শ্রী রাম সহস্রনাম স্তোত্রম্

sri rama sahasra nama stotram in assamese

অস্য শ্রীরামসহস্রনামস্তোত্র মহামংত্রস্য, ভগবান্ ঈশ্বর ঋষিঃ, অনুষ্টুপ্ছংদঃ, শ্রীরামঃ পরমাত্মা দেবতা, শ্রীমান্মহাবিষ্ণুরিতি বীজং, গুণভৃন্নির্গুণো মহানিতি শক্তিঃ, সংসারতারকো রাম ইতি মংত্রঃ, সচ্চিদানংদবিগ্রহ ইতি কীলকং, অক্ষযঃ পুরুষঃ সাক্ষীতি কবচং, অজেযঃ সর্বভূতানাং ইত্যস্ত্রং, রাজীবলোচনঃ শ্রীমানিতি ধ্যানং শ্রীরামপ্রীত্যর্থে দিব্যসহস্রনামজপে বিনিযোগঃ ।

ধ্যানং
শ্রীরাঘবং দশরথাত্মজমপ্রমেযং
সীতাপতিং রঘুকুলান্বযরত্নদীপম্ ।
আজানুবাহুমরবিংদদলাযতাক্ষং
রামং নিশাচরবিনাশকরং নমামি ॥

নীলাং ভুজশ্যামল কোমলাংগং
সীতা সমারোপিত বামভাগম্ ।
পাণৌ মহাসাযক চারু চাপং
নমামি রামং রঘুবংশনাথম্ ॥

লোকাভিরামং রণরংগধীরং
রাজীবনেত্রং রঘুবংশনাথম্ ।
কারুণ্যরূপং করুণাকরং তং
শ্রী রামচংদ্রং শরণং প্রপদ্যে ॥

ধ্যাযেদাজানুবাহুং ধৃতশরধনুষং বদ্ধপদ্মাসনস্থং
পীতং বাসো বসানং নবকলদলস্পর্ধিনেত্রং প্রসন্নম্ ।
বামাংকারূঢসীতামুখকমলমিললোচনং নীরদাভং
নানালংকারদীপ্তং দধতমুরুজটামংডলং রামচংদ্রম্ ॥

নীলাংভোদরকাংতি কাংতমনুষং বীরাসনাধ্যাসিনং
মুদ্রাং জ্ঞানমযীং দধানমপরং হস্তাংবুজং জানুনি ।
সীতাং পার্শ্বগতাং সরোরুহকরাং বিদ্যুন্নিভাং রাঘবং
পশ্যংতীং মুকুটাংগদাদি বিবিধ কল্পোজ্জ্বলাংগং ভজে ॥

স্তোত্রং
রাজীবলোচনঃ শ্রীমান্ শ্রীরামো রঘুপুংগবঃ ।
রামভদ্রঃ সদাচারো রাজেংদ্রো জানকীপতিঃ ॥ 1 ॥

অগ্রগণ্যো বরেণ্যশ্চ বরদঃ পরমেশ্বরঃ ।
জনার্দনো জিতামিত্রঃ পরার্থৈকপ্রযোজনঃ ॥ 2 ॥

বিশ্বামিত্রপ্রিযো দাংতঃ শত্রুজিচ্ছত্রুতাপনঃ ।
সর্বজ্ঞঃ সর্বদেবাদিঃ শরণ্যো বালিমর্দনঃ ॥ 3 ॥

জ্ঞানভাব্যোঽপরিচ্ছেদ্যো বাগ্মী সত্যব্রতঃ শুচিঃ ।
জ্ঞানগম্যো দৃঢপ্রজ্ঞঃ খরধ্বংসী প্রতাপবান্ ॥ 4 ॥

দ্যুতিমানাত্মবান্বীরো জিতক্রোধোঽরিমর্দনঃ ।
বিশ্বরূপো বিশালাক্ষঃ প্রভুঃ পরিবৃঢো দৃঢঃ ॥ 5 ॥

