ଶ୍ରୀ ତ୍ରିପୁର ଭୈରଵୀ ଅଷ୍ଟୋତ୍ତର ଶତ ନାମା ସ୍ତୋତ୍ରଂ

sri tripura bhairavi ashtottara satanama stotram in odia

ଶ୍ରୀଦେଵ୍ୟୁଵାଚ
କୈଲାସଵାସିନ୍ ଭଗଵନ୍ ପ୍ରାଣେଶ୍ଵର କୃପାନିଧେ ।
ଭକ୍ତଵତ୍ସଲ ଭୈରଵ୍ୟା ନାମ୍ନାମଷ୍ଟୋତ୍ତରଂ ଶତମ୍ ॥ 1 ॥

ନ ଶ୍ରୁତଂ ଦେଵଦେଵେଶ ଵଦ ମାଂ ଦୀନଵତ୍ସଲ ।

ଶ୍ରୀଶିଵ ଉଵାଚ
ଶୃଣୁ ପ୍ରିୟେ ମହାଗୋପ୍ୟଂ ନାମ୍ନାମଷ୍ଟୋତ୍ତରଂ ଶତମ୍ ॥ 2 ॥

ଭୈରଵ୍ୟାଶ୍ଶୁଭଦଂ ସେଵ୍ୟଂ ସର୍ଵସଂପତ୍ପ୍ରଦାୟକମ୍ ।
ୟସ୍ୟାନୁଷ୍ଠାନମାତ୍ରେଣ କିଂ ନ ସିଦ୍ଧ୍ୟତି ଭୂତଲେ ॥ 3 ॥

ଓଂ ଭୈରଵୀ ଭୈରଵାରାଧ୍ୟା ଭୂତିଦା ଭୂତଭାଵନା ।
ଆର୍ୟା ବ୍ରାହ୍ମୀ କାମଧେନୁସ୍ସର୍ଵସଂପତ୍ପ୍ରଦାୟିନୀ ॥ 4 ॥

ତ୍ରୈଲୋକ୍ୟଵଂଦିତା ଦେଵୀ ମହିଷାସୁରମର୍ଦିନୀ ।
ମୋହଘ୍ନୀ ମାଲତୀ ମାଲା ମହାପାତକନାଶିନୀ ॥ 5 ॥

କ୍ରୋଧିନୀ କ୍ରୋଧନିଲୟା କ୍ରୋଧରକ୍ତେକ୍ଷଣା କୁହୂଃ ।
ତ୍ରିପୁରା ତ୍ରିପୁରାଧାରା ତ୍ରିନେତ୍ରା ଭୀମଭୈରଵୀ ॥ 6 ॥

ଦେଵକୀ ଦେଵମାତା ଚ ଦେଵଦୁଷ୍ଟଵିନାଶିନୀ ।
ଦାମୋଦରପ୍ରିୟା ଦୀର୍ଘା ଦୁର୍ଗା ଦୁର୍ଗତିନାଶିନୀ ॥ 7 ॥

ଲଂବୋଦରୀ ଲଂବକର୍ଣା ପ୍ରଲଂବିତପୟୋଧରା ।
ପ୍ରତ୍ୟଂଗିରା ପ୍ରତିପଦା ପ୍ରଣତକ୍ଲେଶନାଶିନୀ ॥ 8 ॥

ପ୍ରଭାଵତୀ ଗୁଣଵତୀ ଗଣମାତା ଗୁହେଶ୍ଵରୀ ।
କ୍ଷୀରାବ୍ଧିତନୟା କ୍ଷେମ୍ୟା ଜଗତ୍ତ୍ରାଣଵିଧାୟିନୀ ॥ 9 ॥

ମହାମାରୀ ମହାମୋହା ମହାକ୍ରୋଧା ମହାନଦୀ ।
ମହାପାତକସଂହର୍ତ୍ରୀ ମହାମୋହପ୍ରଦାୟିନୀ ॥ 10 ॥

ଵିକରାଳା ମହାକାଲା କାଲରୂପା କଳାଵତୀ ।
କପାଲଖଟ୍ଵାଂଗଧରା ଖଡ୍ଗଖର୍ପରଧାରିଣୀ ॥ 11 ॥

କୁମାରୀ କୁଂକୁମପ୍ରୀତା କୁଂକୁମାରୁଣରଂଜିତା ।
କୌମୋଦକୀ କୁମୁଦିନୀ କୀର୍ତ୍ୟା କୀର୍ତିପ୍ରଦାୟିନୀ ॥ 12 ॥

