নারাযণীযং দশক 40 – পূতনামোক্ষম্

narayaniyam dashaka 40 in assamese

তদনু নংদমমংদশুভাস্পদং নৃপপুরীং করদানকৃতে গতম্।
সমবলোক্য জগাদ ভবত্পিতা বিদিতকংসসহাযজনোদ্যমঃ ॥1॥

অযি সখে তব বালকজন্ম মাং সুখযতেঽদ্য নিজাত্মজজন্মবত্ ।
ইতি ভবত্পিতৃতাং ব্রজনাযকে সমধিরোপ্য শশংস তমাদরাত্ ॥2॥

ইহ চ সংত্যনিমিত্তশতানি তে কটকসীম্নি ততো লঘু গম্যতাম্ ।
ইতি চ তদ্বচসা ব্রজনাযকো ভবদপাযভিযা দ্রুতমাযযৌ ॥3॥

অবসরে খলু তত্র চ কাচন ব্রজপদে মধুরাকৃতিরংগনা ।
তরলষট্পদলালিতকুংতলা কপটপোতক তে নিকটং গতা ॥4॥

সপদি সা হৃতবালকচেতনা নিশিচরান্বযজা কিল পূতনা ।
ব্রজবধূষ্বিহ কেযমিতি ক্ষণং বিমৃশতীষু ভবংতমুপাদদে ॥5॥

ললিতভাববিলাসহৃতাত্মভির্যুবতিভিঃ প্রতিরোদ্ধুমপারিতা ।
স্তনমসৌ ভবনাংতনিষেদুষী প্রদদুষী ভবতে কপটাত্মনে ॥5॥

সমধিরুহ্য তদংকমশংকিতস্ত্বমথ বালকলোপনরোষিতঃ ।
মহদিবাম্রফলং কুচমংডলং প্রতিচুচূষিথ দুর্বিষদূষিতম্ ॥7॥

অসুভিরেব সমং ধযতি ত্বযি স্তনমসৌ স্তনিতোপমনিস্বনা ।
নিরপতদ্ভযদাযি নিজং বপুঃ প্রতিগতা প্রবিসার্য ভুজাবুভৌ ॥8॥

ভযদঘোষণভীষণবিগ্রহশ্রবণদর্শনমোহিতবল্লবে ।
ব্রজপদে তদুরঃস্থলখেলনং ননু ভবংতমগৃহ্ণত গোপিকাঃ ॥9॥

ভুবনমংগলনামভিরেব তে যুবতিভির্বহুধা কৃতরক্ষণঃ ।
ত্বমযি বাতনিকেতননাথ মামগদযন্ কুরু তাবকসেবকম্ ॥10॥

narayaniyam dashaka 40 in assamese