ঈশঃ খড্গধরঃ শ্রীমান্ কৌসলেযোঽনসূযকঃ ।
বিপুলাংসো মহোরস্কঃ পরমেষ্ঠী পরাযণঃ ॥ 6 ॥

সত্যব্রতঃ সত্যসংধো গুরুঃ পরমধার্মিকঃ ।
লোকজ্ঞো লোকবংদ্যশ্চ লোকাত্মা লোককৃত্পরঃ ॥ 7 ॥

অনাদির্ভগবান্ সেব্যো জিতমাযো রঘূদ্বহঃ ।
রামো দযাকরো দক্ষঃ সর্বজ্ঞঃ সর্বপাবনঃ ॥ 8 ॥

ব্রহ্মণ্যো নীতিমান্ গোপ্তা সর্বদেবমযো হরিঃ ।
সুংদরঃ পীতবাসাশ্চ সূত্রকারঃ পুরাতনঃ ॥ 9 ॥

সৌম্যো মহর্ষিঃ কোদংডী সর্বজ্ঞঃ সর্বকোবিদঃ ।
কবিঃ সুগ্রীববরদঃ সর্বপুণ্যাধিকপ্রদঃ ॥ 10 ॥

ভব্যো জিতারিষড্বর্গো মহোদারোঽঘনাশনঃ ।
সুকীর্তিরাদিপুরুষঃ কাংতঃ পুণ্যকৃতাগমঃ ॥ 11 ॥

অকল্মষশ্চতুর্বাহুঃ সর্বাবাসো দুরাসদঃ ।
স্মিতভাষী নিবৃত্তাত্মা স্মৃতিমান্ বীর্যবান্ প্রভুঃ ॥ 12 ॥

ধীরো দাংতো ঘনশ্যামঃ সর্বাযুধবিশারদঃ ।
অধ্যাত্মযোগনিলযঃ সুমনা লক্ষ্মণাগ্রজঃ ॥ 13 ॥

সর্বতীর্থমযঃ শূরঃ সর্বযজ্ঞফলপ্রদঃ ।
যজ্ঞস্বরূপী যজ্ঞেশো জরামরণবর্জিতঃ ॥ 14 ॥

বর্ণাশ্রমকরো বর্ণী শত্রুজিত্ পুরুষোত্তমঃ ।
বিভীষণপ্রতিষ্ঠাতা পরমাত্মা পরাত্পরঃ ॥ 15 ॥

প্রমাণভূতো দুর্জ্ঞেযঃ পূর্ণঃ পরপুরংজযঃ ।
অনংতদৃষ্টিরানংদো ধনুর্বেদো ধনুর্ধরঃ ॥ 16 ॥

গুণাকরো গুণশ্রেষ্ঠঃ সচ্চিদানংদবিগ্রহঃ ।
অভিবংদ্যো মহাকাযো বিশ্বকর্মা বিশারদঃ ॥ 17 ॥

বিনীতাত্মা বীতরাগঃ তপস্বীশো জনেশ্বরঃ ।
কল্যাণপ্রকৃতিঃ কল্পঃ সর্বেশঃ সর্বকামদঃ ॥ 18 ॥

অক্ষযঃ পুরুষঃ সাক্ষী কেশবঃ পুরুষোত্তমঃ ।
লোকাধ্যক্ষো মহামাযো বিভীষণবরপ্রদঃ ॥ 19 ॥

আনংদবিগ্রহো জ্যোতির্হনুমত্প্রভুরব্যযঃ ।
ভ্রাজিষ্ণুঃ সহনো ভোক্তা সত্যবাদী বহুশ্রুতঃ ॥ 20 ॥

সুখদঃ কারণং কর্তা ভববংধবিমোচনঃ ।
দেবচূডামণির্নেতা ব্রহ্মণ্যো ব্রহ্মবর্ধনঃ ॥ 21 ॥

সংসারোত্তারকো রামঃ সর্বদুঃখবিমোক্ষকৃত্ ।
বিদ্বত্তমো বিশ্বকর্তা বিশ্বহর্তা চ বিশ্বধৃত্ ॥ 22 ॥

