prātaḥ smarāmi gaṇanāthamanāthabandhuṁ
sindūrapūrapariśōbhitagaṇḍayugmam |
uddaṇḍavighnaparikhaṇḍanacaṇḍadaṇḍaṁ
ākhaṇḍalādisuranāyakabr̥ndavandyam || 1 ||
prātarnamāmi caturānanavandyamānaṁ
icchānukūlamakhilaṁ ca varaṁ dadānam |
taṁ tundilaṁ dvirasanādhipa yajñasūtraṁ
putraṁ vilāsacaturaṁ śivayōḥ śivāya || 2 ||
prātarbhajāmyabhayadaṁ khalu bhaktaśōka-
-dāvānalaṁ gaṇavibhuṁ varakuñjarāsyam |
ajñānakānanavināśanahavyavāhaṁ
utsāhavardhanamahaṁ sutamīśvarasya || 3 ||
ślōkatrayamidaṁ puṇyaṁ sadā sāmrājyadāyakam |
prātarutthāya satataṁ yaḥ paṭhētprayataḥ pumān || 4 ||
iti śrī gaṇēśa prātaḥsmaraṇa stōtram |
Ganesha Pratah Smarana Stotram in English