শ্রীমদ্ভগবদ্গীতা পারাযণ – ত্রযোদশোঽধ্যাযঃ

bhagavadgita parayana chapter 13 in assamese

ওং শ্রী পরমাত্মনে নমঃ
অথ ত্রযোদশোঽধ্যাযঃ
ক্ষেত্রক্ষেত্রজ্ঞবিভাগযোগঃ

অর্জুন উবাচ
প্রকৃতিং পুরুষং চৈব ক্ষেত্রং ক্ষেত্রজ্ঞমেব চ ।
এতত্ বেদিতুমিচ্ছামি জ্ঞানং জ্ঞেযং চ কেশব ॥0॥

শ্রী ভগবানুবাচ
ইদং শরীরং কৌংতেয ক্ষেত্রমিত্যভিধীযতে ।
এতদ্যো বেত্তি তং প্রাহুঃ ক্ষেত্রজ্ঞ ইতি তদ্বিদঃ ॥1॥

ক্ষেত্রজ্ঞং চাপি মাং বিদ্ধি সর্বক্ষেত্রেষু ভারত ।
ক্ষেত্রক্ষেত্রজ্ঞযোর্জ্ঞানং যত্তজ্জ্ঞানং মতং মম ॥2॥

তত্ক্ষেত্রং যচ্চ যাদৃক্চ যদ্বিকারি যতশ্চ যত্ ।
স চ যো যত্প্রভাবশ্চ তত্সমাসেন মে শৃণু ॥3॥

ঋষিভির্বহুধা গীতং ছংদোভির্বিবিধৈঃ পৃথক্ ।
ব্রহ্মসূত্রপদৈশ্চৈব হেতুমদ্ভির্বিনিশ্চিতৈঃ ॥4॥

মহাভূতান্যহংকারঃ বুদ্ধিরব্যক্তমেব চ ।
ইংদ্রিযাণি দশৈকং চ পংচ চেংদ্রিযগোচরাঃ ॥5॥

ইচ্ছা দ্বেষঃ সুখং দুঃখং সংঘাতশ্চেতনা ধৃতিঃ ।
এতত্ক্ষেত্রং সমাসেন সবিকারমুদাহৃতম্ ॥6॥

অমানিত্বমদংভিত্বম্ অহিংসা ক্ষাংতিরার্জবম্ ।
আচার্যোপাসনং শৌচং স্থৈর্যমাত্মবিনিগ্রহঃ ॥7॥

ইংদ্রিযার্থেষু বৈরাগ্যম্ অনহংকার এব চ ।
জন্মমৃত্যুজরাব্যাধি-দুঃখদোষানুদর্শনম্ ॥8॥

অসক্তিরনভিষ্বংগঃ পুত্রদারগৃহাদিষু ।
নিত্যং চ সমচিত্তত্বম্ ইষ্টানিষ্টোপপত্তিষু ॥9॥

মযি চানন্যযোগেন ভক্তিরব্যভিচারিণী ।
বিবিক্তদেশসেবিত্বম্ অরতির্জনসংসদি ॥10॥

অধ্যাত্মজ্ঞাননিত্যত্বং তত্ত্বজ্ঞানার্থদর্শনম্ ।
এতজ্জ্ঞানমিতি প্রোক্তম্ অজ্ঞানং যদতোঽন্যথা ॥11॥

জ্ঞেযং যত্তত্প্রবক্ষ্যামি যজ্জ্ঞাত্বাঽমৃতমশ্নুতে ।
অনাদিমত্পরং ব্রহ্ম ন সত্তন্নাসদুচ্যতে ॥12॥

সর্বতঃ পাণিপাদং তত্ সর্বতোঽক্ষিশিরোমুখম্ ।
সর্বতঃ শ্রুতিমল্লোকে সর্বমাবৃত্য তিষ্ঠতি ॥13॥

সর্বেংদ্রিযগুণাভাসং সর্বেংদ্রিযবিবর্জিতম্ ।
অসক্তং সর্বভৃচ্চৈব নির্গুণং গুণভোক্তৃ চ ॥14॥

বহিরংতশ্চ ভূতানাম্ অচরং চরমেব চ ।
সূক্ষ্মত্বাত্তদবিজ্ঞেযং দূরস্থং চাংতিকে চ তত্ ॥15॥

অবিভক্তং চ ভূতেষু বিভক্তমিব চ স্থিতম্ ।
ভূতভর্তৃ চ তজ্জ্ঞেযং গ্রসিষ্ণু প্রভবিষ্ণু চ ॥16॥