নিত্যো নিযতকল্যাণঃ সীতাশোকবিনাশকৃত্ ।
কাকুত্স্থঃ পুংডরীকাক্ষো বিশ্বামিত্রভযাপহঃ ॥ 23 ॥

মারীচমথনো রামো বিরাধবধপংডিতঃ ।
দুস্স্বপ্ননাশনো রম্যঃ কিরীটী ত্রিদশাধিপঃ ॥ 24 ॥

মহাধনুর্মহাকাযো ভীমো ভীমপরাক্রমঃ ।
তত্ত্বস্বরূপী তত্ত্বজ্ঞঃ তত্ত্ববাদী সুবিক্রমঃ ॥ 25 ॥

ভূতাত্মা ভূতকৃত্স্বামী কালজ্ঞানী মহাপটুঃ ।
অনির্বিণ্ণো গুণগ্রাহী নিষ্কলংকঃ কলংকহা ॥ 26 ॥

স্বভাবভদ্রঃ শত্রুঘ্নঃ কেশবঃ স্থাণুরীশ্বরঃ ।
ভূতাদিঃ শংভুরাদিত্যঃ স্থবিষ্ঠঃ শাশ্বতো ধ্রুবঃ ॥ 27 ॥

কবচী কুংডলী চক্রী খড্গী ভক্তজনপ্রিযঃ ।
অমৃত্যুর্জন্মরহিতঃ সর্বজিত্সর্বগোচরঃ ॥ 28 ॥

অনুত্তমোঽপ্রমেযাত্মা সর্বাদির্গুণসাগরঃ ।
সমঃ সমাত্মা সমগো জটামুকুটমংডিতঃ ॥ 29 ॥

অজেযঃ সর্বভূতাত্মা বিষ্বক্সেনো মহাতপঃ ।
লোকাধ্যক্ষো মহাবাহুরমৃতো বেদবিত্তমঃ ॥ 30 ॥

সহিষ্ণুঃ সদ্গতিঃ শাস্তা বিশ্বযোনির্মহাদ্যুতিঃ ।
অতীংদ্র ঊর্জিতঃ প্রাংশুরুপেংদ্রো বামনো বলী ॥ 31 ॥

ধনুর্বেদো বিধাতা চ ব্রহ্মা বিষ্ণুশ্চ শংকরঃ ।
হংসো মরীচির্গোবিংদো রত্নগর্ভো মহামতিঃ ॥ 32 ॥

ব্যাসো বাচস্পতিঃ সর্বদর্পিতাঽসুরমর্দনঃ ।
জানকীবল্লভঃ পূজ্যঃ প্রকটঃ প্রীতিবর্ধনঃ ॥ 33 ॥

সংভবোঽতীংদ্রিযো বেদ্যোঽনির্দেশো জাংববত্প্রভুঃ ।
মদনো মথনো ব্যাপী বিশ্বরূপো নিরংজনঃ ॥ 34 ॥

নারাযণোঽগ্রণীঃ সাধুর্জটাযুপ্রীতিবর্ধনঃ ।
নৈকরূপো জগন্নাথঃ সুরকার্যহিতঃ স্বভূঃ ॥ 35 ॥

জিতক্রোধো জিতারাতিঃ প্লবগাধিপরাজ্যদঃ ।
বসুদঃ সুভুজো নৈকমাযো ভব্যপ্রমোদনঃ ॥ 36 ॥

চংডাংশুঃ সিদ্ধিদঃ কল্পঃ শরণাগতবত্সলঃ ।
অগদো রোগহর্তা চ মংত্রজ্ঞো মংত্রভাবনঃ ॥ 37 ॥

সৌমিত্রিবত্সলো ধুর্যো ব্যক্তাব্যক্তস্বরূপধৃক্ ।
বসিষ্ঠো গ্রামণীঃ শ্রীমাননুকূলঃ প্রিযংবদঃ ॥ 38 ॥

অতুলঃ সাত্ত্বিকো ধীরঃ শরাসনবিশারদঃ ।
জ্যেষ্ঠঃ সর্বগুণোপেতঃ শক্তিমাংস্তাটকাংতকঃ ॥ 39 ॥

