দশাবতার স্তোত্রম্ (বেদাংতাচার্য কৃতম্)

dashavatara stotram vedantacharya krutam in assamese

দেবো নশ্শুভমাতনোতু দশধা নির্বর্তযন্ভূমিকাং
রংগে ধামনি লব্ধনির্ভররসৈরধ্যক্ষিতো ভাবুকৈঃ ।
যদ্ভাবেষু পৃথগ্বিধেষ্বনুগুণান্ভাবান্স্বযং বিভ্রতী
যদ্ধর্মৈরিহ ধর্মিণী বিহরতে নানাকৃতির্নাযিকা ॥ 1 ॥

নির্মগ্নশ্রুতিজালমার্গণদশাদত্তক্ষণৈর্বীক্ষণৈ-
রংতস্তন্বদিবারবিংদগহনান্যৌদন্বতীনামপাম্ ।
নিষ্প্রত্যূহতরংগরিংখণমিথঃ প্রত্যূঢপাথশ্ছটা-
ডোলারোহসদোহলং ভগবতো মাত্স্যং বপুঃ পাতু নঃ ॥ 2 ॥

অব্যাসুর্ভুবনত্রযীমনিভৃতং কংডূযনৈরদ্রিণা
নিদ্রাণস্য পরস্য কূর্মবপুষো নিশ্বাসবাতোর্মযঃ ।
যদ্বিক্ষেপণসংস্কৃতোদধিপযঃ প্রেংখোলপর্যংকিকা-
নিত্যারোহণনির্বৃতো বিহরতে দেবস্সহৈব শ্রিযা ॥ 3 ॥

গোপাযেদনিশং জগংতি কুহনাপোত্রী পবিত্রীকৃত-
ব্রহ্মাংডপ্রলযোর্মিঘোষগুরুভির্ঘোণারবৈর্ঘুর্ঘুরৈঃ ।
যদ্দংষ্ট্রাংকুরকোটিগাঢঘটনানিষ্কংপনিত্যস্থিতি-
র্ব্রহ্মস্তংবমসৌদসৌ ভগবতীমুস্তেববিশ্বংভরা ॥ 4 ॥

প্রত্যাদিষ্টপুরাতনপ্রহরণগ্রামঃক্ষণং পাণিজৈ-
রব্যাত্ত্রীণি জগংত্যকুংঠমহিমা বৈকুংঠকংঠীরবঃ ।
যত্প্রাদুর্ভবনাদবংধ্যজঠরাযাদৃচ্ছিকাদ্বেধসাং-
যা কাচিত্সহসা মহাসুরগৃহস্থূণাপিতামহ্যভৃত্ ॥ 5 ॥

ব্রীডাবিদ্ধবদান্যদানবযশোনাসীরধাটীভট-
স্ত্রৈযক্ষং মকুটং পুনন্নবতু নস্ত্রৈবিক্রমো বিক্রমঃ ।
যত্প্রস্তাবসমুচ্ছ্রিতধ্বজপটীবৃত্তাংতসিদ্ধাংতিভি-
স্স্রোতোভিস্সুরসিংধুরষ্টসুদিশাসৌধেষু দোধূযতে ॥ 6 ॥

ক্রোধাগ্নিং জমদগ্নিপীডনভবং সংতর্পযিষ্যন্ ক্রমা-
দক্ষত্রামিহ সংততক্ষ য ইমাং ত্রিস্সপ্তকৃত্বঃ ক্ষিতিম্ ।
দত্বা কর্মণি দক্ষিণাং ক্বচন তামাস্কংদ্য সিংধুং বস-
ন্নব্রহ্মণ্যমপাকরোতু ভগবানাব্রহ্মকীটং মুনিঃ ॥ 7 ॥

পারাবারপযোবিশোষণকলাপারীণকালানল-
জ্বালাজালবিহারহারিবিশিখব্যাপারঘোরক্রমঃ ।
সর্বাবস্থসকৃত্প্রপন্নজনতাসংরক্ষণৈকব্রতী
ধর্মো বিগ্রহবানধর্মবিরতিং ধন্বী সতন্বীতু নঃ ॥ 8 ॥

ফক্কত্কৌরবপট্টণপ্রভৃতযঃ প্রাস্তপ্রলংবাদয-
স্তালাংকাস্যতথাবিধা বিহৃতযস্তন্বংতু ভদ্রাণি নঃ ।
ক্ষীরং শর্করযেব যাভিরপৃথগ্ভূতাঃ প্রভূতৈর্গুণৈ-
রাকৌমারকমস্বদংতজগতে কৃষ্ণস্য তাঃ কেলযঃ ॥ 9 ॥

নাথাযৈব নমঃ পদং ভবতু নশ্চিত্রৈশ্চরিত্রক্রমৈ-
র্ভূযোভির্ভুবনান্যমূনিকুহনাগোপায গোপাযতে ।
কালিংদীরসিকাযকালিযফণিস্ফারস্ফটাবাটিকা-
রংগোত্সংগবিশংকচংক্রমধুরাপর্যায চর্যাযতে ॥ 10 ॥

ভাবিন্যা দশযাভবন্নিহ ভবধ্বংসায নঃ কল্পতাং
কল্কী বিষ্ণুযশস্সুতঃ কলিকথাকালুষ্যকূলংকষঃ ।
নিশ্শেষক্ষতকংটকে ক্ষিতিতলে ধারাজলৌঘৈর্ধ্রুবং
ধর্মং কার্তযুগং প্ররোহযতি যন্নিস্ত্রিংশধারাধরঃ ॥ 11 ॥

ইচ্ছামীন বিহারকচ্ছপ মহাপোত্রিন্ যদৃচ্ছাহরে
রক্ষাবামন রোষরাম করুণাকাকুত্স্থ হেলাহলিন্ ।
ক্রীডাবল্লব কল্কিবাহন দশাকল্কিন্নিতি প্রত্যহং
জল্পংতঃ পুরুষাঃ পুনংতু ভুবনং পুণ্যৌঘপণ্যাপণাঃ ॥

বিদ্যোদন্বতি বেংকটেশ্বরকবৌ জাতং জগন্মংগলং
দেবেশস্যদশাবতারবিষযং স্তোত্রং বিবক্ষেত যঃ ।
বক্ত্রে তস্য সরস্বতী বহুমুখী ভক্তিঃ পরা মানসে
শুদ্ধিঃ কাপি তনৌ দিশাসু দশসু খ্যাতিশ্শুভা জৃংভতে ॥

ইতি কবিতার্কিকসিংহস্য সর্বতংত্রস্বতংত্রস্য শ্রীমদ্বেংকটনাথস্য বেদাংতাচার্যস্য কৃতিষু দশাবতারস্তোত্রম্ ।

dashavatara stotram vedantacharya krutam in assamese