জ্যোতিষামপি তজ্জ্যোতিঃ তমসঃ পরমুচ্যতে ।
জ্ঞানং জ্ঞেযং জ্ঞানগম্যং হৃদি সর্বস্য বিষ্ঠিতম্ ॥17॥

ইতি ক্ষেত্রং তথা জ্ঞানং জ্ঞেযং চোক্তং সমাসতঃ ।
মদ্ভক্ত এতদ্বিজ্ঞায মদ্ভাবাযোপপদ্যতে ॥18॥

প্রকৃতিং পুরুষং চৈব বিদ্ধ্যনাদী উভাবপি ।
বিকারাংশ্চ গুণাংশ্চৈব বিদ্ধি প্রকৃতিসংভবান্ ॥19॥

কার্যকরণকর্তৃত্বে হেতুঃ প্রকৃতিরুচ্যতে ।
পুরুষঃ সুখদুঃখানাং ভোক্তৃত্বে হেতুরুচ্যতে ॥20॥

পুরুষঃ প্রকৃতিস্থো হি ভুংক্তে প্রকৃতিজান্গুণান্ ।
কারণং গুণসংগোঽস্য সদসদ্যোনিজন্মসু ॥21॥

উপদ্রষ্টাঽনুমংতা চ ভর্তা ভোক্তা মহেশ্বরঃ ।
পরমাত্মেতি চাপ্যুক্তঃ দেহেঽস্মিন্পুরুষঃ পরঃ ॥22॥

য এবং বেত্তি পুরুষং প্রকৃতিং চ গুণৈঃ সহ ।
সর্বথা বর্তমানোঽপি ন স ভূযোঽভিজাযতে ॥23॥

ধ্যানেনাত্মনি পশ্যংতি কেচিদাত্মানমাত্মনা ।
অন্যে সাংখ্যেন যোগেন কর্মযোগেন চাপরে ॥24॥

অন্যে ত্বেবমজানংতঃ শ্রুত্বাঽন্যেভ্য উপাসতে ।
তেঽপি চাতিতরংত্যেব মৃত্যুং শ্রুতিপরাযণাঃ ॥25॥

যাবত্সংজাযতে কিংচিত্ সত্ত্বং স্থাবরজংগমম্ ।
ক্ষেত্রক্ষেত্রজ্ঞসংযোগাত্ তদ্বিদ্ধি ভরতর্ষভ ॥26॥

সমং সর্বেষু ভূতেষু তিষ্ঠংতং পরমেশ্বরম্ ।
বিনশ্যত্স্ববিনশ্যংতং যঃ পশ্যতি স পশ্যতি ॥27॥

সমং পশ্যন্হি সর্বত্র সমবস্থিতমীশ্বরম্ ।
ন হিনস্ত্যাত্মনাঽঽত্মানং ততো যাতি পরাং গতিম্ ॥28॥

প্রকৃত্যৈব চ কর্মাণি ক্রিযমাণানি সর্বশঃ ।
যঃ পশ্যতি তথাঽঽত্মানম্ অকর্তারং স পশ্যতি ॥29॥

যদা ভূতপৃথগ্ভাবম্ একস্থমনুপশ্যতি ।
তত এব চ বিস্তারং ব্রহ্ম সংপদ্যতে তদা ॥30॥

অনাদিত্বান্নির্গুণত্বাত্ পরমাত্মাযমব্যযঃ ।
শরীরস্থোঽপি কৌংতেয ন করোতি ন লিপ্যতে ॥31॥

যথা সর্বগতং সৌক্ষ্ম্যাত্ আকাশং নোপলিপ্যতে ।
সর্বত্রাবস্থিতো দেহে তথাঽঽত্মা নোপলিপ্যতে ॥32॥

যথা প্রকাশযত্যেকঃ কৃত্স্নং লোকমিমং রবিঃ ।
ক্ষেত্রং ক্ষেত্রী তথা কৃত্স্নং প্রকাশযতি ভারত ॥33॥

ক্ষেত্রক্ষেত্রজ্ঞযোরেবম্ অংতরং জ্ঞানচক্ষুষা ।
ভূতপ্রকৃতিমোক্ষং চ যে বিদুর্যাংতি তে পরম্ ॥34॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্যাযাং
যোগশাস্ত্রে শ্রীকৃষ্ণার্জুনসংবাদে ক্ষেত্রক্ষেত্রজ্ঞবিভাগযোগো নাম ত্রযোদশোঽধ্যাযঃ ॥

bhagavadgita parayana chapter 13 in assamese