ଶ୍ରୀ ମୀନାକ୍ଷୀ ସ୍ତୋତ୍ରମ୍

sri meenakshi stotram in odia

ଶ୍ରୀଵିଦ୍ୟେ ଶିଵଵାମଭାଗନିଲୟେ ଶ୍ରୀରାଜରାଜାର୍ଚିତେ
ଶ୍ରୀନାଥାଦିଗୁରୁସ୍ଵରୂପଵିଭଵେ ଚିଂତାମଣୀପୀଠିକେ ।
ଶ୍ରୀଵାଣୀଗିରିଜାନୁତାଂଘ୍ରିକମଲେ ଶ୍ରୀଶାଂଭଵି ଶ୍ରୀଶିଵେ
ମଧ୍ୟାହ୍ନେ ମଲୟଧ୍ଵଜାଧିପସୁତେ ମାଂ ପାହି ମୀନାଂବିକେ ॥ 1 ॥

ଚକ୍ରସ୍ଥେଽଚପଲେ ଚରାଚରଜଗନ୍ନାଥେ ଜଗତ୍ପୂଜିତେ
ଆର୍ତାଲୀଵରଦେ ନତାଭୟକରେ ଵକ୍ଷୋଜଭାରାନ୍ଵିତେ ।
ଵିଦ୍ୟେ ଵେଦକଲାପମୌଳିଵିଦିତେ ଵିଦ୍ୟୁଲ୍ଲତାଵିଗ୍ରହେ
ମାତଃ ପୂର୍ଣସୁଧାରସାର୍ଦ୍ରହୃଦୟେ ମାଂ ପାହି ମୀନାଂବିକେ ॥ 2 ॥

କୋଟୀରାଂଗଦରତ୍ନକୁଂଡଲଧରେ କୋଦଂଡବାଣାଂଚିତେ
କୋକାକାରକୁଚଦ୍ଵୟୋପରିଲସତ୍ପ୍ରାଲଂବହାରାଂଚିତେ ।
ଶିଂଜନ୍ନୂପୁରପାଦସାରସମଣୀଶ୍ରୀପାଦୁକାଲଂକୃତେ
ମଦ୍ଦାରିଦ୍ର୍ୟଭୁଜଂଗଗାରୁଡଖଗେ ମାଂ ପାହି ମୀନାଂବିକେ ॥ 3 ॥

ବ୍ରହ୍ମେଶାଚ୍ୟୁତଗୀୟମାନଚରିତେ ପ୍ରେତାସନାଂତସ୍ଥିତେ
ପାଶୋଦଂକୁଶଚାପବାଣକଲିତେ ବାଲେଂଦୁଚୂଡାଂଚିତେ ।
ବାଲେ ବାଲକୁରଂଗଲୋଲନୟନେ ବାଲାର୍କକୋଟ୍ୟୁଜ୍ଜ୍ଵଲେ
ମୁଦ୍ରାରାଧିତଦୈଵତେ ମୁନିସୁତେ ମାଂ ପାହି ମୀନାଂବିକେ ॥ 4 ॥

ଗଂଧର୍ଵାମରୟକ୍ଷପନ୍ନଗନୁତେ ଗଂଗାଧରାଲିଂଗିତେ
ଗାୟତ୍ରୀଗରୁଡାସନେ କମଲଜେ ସୁଶ୍ୟାମଲେ ସୁସ୍ଥିତେ ।
ଖାତୀତେ ଖଲଦାରୁପାଵକଶିଖେ ଖଦ୍ୟୋତକୋଟ୍ୟୁଜ୍ଜ୍ଵଲେ
ମଂତ୍ରାରାଧିତଦୈଵତେ ମୁନିସୁତେ ମାଂ ପାହୀ ମୀନାଂବିକେ ॥ 5 ॥

ନାଦେ ନାରଦତୁଂବୁରାଦ୍ୟଵିନୁତେ ନାଦାଂତନାଦାତ୍ମିକେ
ନିତ୍ୟେ ନୀଲଲତାତ୍ମିକେ ନିରୁପମେ ନୀଵାରଶୂକୋପମେ ।
କାଂତେ କାମକଲେ କଦଂବନିଲୟେ କାମେଶ୍ଵରାଂକସ୍ଥିତେ
ମଦ୍ଵିଦ୍ୟେ ମଦଭୀଷ୍ଟକଲ୍ପଲତିକେ ମାଂ ପାହି ମୀନାଂବିକେ ॥ 6 ॥

ଵୀଣାନାଦନିମୀଲିତାର୍ଧନୟନେ ଵିସ୍ରସ୍ତଚୂଲୀଭରେ
ତାଂବୂଲାରୁଣପଲ୍ଲଵାଧରୟୁତେ ତାଟଂକହାରାନ୍ଵିତେ ।
ଶ୍ୟାମେ ଚଂଦ୍ରକଳାଵତଂସକଲିତେ କସ୍ତୂରିକାଫାଲିକେ
ପୂର୍ଣେ ପୂର୍ଣକଲାଭିରାମଵଦନେ ମାଂ ପାହି ମୀନାଂବିକେ ॥ 7 ॥

ଶବ୍ଦବ୍ରହ୍ମମୟୀ ଚରାଚରମୟୀ ଜ୍ୟୋତିର୍ମୟୀ ଵାଙ୍ମୟୀ
ନିତ୍ୟାନଂଦମୟୀ ନିରଂଜନମୟୀ ତତ୍ତ୍ଵଂମୟୀ ଚିନ୍ମୟୀ ।
ତତ୍ତ୍ଵାତୀତମୟୀ ପରାତ୍ପରମୟୀ ମାୟାମୟୀ ଶ୍ରୀମୟୀ
ସର୍ଵୈଶ୍ଵର୍ୟମୟୀ ସଦାଶିଵମୟୀ ମାଂ ପାହି ମୀନାଂବିକେ ॥ 8 ॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ ଶ୍ରୀଗୋଵିଂଦଭଗଵତ୍ପୂଜ୍ୟପାଦଶିଷ୍ୟସ୍ୟ ଶ୍ରୀମଚ୍ଛଂକରଭଗଵତଃ କୃତୌ ମୀନାକ୍ଷୀ ସ୍ତୋତ୍ରମ୍ ।

sri meenakshi stotram in odia