বৈকুংঠঃ প্রাণিনাং প্রাণঃ কমঠঃ কমলাপতিঃ ।
গোবর্ধনধরো মত্স্যরূপঃ কারুণ্যসাগরঃ ॥ 40 ॥

কুংভকর্ণপ্রভেত্তা চ গোপীগোপালসংবৃতঃ ।
মাযাবী স্বাপনো ব্যাপী রৈণুকেযবলাপহঃ ॥ 41 ॥

পিনাকমথনো বংদ্যঃ সমর্থো গরুডধ্বজঃ ।
লোকত্রযাশ্রযো লোকভরিতো ভরতাগ্রজঃ ॥ 42 ॥

শ্রীধরঃ সদ্গতির্লোকসাক্ষী নারাযণো বুধঃ ।
মনোবেগী মনোরূপী পূর্ণঃ পুরুষপুংগবঃ ॥ 43 ॥

যদুশ্রেষ্ঠো যদুপতির্ভূতাবাসঃ সুবিক্রমঃ ।
তেজোধরো ধরাধারশ্চতুর্মূর্তির্মহানিধিঃ ॥ 44 ॥

চাণূরমর্দনো দিব্যঃ শাংতো ভরতবংদিতঃ ।
শব্দাতিগো গভীরাত্মা কোমলাংগঃ প্রজাগরঃ ॥ 45 ॥

লোকগর্ভঃ শেষশাযী ক্ষীরাব্ধিনিলযোঽমলঃ ।
আত্মযোনিরদীনাত্মা সহস্রাক্ষঃ সহস্রপাত্ ॥ 46 ॥

অমৃতাংশুর্মহাগর্ভো নিবৃত্তবিষযস্পৃহঃ ।
ত্রিকালজ্ঞো মুনিঃ সাক্ষী বিহাযসগতিঃ কৃতী ॥ 47 ॥

পর্জন্যঃ কুমুদো ভূতাবাসঃ কমললোচনঃ ।
শ্রীবত্সবক্ষাঃ শ্রীবাসো বীরহা লক্ষ্মণাগ্রজঃ ॥ 48 ॥

লোকাভিরামো লোকারিমর্দনঃ সেবকপ্রিযঃ ।
সনাতনতমো মেঘশ্যামলো রাক্ষসাংতকৃত্ ॥ 49 ॥

দিব্যাযুধধরঃ শ্রীমানপ্রমেযো জিতেংদ্রিযঃ ।
ভূদেববংদ্যো জনকপ্রিযকৃত্প্রপিতামহঃ ॥ 50 ॥

উত্তমঃ সাত্বিকঃ সত্যঃ সত্যসংধস্ত্রিবিক্রমঃ ।
সুব্রতঃ সুলভঃ সূক্ষ্মঃ সুঘোষঃ সুখদঃ সুধীঃ ॥ 51 ॥

দামোদরোঽচ্যুতঃ শারংগী বামনো মধুরাধিপঃ ।
দেবকীনংদনঃ শৌরিঃ শূরঃ কৈটভমর্দনঃ ॥ 52 ॥

সপ্ততালপ্রভেত্তা চ মিত্রবংশপ্রবর্ধনঃ ।
কালস্বরূপী কালাত্মা কালঃ কল্যাণদঃ কবিঃ ।
সংবত্সর ঋতুঃ পক্ষো হ্যযনং দিবসো যুগঃ ॥ 53 ॥

স্তব্যো বিবিক্তো নির্লেপঃ সর্বব্যাপী নিরাকুলঃ ।
অনাদিনিধনঃ সর্বলোকপূজ্যো নিরামযঃ ॥ 54 ॥

রসো রসজ্ঞঃ সারজ্ঞো লোকসারো রসাত্মকঃ ।
সর্বদুঃখাতিগো বিদ্যারাশিঃ পরমগোচরঃ ॥ 55 ॥

শেষো বিশেষো বিগতকল্মষো রঘুনাযকঃ ।
বর্ণশ্রেষ্ঠো বর্ণবাহ্যো বর্ণ্যো বর্ণ্যগুণোজ্জ্বলঃ ॥ 56 ॥

