শ্রী বটুক ভৈরব কবচং

sri batuka bhairava kavacham in bengali

শ্রীভৈরব উবাচ ।
দেবেশি দেহরক্ষার্থং কারণং কথ্যতাং ধ্রুবম্ ।
ম্রিয়ংতে সাধকা যেন বিনা শ্মশানভূমিষু ॥
রণেষু চাতিঘোরেষু মহাবায়ুজলেষু চ ।
শৃংগিমকরবজ্রেষু জ্বরাদিব্য়াধিবহ্নিষু ॥

শ্রীদেব্য়ুবাচ ।
কথয়ামি শৃণু প্রাজ্ঞ বটোস্তু কবচং শুভম্ ।
গোপনীয়ং প্রযত্নেন মাতৃজারোপমং যথা ॥
তস্য় ধ্য়ানং ত্রিধা প্রোক্তং সাত্ত্বিকাদিপ্রভেদতঃ ।
সাত্ত্বিকং রাজসং চৈব তামসং দেব তত্ শৃণু ॥

ধ্য়ানম্ –
বংদে বালং স্ফটিকসদৃশং কুংডলোদ্ভাসিবক্ত্রং
দিব্য়াকল্পৈর্নবমণিময়ৈঃ কিংকিণীনূপুরাদ্য়ৈঃ ।
দীপ্তাকারং বিশদবদনং সুপ্রসন্নং ত্রিনেত্রং
হস্তাব্জাভ্য়াং বটুকমনিশং শূলখড্গৌদধানম্ ॥ 1 ॥

উদ্যদ্ভাস্করসন্নিভং ত্রিনযনং রক্তাংগরাগস্রজং
স্মেরাস্য়ং বরদং কপালমভয়ং শূলং দধানং করৈঃ ।
নীলগ্রীবমুদারভূষণশতং শীতাংশুচূডোজ্জ্বলং
বংধূকারুণবাসসং ভযহরং দেবং সদা ভাবয়ে ॥ 2 ॥

ধ্য়ায়েন্নীলাদ্রিকাংতং শশিশকলধরং মুংডমালং মহেশং
দিগ্বস্ত্রং পিংগকেশং ডমরুমথ সৃণিং খড্গশূলাভয়ানি ।
নাগং ঘংটাং কপালং করসরসিরুহৈর্বিভ্রতং ভীমদংষ্ট্রং
সর্পাকল্পং ত্রিনেত্রং মণিমযবিলসত্কিংকিণী নূপুরাঢ্যম্ ॥ 3 ॥

অস্য় বটুকভৈরবকবচস্য় মহাকাল ঋষিরনুষ্টুপ্ছংদঃ শ্রীবটুকভৈরবো দেবতা বং বীজং হ্রীং শক্তিরাপদুদ্ধারণায়েতি কীলকং মম সর্বাভীষ্টসিদ্ধ্যর্থে বিনিয়োগঃ ।

কবচম্ –
ওং শিরো মে ভৈরবঃ পাতু ললাটং ভীষণস্তথা ।
নেত্রে চ ভূতহননঃ সারমেয়ানুগো ভ্রুবৌ ॥ 1

ভূতনাথশ্চ মে কর্ণৌ কপোলৌ প্রেতবাহনঃ ।
নাসাপুটৌ তথোষ্ঠৌ চ ভস্মাংগঃ সর্বভূষণঃ ॥ 2

ভীষণাস্য়ো মমাস্য়ং চ শক্তিহস্তো গলং মম ।
স্কংধৌ দৈত্যরিপুঃ পাতু বাহূ অতুলবিক্রমঃ ॥ 3

পাণী কপালী মে পাতু মুংডমালাধরো হৃদম্ ।
বক্ষঃস্থলং তথা শাংতঃ কামচারী স্তনং মম ॥ 4

উদরং চ স মে তুষ্টঃ ক্ষেত্রেশঃ পার্শ্বতস্তথা ।
ক্ষেত্রপালঃ পৃষ্ঠদেশং ক্ষেত্রাখ্য়ো নাভিতস্তথা ॥ 5

কটিং পাপৌঘনাশশ্চ বটুকো লিংগদেশকম্ ।
গুদং রক্ষাকরঃ পাতু ঊরূ রক্ষাকরঃ সদা ॥ 6

জানূ চ ঘুর্ঘুরারাবো জংঘে রক্ষতু রক্তপঃ ।
গুল্ফৌ চ পাদুকাসিদ্ধঃ পাদপৃষ্ঠং সুরেশ্বরঃ ॥ 7

