পতংজলি যোগ সূত্রাণি – 4 (কৈবল্য পাদঃ)

patanjali yoga sutras 4 kaivalya pada in assamese

অথ কৈবল্যপাদঃ ।

জন্মৌষধিমংত্রতপস্সমাধিজাঃ সিদ্ধযঃ ॥1॥

জাত্যংতরপরিণামঃ প্রকৃত্যাপূরাত্ ॥2॥

নিমিত্তমপ্রযোজকং প্রকৃতীনাংবরণভেদস্তু ততঃ ক্ষেত্রিকবত্ ॥3॥

নির্মাণচিত্তান্যস্মিতামাত্রাত্ ॥4॥

প্রবৃত্তিভেদে প্রযোজকং চিত্তমেকমনেকেষাম্ ॥5॥

তত্র ধ্যানজমনাশযম্ ॥6॥

কর্মাশুক্লাকৃষ্ণং যোগিনঃ ত্রিবিধমিতরেষাম্ ॥7॥

ততস্তদ্বিপাকানুগুণানামেবাভিব্যক্তির্বাসনানাম্ ॥8॥

জাতি দেশ কাল ব্যবহিতানামপ্যানংতর্যং স্মৃতিসংস্কারযোঃ একরূপত্বাত্ ॥9॥

তাসামনাদিত্বং চাশিষো নিত্যত্বাত্ ॥10॥

হেতুফলাশ্রযালংবনৈঃ সংগৃহীতত্বাতেষামভাবেতদভাবঃ ॥11॥

অতীতানাগতং স্বরূপতোঽস্ত্যধ্বভেদাদ্ধর্মাণাম্ ॥12॥

তে ব্যক্তসূক্ষ্মাঃ গুণাত্মানঃ ॥13॥

পরিণামৈকত্বাত্ বস্তুতত্ত্বম্ ॥14॥

বস্তুসাম্যে চিত্তভেদাত্তযোর্বিভক্তঃ পংথাঃ ॥15॥

ন চৈকচিত্ততংত্রং বস্তু তত্প্রমাণকং তদা কিং স্যাত্ ॥16॥

তদুপরাগাপেক্ষিত্বাত্ চিত্তস্য বস্তুজ্ঞাতাজ্ঞাতম্ ॥17॥

সদাজ্ঞাতাঃ চিত্তবৃত্তযঃ তত্প্রভোঃ পুরুষস্যাপরিণামিত্বাত্ ॥18॥

ন তত্স্বাভাসং দৃশ্যত্বাত্ ॥19॥

এক সমযে চোভযানবধারণম্ ॥20॥

চিত্তাংতর দৃশ্যে বুদ্ধিবুদ্ধেঃ অতিপ্রসংগঃ স্মৃতিসংকরশ্চ ॥21॥

চিতেরপ্রতিসংক্রমাযাঃ তদাকারাপত্তৌ স্ববুদ্ধি সংবেদনম্ ॥22॥

দ্রষ্টৃদৃশ্যোপরক্তং চিত্তং সর্বার্থম্ ॥23॥

তদসংখ্যেয বাসনাভিঃ চিত্রমপি পরার্থং সংহত্যকারিত্বাত্ ॥24॥

বিশেষদর্শিনঃ আত্মভাবভাবনানিবৃত্তিঃ ॥25॥

তদা বিবেকনিম্নং কৈবল্যপ্রাগ্ভারং চিত্তম্ ॥26॥

তচ্ছিদ্রেষু প্রত্যযাংতরাণি সংস্কারেভ্যঃ ॥27॥

হানমেষাং ক্লেশবদুক্তম্ ॥28॥

প্রসংখ্যানেঽপ্যকুসীদস্য সর্বথা বিবেকখ্যাতেঃ ধর্মমেঘস্সমাধিঃ ॥29॥

ততঃ ক্লেশকর্মনিবৃত্তিঃ ॥30॥

তদা সর্বাবরণমলাপেতস্য জ্ঞানস্যানংত্যাত্ জ্ঞেযমল্পম্ ॥31॥

ততঃ কৃতার্থানাং পরিণামক্রমসমাপ্তির্গুণানাম্ ॥32॥

ক্ষণপ্রতিযোগী পরিণামাপরাংত নির্গ্রাহ্যঃ ক্রমঃ ॥33॥

পুরুষার্থশূন্যানাং গুণানাংপ্রতিপ্রসবঃ কৈবল্যং স্বরূপপ্রতিষ্ঠা বা চিতিশক্তিরিতি ॥34॥

ইতি পাতংজলযোগদর্শনে কৈবল্যপাদো নাম চতুর্থঃ পাদঃ ।

patanjali yoga sutras 4 kaivalya pada in assamese