আপদুদ্ধারক হনুমত্স্তোত্রম্

apaduddharaka hanuman stotram in assamese

ওং অস্য শ্রী আপদুদ্ধারক হনুমত্ স্তোত্র মহামংত্র কবচস্য, বিভীষণ ঋষিঃ, হনুমান্ দেবতা, সর্বাপদুদ্ধারক শ্রীহনুমত্প্রসাদেন মম সর্বাপন্নিবৃত্ত্যর্থে, সর্বকার্যানুকূল্য সিদ্ধ্যর্থে জপে বিনিযোগঃ ।

ধ্যানম্ ।
বামে করে বৈরিভিদং বহংতং
শৈলং পরে শৃংখলহারিটংকম্ ।
দধানমচ্ছচ্ছবিযজ্ঞসূত্রং
ভজে জ্বলত্কুংডলমাংজনেযম্ ॥ 1 ॥

সংবীতকৌপীন মুদংচিতাংগুলিং
সমুজ্জ্বলন্মৌংজিমথোপবীতিনম্ ।
সকুংডলং লংবিশিখাসমাবৃতং
তমাংজনেযং শরণং প্রপদ্যে ॥ 2 ॥

আপন্নাখিললোকার্তিহারিণে শ্রীহনূমতে ।
অকস্মাদাগতোত্পাত নাশনায নমো নমঃ ॥ 3 ॥

সীতাবিযুক্তশ্রীরামশোকদুঃখভযাপহ ।
তাপত্রিতযসংহারিন্ আংজনেয নমোঽস্তু তে ॥ 4 ॥

আধিব্যাধি মহামারী গ্রহপীডাপহারিণে ।
প্রাণাপহর্ত্রেদৈত্যানাং রামপ্রাণাত্মনে নমঃ ॥ 5 ॥

সংসারসাগরাবর্ত কর্তব্যভ্রাংতচেতসাম্ ।
শরণাগতমর্ত্যানাং শরণ্যায নমোঽস্তু তে ॥ 6 ॥

বজ্রদেহায কালাগ্নিরুদ্রাযাঽমিততেজসে ।
ব্রহ্মাস্ত্রস্তংভনাযাস্মৈ নমঃ শ্রীরুদ্রমূর্তযে ॥ 7 ॥

রামেষ্টং করুণাপূর্ণং হনূমংতং ভযাপহম্ ।
শত্রুনাশকরং ভীমং সর্বাভীষ্টপ্রদাযকম্ ॥ 8 ॥

কারাগৃহে প্রযাণে বা সংগ্রামে শত্রুসংকটে ।
জলে স্থলে তথাঽঽকাশে বাহনেষু চতুষ্পথে ॥ 9 ॥

গজসিংহ মহাব্যাঘ্র চোর ভীষণ কাননে ।
যে স্মরংতি হনূমংতং তেষাং নাস্তি বিপত্ ক্বচিত্ ॥ 10 ॥

সর্ববানরমুখ্যানাং প্রাণভূতাত্মনে নমঃ ।
শরণ্যায বরেণ্যায বাযুপুত্রায তে নমঃ ॥ 11 ॥

প্রদোষে বা প্রভাতে বা যে স্মরংত্যংজনাসুতম্ ।
অর্থসিদ্ধিং জযং কীর্তিং প্রাপ্নুবংতি ন সংশযঃ ॥ 12 ॥

জপ্ত্বা স্তোত্রমিদং মংত্রং প্রতিবারং পঠেন্নরঃ ।
রাজস্থানে সভাস্থানে প্রাপ্তে বাদে লভেজ্জযম্ ॥ 13 ॥

বিভীষণকৃতং স্তোত্রং যঃ পঠেত্ প্রযতো নরঃ ।
সর্বাপদ্ভ্যো বিমুচ্যেত নাঽত্র কার্যা বিচারণা ॥ 14 ॥

মংত্রঃ ।
মর্কটেশ মহোত্সাহ সর্বশোকনিবারক ।
শত্রূন্ সংহর মাং রক্ষ শ্রিযং দাপয ভো হরে ॥ 15

ইতি বিভীষণকৃতং সর্বাপদুদ্ধারক শ্রীহনুমত্ স্তোত্রম্ ॥

apaduddharaka hanuman stotram in assamese