শ্রী রাম রক্ষা স্তোত্রম্

rama raksha stotram in assamese

ওং অস্য শ্রী রামরক্ষা স্তোত্রমংত্রস্য
বুধকৌশিক ঋষিঃ
শ্রী সীতারাম চংদ্রোদেবতা
অনুষ্টুপ্ ছংদঃ
সীতা শক্তিঃ
শ্রীমদ্ হনুমান্ কীলকম্
শ্রীরামচংদ্র প্রীত্যর্থে রামরক্ষা স্তোত্রজপে বিনিযোগঃ ॥

ধ্যানম্
ধ্যাযেদাজানুবাহুং ধৃতশর ধনুষং বদ্ধ পদ্মাসনস্থং
পীতং বাসোবসানং নবকমল দলস্পর্থি নেত্রং প্রসন্নম্ ।
বামাংকারূঢ সীতামুখ কমলমিলল্লোচনং নীরদাভং
নানালংকার দীপ্তং দধতমুরু জটামংডলং রামচংদ্রম্ ॥

স্তোত্রম্
চরিতং রঘুনাথস্য শতকোটি প্রবিস্তরম্ ।
একৈকমক্ষরং পুংসাং মহাপাতক নাশনম্ ॥ 1 ॥

ধ্যাত্বা নীলোত্পল শ্যামং রামং রাজীবলোচনম্ ।
জানকী লক্ষ্মণোপেতং জটামুকুট মংডিতম্ ॥ 2 ॥

সাসিতূণ ধনুর্বাণ পাণিং নক্তং চরাংতকম্ ।
স্বলীলযা জগত্ত্রাতু মাবির্ভূতমজং বিভুম্ ॥ 3 ॥

রামরক্ষাং পঠেত্প্রাজ্ঞঃ পাপঘ্নীং সর্বকামদাম্ ।
শিরো মে রাঘবঃ পাতু ফালং (ভালং) দশরথাত্মজঃ ॥ 4 ॥

কৌসল্যেযো দৃশৌপাতু বিশ্বামিত্রপ্রিযঃ শৃতী ।
ঘ্রাণং পাতু মখত্রাতা মুখং সৌমিত্রিবত্সলঃ ॥ 5 ॥

জিহ্বাং বিদ্যানিধিঃ পাতু কংঠং ভরতবংদিতঃ ।
স্কংধৌ দিব্যাযুধঃ পাতু ভুজৌ ভগ্নেশকার্মুকঃ ॥ 6 ॥

করৌ সীতাপতিঃ পাতু হৃদযং জামদগ্ন্যজিত্ ।
মধ্যং পাতু খরধ্বংসী নাভিং জাংববদাশ্রযঃ ॥ 7 ॥

সুগ্রীবেশঃ কটিং পাতু সক্থিনী হনুমত্-প্রভুঃ ।
ঊরূ রঘূত্তমঃ পাতু রক্ষঃকুল বিনাশকৃত্ ॥ 8 ॥

জানুনী সেতুকৃত্-পাতু জংঘে দশমুখাংতকঃ ।
পাদৌ বিভীষণশ্রীদঃ পাতু রামোঽখিলং বপুঃ ॥ 9 ॥

এতাং রামবলোপেতাং রক্ষাং যঃ সুকৃতী পঠেত্ ।
স চিরাযুঃ সুখী পুত্রী বিজযী বিনযী ভবেত্ ॥ 10 ॥

পাতাল-ভূতল-ব্যোম-চারিণ-শ্চদ্ম-চারিণঃ ।
ন দ্রষ্টুমপি শক্তাস্তে রক্ষিতং রামনামভিঃ ॥ 11 ॥

রামেতি রামভদ্রেতি রামচংদ্রেতি বা স্মরন্ ।
নরো ন লিপ্যতে পাপৈর্ভুক্তিং মুক্তিং চ বিংদতি ॥ 12 ॥

জগজ্জৈত্রৈক মংত্রেণ রামনাম্নাভি রক্ষিতম্ ।
যঃ কংঠে ধারযেত্তস্য করস্থাঃ সর্বসিদ্ধযঃ ॥ 13 ॥

বজ্রপংজর নামেদং যো রামকবচং স্মরেত্ ।
অব্যাহতাজ্ঞঃ সর্বত্র লভতে জযমংগলম্ ॥ 14 ॥

আদিষ্টবান্-যথা স্বপ্নে রামরক্ষামিমাং হরঃ ।
তথা লিখিতবান্-প্রাতঃ প্রবুদ্ধৌ বুধকৌশিকঃ ॥ 15 ॥

আরামঃ কল্পবৃক্ষাণাং বিরামঃ সকলাপদাম্ ।
অভিরাম-স্ত্রিলোকানাং রামঃ শ্রীমান্ স নঃ প্রভুঃ ॥ 16 ॥

তরুণৌ রূপসংপন্নৌ সুকুমারৌ মহাবলৌ ।
পুংডরীক বিশালাক্ষৌ চীরকৃষ্ণাজিনাংবরৌ ॥ 17 ॥

ফলমূলাশিনৌ দাংতৌ তাপসৌ ব্রহ্মচারিণৌ ।
পুত্রৌ দশরথস্যৈতৌ ভ্রাতরৌ রামলক্ষ্মণৌ ॥ 18 ॥

শরণ্যৌ সর্বসত্ত্বানাং শ্রেষ্ঠৌ সর্বধনুষ্মতাম্ ।
রক্ষঃকুল নিহংতারৌ ত্রাযেতাং নো রঘূত্তমৌ ॥ 19 ॥

