ശ്രീ ത്രിപുര ഭൈരവീ അഷ്ടോത്തര ശത നാമാ സ്തോത്രം

sri tripura bhairavi ashtottara satanama stotram in malayalam

ശ്രീദേവ്യുവാച
കൈലാസവാസിന് ഭഗവന് പ്രാണേശ്വര കൃപാനിധേ ।
ഭക്തവത്സല ഭൈരവ്യാ നാമ്നാമഷ്ടോത്തരം ശതമ് ॥ 1 ॥

ന ശ്രുതം ദേവദേവേശ വദ മാം ദീനവത്സല ।

ശ്രീശിവ ഉവാച
ശൃണു പ്രിയേ മഹാഗോപ്യം നാമ്നാമഷ്ടോത്തരം ശതമ് ॥ 2 ॥

ഭൈരവ്യാശ്ശുഭദം സേവ്യം സർവസംപത്പ്രദായകമ് ।
യസ്യാനുഷ്ഠാനമാത്രേണ കിം ന സിദ്ധ്യതി ഭൂതലേ ॥ 3 ॥

ഓം ഭൈരവീ ഭൈരവാരാധ്യാ ഭൂതിദാ ഭൂതഭാവനാ ।
ആര്യാ ബ്രാഹ്മീ കാമധേനുസ്സർവസംപത്പ്രദായിനീ ॥ 4 ॥

ത്രൈലോക്യവംദിതാ ദേവീ മഹിഷാസുരമര്ദിനീ ।
മോഹഘ്നീ മാലതീ മാലാ മഹാപാതകനാശിനീ ॥ 5 ॥

ക്രോധിനീ ക്രോധനിലയാ ക്രോധരക്തേക്ഷണാ കുഹൂഃ ।
ത്രിപുരാ ത്രിപുരാധാരാ ത്രിനേത്രാ ഭീമഭൈരവീ ॥ 6 ॥

ദേവകീ ദേവമാതാ ച ദേവദുഷ്ടവിനാശിനീ ।
ദാമോദരപ്രിയാ ദീര്ഘാ ദുര്ഗാ ദുര്ഗതിനാശിനീ ॥ 7 ॥

ലംബോദരീ ലംബകര്ണാ പ്രലംബിതപയോധരാ ।
പ്രത്യംഗിരാ പ്രതിപദാ പ്രണതക്ലേശനാശിനീ ॥ 8 ॥

പ്രഭാവതീ ഗുണവതീ ഗണമാതാ ഗുഹേശ്വരീ ।
ക്ഷീരാബ്ധിതനയാ ക്ഷേമ്യാ ജഗത്ത്രാണവിധായിനീ ॥ 9 ॥

മഹാമാരീ മഹാമോഹാ മഹാക്രോധാ മഹാനദീ ।
മഹാപാതകസംഹര്ത്രീ മഹാമോഹപ്രദായിനീ ॥ 10 ॥

വികരാളാ മഹാകാലാ കാലരൂപാ കളാവതീ ।
കപാലഖട്വാംഗധരാ ഖഡ്ഗഖര്പരധാരിണീ ॥ 11 ॥

കുമാരീ കുംകുമപ്രീതാ കുംകുമാരുണരംജിതാ ।
കൌമോദകീ കുമുദിനീ കീര്ത്യാ കീര്തിപ്രദായിനീ ॥ 12 ॥

നവീനാ നീരദാ നിത്യാ നംദികേശ്വരപാലിനീ ।
ഘര്ഘരാ ഘര്ഘരാരാവാ ഘോരാ ഘോരസ്വരൂപിണീ ॥ 13 ॥

കലിഘ്നീ കലിധര്മഘ്നീ കലികൌതുകനാശിനീ ।
കിശോരീ കേശവപ്രീതാ ക്ലേശസംഘനിവാരിണീ ॥ 14 ॥

മഹോന്മത്താ മഹാമത്താ മഹാവിദ്യാ മഹീമയീ ।
മഹായജ്ഞാ മഹാവാണീ മഹാമംദരധാരിണീ ॥ 15 ॥

മോക്ഷദാ മോഹദാ മോഹാ ഭുക്തിമുക്തിപ്രദായിനീ ।
അട്ടാട്ടഹാസനിരതാ ക്വണന്നൂപുരധാരിണീ ॥ 16 ॥

ദീര്ഘദംഷ്ട്രാ ദീര്ഘമുഖീ ദീര്ഘഘോണാ ച ദീര്ഘികാ ।
ദനുജാംതകരീ ദുഷ്ടാ ദുഃഖദാരിദ്ര്യഭംജിനീ ॥ 17 ॥

ദുരാചാരാ ച ദോഷഘ്നീ ദമപത്നീ ദയാപരാ ।
മനോഭവാ മനുമയീ മനുവംശപ്രവര്ധിനീ ॥ 18 ॥

ശ്യാമാ ശ്യാമതനുശ്ശോഭാ സൌമ്യാ ശംഭുവിലാസിനീ ।
ഇതി തേ കഥിതം ദിവ്യം നാമ്നാമഷ്ടോത്തരം ശതമ് ॥ 19 ॥

ഭൈരവ്യാ ദേവദേവേശ്യാസ്തവ പ്രീത്യൈ സുരേശ്വരി ।
അപ്രകാശ്യമിദം ഗോപ്യം പഠനീയം പ്രയത്നതഃ ॥ 20 ॥

ദേവീം ധ്യാത്വാ സുരാം പീത്വാ മകാരൈഃ പംചകൈഃ പ്രിയേ ।
പൂജയേത്സതതം ഭക്ത്യാ പഠേത് സ്തോത്രമിദം ശുഭമ് ॥ 21 ॥

ഷണ്മാസാഭ്യംതരേ സോഽപി ഗണനാഥസമോ ഭവേത് ।
കിമത്ര ബഹുനോക്തേന ത്വദഗ്രേ പ്രാണവല്ലഭേ ॥ 22 ॥

സർവം ജാനാസി സർവജ്ഞേ പുനര്മാം പരിപൃച്ഛസി ।
ന ദേയം പരശിഷ്യേഭ്യോ നിംദകേഭ്യോ വിശേഷതഃ ॥ 23 ॥

ഇതി ശ്രീത്രിപുരഭൈരവീ അഷ്ടോത്തരശതനാമസ്തോത്രമ് ।

sri tripura bhairavi ashtottara satanama stotram in malayalam