কর্মসাক্ষ্যমরশ্রেষ্ঠো দেবদেবঃ সুখপ্রদঃ ।
দেবাধিদেবো দেবর্ষির্দেবাসুরনমস্কৃতঃ ॥ 57 ॥

সর্বদেবমযশ্চক্রী শার্ঙ্গপাণিরনুত্তমঃ ।
মনো বুদ্ধিরহংকারঃ প্রকৃতিঃ পুরুষোঽব্যযঃ ॥ 58 ॥

অহল্যাপাবনঃ স্বামী পিতৃভক্তো বরপ্রদঃ ।
ন্যাযো ন্যাযী নযী শ্রীমান্নযো নগধরো ধ্রুবঃ ॥ 59 ॥

লক্ষ্মীবিশ্বংভরাভর্তা দেবেংদ্রো বলিমর্দনঃ ।
বাণারিমর্দনো যজ্বানুত্তমো মুনিসেবিতঃ ॥ 60 ॥

দেবাগ্রণীঃ শিবধ্যানতত্পরঃ পরমঃ পরঃ ।
সামগানপ্রিযোঽক্রূরঃ পুণ্যকীর্তিঃ সুলোচনঃ ॥ 61 ॥

পুণ্যঃ পুণ্যাধিকঃ পূর্বঃ পূর্ণঃ পূরযিতা রবিঃ ।
জটিলঃ কল্মষধ্বাংতপ্রভংজনবিভাবসুঃ ॥ 62 ॥

অব্যক্তলক্ষণোঽব্যক্তো দশাস্যদ্বীপকেসরী ।
কলানিধিঃ কলারূপো কমলানংদবর্ধনঃ ॥ 63 ॥

জযো জিতারিঃ সর্বাদিঃ শমনো ভবভংজনঃ ।
অলংকরিষ্ণুরচলো রোচিষ্ণুর্বিক্রমোত্তমঃ ॥ 64 ॥

অংশুঃ শব্দপতিঃ শব্দগোচরো রংজনো রঘুঃ ।
নিশ্শব্দঃ প্রণবো মালী স্থূলঃ সূক্ষ্মো বিলক্ষণঃ ॥ 65 ॥

আত্মযোনিরযোনিশ্চ সপ্তজিহ্বঃ সহস্রপাত্ ।
সনাতনতমঃ স্রগ্বী পেশলো জবিনাং বরঃ ॥ 66 ॥

শক্তিমান্ শংখভৃন্নাথঃ গদাপদ্মরথাংগভৃত্ ।
নিরীহো নির্বিকল্পশ্চ চিদ্রূপো বীতসাধ্বসঃ ॥ 67 ॥

শতাননঃ সহস্রাক্ষঃ শতমূর্তির্ঘনপ্রভঃ ।
হৃত্পুংডরীকশযনঃ কঠিনো দ্রব এব চ ॥ 68 ॥

উগ্রো গ্রহপতিঃ কৃষ্ণো সমর্থোঽনর্থনাশনঃ ।
অধর্মশত্রুঃ রক্ষোঘ্নঃ পুরুহূতঃ পুরুষ্টুতঃ ॥ 69 ॥

ব্রহ্মগর্ভো বৃহদ্গর্ভো ধর্মধেনুর্ধনাগমঃ ।
হিরণ্যগর্ভো জ্যোতিষ্মান্ সুললাটঃ সুবিক্রমঃ ॥ 70 ॥

শিবপূজারতঃ শ্রীমান্ ভবানীপ্রিযকৃদ্বশী ।
নরো নারাযণঃ শ্যামঃ কপর্দী নীললোহিতঃ ॥ 71 ॥

রুদ্রঃ পশুপতিঃ স্থাণুর্বিশ্বামিত্রো দ্বিজেশ্বরঃ ।
মাতামহো মাতরিশ্বা বিরিংচো বিষ্টরশ্রবাঃ ॥ 72 ॥

