Harivarasanam (Hariharaatmajaashtakam) in English

harivarāsanaṁ viśvamōhanam
haridadhīśvaraṁ ārādhyapādukam |
arivimardanaṁ nityanartanam
hariharātmajaṁ dēvamāśrayē || 1 ||

śaraṇakīrtanaṁ bhaktamānasam
bharaṇalōlupaṁ nartanālasam |
aruṇabhāsuraṁ bhūtanāyakam
hariharātmajaṁ dēvamāśrayē || 2 ||

praṇayasatyakaṁ prāṇanāyakam
praṇatakalpakaṁ suprabhāñcitam |
praṇavamandiraṁ kīrtanapriyam
hariharātmajaṁ dēvamāśrayē || 3 ||

turagavāhanaṁ sundarānanam
varagadāyudhaṁ vēdavarṇitam |
gurukr̥pākaraṁ kīrtanapriyam
hariharātmajaṁ dēvamāśrayē || 4 ||

tribhuvanārcitaṁ dēvatātmakam
trinayanaprabhuṁ divyadēśikam |
tridaśapūjitaṁ cintitapradam
hariharātmajaṁ dēvamāśrayē || 5 ||

bhavabhayāpahaṁ bhāvukāvakam
bhuvanamōhanaṁ bhūtibhūṣaṇam |
dhavalavāhanaṁ divyavāraṇam
hariharātmajaṁ dēvamāśrayē || 6 ||

kalamr̥dusmitaṁ sundarānanam
kalabhakōmalaṁ gātramōhanam |
kalabhakēsarīvājivāhanam
hariharātmajaṁ dēvamāśrayē || 7 ||

śritajanapriyaṁ cintitapradam
śrutivibhūṣaṇaṁ sādhujīvanam |
śrutimanōharaṁ gītalālasam
hariharātmajaṁ dēvamāśrayē || 8 ||

śaraṇaṁ ayyappā svāmi śaraṇaṁ ayyappā |
śaraṇaṁ ayyappā svāmi śaraṇaṁ ayyappā ||

Harivarasanam (Hariharaatmajaashtakam) in English