শ্রী গাযত্রী হৃদয়ং

sri gayatri hrudayam in bengali

নারদ উবাচ
ভগবন্ দেবদেবেশ ভূতভব্যজগত্প্রভো ।
কবচং চ শ্রুতং দিব্য়ং গাযত্রীমংত্রবিগ্রহম্ ॥ 1 ॥

অধুনা শ্রোতুমিচ্ছামি গাযত্রীহৃদয়ং পরম্ ।
যদ্ধারণাদ্ভবেত্পুণ্য়ং গাযত্রীজপতোঽখিলম্ ॥ 2 ॥

শ্রীনারাযণ উবাচ
দেব্য়াশ্চ হৃদয়ং প্রোক্তং নারদাথর্বণে স্ফুটম্ ।
তদেবাহং প্রবক্ষ্য়ামি রহস্য়াতিরহস্যকম্ ॥ 3 ॥

বিরাড্রূপাং মহাদেবীং গাযত্রীং বেদমাতরম্ ।
ধ্য়াত্বা তস্য়াস্ত্বথাংগেষু ধ্য়ায়েদেতাশ্চ দেবতাঃ ॥ 4 ॥

পিংডব্রহ্মংডয়োরৈক্য়াদ্ভাবয়েত্স্বতনৌ তথা ।
দেবীরূপে নিজে দেহে তন্মযত্বায় সাধকঃ ॥ 5 ॥

নাদেবোঽভ্যর্চয়েদ্দেবমিতি বেদবিদো বিদুঃ ।
ততোঽভেদায় কায়ে স্বে ভাবয়েদ্দেবতা ইমাঃ ॥ 6 ॥

অথ তত্সংপ্রবক্ষ্য়ামি তন্মযত্বমথো ভবেত্ ।
গাযত্রীহৃদযস্য়াঽস্য়াঽপ্যহমেব ঋষিঃ স্মৃতঃ ॥ 7 ॥

গাযত্রীছংদ উদ্দিষ্টং দেবতা পরমেশ্বরী ।
পূর্বোক্তেন প্রকারেণ কুর্য়াদংগানি ষট্ক্রমাত্ ।
আসনে বিজনে দেশে ধ্য়ায়েদেকাগ্রমানসঃ ॥ 8 ॥

অথার্থন্য়াসঃ । দ্য়ৌমূর্ধ্নি দৈবতম্ । দংতপংক্তাবশ্বিনৌ । উভে সংধ্য়ে চৌষ্ঠৌ । মুখমগ্নিঃ । জিহ্বা সরস্বতী । গ্রীবায়াং তু বৃহস্পতিঃ । স্তনয়োর্বসবোঽষ্টৌ । বাহ্বোর্মরুতঃ । হৃদয়ে পর্জন্য়ঃ । আকাশমুদরম্ । নাভাবংতরিক্ষম্ । কট্য়োরিংদ্রাগ্নী । জঘনে বিজ্ঞানঘনঃ প্রজাপতিঃ । কৈলাসমলয়ে ঊরূ । বিশ্বেদেবা জান্বোঃ । জংঘায়াং কৌশিকঃ । গুহ্যমযনে । ঊরূ পিতরঃ । পাদৌ পৃথিবী । বনস্পতয়োঽংগুলীষু । ঋষয়ো রোমাণি । নখানি মুহূর্তানি । অস্থিষু গ্রহাঃ । অসৃঙ্মাংসমৃতবঃ ॥ সংবত্সরা বৈ নিমিষম্ । অহোরাত্রাবাদিত্যশ্চংদ্রমাঃ । প্রবরাং দিব্য়াং গাযত্রীং সহস্রনেত্রাং শরণমহং প্রপদ্য়ে ॥

ওং তত্সবিতুর্বরেণ্য়ায় নমঃ । ওং তত্পূর্বাজয়ায় নমঃ । তত্প্রাতরাদিত্য়ায় নমঃ । তত্প্রাতরাদিত্যপ্রতিষ্ঠায়ৈ নমঃ ॥

প্রাতরধীয়ানো রাত্রিকৃতং পাপং নাশযতি । সাযমধীয়ানো দিবসকৃতং পাপং নাশযতি । সায়ং প্রাতরধীয়ানো অপাপো ভবতি । সর্বতীর্থেষু স্নাতো ভবতি । সর্বৈর্দেবৈর্জ্ঞাতো ভবতি । অবাচ্যবচনাত্পূতো ভবতি । অভক্ষ্যভক্ষণাত্পূতো ভবতি । অভোজ্যভোজনাত্পূতো ভবতি । অচোষ্যচোষণাত্পূতো ভবতি । অসাধ্যসাধনাত্পূতো ভবতি । দুষ্প্রতিগ্রহশতসহস্রাত্পূতো ভবতি । সর্বপ্রতিগ্রহাত্পূতো ভবতি । পংক্তিদূষণাত্পূতো ভবতি । অনৃতবচনাত্পূতো ভবতি । অথাঽব্রহ্মচারী ব্রহ্মচারী ভবতী । অনেন হৃদয়েনাধীতেন ক্রতুসহস্রেণেষ্টং ভবতি । ষষ্টিশতসহস্রগাযত্র্য়া জপ্য়ানি ফলানি ভবংতি । অষ্টৌ ব্রাহ্মণান্ সম্যগ্গ্রাহয়েত্ । তস্য় সিদ্ধির্ভবতি । য ইদং নিত্যমধীয়ানো ব্রাহ্মণঃ প্রাতঃ শুচিঃ সর্বপাপৈঃ প্রমুচ্যত ইতি । ব্রহ্মলোকে মহীযতে ॥

ইত্য়াহ ভগবান্ শ্রীনারাযণঃ ॥

ইতি শ্রীদেবীভাগবতে মহাপুরাণে দ্বাদশস্কংধে শ্রী গাযত্রী হৃদয়ং নাম চতুর্থোঽধ্য়ায়ঃ ॥

sri gayatri hrudayam in bengali