অক্ষোভ্যঃ সর্বভূতানাং চংডঃ সত্যপরাক্রমঃ ।
বালখিল্যো মহাকল্পঃ কল্পবৃক্ষঃ কলাধরঃ ॥ 73 ॥

নিদাঘস্তপনোঽমোঘঃ শ্লক্ষ্ণঃ পরবলাপহৃত্ ।
কবংধমথনো দিব্যঃ কংবুগ্রীবঃ শিবপ্রিযঃ ॥ 74 ॥

শংখোঽনিলঃ সুনিষ্পন্নঃ সুলভঃ শিশিরাত্মকঃ ।
অসংসৃষ্টোঽতিথিঃ শূরঃ প্রমাথী পাপনাশকৃত্ ॥ 75 ॥

বসুশ্রবাঃ কব্যবাহঃ প্রতপ্তো বিশ্বভোজনঃ ।
রামো নীলোত্পলশ্যামো জ্ঞানস্কংধো মহাদ্যুতিঃ ॥ 76 ॥

পবিত্রপাদঃ পাপারির্মণিপূরো নভোগতিঃ ।
উত্তারণো দুষ্কৃতিহা দুর্ধর্ষো দুস্সহোঽভযঃ ॥ 77 ॥

অমৃতেশোঽমৃতবপুর্ধর্মী ধর্মঃ কৃপাকরঃ ।
ভর্গো বিবস্বানাদিত্যো যোগাচার্যো দিবস্পতিঃ ॥ 78 ॥

উদারকীর্তিরুদ্যোগী বাঙ্মযঃ সদসন্মযঃ ।
নক্ষত্রমালী নাকেশঃ স্বাধিষ্ঠানষডাশ্রযঃ ॥ 79 ॥

চতুর্বর্গফলো বর্ণী শক্তিত্রযফলং নিধিঃ ।
নিধানগর্ভো নির্ব্যাজো গিরীশো ব্যালমর্দনঃ ॥ 80 ॥

শ্রীবল্লভঃ শিবারংভঃ শাংতির্ভদ্রঃ সমংজসঃ ।
ভূশযো ভূতিকৃদ্ভূতির্ভূষণো ভূতবাহনঃ ॥ 81 ॥

অকাযো ভক্তকাযস্থঃ কালজ্ঞানী মহাবটুঃ ।
পরার্থবৃত্তিরচলো বিবিক্তঃ শ্রুতিসাগরঃ ॥ 82 ॥

স্বভাবভদ্রো মধ্যস্থঃ সংসারভযনাশনঃ ।
বেদ্যো বৈদ্যো বিযদ্গোপ্তা সর্বামরমুনীশ্বরঃ ॥ 83 ॥

সুরেংদ্রঃ করণং কর্ম কর্মকৃত্কর্ম্যধোক্ষজঃ ।
ধ্যেযো ধুর্যো ধরাধীশঃ সংকল্পঃ শর্বরীপতিঃ ॥ 84 ॥

পরমার্থগুরুর্বৃদ্ধঃ শুচিরাশ্রিতবত্সলঃ ।
বিষ্ণুর্জিষ্ণুর্বিভুর্যজ্ঞো যজ্ঞেশো যজ্ঞপালকঃ ॥ 85 ॥

প্রভবিষ্ণুর্গ্রসিষ্ণুশ্চ লোকাত্মা লোকভাবনঃ ।
কেশবঃ কেশিহা কাব্যঃ কবিঃ কারণকারণম্ ॥ 86 ॥

কালকর্তা কালশেষো বাসুদেবঃ পুরুষ্টুতঃ ।
আদিকর্তা বরাহশ্চ মাধবো মধুসূদনঃ ॥ 87 ॥

নারাযণো নরো হংসো বিষ্বক্সেনো জনার্দনঃ ।
বিশ্বকর্তা মহাযজ্ঞো জ্যোতিষ্মান্ পুরুষোত্তমঃ ॥ 88 ॥

বৈকুংঠঃ পুংডরীকাক্ষঃ কৃষ্ণঃ সূর্যঃ সুরার্চিতঃ ।
নারসিংহো মহাভীমো বক্রদংষ্ট্রো নখাযুধঃ ॥ 89 ॥

