শ্রী হরি স্তোত্রম্ (জগজ্জালপালম্)

sri hari stotram jagajjalapalam in assamese

জগজ্জালপালং কনত্কংঠমালং
শরচ্চংদ্রফালং মহাদৈত্যকালম্ ।
নভোনীলকাযং দুরাবারমাযং
সুপদ্মাসহাযং ভজেঽহং ভজেঽহম্ ॥ 1 ॥

সদাংভোধিবাসং গলত্পুষ্পহাসং
জগত্সন্নিবাসং শতাদিত্যভাসম্ ।
গদাচক্রশস্ত্রং লসত্পীতবস্ত্রং
হসচ্চারুবক্ত্রং ভজেঽহং ভজেঽহম্ ॥ 2 ॥

রমাকংঠহারং শ্রুতিব্রাতসারং
জলাংতর্বিহারং ধরাভারহারম্ ।
চিদানংদরূপং মনোজ্ঞস্বরূপং
ধৃতানেকরূপং ভজেঽহং ভজেঽহম্ ॥ 3 ॥

জরাজন্মহীনং পরানংদপীনং
সমাধানলীনং সদৈবানবীনম্ ।
জগজ্জন্মহেতুং সুরানীককেতুং
ত্রিলোকৈকসেতুং ভজেঽহং ভজেঽহম্ ॥ 4 ॥

কৃতাম্নাযগানং খগাধীশযানং
বিমুক্তের্নিদানং হরারাতিমানম্ ।
স্বভক্তানুকূলং জগদ্বৃক্ষমূলং
নিরস্তার্তশূলং ভজেঽহং ভজেঽহম্ ॥ 5 ॥

সমস্তামরেশং দ্বিরেফাভকেশং
জগদ্বিংবলেশং হৃদাকাশবেশম্ ।
সদা দিব্যদেহং বিমুক্তাখিলেহং
সুবৈকুংঠগেহং ভজেঽহং ভজেঽহম্ ॥ 6 ॥

সুরালীবলিষ্ঠং ত্রিলোকীবরিষ্ঠং
গুরূণাং গরিষ্ঠং স্বরূপৈকনিষ্ঠম্ ।
সদা যুদ্ধধীরং মহাবীরবীরং
ভবাংভোধিতীরং ভজেঽহং ভজেঽহম্ ॥ 7 ॥

রমাবামভাগং তলালগ্ননাগং
কৃতাধীনযাগং গতারাগরাগম্ ।
মুনীংদ্রৈস্সুগীতং সুরৈস্সংপরীতং
গুণৌঘৈরতীতং ভজেঽহং ভজেঽহম্ ॥ 8 ॥

ফলশ্রুতি ।
ইদং যস্তু নিত্যং সমাধায চিত্তং
পঠেদষ্টকং কংঠহারং মুরারেঃ ।
স বিষ্ণোর্বিশোকং ধ্রুবং যাতি লোকং
জরাজন্মশোকং পুনর্বিংদতে নো ॥ 9 ॥

ইতি শ্রী পরমহংসস্বামি ব্রহ্মানংদবিরচিতং শ্রীহরিস্তোত্রম্ ॥

sri hari stotram jagajjalapalam in assamese