শ্রী মহাগণেশ পংচরত্নম্

sree maha ganesha pancharatnam in assamese

মুদাকরাত্ত মোদকং সদা বিমুক্তি সাধকম্ ।
কলাধরাবতংসকং বিলাসিলোক রক্ষকম্ ।
অনাযকৈক নাযকং বিনাশিতেভ দৈত্যকম্ ।
নতাশুভাশু নাশকং নমামি তং বিনাযকম্ ॥ 1 ॥

নতেতরাতি ভীকরং নবোদিতার্ক ভাস্বরম্ ।
নমত্সুরারি নির্জরং নতাধিকাপদুদ্ঢরম্ ।
সুরেশ্বরং নিধীশ্বরং গজেশ্বরং গণেশ্বরম্ ।
মহেশ্বরং তমাশ্রযে পরাত্পরং নিরংতরম্ ॥ 2 ॥

সমস্ত লোক শংকরং নিরস্ত দৈত্য কুংজরম্ ।
দরেতরোদরং বরং বরেভ বক্ত্রমক্ষরম্ ।
কৃপাকরং ক্ষমাকরং মুদাকরং যশস্করম্ ।
মনস্করং নমস্কৃতাং নমস্করোমি ভাস্বরম্ ॥ 3 ॥

অকিংচনার্তি মার্জনং চিরংতনোক্তি ভাজনম্ ।
পুরারি পূর্ব নংদনং সুরারি গর্ব চর্বণম্ ।
প্রপংচ নাশ ভীষণং ধনংজযাদি ভূষণম্ ।
কপোল দানবারণং ভজে পুরাণ বারণম্ ॥ 4 ॥

নিতাংত কাংতি দংত কাংতি মংত কাংতি কাত্মজম্ ।
অচিংত্য রূপমংত হীন মংতরায কৃংতনম্ ।
হৃদংতরে নিরংতরং বসংতমেব যোগিনাম্ ।
তমেকদংতমেব তং বিচিংতযামি সংততম্ ॥ 5 ॥

মহাগণেশ পংচরত্নমাদরেণ যোঽন্বহম্ ।
প্রজল্পতি প্রভাতকে হৃদি স্মরন্ গণেশ্বরম্ ।
অরোগতামদোষতাং সুসাহিতীং সুপুত্রতাম্ ।
সমাহিতাযু রষ্টভূতি মভ্যুপৈতি সোঽচিরাত্ ॥

sree maha ganesha pancharatnam in assamese