আত্ত সজ্য ধনুষা বিষুস্পৃশা বক্ষযাশুগ নিষংগ সংগিনৌ ।
রক্ষণায মম রামলক্ষণাবগ্রতঃ পথি সদৈব গচ্ছতাম্ ॥ 20 ॥

সন্নদ্ধঃ কবচী খড্গী চাপবাণধরো যুবা ।
গচ্ছন্ মনোরথান্নশ্চ (মনোরথোঽস্মাকং) রামঃ পাতু স লক্ষ্মণঃ ॥ 21 ॥

রামো দাশরথি শ্শূরো লক্ষ্মণানুচরো বলী ।
কাকুত্সঃ পুরুষঃ পূর্ণঃ কৌসল্যেযো রঘূত্তমঃ ॥ 22 ॥

বেদাংতবেদ্যো যজ্ঞেশঃ পুরাণ পুরুষোত্তমঃ ।
জানকীবল্লভঃ শ্রীমানপ্রমেয পরাক্রমঃ ॥ 23 ॥

ইত্যেতানি জপেন্নিত্যং মদ্ভক্তঃ শ্রদ্ধযান্বিতঃ ।
অশ্বমেধাধিকং পুণ্যং সংপ্রাপ্নোতি ন সংশযঃ ॥ 24 ॥

রামং দূর্বাদল শ্যামং পদ্মাক্ষং পীতবাসসম্ ।
স্তুবংতি নাভি-র্দিব্যৈ-র্নতে সংসারিণো নরাঃ ॥ 25 ॥

রামং লক্ষ্মণ পূর্বজং রঘুবরং সীতাপতিং সুংদরম্
কাকুত্স্থং করুণার্ণবং গুণনিধিং বিপ্রপ্রিযং ধার্মিকম্ ।
রাজেংদ্রং সত্যসংধং দশরথতনযং শ্যামলং শাংতমূর্তিম্
বংদে লোকাভিরামং রঘুকুল তিলকং রাঘবং রাবণারিম্ ॥ 26 ॥

রামায রামভদ্রায রামচংদ্রায বেধসে ।
রঘুনাথায নাথায সীতাযাঃ পতযে নমঃ ॥ 27 ॥

শ্রীরাম রাম রঘুনংদন রাম রাম
শ্রীরাম রাম ভরতাগ্রজ রাম রাম ।
শ্রীরাম রাম রণকর্কশ রাম রাম
শ্রীরাম রাম শরণং ভব রাম রাম ॥ 28 ॥

শ্রীরাম চংদ্র চরণৌ মনসা স্মরামি
শ্রীরাম চংদ্র চরণৌ বচসা গৃহ্ণামি ।
শ্রীরাম চংদ্র চরণৌ শিরসা নমামি
শ্রীরাম চংদ্র চরণৌ শরণং প্রপদ্যে ॥ 29 ॥

মাতা রামো মত্-পিতা রামচংদ্রঃ
স্বামী রামো মত্-সখা রামচংদ্রঃ ।
সর্বস্বং মে রামচংদ্রো দযালুঃ
নান্যং জানে নৈব জানে ন জানে ॥ 30 ॥

দক্ষিণে লক্ষ্মণো যস্য বামে চ (তু) জনকাত্মজা ।
পুরতো মারুতির্যস্য তং বংদে রঘুনংদনম্ ॥ 31 ॥

লোকাভিরামং রণরংগধীরং
রাজীবনেত্রং রঘুবংশনাথম্ ।
কারুণ্যরূপং করুণাকরং তং
শ্রীরামচংদ্রং শরণ্যং প্রপদ্যে ॥ 32 ॥

মনোজবং মারুত তুল্য বেগং
জিতেংদ্রিযং বুদ্ধিমতাং বরিষ্টম্ ।
বাতাত্মজং বানরযূথ মুখ্যং
শ্রীরামদূতং শরণং প্রপদ্যে ॥ 33 ॥

কূজংতং রামরামেতি মধুরং মধুরাক্ষরম্ ।
আরুহ্যকবিতা শাখাং বংদে বাল্মীকি কোকিলম্ ॥ 34 ॥

আপদামপহর্তারং দাতারং সর্বসংপদাম্ ।
লোকাভিরামং শ্রীরামং ভূযোভূযো নমাম্যহম্ ॥ 35 ॥

ভর্জনং ভববীজানামর্জনং সুখসংপদাম্ ।
তর্জনং যমদূতানাং রাম রামেতি গর্জনম্ ॥ 36 ॥

রামো রাজমণিঃ সদা বিজযতে রামং রমেশং ভজে
রামেণাভিহতা নিশাচরচমূ রামায তস্মৈ নমঃ ।
রামান্নাস্তি পরাযণং পরতরং রামস্য দাসোস্ম্যহং
রামে চিত্তলযঃ সদা ভবতু মে ভো রাম মামুদ্ধর ॥ 37 ॥

শ্রীরাম রাম রামেতি রমে রামে মনোরমে ।
সহস্রনাম তত্তুল্যং রাম নাম বরাননে ॥ 38 ॥

ইতি শ্রীবুধকৌশিকমুনি বিরচিতং শ্রীরাম রক্ষাস্তোত্রং সংপূর্ণম্ ।

শ্রীরাম জযরাম জযজযরাম ।

rama raksha stotram in assamese