আপাদমস্তকং চৈব আপদুদ্ধারণস্তথা ।
সহস্রারে মহাপদ্মে কর্পূরধবলো গুরুঃ ॥ 8

পাতু মাং বটুকো দেবো ভৈরবঃ সর্বকর্মসু ।
পূর্ব স্য়ামসিতাংগো মে দিশি রক্ষতু সর্বদা ॥ 9

আগ্নেয়্য়াং চ রুরুঃ পাতু দক্ষিণে চংডভৈরবঃ ।
নৈরৃত্য়াং ক্রোধনঃ পাতু মামুন্মত্তস্তু পশ্চিমে ॥ 10

বাযব্য়াং মে কপালী চ নিত্য়ং পায়াত্ সুরেশ্বরঃ ।
ভীষণো ভৈরবঃ পাতূত্তরস্য়াং দিশি সর্বদা ॥ 11

সংহারভৈরবঃ পাতু দিশ্য়ৈশান্য়াং মহেশ্বরঃ ।
ঊর্ধ্বে পাতু বিধাতা বৈ পাতালে নংদিকো বিভুঃ ॥ 12

সদ্য়োজাতস্তু মাং পায়াত্ সর্বতো দেবসেবিতঃ ।
বামদেবোঽবতু প্রীতো রণে ঘোরে তথাবতু ॥ 13

জলে তত্পুরুষঃ পাতু স্থলে পাতু গুরুঃ সদা ।
ডাকিনীপুত্রকঃ পাতু দারাংস্তু লাকিনীসুতঃ ॥ 14

পাতু সাকলকো ভ্রাতৄন্ শ্রিয়ং মে সততং গিরঃ ।
লাকিনীপুত্রকঃ পাতু পশূনশ্বানজাংস্তথা ॥ 15

মহাকালোঽবতু চ্ছত্রং সৈন্য়ং বৈ কালভৈরবঃ ।
রাজ্য়ং রাজ্যশ্রিয়ং পায়াত্ ভৈরবো ভীতিহারকঃ ॥ 16

রক্ষাহীনংতু যত্ স্থানং বর্জিতং কবচেন চ ।
তত্ সর্বং রক্ষ মে দেব ত্বং যতঃ সর্বরক্ষকঃ ॥ 17

এতত্ কবচমীশান তব স্নেহাত্ প্রকাশিতম্ ।
নাখ্য়েয়ং নরলোকেষু সারভূতং চ সুশ্রিযম্ ॥ 18

যস্মৈ কস্মৈ ন দাতব্য়ং কবচেশং সুদুর্লভম্ ।
ন দেয়ং পরশিষ্য়েভ্য়ঃ কৃপণেভ্যশ্চ শংকর ॥ 19

যো দদাতি নিষিদ্ধেভ্য়ঃ স বৈ ভ্রষ্টো ভবেদ্ধ্রুবম্ ।
অনেন কবচেশেন রক্ষাং কৃত্বা দ্বিজোত্তমঃ ॥ 20

বিচরন্ যত্র কুত্রাপি বিঘ্নৌঘৈঃ প্রাপ্যতে ন সঃ ।
মংত্রেণ ম্রিযতে যোগী কবচং যন্ন রক্ষিতঃ ॥ 21

তস্মাত্ সর্বপ্রযত্নেন দুর্লভং পাপচেতসাম্ ।
ভূর্জে রংভাত্বচে বাপি লিখিত্বা বিধিবত্ প্রভো ॥ 22

ধারয়েত্ পাঠয়েদ্বাপি সংপঠেদ্বাপি নিত্যশঃ ।
সংপ্রাপ্নোতি প্রভাবং বৈ কবচস্য়াস্য় বর্ণিতম্ ॥ 23

নমো ভৈরবদেবায় সারভূতায় বৈ নমঃ ।
নমস্ত্রৈলোক্যনাথায় নাথনাথায় বৈ নমঃ ॥ 24

ইতি বিশ্বসারোদ্ধারতংত্রে আপদুদ্ধারকল্পে ভৈরবভৈরবীসংবাদে বটুকভৈরবকবচং সমাপ্তম্ ॥

sri batuka bhairava kavacham in bengali