সুদর্শন অষ্টকম্ (বেদাংতাচার্য কৃতম্)

sudarshana ashtakam vedantacharya krutam in assamese

প্রতিভটশ্রেণিভীষণ বরগুণস্তোমভূষণ
জনিভযস্থানতারণ জগদবস্থানকারণ ।
নিখিলদুষ্কর্মকর্শন নিগমসদ্ধর্মদর্শন
জয জয শ্রীসুদর্শন জয জয শ্রীসুদর্শন ॥ 1 ॥

শুভজগদ্রূপমংডন সুরজনত্রাসখংডন
শতমখব্রহ্মবংদিত শতপথব্রহ্মনংদিত ।
প্রথিতবিদ্বত্সপক্ষিত ভজদহির্বুধ্ন্যলক্ষিত
জয জয শ্রীসুদর্শন জয জয শ্রীসুদর্শন ॥ 2 ॥

নিজপদপ্রীতসদ্গণ নিরুপথিস্ফীতষড্গুণ
নিগমনির্ব্যূঢবৈভব নিজপরব্যূহবৈভব ।
হরিহযদ্বেষিদারণ হরপুরপ্লোষকারণ
জয জয শ্রীসুদর্শন জয জয শ্রীসুদর্শন ॥ 3 ॥

স্ফুটতটিজ্জালপিংজর পৃথুতরজ্বালপংজর
পরিগতপ্রত্নবিগ্রহ পরিমিতপ্রজ্ঞদুর্গ্রহ ।
প্রহরণগ্রামমংডিত পরিজনত্রাণপংডিত
জয জয শ্রীসুদর্শন জয জয শ্রীসুদর্শন ॥ 4 ॥

ভুবননেতস্ত্রযীময সবনতেজস্ত্রযীময
নিরবধিস্বাদুচিন্ময নিখিলশক্তেজগন্ময ।
অমিতবিশ্বক্রিযাময শমিতবিশ্বগ্ভযাময
জয জয শ্রীসুদর্শন জয জয শ্রীসুদর্শন ॥ 5 ॥

মহিতসংপত্সদক্ষর বিহিতসংপত্ষডক্ষর
ষডরচক্রপ্রতিষ্ঠিত সকলতত্ত্বপ্রতিষ্ঠিত ।
বিবিধসংকল্পকল্পক বিবুধসংকল্পকল্পক
জয জয শ্রীসুদর্শন জয জয শ্রীসুদর্শন ॥ 6 ॥

প্রতিমুখালীঢবংধুর পৃথুমহাহেতিদংতুর
বিকটমালাপরিষ্কৃত বিবিধমাযাবহিষ্কৃত ।
স্থিরমহাযংত্রযংত্রিত দৃঢদযাতংত্রযংত্রিত
জয জয শ্রীসুদর্শন জয জয শ্রীসুদর্শন ॥ 7 ॥

দনুজবিস্তারকর্তন দনুজবিদ্যাবিকর্তন
জনিতমিস্রাবিকর্তন ভজদবিদ্যানিকর্তন ।
অমরদৃষ্টস্ববিক্রম সমরজুষ্টভ্রমিক্রম
জয জয শ্রীসুদর্শন জয জয শ্রীসুদর্শন ॥ 8 ॥

দ্বিচতুষ্কমিদং প্রভূতসারং
পঠতাং বেংকটনাযকপ্রণীতম্ ।
বিষমেঽপি মনোরথঃ প্রধাবন্
ন বিহন্যেত রথাংগধুর্যগুপ্তঃ ॥ 9 ॥

ইতি শ্রী বেদাংতাচার্যস্য কৃতিষু সুদর্শনাষ্টকম্ ।

sudarshana ashtakam vedantacharya krutam in assamese