আদিদেবো জগত্কর্তা যোগীশো গরুডধ্বজঃ ।
গোবিংদো গোপতির্গোপ্তা ভূপতির্ভুবনেশ্বরঃ ॥ 90 ॥

পদ্মনাভো হৃষীকেশো ধাতা দামোদরঃ প্রভুঃ ।
ত্রিবিক্রমস্ত্রিলোকেশো ব্রহ্মেশঃ প্রীতিবর্ধনঃ ॥ 91 ॥

বামনো দুষ্টদমনো গোবিংদো গোপবল্লভঃ ।
ভক্তপ্রিযোঽচ্যুতঃ সত্যঃ সত্যকীর্তির্ধৃতিঃ স্মৃতিঃ ॥ 92 ॥

কারুণ্যং করুণো ব্যাসঃ পাপহা শাংতিবর্ধনঃ ।
সংন্যাসী শাস্ত্রতত্ত্বজ্ঞো মংদরাদ্রিনিকেতনঃ ॥ 93 ॥

বদরীনিলযঃ শাংতস্তপস্বী বৈদ্যুতপ্রভঃ ।
ভূতাবাসো গুহাবাসঃ শ্রীনিবাসঃ শ্রিযঃ পতিঃ ॥ 94 ॥

তপোবাসো মুদাবাসঃ সত্যবাসঃ সনাতনঃ ।
পুরুষঃ পুষ্করঃ পুণ্যঃ পুষ্করাক্ষো মহেশ্বরঃ ॥ 95 ॥

পূর্ণমূর্তিঃ পুরাণজ্ঞঃ পুণ্যদঃ পুণ্যবর্ধনঃ ।
শংখী চক্রী গদী শারংগী লাংগলী মুসলী হলী ॥ 96 ॥

কিরীটী কুংডলী হারী মেখলী কবচী ধ্বজী ।
যোদ্ধা জেতা মহাবীর্যঃ শত্রুজিচ্ছত্রুতাপনঃ ॥ 97 ॥

শাস্তা শাস্ত্রকরঃ শাস্ত্রং শংকর শংকরস্তুতঃ ।
সারথিঃ সাত্ত্বিকঃ স্বামী সামবেদপ্রিযঃ সমঃ ॥ 98 ॥

পবনঃ সাহসঃ শক্তিঃ সংপূর্ণাংগঃ সমৃদ্ধিমান্ ।
স্বর্গদঃ কামদঃ শ্রীদঃ কীর্তিদোঽকীর্তিনাশনঃ ॥ 99 ॥

মোক্ষদঃ পুংডরীকাক্ষঃ ক্ষীরাব্ধিকৃতকেতনঃ ।
সর্বাত্মা সর্বলোকেশঃ প্রেরকঃ পাপনাশনঃ ॥ 100 ॥

সর্বদেবো জগন্নাথঃ সর্বলোকমহেশ্বরঃ ।
সর্গস্থিত্যংতকৃদ্দেবঃ সর্বলোকসুখাবহঃ ॥ 101 ॥

অক্ষয্যঃ শাশ্বতোঽনংতঃ ক্ষযবৃদ্ধিবিবর্জিতঃ ।
নির্লেপো নির্গুণঃ সূক্ষ্মো নির্বিকারো নিরংজনঃ ॥ 102 ॥

সর্বোপাধিবিনির্মুক্তঃ সত্তামাত্রব্যবস্থিতঃ ।
অধিকারী বিভুর্নিত্যঃ পরমাত্মা সনাতনঃ ॥ 103 ॥

অচলো নির্মলো ব্যাপী নিত্যতৃপ্তো নিরাশ্রযঃ ।
শ্যামো যুবা লোহিতাক্ষো দীপ্তাস্যো মিতভাষণঃ ॥ 104 ॥

আজানুবাহুঃ সুমুখঃ সিংহস্কংধো মহাভুজঃ ।
সত্যবান্ গুণসংপন্নঃ স্বযংতেজাঃ সুদীপ্তিমান্ ॥ 105 ॥