ନଵୀନା ନୀରଦା ନିତ୍ୟା ନଂଦିକେଶ୍ଵରପାଲିନୀ ।
ଘର୍ଘରା ଘର୍ଘରାରାଵା ଘୋରା ଘୋରସ୍ଵରୂପିଣୀ ॥ 13 ॥

କଲିଘ୍ନୀ କଲିଧର୍ମଘ୍ନୀ କଲିକୌତୁକନାଶିନୀ ।
କିଶୋରୀ କେଶଵପ୍ରୀତା କ୍ଲେଶସଂଘନିଵାରିଣୀ ॥ 14 ॥

ମହୋନ୍ମତ୍ତା ମହାମତ୍ତା ମହାଵିଦ୍ୟା ମହୀମୟୀ ।
ମହାୟଜ୍ଞା ମହାଵାଣୀ ମହାମଂଦରଧାରିଣୀ ॥ 15 ॥

ମୋକ୍ଷଦା ମୋହଦା ମୋହା ଭୁକ୍ତିମୁକ୍ତିପ୍ରଦାୟିନୀ ।
ଅଟ୍ଟାଟ୍ଟହାସନିରତା କ୍ଵଣନ୍ନୂପୁରଧାରିଣୀ ॥ 16 ॥

ଦୀର୍ଘଦଂଷ୍ଟ୍ରା ଦୀର୍ଘମୁଖୀ ଦୀର୍ଘଘୋଣା ଚ ଦୀର୍ଘିକା ।
ଦନୁଜାଂତକରୀ ଦୁଷ୍ଟା ଦୁଃଖଦାରିଦ୍ର୍ୟଭଂଜିନୀ ॥ 17 ॥

ଦୁରାଚାରା ଚ ଦୋଷଘ୍ନୀ ଦମପତ୍ନୀ ଦୟାପରା ।
ମନୋଭଵା ମନୁମୟୀ ମନୁଵଂଶପ୍ରଵର୍ଧିନୀ ॥ 18 ॥

ଶ୍ୟାମା ଶ୍ୟାମତନୁଶ୍ଶୋଭା ସୌମ୍ୟା ଶଂଭୁଵିଲାସିନୀ ।
ଇତି ତେ କଥିତଂ ଦିଵ୍ୟଂ ନାମ୍ନାମଷ୍ଟୋତ୍ତରଂ ଶତମ୍ ॥ 19 ॥

ଭୈରଵ୍ୟା ଦେଵଦେଵେଶ୍ୟାସ୍ତଵ ପ୍ରୀତ୍ୟୈ ସୁରେଶ୍ଵରି ।
ଅପ୍ରକାଶ୍ୟମିଦଂ ଗୋପ୍ୟଂ ପଠନୀୟଂ ପ୍ରୟତ୍ନତଃ ॥ 20 ॥

ଦେଵୀଂ ଧ୍ୟାତ୍ଵା ସୁରାଂ ପୀତ୍ଵା ମକାରୈଃ ପଂଚକୈଃ ପ୍ରିୟେ ।
ପୂଜୟେତ୍ସତତଂ ଭକ୍ତ୍ୟା ପଠେତ୍ ସ୍ତୋତ୍ରମିଦଂ ଶୁଭମ୍ ॥ 21 ॥

ଷଣ୍ମାସାଭ୍ୟଂତରେ ସୋଽପି ଗଣନାଥସମୋ ଭଵେତ୍ ।
କିମତ୍ର ବହୁନୋକ୍ତେନ ତ୍ଵଦଗ୍ରେ ପ୍ରାଣଵଲ୍ଲଭେ ॥ 22 ॥

ସର୍ଵଂ ଜାନାସି ସର୍ଵଜ୍ଞେ ପୁନର୍ମାଂ ପରିପୃଚ୍ଛସି ।
ନ ଦେୟଂ ପରଶିଷ୍ୟେଭ୍ୟୋ ନିଂଦକେଭ୍ୟୋ ଵିଶେଷତଃ ॥ 23 ॥

ଇତି ଶ୍ରୀତ୍ରିପୁରଭୈରଵୀ ଅଷ୍ଟୋତ୍ତରଶତନାମସ୍ତୋତ୍ରମ୍ ।

sri tripura bhairavi ashtottara satanama stotram in odia