শ্রীমদ্ভগবদ্গীতা পারাযণ – চতুর্দশোঽধ্যাযঃ

bhagavadgita parayana chapter 14 in assamese

ওং শ্রী পরমাত্মনে নমঃ
অথ চতুর্দশোঽধ্যাযঃ
গুণত্রযবিভাগযোগঃ

শ্রী ভগবানুবাচ
পরং ভূযঃ প্রবক্ষ্যামি জ্ঞানানাং জ্ঞানমুত্তমম্ ।
যজ্জ্ঞাত্বা মুনযঃ সর্বে পরাং সিদ্ধিমিতো গতাঃ ॥1॥

ইদং জ্ঞানমুপাশ্রিত্য মম সাধর্ম্যমাগতাঃ ।
সর্গেঽপি নোপজাযংতে প্রলযে ন ব্যথংতি চ ॥2॥

মম যোনির্মহদ্ব্রহ্ম তস্মিন্গর্ভং দধাম্যহম্ ।
সংভবঃ সর্বভূতানাং ততো ভবতি ভারত ॥3॥

সর্বযোনিষু কৌংতেয মূর্তযঃ সংভবংতি যাঃ ।
তাসাং ব্রহ্ম মহদ্যোনিঃ অহং বীজপ্রদঃ পিতা ॥4॥

সত্ত্বং রজস্তম ইতি গুণাঃ প্রকৃতিসংভবাঃ ।
নিবধ্নংতি মহাবাহো দেহে দেহিনমব্যযম্ ॥5॥

তত্র সত্ত্বং নির্মলত্বাত্ প্রকাশকমনামযম্ ।
সুখসংগেন বধ্নাতি জ্ঞানসংগেন চানঘ ॥6॥

রজো রাগাত্মকং বিদ্ধি তৃষ্ণাসংগসমুদ্ভবম্ ।
তন্নিবধ্নাতি কৌংতেয কর্মসংগেন দেহিনম্ ॥7॥

তমস্ত্বজ্ঞানজং বিদ্ধি মোহনং সর্বদেহিনাম্ ।
প্রমাদালস্যনিদ্রাভিঃ তন্নিবধ্নাতি ভারত ॥8॥

সত্ত্বং সুখে সংজযতি রজঃ কর্মণি ভারত ।
জ্ঞানমাবৃত্য তু তমঃ প্রমাদে সংজযত্যুত ॥9॥

রজস্তমশ্চাভিভূয সত্ত্বং ভবতি ভারত ।
রজঃ সত্ত্বং তমশ্চৈব তমঃ সত্ত্বং রজস্তথা ॥10॥

সর্বদ্বারেষু দেহেঽস্মিন্ প্রকাশ উপজাযতে ।
জ্ঞানং যদা তদা বিদ্যাত্ বিবৃদ্ধং সত্ত্বমিত্যুত ॥11॥

লোভঃ প্রবৃত্তিরারংভঃ কর্মণামশমঃ স্পৃহা ।
রজস্যেতানি জাযংতে বিবৃদ্ধে ভরতর্ষভ ॥12॥

অপ্রকাশোঽপ্রবৃত্তিশ্চ প্রমাদো মোহ এব চ ।
তমস্যেতানি জাযংতে বিবৃদ্ধে কুরুনংদন ॥13॥

যদা সত্ত্বে প্রবৃদ্ধে তু প্রলযং যাতি দেহভৃত্ ।
তদোত্তমবিদাং লোকান্ অমলান্প্রতিপদ্যতে ॥14॥

রজসি প্রলযং গত্বা কর্মসংগিষু জাযতে ।
তথা প্রলীনস্তমসি মূঢযোনিষু জাযতে ॥15॥

কর্মণঃ সুকৃতস্যাহুঃ সাত্ত্বিকং নির্মলং ফলম্ ।
রজসস্তু ফলং দুঃখম্ অজ্ঞানং তমসঃ ফলম্ ॥16॥

সত্ত্বাত্সংজাযতে জ্ঞানং রজসো লোভ এব চ ।
প্রমাদমোহৌ তমসঃ ভবতোঽজ্ঞানমেব চ ॥17॥

ঊর্ধ্বং গচ্ছংতি সত্ত্বস্থাঃ মধ্যে তিষ্ঠংতি রাজসাঃ ।
জঘন্যগুণবৃত্তিস্থাঃ অধো গচ্ছংতি তামসাঃ ॥18॥

নান্যং গুণেভ্যঃ কর্তারং যদা দ্রষ্টাঽনুপশ্যতি ।
গুণেভ্যশ্চ পরং বেত্তি মদ্ভাবং সোঽধিগচ্ছতি ॥19॥

গুণানেতানতীত্য ত্রীন্ দেহী দেহসমুদ্ভবান্ ।
জন্মমৃত্যুজরাদুঃখৈঃ বিমুক্তোঽমৃতমশ্নুতে ॥20॥

অর্জুন উবাচ
কৈর্লিংগৈস্ত্রীন্গুণানেতান্ অতীতো ভবতি প্রভো ।
কিমাচারঃ কথং চৈতান্ ত্রীন্গুণানতিবর্ততে ॥21॥

শ্রী ভগবানুবাচ
প্রকাশং চ প্রবৃত্তিং চ মোহমেব চ পাংডব ।
ন দ্বেষ্টি সংপ্রবৃত্তানি ন নিবৃত্তানি কাংক্ষতি ॥22॥

উদাসীনবদাসীনঃ গুণৈর্যো ন বিচাল্যতে ।
গুণা বর্তংত ইত্যেব যোঽবতিষ্ঠতি নেংগতে ॥23॥

সমদুঃখসুখঃ স্বস্থঃ সমলোষ্টাশ্মকাংচনঃ ।
তুল্যপ্রিযাপ্রিযো ধীরঃ তুল্যনিংদাত্মসংস্তুতিঃ ॥24॥

মানাপমানযোস্তুল্যঃ তুল্যো মিত্রারিপক্ষযোঃ ।
সর্বারংভপরিত্যাগী গুণাতীতঃ স উচ্যতে ॥25॥

মাং চ যোঽব্যভিচারেণ ভক্তিযোগেন সেবতে ।
স গুণান্সমতীত্যৈতান্ ব্রহ্মভূযায কল্পতে ॥26॥

ব্রহ্মণো হি প্রতিষ্ঠাঽহম্ অমৃতস্যাব্যযস্য চ ।
শাশ্বতস্য চ ধর্মস্য সুখস্যৈকাংতিকস্য চ ॥27॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে গুণত্রযবিভাগযোগো চতুর্দশোঽধ্যাযঃ ॥

bhagavadgita parayana chapter 14 in assamese