শ্রী ত্রিপুর ভৈরবী অষ্টোত্তর শত নামা স্তোত্রং

sri tripura bhairavi ashtottara satanama stotram in assamese

শ্রীদেব্যুবাচ
কৈলাসবাসিন্ ভগবন্ প্রাণেশ্বর কৃপানিধে ।
ভক্তবত্সল ভৈরব্যা নাম্নামষ্টোত্তরং শতম্ ॥ 1 ॥

ন শ্রুতং দেবদেবেশ বদ মাং দীনবত্সল ।

শ্রীশিব উবাচ
শৃণু প্রিযে মহাগোপ্যং নাম্নামষ্টোত্তরং শতম্ ॥ 2 ॥

ভৈরব্যাশ্শুভদং সেব্যং সর্বসংপত্প্রদাযকম্ ।
যস্যানুষ্ঠানমাত্রেণ কিং ন সিদ্ধ্যতি ভূতলে ॥ 3 ॥

ওং ভৈরবী ভৈরবারাধ্যা ভূতিদা ভূতভাবনা ।
আর্যা ব্রাহ্মী কামধেনুস্সর্বসংপত্প্রদাযিনী ॥ 4 ॥

ত্রৈলোক্যবংদিতা দেবী মহিষাসুরমর্দিনী ।
মোহঘ্নী মালতী মালা মহাপাতকনাশিনী ॥ 5 ॥

ক্রোধিনী ক্রোধনিলযা ক্রোধরক্তেক্ষণা কুহূঃ ।
ত্রিপুরা ত্রিপুরাধারা ত্রিনেত্রা ভীমভৈরবী ॥ 6 ॥

দেবকী দেবমাতা চ দেবদুষ্টবিনাশিনী ।
দামোদরপ্রিযা দীর্ঘা দুর্গা দুর্গতিনাশিনী ॥ 7 ॥

লংবোদরী লংবকর্ণা প্রলংবিতপযোধরা ।
প্রত্যংগিরা প্রতিপদা প্রণতক্লেশনাশিনী ॥ 8 ॥

প্রভাবতী গুণবতী গণমাতা গুহেশ্বরী ।
ক্ষীরাব্ধিতনযা ক্ষেম্যা জগত্ত্রাণবিধাযিনী ॥ 9 ॥

মহামারী মহামোহা মহাক্রোধা মহানদী ।
মহাপাতকসংহর্ত্রী মহামোহপ্রদাযিনী ॥ 10 ॥

বিকরালা মহাকালা কালরূপা কলাবতী ।
কপালখট্বাংগধরা খড্গখর্পরধারিণী ॥ 11 ॥

কুমারী কুংকুমপ্রীতা কুংকুমারুণরংজিতা ।
কৌমোদকী কুমুদিনী কীর্ত্যা কীর্তিপ্রদাযিনী ॥ 12 ॥

নবীনা নীরদা নিত্যা নংদিকেশ্বরপালিনী ।
ঘর্ঘরা ঘর্ঘরারাবা ঘোরা ঘোরস্বরূপিণী ॥ 13 ॥

কলিঘ্নী কলিধর্মঘ্নী কলিকৌতুকনাশিনী ।
কিশোরী কেশবপ্রীতা ক্লেশসংঘনিবারিণী ॥ 14 ॥

মহোন্মত্তা মহামত্তা মহাবিদ্যা মহীমযী ।
মহাযজ্ঞা মহাবাণী মহামংদরধারিণী ॥ 15 ॥

মোক্ষদা মোহদা মোহা ভুক্তিমুক্তিপ্রদাযিনী ।
অট্টাট্টহাসনিরতা ক্বণন্নূপুরধারিণী ॥ 16 ॥

দীর্ঘদংষ্ট্রা দীর্ঘমুখী দীর্ঘঘোণা চ দীর্ঘিকা ।
দনুজাংতকরী দুষ্টা দুঃখদারিদ্র্যভংজিনী ॥ 17 ॥

দুরাচারা চ দোষঘ্নী দমপত্নী দযাপরা ।
মনোভবা মনুমযী মনুবংশপ্রবর্ধিনী ॥ 18 ॥

শ্যামা শ্যামতনুশ্শোভা সৌম্যা শংভুবিলাসিনী ।
ইতি তে কথিতং দিব্যং নাম্নামষ্টোত্তরং শতম্ ॥ 19 ॥

ভৈরব্যা দেবদেবেশ্যাস্তব প্রীত্যৈ সুরেশ্বরি ।
অপ্রকাশ্যমিদং গোপ্যং পঠনীযং প্রযত্নতঃ ॥ 20 ॥

দেবীং ধ্যাত্বা সুরাং পীত্বা মকারৈঃ পংচকৈঃ প্রিযে ।
পূজযেত্সততং ভক্ত্যা পঠেত্ স্তোত্রমিদং শুভম্ ॥ 21 ॥

ষণ্মাসাভ্যংতরে সোঽপি গণনাথসমো ভবেত্ ।
কিমত্র বহুনোক্তেন ত্বদগ্রে প্রাণবল্লভে ॥ 22 ॥

সর্বং জানাসি সর্বজ্ঞে পুনর্মাং পরিপৃচ্ছসি ।
ন দেযং পরশিষ্যেভ্যো নিংদকেভ্যো বিশেষতঃ ॥ 23 ॥

ইতি শ্রীত্রিপুরভৈরবী অষ্টোত্তরশতনামস্তোত্রম্ ।

sri tripura bhairavi ashtottara satanama stotram in assamese