ્ભ્યો વિમુચ્યેત દેવિ સત્યં ન સંશયઃ ॥ 38 ॥

ન પાપેભ્યો ભયં તસ્ય ન રોગોભ્યો ભયં ક્વચિત્ ।
સર્વત્ર વિજયસ્તસ્ય ન કુત્રાપિ પરાભવઃ ॥ 39 ॥

તસ્ય દર્શનમાત્રેણ પલાયંતે વિપદ્ગણાઃ ।
સ વક્તા સર્વશાસ્ત્રાણાં સ ભોક્તા સર્વસંપદામ્ ॥ 40 ॥

સ કર્તા જાતિધર્માણાં જ્ઞાતીનાં પ્રભુરેવ સઃ ।
વાણી તસ્ય વસેદ્વક્ત્રે કમલા નિશ્ચલા ગૃહે ॥ 41 ॥

તન્નામ્ના માનવાઃ સર્વે પ્રણમંતિ સસંભ્રમાઃ ।
દૃષ્ટ્યા તસ્ય તૃણાયંતે હ્યણિમાદ્યષ્ટસિદ્ધયઃ ॥ 42 ॥

આદ્યાકાળીસ્વરૂપાખ્યં શતનામ પ્રકીર્તિતમ્ ।
અષ્ટોત્તરશતાવૃત્યા પુરશ્ચર્યાઽસ્ય ગીયતે ॥ 43 ॥

પુરસ્ક્રિયાન્વિતં સ્તોત્રં સર્વાભીષ્ટફલપ્રદમ્ ।
શતનામસ્તુતિમિમામાદ્યાકાળીસ્વરૂપિણીમ્ ॥ 44 ॥

પઠેદ્વા પાઠયેદ્વાપિ શૃણુયાચ્છ્રાવયેદપિ ।
સર્વપાપવિનિર્મુક્તો બ્રહ્મસાયુજ્યમાપ્નુયાત્ ॥ 45 ॥

ઇતિ મહાનિર્વાણતંત્રે સપ્તમોલ્લાસાંતર્ગતં શ્રી આદ્યા કાળિકા શતનામ સ્તોત્રમ્ ॥

aadya kalika ashtottara sata namavali in gujarati