নারাযণীযং দশক 81 – নরকাসুরবধং তথা সুভদ্রাহরণম্

narayaniyam dashaka 81 in assamese

স্নিগ্ধাং মুগ্ধাং সততমপি তাং লালযন্ সত্যভামাং
যাতো ভূযঃ সহ খলু তযা যাজ্ঞসেনীবিবাহম্ ।
পার্থপ্রীত্যৈ পুনরপি মনাগাস্থিতো হস্তিপুর্যাং
সশক্রপ্রস্থং পুরমপি বিভো সংবিধাযাগতোঽভূঃ ॥1॥

ভদ্রাং ভদ্রাং ভবদবরজাং কৌরবেণার্থ্যমানাং
ত্বদ্বাচা তামহৃত কুহনামস্করী শক্রসূনুঃ ।
তত্র ক্রুদ্ধং বলমনুনযন্ প্রত্যগাস্তেন সার্ধং
শক্রপ্রস্থং প্রিযসখমুদে সত্যভামাসহাযঃ ॥2॥

তত্র ক্রীডন্নপি চ যমুনাকূলদৃষ্টাং গৃহীত্বা
তাং কালিংদীং নগরমগমঃ খাংডবপ্রীণিতাগ্নিঃ ।
ভ্রাতৃত্রস্তাং প্রণযবিবশাং দেব পৈতৃষ্বসেযীং
রাজ্ঞাং মধ্যে সপদি জহৃষে মিত্রবিংদামবংতীম্ ॥3॥

সত্যাং গত্বা পুনরুদবহো নগ্নজিন্নংদনাং তাং
বধ্বা সপ্তাপি চ বৃষবরান্ সপ্তমূর্তির্নিমেষাত্ ।
ভদ্রাং নাম প্রদদুরথ তে দেব সংতর্দনাদ্যা-
স্তত্সোদর্যা বরদ ভবতঃ সাঽপি পৈতৃষ্বসেযী ॥4॥

পার্থাদ্যৈরপ্যকৃতলবনং তোযমাত্রাভিলক্ষ্যং
লক্ষং ছিত্বা শফরমবৃথা লক্ষ্মণাং মদ্রকন্যাম্ ।
অষ্টাবেবং তব সমভবন্ বল্লভাস্তত্র মধ্যে
শুশ্রোথ ত্বং সুরপতিগিরা ভৌমদুশ্চেষ্টিতানি ॥5॥

স্মৃতাযাতং পক্ষিপ্রবরমধিরূঢস্ত্বমগমো
বহন্নংকে ভামামুপবনমিবারাতিভবনম্ ।
বিভিংদন্ দুর্গাণি ত্রুটিতপৃতনাশোণিতরসৈঃ
পুরং তাবত্ প্রাগ্জ্যোতিষমকুরুথাঃ শোণিতপুরম্ ॥6॥

মুরস্ত্বাং পংচাস্যো জলধিবনমধ্যাদুদপতত্
স চক্রে চক্রেণ প্রদলিতশিরা মংক্ষু ভবতা ।
চতুর্দংতৈর্দংতাবলপতিভিরিংধানসমরং
রথাংগেন ছিত্বা নরকমকরোস্তীর্ণনরকম্ ॥7॥

স্তুতো ভূম্যা রাজ্যং সপদি ভগদত্তেঽস্য তনযে
গজংচৈকং দত্বা প্রজিঘযিথ নাগান্নিজপুরীম্ ।
খলেনাবদ্ধানাং স্বগতমনসাং ষোডশ পুনঃ
সহস্রাণি স্ত্রীণামপি চ ধনরাশিং চ বিপুলম্ ॥8॥

ভৌমাপাহৃতকুংডলং তদদিতের্দাতুং প্রযাতো দিবং
শক্রাদ্যৈর্মহিতঃ সমং দযিতযা দ্যুস্ত্রীষু দত্তহ্রিযা ।
হৃত্বা কল্পতরুং রুষাভিপতিতং জিত্বেংদ্রমভ্যাগম-
স্তত্তু শ্রীমদদোষ ঈদৃশ ইতি ব্যাখ্যাতুমেবাকৃথাঃ ॥9॥

কল্পদ্রুং সত্যভামাভবনভুবি সৃজন্ দ্ব্যষ্টসাহস্রযোষাঃ
স্বীকৃত্য প্রত্যগারং বিহিতবহুবপুর্লালযন্ কেলিভেদৈঃ ।
আশ্চর্যান্নারদালোকিতবিবিধগতিস্তত্র তত্রাপি গেহে
ভূযঃ সর্বাসু কুর্বন্ দশ দশ তনযান্ পাহি বাতালযেশ ॥10॥

narayaniyam dashaka 81 in assamese