কালাত্মা ভগবান্ কালঃ কালচক্রপ্রবর্তকঃ ।
নারাযণঃ পরংজ্যোতিঃ পরমাত্মা সনাতনঃ ॥ 106 ॥

বিশ্বসৃড্বিশ্বগোপ্তা চ বিশ্বভোক্তা চ শাশ্বতঃ ।
বিশ্বেশ্বরো বিশ্বমূর্তির্বিশ্বাত্মা বিশ্বভাবনঃ ॥ 107 ॥

সর্বভূতসুহৃচ্ছাংতঃ সর্বভূতানুকংপনঃ ।
সর্বেশ্বরেশ্বরঃ সর্বঃ শ্রীমানাশ্রিতবত্সলঃ ॥ 108 ॥

সর্বগঃ সর্বভূতেশঃ সর্বভূতাশযস্থিতঃ ।
অভ্যংতরস্থস্তমসশ্ছেত্তা নারাযণঃ পরঃ ॥ 109 ॥

অনাদিনিধনঃ স্রষ্টা প্রজাপতিপতির্হরিঃ ।
নরসিংহো হৃষীকেশঃ সর্বাত্মা সর্বদৃগ্বশী ॥ 110 ॥

জগতস্তস্থুষশ্চৈব প্রভুর্নেতা সনাতনঃ ।
কর্তা ধাতা বিধাতা চ সর্বেষাং প্রভুরীশ্বরঃ ॥ 111 ॥

সহস্রমূর্ধা বিশ্বাত্মা বিষ্ণুর্বিশ্বদৃগব্যযঃ ।
পুরাণপুরুষঃ স্রষ্টা সহস্রাক্ষঃ সহস্রপাত্ ॥ 112 ॥

তত্ত্বং নারাযণো বিষ্ণুর্বাসুদেবঃ সনাতনঃ ।
পরমাত্মা পরং ব্রহ্ম সচ্চিদানংদবিগ্রহঃ ॥ 113 ॥

পরংজ্যোতিঃ পরংধামঃ পরাকাশঃ পরাত্পরঃ ।
অচ্যুতঃ পুরুষঃ কৃষ্ণঃ শাশ্বতঃ শিব ঈশ্বরঃ ॥ 114 ॥

নিত্যঃ সর্বগতঃ স্থাণুরুগ্রঃ সাক্ষী প্রজাপতিঃ ।
হিরণ্যগর্ভঃ সবিতা লোককৃল্লোকভৃদ্বিভুঃ ॥ 115 ॥

রামঃ শ্রীমান্ মহাবিষ্ণুর্জিষ্ণুর্দেবহিতাবহঃ ।
তত্ত্বাত্মা তারকং ব্রহ্ম শাশ্বতঃ সর্বসিদ্ধিদঃ ॥ 116 ॥

অকারবাচ্যো ভগবান্ শ্রীর্ভূনীলাপতিঃ পুমান্ ।
সর্বলোকেশ্বরঃ শ্রীমান্ সর্বজ্ঞঃ সর্বতোমুখঃ ॥ 117 ॥

স্বামী সুশীলঃ সুলভঃ সর্বজ্ঞঃ সর্বশক্তিমান্ ।
নিত্যঃ সংপূর্ণকামশ্চ নৈসর্গিকসুহৃত্সুখী ॥ 118 ॥

কৃপাপীযূষজলধিঃ শরণ্যঃ সর্বদেহিনাম্ ।
শ্রীমান্নারাযণঃ স্বামী জগতাং পতিরীশ্বরঃ ॥ 119 ॥

শ্রীশঃ শরণ্যো ভূতানাং সংশ্রিতাভীষ্টদাযকঃ ।
অনংতঃ শ্রীপতী রামো গুণভৃন্নির্গুণো মহান্ ॥ 120 ॥

॥ ইতি আনংদরামাযণে বাল্মীকীযে শ্রীরামসহস্রনামস্তোত্রম্ ॥

sri rama sahasra nama stotram in assamese